德興茶餐廳 (已結業)

肚餓唔想食飯,專登行嚟食碗麵,叫咗碗双丸河,墨丸同豬肉丸都O.K.但係個湯底好似水咁,毫無味道18皮一碗,專登去食會有D失望,好在D丸仲可以

今天晚上來quick dinner,叫?：１）４寶麵﹣有魚片（鹹?小小）,魚旦（帶小小胡椒粉味）,墨丸,魚皮餃（帶小小麻油味）,魚扎：幾滑同彈口嚇；魚皮餃同魚扎絕無糊口的感覺,皮餡分明，d料整體質素平均﹣麵都算爽口,無嘜?水味,但份量唔多﹣在無期望帶點驚喜２）蝦米腸﹣未飽,故再添１碟蝦米腸﹣但唔多得因太粉,太腍,而且d豉油同甜醬太鹹同太濃，太杰

魚片粥, $13 - 粥底很綿, 滑, 又夠味, 正! 鮮魚片一大堆, 加點點新鮮幼薑絲, 蒽段, 吃起來沒腥味。他們的粥品水準不錯的, 就算是瑤柱白粥也很甜, 夠味的。齊腸, $8 - 軟、滑。下次要再食蒸蘿蔔糕, 印象中, 水準也不錯的。

同家人行到5點，大家都好累，依個時間媽咪就提議去食沙田有名o既茶餐廳充充電~ 行左一陣，原來係德興!食過好幾次啦，唔知道係咪算有名，不過人多同食物味道唔錯就係真o既~ 　家人叫左美味o既牛腩河+油菜(依度牛腩一向好好食，河粉就稔左d)；我未餓，所以點吞拿魚三文治茶餐~ 是日我杯凍奶茶超甜，相信水吧失手喇；好在件吞拿魚三文治有適量生菜及沙律醬，水準幾好加返分~　坐一坐，又有返力再shopping~

裝修之後用左橙色為主調, 同粉嶺名都分店一樣.食物冇咩特別, 都係果D, 個人推介都係各式粉麵, 魚蛋河幾彈牙又唔係貴.鐵板餐都OK, 不過賣相略欠誠意.同埋唔知大家發唔發覺, 逢係華懋的商場都總會有間德興在內(上水名都, 粉嶺名都, 沙田希爾頓, 沙田好運, 屯門康麗廣場) 不知是否有關係......

那些魚片通常一球放係底呀~~係要你食時自己攪開好讓滾熱的粥能將之燙熟~~如果你冇攪開, 咁裡面就可能會唔熟~~好多舊式粥店都係咁做架....可能佢地覺得魚片好快熟...又好易滾爛...所以唔會同粥一齊滾架~~

此店除了有潮食外, 還有湯麵,粥,腸粉及港式小食供應。看過餐牌, 價錢相宜, 又來過例牌, 粥底又綿又漿又熨口, 魚片弄成一埋放在底, 味道一般, 吃到尾時有些還未熟透, 想請問近火車站除了連鎖式粥店外, 還有其他選擇嗎？

沈日同男朋友喺度食左蠔餅,炒蜆及四寶粉,每樣都好好味! 蠔餅好足料,好多蠔仔,炒蜆好惹味,河粉好爽滑,魚蛋彈牙! 本來想試九肚魚烙餅,但係已經賣哂,唯有等下次!

來沙田諗唔到吃乜時，都會第一時間走o黎度，因為好多食，又好味又抵。 最喜歡來這兒吃粥同蘿蔔糕，粥底綿滑，鮮甜美味，試過魚雲、雞、豬、皮蛋…全都是心水之選，另外不得不吃的蘿蔔糕，真係好好味，雖然配較少，主要食糕，但整得真的不錯，糕身軟糯，不會因太多粉過實，又不會太少粉過削，蘿蔔糕是蒸的，清清，冇咁肥膩；此外，佢地o既潮洲粉麵都不錯，九夠彈牙、麵爽口冇鹼水味，河粉又幼滑。價錢合理，以茶餐廳來說，質素相當不俗。

其實佢地既粉麵冇乜特別，同旺角既粉麵鋪比，只算二至三流！平？OK 啦。但係成日都有爛仔打疐，你諗你喇...

天氣咁凍，最好食個熱辣辣0既早餐~要左個粥餐，有:咸瘦肉粥，料太少，粥底係幾乎一粒米都搵唔到0既糊仔咁。不過都ok 啦，平嘛。油炸鬼，唔係一孖，係一條﹗豆漿一杯。一字記之曰：平

Boxing Day諗住去鋸扒,咁平平地去這裡, 叫o左两個鐵板:鑊仔牛柳+黑椒汁+紅豆冰+羅宋湯,o的扒幾夠水準,好味.仲叫了個蝦仁海鮮焗意粉, 好香, 不過芝士味好濃, 食唔慣就會覺得好膩.overall, 幾抵食.

訓醒要食早餐, 突然好想食粥. 同男朋友2個要左皮蛋碎牛粥同豬紅碎牛粥. 粥底幾綿. 都唔太稀. 但就咸左dd. 都有幾多牛肉. 唔錯. 不過炸兩仲正. 層腸粉好薄, 好滑. 裏面0既油炸鬼好脆卜卜. 而且仲係熱辣辣. 我見到佢係即叫即做, 所以係好新鮮架.

呢度勝在位置好，人流旺，食飯時間都坐無虛席。吃過這裡的臘味煲仔飯，都唔錯。潮式粉麵味道就普通左D，價錢亦略貴。

廿零蚊有湯有飯有飲品, 各自有不同選擇, 3-4款飯選擇, 飯可選配白汁,蕃茄汁,黑汁,豉油汁和燒汁, 而且質素不差, 以茶餐廳來說, 更是高水準呢! 回想以前在沙田上班時也經常來吃午餐.