心粥館 (已結業)

午飯時間同4個同事叫左2個2人餐一齊share 食，有米線、有菜飯、有小食、有野飲、有甜品，所有食物質素都好對得住個價錢唯獨食到最後個甜品，木瓜雪耳糖水，有半條小強屍體

一直很希望能嚐試此店，碰巧逛街到此分店。時間大約11時許，店員很友善，提醒我與朋友可把握時間點嚐早餐。我這次點了生菜粟米粥，配炸雲吞。個人認為此店的早餐配搭挺有特色。炸雲吞肉鮮爽脆;生菜肉碎粥夠綿亦清淡，吃下除了給人一種創新的口味，也令人感到滿足舒暢。個人認為此早膳美味而讓人滿足，值得回味和讚賞!

第一次去魚米家心粥館一起的店。現在才知它倆是同一集團的。 平常都是很長龍的，但今天不知道走什麼運不用等太久就可以有位了。今天點了要加錢的菜肉水餃酸辣湯粉， 南瓜粥及炒麵套餐及豬扒菜飯餐。※南瓜粥味道不錯但就是份量有一點太大了。※菜肉水餃湯粉就是一般水平。量很大。※豬扒飯是厚切豬扒，炸得不錯，沒有很乾很硬，還有點肉汁配菜飯感覺很好! 48元連熱飲很合理!凍飲加2元。午市如人多可能要拼桌但也還好因為座位蠻寬的。

今日再同阿 Fi 食飯，因為上星期佢肚仔唔舒服，所以今日同佢食得清淡啲！幾年前嚟過 D2，當時 D2 仲係剛開業冇耐，至今再嚟，D2 已經多咗好多鋪頭！我約1點嚟到，等咗大概10分鐘就入座喇！我點咗食極唔厭嘅蝦子麵在配熱菊蜜，阿 Fi 就點咗艇仔粥配熱水蜜桃汁。因為阿 Fi 上星期病請咗幾日假（陰公豬），今日超多嘢做，遲咗放lunch，嘢食到咗一陣先嚟到。我嘅蝦子麵如一貫嘅好味！我冇記錯的話應該雲吞水餃各有2粒！個麵可能因為浸耐咗，淋咗少少，不過都仲好味嘅！而雲吞水餃冇因爲浸咗陣影響，依然爽口！而阿fi因為唔係好舒服，淨係食咗個粥，啲麵冇咩點食過，陰公豬！

週日午餐時間人山人海，朋友話自己最愛果醋豬軟骨酸酸甜甜，我就選最傳統牛腩撈配水餃。撈麵始終有小小梘水味，牛腩同水餃都好食，水餃内有木耳，口感好，份量也很足。$48包飲品，也很合理。

同朋友去行d2市集後諗住食個晏點知間間餐廳平均消費都百幾蚊一個！於是揀間全場最平本身都係行至餓想填下肚坐下，期望不大叫左個蜜汁豬扒菜飯份量唔算多，但起碼個菜飯唔會黃哂菜都仲有d爽口，唔會梅哂咁豬扒咬落幾淋，唔會乾爭爭本身個味都好夠，甜甜地好開胃呢個配泰式辣醬有d奇怪，所以我無點總括呢個係d2平價之選服務好好，可能因為平，所以比較多人，有機會要搭枱

做咗成日嘢，見到哩間嘢有燉湯飲，諗住補一補就入去食晚飯。原本諗住食土魷蒸肉餅，竟然無……唯有食蘿蔔牛腩飯，蘿蔔唔夠入味，牛腩好腍好入味，不過其實普通貨色。燉湯好失望，味道好淡，似好淡嘅花旗參水……總之就係唔好飲。

想食粥唯有去D2 place嘅心粥館。去到有位即入座。叫左一個米線，一碗粥。果醋豬軟骨魚湯米線之前食過呢度嘅豬軟骨，肉同軟骨煮得幾腍。所以今次再叫。點知今日嘅豬軟骨出左事，有點韌😐由於豬軟骨個汁濃味，遮蓋了魚湯嘅鮮味。淨係食到豬軟骨個汁嘅甜味。不過味道還可以的。米線質地很好，唔會煮到肣晒。啱我的口味，因我喜歡食比較硬嘅米線。☺️如果個豬軟骨唔係咁韌的話，整體會好好多皮蛋瘦肉粥呢個真係麻麻地😐粥太杰。米係腍，但完全唔綿。我深信應該沒有加精味，因為除咗鹹味，我食唔到鮮甜嘅味。皮蛋一粒我都冇食到，因為皮蛋黃個顏色太古怪，勁啡啡黃黃咁。不是晶凝通透 。總結:米線係OK,不過粥就真係麻麻地了

本來 7 點黎荔枝角係打算同朋友仔食西班牙菜架麻，點知 full 左，waitress 話最快要等到 7 點半先可能有位，可能？唯有放棄，是但搵間食完就返大埔，點知坐低無耐就打電話比我，太遲喇！您已經流失左我依個客仔喇。朋友仔決定帶我去心粥館，無所謂，未去過。嘩！勁多野食喎，炒粉麵飯、廣東小炒、潮州粉麵、煲仔粥、魚湯米線、蒸魚、蒸餸、菜飯、燉湯、等等，最正係好多蒸魚菜色，好少有。好似太雜喇麻，花多眼亂好多野想試，但得兩個人食唔到咁多。普通快餐店格局，環境一般。估唔到各侍應嬸嬸們熱情有禮又耐心推介食品，非常難得！地方都幾寬敞，晚市食客都不太多。鵪𪂹燉湯，應該每款既湯膽都係一樣，有 order 就落料滾一滾，可能係，哈哈。鵪𪂹邊可能咁油架，雞油？不過堅夠火喉，香味濃郁帶蔘鬚及藥材味道，仲有兩舊鵪𪂹肉咬吓，好好飲，雖然油左少少，我都全部飲晒，甜美可口。淮山杞子花旗蔘老雞燉湯，朋友仔碗湯料多我好多喎，聞到非常香花旗蔘味，特濃雞味芳香，同樣好飲好飲。膏蟹煲仔粥，可以揀一隻蟹或兩隻蟹，一蟹粥誠惠 HKD68 蚊，無期望所以無失望。蟹肉都新鮮甜美帶肉汁，不過勁細隻無咩肉，蟹膏欠棒。粥底夠棉，但食唔到

