德興茶餐廳 (已結業)

閒日同朋友黎呢度食晚飯order左以下既野紅豆冰: 味道比較淡...不夠甜...杯底既紅豆都幾完整下完全冇起沙...最奇怪既係...咬開紅豆...紅豆肉係紅色嫁!!! why!!!??火腿煙肉焗長通粉: 來到既時候非常熱...有d泡泡係汁中間冒出 滋滋聲咁表面鋪滿芝士...我叉舊長通粉仲拉出芝士絲呀...嘩!!!!!!長通粉其中有火腿,煙肉,蘑菇...普普通通既材料配埋cheese汁食...即係好味好多但個人覺得整體偏油小小...所以食到一半開始飽飽滯滯咁我當然冇浪費啦...我最鐘食cheese嫁啦...最後撈哂cheese...清左埋單才$38...這裡食物不俗也非常經濟

講左幾年話要買G10，星期一就要去越南旅行，無理由仲唔出手，於是今天收工就去買喇﹗終於買到了，以後影食物又可以再靚0的喇﹗食左幾日大魚大肉今日決定都係食個麵就算﹗來左德興，點了個炸魚皮，雲吞墨丸麵，而工友就要了四寶撈粗﹗墨魚尚算彈牙卻未見太出色，墨魚丸偏少唔夠咬口，可以更好﹔雲吞入口鮮甜，豬肉明顯多過蝦肉，所以口感油膩左少少﹗工友的四寶佢話平平無奇，近似在街市是旦買返來，無甚特色﹗炸魚皮很薄身香脆似是就咁一片皮生炸，口感爭0的亦不夠香，可以更好的﹗不過呢度有樣好，就係勝在大碗，大件夾抵食，個麵我估有其他麵鋪的倍半左右，食極都食唔完，夠哂飽肚﹗

牛"月利"酥 $7 ~ 好耐冇食過所以要去買返個黎食 , 之前都係食開海皇粥店 , 今日就嘗試一下呢個德興茶餐廳既油器 , 好大個既牛"月利"酥而且每一啖都好厚實 , 雖然係偏油左d , 不過味道唔會太甜 , 不過可能放左一掣時間 , 所以已經唔熱唔脆 , 新鮮炸起個陣應該會更加好食 , 至於餐廳其他野食就真係不太有可能吸引到我去食囉。

晚上來吃個中式早餐，艇仔粥拼油炸鬼，粥算甜，但略為稀，一碗綿的粥確實難求。那條油炸鬼，勁硬，不放在粥裏浸一會是差點兒咬不開的。友人那碗牛肚河，嘩，打開門口做生意，先不說味道了，但賣相好少少得唔得？蔥粒都沒有，感覺非常hea。這些街坊茶餐廳，吃的可能是人情味，不是居住這區，固然吃不出。

星期日要送家中愛犬到醫院睇醫生，出發前點都要醫左自己個肚先﹗走左來呢度，見係德興茶記就入，點知入到去係食粥的，阿姐同我講叫我過來呢一間，都係德興，不過有麵食﹗十點鐘已全場爆滿，好不容易找到半邊單人卡位坐，點左個兩餸麵餐﹗要左雪菜肉絲加腸仔麵，都幾大碗，只係腸仔已經有成三條，夠哂足料，味道一切正常茶記風味，早餐都係最緊要夠飽，要找好味的都是留番夜晚吧﹗食完出發去做狗褓母，有時覺得家中寵物病仲慘過自己病，鬼叫自己錫佢咩....唉....

9Jan呢晚放工又去搵野食.其實唔係好肚餓.只係想搵D野,暖個身.因為實在太凍啦!!間鋪都幾旺,可能佢比較夜收鋪.不過D坐位就麻麻,坐得比較逼.食物方面都係一般.只係貪佢比較就腳.牛腩米粉:牛腩超<銀>.好難咬開,好似炆得唔夠時間.炸兩:凍冰冰既,可能擺好耐.D鼓油仲好咸添.皮旦碎牛粥:多料.但D粥好似唔夠綿.好既一餐唔好既又一餐......

2008年12月15號 - 夜晚8點左右瘋狂的雪糕局之後就返番沙田行街。 見肚餓就看看沙田市中心有什麼野食。 去到好運中心看到德興茶餐廳就試試la。入到去就看看有什麼野食先。 Um。 有個常餐都28蚊。 但是我覺得應該會不太飽的。 所以看看飯果類。 見到他們有雞絲炒飯(我喜歡的)就試試la。 加埋例湯&熱奶茶都是38蚊。 都覺得OK。個奶茶來先。 都覺得OK。 但是他們用左包裝糖。 覺得不太環保。 所以覺得可惜。 之後來左個飯la。 試試先。 Um。 好好味呀。 D肉夠熟&熱同埋D飯炒得好好 (不會痴埋一齊)。 仲有埋菜添。 例湯都好好飲。 好滿意呀。環境都OK。 但是覺得比較暗一點。 又無電視。 不過都坐得舒服。

