德興茶餐廳 (已結業)

德興在沙田聞名已久的食肆之一。但由於較少到沙田市中心逛街，加上平日有大量街坊光顧，需要輪候多時，所以身為沙田友的我，仍未曾光顧。今日見德興不太多人，不用等位，便一試究竟。叫了鹵水豆腐，牛腩撈粗及炸兩。這裏每碟食物份量十分足料，先是來了鹵水豆腐($32)，共有3磚，豆腐很有豆味，而且非常嫩滑，值得一試。個人不太愛炸兩($18)，但見差不多每枱人都叫，便試試。其他食肆的炸兩一般都是凍的，但這裏的炸兩是即叫即制，連內裏的油條都是熱辣辣，有驚喜。牛腩撈麵粗($40)份量很大，可惜麵有點過長。整體食物質素不錯，性價比高，難怪屹立沙田多年。

往歐洲旅遊半個月，去到那裡無論吃了多少美食，最懷念卻是香港的雲呑麵。回到家放下行李，立即出外搵食。沙田區有不少麵食店，好運中心的德興也是其中一間稍具名氣的，我們晚上十時多去到還七八成滿。例牌叫了雲吞麵、魚蛋粉、牛腩粉及腐乳通菜。雲吞大大粒，餡料充足，蝦爽口有鮮味。魚蛋是他們自家製，有魚鮮味，但不是太爽彈。牛腩最好食，有少少筋及脂肪，濃濃香味。腐乳通菜是我們必食，大大碟，通菜是幼細那款，好像全年有供應。

為左塊鋼板要深入敵陣，沙田蝗禍嚴重，本想行去西田逛逛，行到半路驚見蝗潮兇湧，立即折返。沙田跟上水同樣蝗禍嚴重，慘不忍睹！肚餓了，想食日本拉麵但對附近幾間食肆都不感興趣，唯有其求食碗潮州麵。印象中好運中心有間麵檔，德興？以前好似唔係叫德興喎，叫咩都好啦，照食。勁多水客、蝗蟲嗡住晒，幸好我一個易搵位。檯椅放到密麻麻，可以媲美大排檔，肥少少都行唔到呀！魚蛋墨丸麵走蔥，都要 $33 蚊。墨丸混有墨魚肉，鮮味濃濃不粉口，香甜結實富彈性，有質素真材實料。潮州白魚蛋夠穩陣，魚鮮咸香夠晒彈，好！鹼水麵好爽喎，但有點黏，過水不足呢。桂林辣椒油無咩味，掛上大量辣椒渣吊吊味咸咸地，點綴一下。潮州粉果，遲遲都未到，碗麵都食完，問左兩次終於都肯出比我喇。夠晒大隻，油淋淋反晒光喎。有隻外皮爛晒漏餡乽照出比我囉，賣相完全唔得。勁肥勁油，厚皮嚥韌入口滑嘟嘟。餡料已經唔多，仲要勁多沙葛及花生，無咩肉食。味道麻麻地，配上大量辣椒渣掩飾，免強合格。最好食都係大埔新明發，料多脹卜卜，乾爽唔肥。牛筋腩麵走蔥，比想像中好味喎，食得過。牛筋棉滑膠黏，味濃香甜，好味道。牛腩鬆化軟腍又無渣，可口香甜。湯底淡了點喎，就算撈埋腩汁都係差少

打波完場都成10點，唔想再食凍冰冰的快餐飽，想食暖笠笠既熱飯呀!人在沙田好在知窿路，仲有一間開得夜既餐廳醫肚，老是常幫襯的茶記，不論一田大減價、打完波之後、收工夜左，都會去既地方，10點幾入到去，都唔會有冷場，總有幾枱有人，多街坊呀。 環境:普通茶記格局。 食物:有粉麵飯炸兩滷水好多選擇，挑選左咸魚肉餅飯+紫菜湯，$37算係咁，唔好以為盅飯就一定係細，份量都不知幾多， 咸魚肉餅好厚咸香又彈牙好味，仲要一小舊咸魚，絕對唔HEA，正呀! 紫菜湯，好大碗多紫菜。 街坊既親切感，茶記同小店獨有的味道。 德興茶餐廳

