心。泰 (已結業)

昨晚約了一行八人到新城市廣場, 在眾多新餐廳中, 千挑萬選....選了個爛燈盞....香葉坊, 所以真是不吐不快。真係呃錢, 又唔抵食, 碟頭好細食極唔飽, 好似有好多新奇餸菜給引, 令你好想叫好多好多食物來試, 但食物味道及質素都强差人意, 我哋大大話叫咗成十幾碟嘢, 都無碟好食, 只是有一味輕燒吞拿魚就真係好食, 可能魚肉生鮮, 半生半熟, 口感幾好, 配以檸檬調教的汁料, 清新好味。柚子沙律酸到嘔,又無柚子; 全部食物只得一人份量的碗碟大細, 不管是appetize or main course 都係, 甚至冬蔭公湯(味道ok,但好鬼多香茅,"慘" 口, 喝時要預先處理)、炒貴刃(喊及齋=鼓油王貴刃)、黃葱飯(乾、硬,至慘係無味), 都不能給大伙兒share, 我想就算係一個人食都不飽肚。併盆應該係二人份量only, 蝦餅唔似蝦餅, 根本唔係用蝦肉造, 好似係魚肉或其類似的整成,味道一般未算最差, 但失了食蝦餅的樂趣。特色有咖啡骨,待應大力推薦,都幾得意同特別,看得出廚師有心思, 咖啡味包著豬肉骨, 但有感覺似食緊香濃咖啡蛋糕但係個texture係肉,同埋係喊味的食物, 感覺新奇

我係被呢間鋪頭嘅環境吸引，但係一試到Ｄ食物就...我試咗佢哋嘅軟殼蟹春卷，海鮮喇沙同香矛豬扒椰香飯.首先,春卷唔脆,軟殼蟹淋晒,個醬汁不知所謂，要成５２蚊,離晒譜!! 個喇沙雖然有帶子同大蝦,但係個湯就非常杰同無味,簡直好似飲橙色嘅椰汁一樣。唯一滿意Ｄ係個飯可以入得ロ,但總括嚟講,都係差,價錢又貴.我以後都唔會再幫襯佢。

偶然行開，見到有下午餐食，價錢平，入去試下，估唔到真係喜出望外。叫左兩個TEA，一個係十五蚊的扎肉喇沙配玫瑰薑檸檬疏打，一個係十八蚊的香茅蝦餅串拼玫瑰薄荷茶。扎肉喇沙很熱，椰香味極濃、辣度適中，上碗極靚，係我在香港吃過最似喇沙的喇沙。扎肉就好普通，街市貨，但都OK。蝦餅唔錯，又係上碟勁靚，一枝香茅插著兩件蝦餅，綠配橙黃，賞心悅目，可惜少左O的，得兩塊，味道好，有大頭蝦味，彈牙，有落鯪魚打，雖然油左少少，但十八蚊，想點呀?兩杯飲品都好特色好靚，都有玫瑰花在水面浮下浮下，真係靚到呀...薑檸疏打薑味太重，雖然冰飲都喉嚨都好熱，玫瑰薄荷茶最正，一上時好熱，仲有一片薄荷在水中，薄荷味好重，食完野後飲茶暖左，一飲而盡，嘩，茶過喉嚨個下，真係勁滿足呀。埋單兩個餐計埋加一都唔駛四十蚊，真係抵到暈。

2005年5月28日(星期六) 下午7時因屬同一集團，這裡的裝修與同系「香葉棧」極之相似，座位與座位空間不大，算是整潔。我們三人點了以下的食物:<p>香葉拼盤($78)：包括軟殼蟹牛油果米紙卷、泰蝦餅、橘香汁鰻魚條及兩串沙嗲(牛、雞)，軟殼蟹極之細小，毫無口感可言；蝦餅反而幾好咬口，整體算是中規中矩。輕輕燒吞拿魚柳($55)：配香茅檸葉絲和青檸辣汁，吞拿魚柳面層稍熟，內裡就生的，口感一般！原個椰青焗海鮮飯($68)：海鮮不多，汁不夠濃，味道偏淡。焗鱈魚泰脆米($48)：外表就好吸引(見附圖)，吃落就冇晒癮；脆米確實係脆，但沒有味道。鱈魚就不敢恭維，雖則話係凍食，卻沒有什麼口感，乾爭爭，可以不試！香葉兩小糕($32)：賣相討好，香葉架央蛋糕上面加上香葉雪糕，充滿淡淡架央味的蛋糕軟棉棉，香葉雪糕就口味清新，這已是當晚最好味的食物。是日特飲($15)：所謂特飲，只是當天特價飲品「西瓜啤梨汁」，味道只是一般。食物上桌很快，不用45分鐘就有被催迫埋單的情況出現，本人明白店外多人等位，但都沒理由令食客感到像在吃快餐吧！這裡有獨立的洗手間，不需要與其他商戶共用洗手間。雖然地方細小，但

作為一間新開張的食肆, 想客人返來再幫襯當然最緊要係服務和食品本身既質素, 估唔到呢間開了兩天既食店又運作得幾好喎: )午市套餐由$21-$58 不等, 分量唔算大但夠食, 今日點了一個香茅豬扒辣椒膏炒貴刁都唔錯, $30加札肉青瓜沙律小食和一杯青檸梳打真係好抵食, 服務和環境都算唔錯咯!!不過散叫個menu 比起午市套餐真係冇咁抵食呢, 不過呢度咁貴租係咁上下, acceptable 啦!