自己住在附近, 所以都好常去lee度食野有時會叫多碟油菜 or 炸魚皮最重要要加 "辣椒醬" ... 好好味架 ~但最近好似加價得好密要成廿蚊一碗雲吞麵,近幾個月, 由17加到去20...都好犀利喎 ~不過, d野都好食唯有好間唔中至加多碟油菜 or 炸魚皮la

喺沙田好夜先食飯，西餐茶記都差唔多收工之際，仲有呢間餐廳，幫襯過好多次，次次都幾好，噚晚又係成十點先去食晚飯，當然揀佢啦，佢勝在四大發明粥粉麪飯都有齊外，仲可以打冷，咁多嘢食仲開到咁夜，所以佢越夜越好生意！入去坐低佢仍然如常好旺場，好肚餓唔理咁多，亂叫一通： 叉燒腸粉：皮薄到見到入面啲餡，外表晶瑩剔透，食落滑嘟嘟，入面嘅叉燒仍然有咬口，豉油惹味，正！ 豬大腸拼鵝腸：大腸整得軟綿，滷水味香濃，鵝腸亦夠爽夠彈，墊底嘅花生香脆，好快清碟！ 炒蜆仔肉：因為突然想食所以叫，今次差咗，有碎殼，好咸，應該食粥先好叫！ 臘味蒸盅頭飯：未到冬天都有呢啲嘢食，叫個試吓！臘肉出乎意料嘅瘦，唔太硬，幾好味，臘腸夠香夠肥美，當然啲飯索晒啲油係最好味嘅！食完餐飯都十一點幾，仍然好多夜鬼嚟到，我哋都未算叫夜！

0係沙田區非連鎖式粉麵店買少見少，呢間德興仍然係「人頭湧湧」，仲要埋隔離間舖位，實行擴充營業.. 當然有佢優勝之處。兩個人，叫左個粉果、魚蛋米和牛肚牛筋米。(見圖，但用舊手機拍，所以好暗 >.<)。首先黎左個粉果，熱辣辣， d 餡都整得好惹味... 但 d 花生太唸，同埋個皮厚左少少。之後到魚蛋米: 上菜時，d 魚蛋放在米粉下，係佢地特色黎既... 所以圖片只見白濛濛一片。佢 d 湯底好白好清，d 魚蛋非常爽口彈牙，食咁多年水準都係咁高。如果鍾意食清淡既，可以試下呢個。至於濃味既呢，就可以試下牛肚牛根米... 呢款湯底比較深色，係落左味精既，但唔算好勁。而個湯底就好重花椒八角味，即使落左牛肚和牛根，但佢唔會係成層油浮起面果 d ~ 而佢既牛肚好爽口，佢既牛肚食落都好有口感。除左呢兩個米粉之外，仲想推介多一樣 -- 就係四寶湯。佢既湯底並唔係話味精水再加層油，而係用返佢奶白色既魚湯底.. 四寶亦好足料。所以建議如果唔係食粉既，可以試試佢。

響沙田市中心，想食碗粉，就搵到e間德興，叫左墨丸河同潮州粉果，粉果外表尚可，但粉皮同餡料都係"梅"既，碗河粉d墨丸就又"林"又無味，終於都要浪費食物。

四寶米,不知何故有魚片,魚札,魚蛋,墨魚丸及豬肉丸五款丸物除了魚札和魚蛋胡椒味較重,整碗東西普通得沒有吃下去的衝動;眼看別人的蘿蔔糕既粉又濕如發脹浮屍更是倒胃雖說這樣,還是捨不得將這頓午餐吃完這米粉是第一次,唯一一次,也是最後一次,而你亦一樣感情線不會蔓延,只會愈走愈遠

本人住係沙田咁耐就食足佢d粥咁多年..我覺得佢d粥真係好好咪..係我係沙田食過咁多間最好味既..其次就係雲吞河..其實佢d牛腩都ok嫁~不過佢d打冷野就認真唔好得..唔試好過..

兩年前食過後﹐早輪又去食午飯。11點幾﹐要魚蛋河可以無魚蛋﹐淨係得魚片﹐河粉碎濕濕。同枱另一個顧客要牛根﹐夥計又話無牛根﹐只得牛腩。呢的甘大路的都無﹐基本上不如唔好做生意。11點幾唔係食午飯時間﹐只得三份一的顧客﹐都要等十幾分鐘屬於離譜。可能附近得巨一間茶餐廳唔憂做啦!

今晚來個quick dinner,上次食後感覺唔差,今次試吓撈麵啦。先試碗湯,清清地帶點鮮味,合格。再來1口撈麵,今次d鹼水味幾出,尾隨d麵沾咗小小蠔油,就立即可以將鹼水味蓋過。最重要是麵質竟然帶糊口,雖是滑,但毫無彈性可言,失手?4寶(魚片,魚旦,墨丸,魚皮餃同魚扎)尚算可以