心粥館 (已搬遷) 新店位置

叫左海南雞飯餐同埋一個咖喱斑腩飯個海南飯可以唔食都得感覺食沙薑雞咁個咖喱斑腩就真係合格喇咖喱味得來又唔會太辣叫多個炸餃子味道過得去喇咬落成日有D油嗶出來

與朋友一起到這間比較便宜的食店開飯...我0rder了一個 海南雞飯+水蜜桃汁~而朋友就吃竹筒鰻魚飯~味道不錯啊~而且雞身好嫩~缺點:水蜜桃汁就比較甜...飯不夠油~xD服務態度一般~不俗~！

食物質素都ｏｋ，但服務態度真係幾差食物選手都多ｇｅ但ｄ餐牌睇得有ｄ亂！叫左個竹筒雞粒墨魚飯～ｄ飯唔太夠熱～放食物落黎果位ｗａｉｔｅｒ好重手加上食物隔好耐先黎飲品菊花蜜過甜～

之前位於千色店那邊，試過幾次也覺得唔錯，不過價錢貴了點。搬了去悅來酒店後，第一次試。味道還過得去，價錢也可以接受，但侍應......嘩~~~差到.... d o靚妹好明顯是part-time，我們點了菜又唔覆，點的時候都估有問題，ok佢唔願意覆，我們就當我們諗多，但結果.....咪錯完一樣又一樣囉...都算，改回來就算，但果幾個part-time妹妹仔，大無施樣大聲聲傾無聊偈，當d 客透明。有一個又成日企起鏡前左照右照....唉....叫佢斟水，走埋黎，無啦啦話"我最鍾意斟水，唔駛煩！".....跟住d 水就滴落我個friend 到，我個friend 叫左聲，佢都無反應，到我們身邊d 人齊齊話"嘩~~~濕晒喇！"佢先講左句sorry 後彈開，都無期望過佢攞張紙巾或枱布來.....走果時，我最好脾氣個friend都忍唔住問收銀果個男人(似係老闆)，佢就一味話"唔好意思，佢地part-time"....part-time就可以咁樣？雖然食物和價錢也ok，但都唔考慮幫襯。

星期日晚（５－８－２００７）８點幾９點去食晚飯，咩種類的食物都叫左d，粥粉面、炒小菜都OK。服務員的質素都幾好。叫左兩杯所謂既”精選飲品”，鮮窄芒果汁同鮮窄西瓜汁，但完全不知所謂，一d都唔似鮮窄囉，同飲糖水冇分別，同呃錢冇分別！！之後叫左個熱芝麻糊，好似漿糊咁，一"PAT PAT"，叫人點食呀！換左碗椰汁西米露，以為會好Ｄ啦，點知仲衰，碗野成碗臭口水咁，完全令人難以接受！！果位水吧員完全係唔識整野既，咁既飲品、甜品都整得出，絕對係"勁"啦！！唔怪得知心粥館要請佢啦，原來係"人才"黎既。講真，D食物幾好都冇用啦，俾d咁既質素既飲品、甜品影響曬，叫人點再去幫襯呀！唔好話我身為香港人唔去丫，間舖開係酒店下面，完全影響曬香港既聲譽呀，d旅客都唔敢再黎香港消費呀！

(14/6/07)等左差唔多15分鐘,才有得食。少許透明,應該是西米皮,五粒夠大粒,又煙韌。但那杏仁鮮奶....好大朕香精杏霜味,而且甜到不得了。>_<

我呢就岩岩係外國返黎既...果日行到去荃灣見到間心粥館..個名都幾好聽呀,,裝修都幾好睇,咪入去試下啦...一入去就俾人問歡迎光臨,請問幾位架..咁我就一位姐..入到去坐左個卡位..之後就俾杯茶我啦..咁我咪睇下食咩囉..拎起個餐牌.咦.幾靚喎..叫左個魚蝦蚧粥..嘩!!大大堡..滾住出...心諗一個人點食呀呢次死啦但係個粥就真係幾好食既..從來都未試個咁好食既粥....重有好多小菜同燉湯..好吸引..最哀今次飽得制..下次一定試其他野正!!!!!下次大家都可以試下推介!!!