叫左清湯大腩河粉連凍奶茶$39個河粉賣相唔錯，仲有股香味。食落牛腩麻麻，有點韌亦唔"林"。個湯底又唔係清湯，一般般啦。個河粉越食越大碗，份量好足，填肚一流凍奶茶:好好好甜，個甜度可以沖兩杯正常奶茶

週末同男朋友係沙田行逛，想食粉面但又吳想又食譚仔，就揀左呢間開左多年既茶餐廳天氣太熱叫左撈面，一個送既蠔油撈面$37菜肉雲吞撈面，雲吞麻麻地，男友話有薑味。個面鹼水味好重手打墨魚丸撈面，呢個要讚墨魚丸好彈牙，有鮮味。仲有其他手打丸類，應該都不錯。家鄉蘿蔔糕係蒸既，男友喜歡店甜醬食。野飲係單叫，無跟餐，都幾貴。食食下見到螂螂急急走

今日(17-10-2015 Sat)同男友o係新居整o野,大約7:30pm男友嗌走喇,我唔餓佢都話要食o野.暫時o係平台,我o地只見到有呢間茶餐廳,於是行o黎,經過多間唔同食肆,都見到有人等位,唯獨是呢間唔使,其實都有啲擔心.我o地入去坐低後睇,我見有港式點心,就要$13.00o既家鄉籮蔔糕,$5.00o既潮州粉粿,$5.00o既糯米卷.男友要$36.00o既蒸飯,要窩蛋牛肉,送養顏紫菜湯.好快,養顏紫菜湯即到,而我o個三件點心都到o黎,最後男友o既窩蛋牛肉蒸飯連豉油到埋.飲啖養顏紫菜湯先,紫菜量都多,味道都o岩o岩好,唔會太淡.之後我先食我o既點心,家鄉籮蔔糕籮蔔絲唔多,亦冇籮蔔味,口感亦太腍.而潮州粉粿呢,一樣係超腍,亦唔多食得出潮州粉粿應有o既味道.糯米卷,同樣係腍,但糯米腍係o岩,糯米味係有,但唔香濃.而男友o既窩蛋牛肉蒸飯呢?飯就好多,攪勻後,牛肉係滑,但味道同樣係冇乜,飯又太乾,成盅就係飯多餸少.最後連飲杯清水都有怪味,好唔掂呀!

今天下午係沙田做完運動下午茶時間又到睇來睇去，唔知食咩好，經過好運中心二樓德興開咗新店，敢就入去食吓清湯牛腩麵同飲熱濃寧茶牛腩一般麵質一般俾两星半，寧茶睇落一般旦有茶味俾三星，下次可以試吓其他，返食指數兩星半。

德興可以在沙田市中心立足多年, 原來是有故事的. 你知道新城市的租金貴到連麥記賺錢都要逼走, 新城市的店又逼到過沙田廣場和沙田中心, 就知租金猛於虎啦! 而德興仲可以咁大間鋪, 聞說是因為好食, 所以有特平租金. 平日中午想吃是很難的, 因為要排隊等位, 等到有位你既lunch hour就過左了. 現在趁放暑假, 人少少, 終於可以吃到了. 我見好多人吃一個橙色汁的飯, 好似幾好味, 便問阿姐是什麼, 原來就是午餐, 怪不得多人食, 因為平過其他飯. $42午餐, 有湯又有野飲. 茶記來說唔算好, 但附近的茶記, 泰華, 潮家, 都要啦! 仲要這裡是連住新城市既商場喎! 想要平D可以叫潮州湯河, $30. 首先來的是凍奶茶, 加$2就梗啦, 我又習慣叫多奶的. 嘩! 一飲, 真係要讚!   我自問縱橫茶餐廳多年, 飲奶茶無數. 雖然近年年紀大減少了飲奶茶, 但新試的餐廳當然要試下. 之前黑白淡奶推出搵名字杯我都有參加架! 可見我的確是奶茶fans, 我推介得係可信的. 記住, 係茶餐廳奶茶, 唔係西式水汪汪果種. 佢有茶味, 又夠多奶, 好鬼滑~接住出場既係例湯. 混布乜乜湯, 都好