是日初四 陪老公出去打室內golf，打波前決定醫左五臟廟先 　在D2 Place的3樓巡了一圈，最後揀了心粥館.....餐牌都幾多選擇，心大心細添最終揀左果醋豬軟骨菜飯餐 (配柚子蜜) $48京都炸醬撈麵配迷你雲吞 (配柚子蜜) $45先送上來是的是 果醋豬軟骨菜飯餐菜飯的香味一般，菜香欠奉飯的質地太腍，感覺有食緊隔夜飯的感覺豬軟骨份量不少，汁醬頗多，不過賣相看來挺油膩豬軟骨煮得夠腍身入味，一咬即散，而且軟骨位置也充滿膠質，味道調得不錯，酸味及鹹味適中，配飯一流 (如果可以換返換新煲的白飯更佳)接着的便是 京都炸醬撈麵配迷你雲吞多搭兩條烚菜心，補充一下纖維素迷你雲吞有像是有2-3粒(忘記了)味道很好，看來應是他們的招牌之一，下次應該點雲吞食說回份炸醬撈麵先撈麵質地彈牙，這次還是建議用來浸雲吞湯食因為我真係未試過咁酸的炸醬好像下了雙倍醋的份量~~~而且炸醬除了肉絲，還加了一些疑似菇類的物體，又酸，又咬唔開，咬下去的第一啖真接吐了出來，不敢吃了下次都是叫 雲吞麵之類比較穩陣.....

某天早晨，吃粥的意慾蓋過理智，剛巧行經心粥館，馬上入內吃個粥做早餐。艇仔粥熱是熱，粥底是一舊舊的，綿爛糊口。而粥內發現的配料有魚肉一小片 、瘦肉丁一粒、 花生數粒、 魷魚鬚兩條、蔥花少許、反而豬皮絲 卻有無限量的多，根本不成正比，又如何可稱為 「艇仔」粥呢？豉油皇炒麵炒得不夠乾身，醬油不夠豉味，麵條根本上不了色，肯定火喉不足，炒出來的麵過於肥膩，半點醬油香也沒有。 配料有些甘荀、蔥、椰菜碎等，凍冰冰硬轟轟的，難以下嚥。一碗粥+一碟麵的早餐$35，價錢屬中等，吃後絕不心足，但是成功地令小人喪失吃粥的興趣，短期內也不會去想粥麵。

今天和妹妹行D2 place, 發現心粥館餐牌的食物款式不錯，於是決定在此吃晚餐。我們點了薑蔥帆立貝粥、蝦球肉丸粥和混醬齋腸粉。粥很熱但不會太燙口，我喜歡這個溫度，粥很甜，質地浠杰程度適中，口感相當不錯，沒有味精味。蝦球很爽，肉丸一般，帆立貝新鮮軟熟，薑絲易入口。腸粉連醬吃很有街頭風味，正！

這晚胃口不太好，想吃些粥麵，恰巧在荔枝角地鐵步出，便在此找吃。荔枝角D2 Place商場晚上人流不多，找到這間心粥館，不用考慮便坐下來。粥品的選擇頗多，有傳統的艇仔粥，還有較新的配搭。我就揀了「北菇蠔豉滑雞粥」（$40），用料頗為充足，蠔豉大大粒又腍，菇片切成薄片，但仍爽滑，反而雞件只是普通大小，粥也欠缺雞味。另外，我明明叫了煎餃子，但卻來了同一價錢的炸錦鹵雲呑，雖然雲吞炸得非常脆卜卜，但落錯單仍是一個缺失。

我食過D2既心粥館五六次了...朋友仔都話呢間分店真係最好服務呢度真係幾唔錯, 侍應反應快, 出菜都快食物方面, 每次出菜都熱騰騰, 炒野又唔會太重油小菜真係好得的!!!!菠蘿醋既豬軟骨好淋, 蒸肉餅唔會咸, 栗米斑塊又唔會杰tat tat、馬拉抄菜唔會勁油~有次叫了十二個小菜外賣, 黎到d野都係熱ga!!! Amazing!!!

D2 place入面有幾間食肆 最後去左魚米（佢出面個牌係大大隻字寫住魚米）點知入到去先知原來佢係心粥館不過是但喇 見佢入面都幾企理就入去幫襯叫左帆立貝滷肉撈麵連雲吞（$45）果醋豬軟骨撈麵連水餃（$4x）兩個set都包杯熱飲但我地加左$8轉紅豆奶茶撈麪最怕佢唔夠唸同食到梘水味 但佢呢隻完全冇！食落有咬口又唔會太硬！份量都多 有半碟既滷肉 4-5粒帆立貝 2粒雲吞 佢個雲吞水餃真係不得了 個湯好鮮 一定落左蟹子煲 飲完唔會好口乾水餃入面落左木耳同蝦 好爽口果醋豬軟骨就冇咩醋味 但煮得好唸 肥瘦均衡飲品方面 奶茶奶味好夠 有好多紅豆 一齊食唔會過甜 好味之選總結：咁抵價錢食到高質食品表示開心