心裡有素 (已結業)

廣華醫院附近這間素自助餐開了好一陣子，一直都以為普通野，估唔到都幾有驚喜，尤其炸物超水準，完勝香港其他素自助餐。菜式部分有用雞蛋，蔬菜種類非常多元化，煮法也很有創意或特色，吃起來很有新鮮感。缺點係空間比較狹窄，取餐時十分逼夾。素自助餐位處油麻地和旺角站中間，附近是廣華醫院，交通方便不難去。香港素自助餐價錢都差不多，這天午市來吃非常旺場，各種年齡層的人都有，也有學生連群結隊來吃，如果一兩個人的話就可能要搭檯。中間６張大圓桌，單邊有三張卡位，桌與桌之間只夠一個人身位，大隻少少都行唔過，取餐時都幾逼夾。最少人吃的沙律吧，可能因為都蓋起來沒留意，而且熱盤很多款式很吸引。菜式全部無五辛，也沒有素肉，蛋白質的話主要係雞蛋和豆腐。菜式無特別標明是否含蛋奶，不過炒菜類應該都係純素，無見到蛋應該就無蛋。蔬菜種類真係好多元化，每一盤都是不同菜，有些更是平日比較少吃到，例如萵筍都幾開心，炒菜亦唔係清炒／蒜蓉／薑汁等常見方法，調味幾有特色，例如桂菜番茄和孜然福花都幾好食。平常不太吃炸物，但這間真的炸得很好吃！而且熱辣辣又真心脆，間中又會補上，唔小心就食左幾轉，要去飲涼茶先得啦！盤子有點太細隻，每次都不能取太多

契女改食齋，新年期間要即刻book位都唔容易。最終去咗附近呢間「心裡有素」，個名好特別，雖然平時有經過，但無特別食開齋，所以無留意。中午時段$88任食75分鐘！有大量唔同款式餸菜選擇，而且仲好好味添！基本上唔係食齋菜，只係無加肉類，所以同平時小菜口味一樣。我覺得最好味就係涼拌粉皮🤩不停食咗三轉！仲有至愛嘅炸茄子！整體餸菜口味啱食，有湯有甜品，亦有不同飲品選擇！

第一次食素食自助餐，感覺呢度既菜式選擇都算多，有菜、有瓜、有西蘭花、有豆角、有蕃茄、有薯仔、蒸水蛋等，仲有湯同粥，個粥係皮蛋粟米粥，本身以為會偏淡，但食落好夠味，幾好食炸物有炸南瓜、炸菇、炸茄子，唔會好油膩，炸得唔錯甜品方面有山楂糕同蛋糕🍰飲品都有幾款，試左菠蘿蜜糖特飲、熱陳皮茶，兩款都唔錯總結係呢間素食小店值得一試，同埋呢度都有派愛心飯盒，幫襯下都可以當做善事一舉兩得

作為食肉獸既我俾fd逼去食過一次自助素食餐廳之後就打開左新世界大門😂。呢次黎試第二間，成人90min自助晚餐$138/1，相當抵食👍🏻。🔅主食粥粉麵飯都有，任君選擇✨。炒飯可以配小菜食🖖🏻，黑松露炒伊麵唔錯，炒意粉就辣辣地，都ok。🔅小菜咕嚕合桃真係幾似咕嚕肉🤣，好特別。黑椒薯仔同蕃茄蛋都唔錯👍🏻。蔬菜都有好多款，梗有一款啱口味😋。🔅飲品有菠蘿蜜糖特飲、羅漢果紅棗茶同黑桑葚山楂茶，3款都好特別。🔅甜品估唔到呢到都有creme brulee食，夠香滑，唔錯🤤。💬小小餐廳既自助餐都唔可以expect太多🤣，食物都ok。不過座位實在較逼，張枱偏細，同朋友坐卡位都係啱啱好，食食下仲要加2個人黎搭枱😐。對面仲會打邊爐…所以食完同朋友都急急腳走人算🙈。

今日陪媽媽到旺角這心裏有素的素食自助餐廳吃午餐，原本對素食沒有什麼期望，結果這間餐廳是超乎我的想像。.首先，價錢方面，午餐是$78一個人，沒有加一服務費而且星期六日也是同一個價錢，自助餐而言，真的1很實惠平一個好少少的車仔麵都不只。餐廳近旺角廣華醫院，郵局對面，染布房街和登打士街的中間，廣華街。地點上都尚算優越方便。.而且食物款式多又好食。例如當天有廚師推介咕嚕肉（咕嚕合桃），新鮮炸起正，個人覺得10分有創意，如果不說是素食根本上咬下去酸酸甜甜真的會覺得是咕嚕肉。.其他比較受歡迎的，當然是天婦羅，因為Team得很快所以吃完之後就熱辣辣有一盤新的，有天婦羅茄子番薯及草菇，當去了半個日本餐廳啦。.當然不少得有很多不同種類的蔬菜，羅漢齋等等；也有無限任添的炒粉麵，豆腐的種類也有很多。.另外，我覺得必食的是三色蒸雞蛋及茶葉蛋，三色蒸雞蛋很嫩滑，茶葉蛋十分入味，個人覺得有少少鹹。.另外一邊有沙律及生果，也有甜品。白朱古力抹茶蛋糕有驚喜！.飲品方面，都有很多選擇，包括新會15年老陳皮茶（媽媽說老陳皮很貴的）、有澳洲黑蜜糖檸檬水加維他命C；也有湯水及粥⋯⋯ 素食而言款式真的是十分多。這個價錢你真的是