是一間看似頗為傳統的舊式茶餐廳，覺得這類舊式茶餐廳的食物通常都頗地道，便進去一試。點了個粥麵餐。一看端上來的炒麵，已經感覺失望。一來不是用傳統的幼麵來炒，而且又實在太油了。一間最失敗的餐廳就是桌上的食物賣相已經令食客不大想食！粥是皮蛋瘦肉粥，賣相都是一般，但味道還可以。但最嚇人的是杯“加送凍豆漿” ，過甜而且是微暖的，喝了半啖就得放棄！平就夠平，但吃得下的就只有碗粥！

係沙田唔知食乜好,行行下黎左呢間茶餐廳, 其實好多年前都食過, 印象都ok。 今日叫左個魚旦撈麵, 開頭食都正常, 唔可以話好食, 見個面的份量都大碗, 34蚊ok la, 但點知愈食愈苦, 個口好大陣苦味, 最後放棄了, 因為真是太苦, 我問友人呢d係咪就係細細個d人話鹼水面的鹼水味, 因為真是冇食過鹼水味, 原來真是可以苦到咁......魚旦魚片味道係正常，但撈麵的靈魂係個湯.....個湯都唔太ok, 好淡口......不過都唔夠個面得人驚.....

we had wanted to have lunch at shing kee noodles, but the fish sets had sold out.so we returned to 德兴粥面店, which we past on the way to shing kee noodles.the braises including braised goose were only served in the evening from 5pm.we had to settle for the porridge. i had the chicken innards porride 鸡杂粥. it was so good! porridge was very sweet & great. & the chicken innards were great too.sis had a 艇仔粥. did not take photo, but it was very good too. & both were HK$24!^^

今日約左個fd去沙田食宵，大家都有啲想食粥，於是就入去諗住試下呢間德興茶餐廳。我見到個餐牌，見到有雞什粥，又未試過，於是就決定試下～第一啖食落去就已經覺得好有雞味～最驚啲粥淡味。呢碗雞粥主要有雞肝，雞腸同雞腎，好似冇食到有雞肉。個人黎講就最中意食雞腎，唔係幾中意食雞肝，因為實在太'霖'。而我個fd就叫左碗，佢話啲魚片太少，有啲淡，唔係太好食。

尋日7點去完沙田補習，朋友行街，行到去德興餐廳，比佢既蒜香味吸引住，入去睇下咩餸咁香，唔洗等位即刻有卡位坐，原來今晚特餐係「蒜蓉汁牛扒飯」，再加炸帶子，我就拿拿聲點左。個餐黎得幾快，5分鐘就到！牛扒幾厚，肉質鮮嫩，肉汁鎖住係塊扒，肉味幾濃，讚！個汁真係好香，細細既蒜蓉粒令汁好有層次，淋落塊扒再送飯真係一流呀！炸帶子都幾好食，外脆內軟，好有鮮味，不過有隻炸得有d燶，但整體都係唔錯既！成個餐有飯有帶子，仲有塊多士，有湯同飲品，都係51蚊，算係抵食，下次會再黎。

真係好難食，飯唔夠熱，牛肉用好多梳打粉處理過，豉油又唔香，真係食左兩啖已經想放棄唔食。其實我食野要求唔高，但d牛肉“那餌”嘅，本來諗住隻蛋唔熟，但飯夠熱都可以半熟，但只可以用暖黎形容，真係好失望。