(2/12/06)行左好多間o野,都要排隊,咪黎呢間食啦。五個人,二人套餐有湯,有飯,有兩餸。椰子烏雞湯,無椰子味,咸咸地雞湯味,尚合格。花其參雞湯、川芎乜乜湯。餸:燒汁牛仔骨秀珍菇、豆豉薑蔥雞煲,勁咸!西蘭花炒斑塊,一般,好油。雲吞菜雞煲,又有粉絲,雲吞好味。我諗食粥、食糉之類,會好味D。

佢由千色那邊搬過黎....係開既時候...初初都唔錯...愈做愈差! 過左黎見有埋小食- 蒸腸粉, 蘿蔔糕...試下先!兩人叫左個魚片豬肝煲仔粥, 灼菜心, 蒸腸粉及蘿蔔糕! 粥綿...不過..太"結" , 豬肝又過左少少火..同區既裕發好好多! 灼菜心, 普通一碟菜! 蒸腸粉得幾條仔..唔熱又唔凍! 蘿蔔糕好足料...足係粉多蘿蔔少....差差差!

想同屋企人去試呢間野好耐........個日終於去左食....4個人...叫左一個豬手飯......一個竹筒飯..牛腩面同一個粥........食物都ok.....個粥仲幾好味......但係de野飲就好差......我地叫左1個凍華田..1個凍擰水同1個熱擰水.....黎哂野飲之後..又黎多杯凍擰水......我地話已經齊哂.......個待應話未......仲指住張單話有....張單都寫明左凍華田..凍擰水,,熱擰水.......佢就話係兩杯凍擰水....講極都唔明.......個態度係我地呃佢咁.......真係激氣......另外就係de野飲好淡.......凍擰水一de都唔甜...無味....叫待應加糖水之後都係咁......凍華田得好少味....淡到咩咁......食緊個陣都見到有其他客要換野飲......話無味....可想而之有幾唔得....另外就係個態度....個個待應都係度傾計.......叫幾聲都唔應......我地一路落單佢就一路傾......態度好差......另外想提ge就係我臨走見到有日本人想叫野食.......但係個餐牌淨係得中文......我見到個日本人

昨日同屋企人出街試一試新開既呢一間"心粥館"，最主要係媽咪想去，咁一行五人就慕名而來啦，大約晚上七點幾去到，門口幾好看，但一入到入面....1.)無人帶位，想話找張可以容納到我們的位子，之但係無人坐的檯面上盡是未有人清理的碗筷(應該已付款吧?_?)2.)坐了都有成二十分鐘都無人有空接Order..(看到她們又真的很忙..得三個人真係做野咁)3.)入錯Order,落Order時叫了個"北菇鮑片魚片粥", But來了個"北菇鮑片滑雞粥"，因為等得太久了，太餓..照單全收啦唯有4.)服務員質數參差，有個好做得肯跟野(小小肥的)，但係有d就好行....處理唔到d客人投訴，比人有一種好強既敷衍感覺5.)食物質數參差，粥類的確唔錯；竹筒飯吃得過；木桶飯則失了"木桶"既真正味道，因為個木桶入面仲有個不鏽鋼盛器，真正接觸到炒飯的不是"木桶"其實是"不鏽鋼"；那個"XO醬炒腸粉"的粉質太厚，而且成碟野很油，d油有成半個湯殼既份量，很肥膩呢6.)單據亂派...當我們吃到差不多的時候，只見一個服務員氣沖沖的將一籃子滿的單據，一氣過派到單據上印有的號碼的檯面上，奇怪的是我收到"兩"大張單據，一張是第一次落單，

新開張，一定要試一試。一行三人就來食晚飯，三位都是細食之人，見佢有個二人餐就岩晒。其實二人餐都唔少野，有一大煲粥、一個飯和一個餸，仲有兩杯飲品，兩個人點食得晒呀?!我們要了皮蛋蠔豉廋肉粥、茄汁肉排竹筒飯和白灼鯪魚球。好大煲粥，算足料，粥底都可以，話晒佢地係叫賣粥既專門店，個粥一定有番ｄ保證。竹筒飯份量都好足，唔好睇少佢細細個竹筒，d飯"質"到實一實，其實都好多。酸酸地亦幾開胃，不過肉排唔得鬆化。白灼鯪魚球有八粒，不過有骨我就唔太鐘意。$88二人餐可以食飽三個人，收貨啦！