先旨聲明，我不是全天候茹素者，偶爾想清清腸胃，或平和下心情，就會選擇吃餐素。誰不知這一餐，吃到一肚氣。$68下午餐，我不會有甚麼高期望。普普通通正正常常，ok了。我知道對「普通正常」的定義，人人不同。但至少，「有嘢食」，而不是感覺剩餘的餸尾，這是否奢求呢？在門口望進去時，見到有些「吉盤」。男友說應該會refill的吧，就決定試試。3:24 p.m.入座，先付款。10分鐘，不見refill，讓大家睇下當時的狀況：開胃嗎？湯呢？問職員阿姐話「會出嘅會出嘅」但一直見佢地都是出一盤盤錫紙兜的到會食物，堂食卻沒有。其他所謂沙律和甜品「十室九空」，影都廢事影了加上我影嗰陣，阿姐話我做乜影相我話咁冇嘢食，影低佢留個紀錄放上網畀大家知道幾點黎會冇嘢食嘛！阿姐就話我心地唔好話食素嘅人心地點解咁樣我真係好希望老闆睇到而家我食到畀職員人身攻擊當時我都有d擔心會唔會幾枱都是熟客個個都幫住餐廳，覺得我搞事慶幸的是，大家目標和感覺一致同我同一張圓枱、已經準備走的嬸嬸話「你地入黎都冇嘢食！後面嗰d炸嘢唔知食唔食得呢？你去拎嘛！」我話返佢知嗰d一睇就知係做到會的我地係 無 資 格 食㗎～另有3枱的食客大家你眼望我眼，

-有時食得多肉都想食下素菜🥦今次試咗一間無「五辛」嘅素食自助餐五辛姐係蔥、蒜、韭菜、蕎頭同洋蔥款式種類又多又抵食😋餐廳座位唔算多，裝修擺設平易近人反而多咗一份人情味🥰/餐廳菜式種類繁多有前菜炸物、沙律、主食粥粉麵飯、家常小菜、養生飲品、甜點等等分類前菜炸物私心推介：桂花蕃茄、炸秋葵蕃茄上面有淡淡桂花味，清新得來好開胃本身都好鍾意食秋葵嘅我炸秋葵真係越食越停唔到口炸物外皮鹹鹹地夠晒惹味😋/主食粥粉麵飯，我私心推介：煲仔飯煮好嗰時店員會通知大家想食嘅記得同店員講🙋🏻‍♀️秘製醬汁好惹味，有輕輕辣味🔥就算好飽都食得晒一碗飯🫢/家常小菜，我私心推介：合桃咕嚕肉醬汁酸酸甜甜因為加入果醬，用合桃代替肉類正宗啖啖肉🤤喺舖頭嘅其中一款招牌菜👍🏻/養生飲品包括十五年陳皮茶、紅棗羅漢果茶、黑蜜糖檸檬水等等全部味道天然冇加糖夠晒清熱解渴，飲多幾杯都唔怕🤭/由於太多人鍾意食甜品，老闆話甜品款式已增加甜品私心推介：反沙芋頭、貓山王雪糕反沙芋頭我自己超級鍾意食😍但已經好少餐廳肯做要將溶咗嘅砂糖變返結晶，真係好考廚師嘅功力💪🏻貓山王雪糕又係另一驚喜榴槤味超濃郁，啖啖都係真正榴槤味身為榴槤控嘅你一定要試🤭/老闆好熱情招

平時出去食飯都係多肉小菜，偶然食下齋清清腸胃都幾好。素食自助餐通常一窩蜂擁曬最好食過d，但呢間堅係好大方，勝在款式多～兼補新菜快，確保每味送都有得添。即係鍾意食嘅野，添多多都得。服務招待熱情，新菜出爐會主動問你要唔要d，毫不吝嗇，行出門口發現仲提供派飯，果然良心店家先做到。炸物隨便夾，其中炸茄子最受歡迎好快食光光，十幾分鐘就即刻整到新嘅出黎，鬆脆可口。咕嚕肉味道整到好似可以試試。另外炸秋葵都好特別好好食，推薦度5/5🌟。豆腐青菜各有所愛，款式多樣，菜色真系多到試唔曬。所以自己揀自己想食嘅就可以唔鍾意食咁多菜，可以整返個自助沙律。自己整自由配搭，鍾意食生果就多生果少沙律菜自助沙律，推薦度5/5🌟健康餸梗係要配健康飲品蜜糖檸檬水，紅棗茶，山楂茶最鍾意凍飲，可以飲下湯食下粥呢個粥其貌不揚，其實足料好味，推薦度4.5/5🌟呢兩個其實係兩種雪糕黎，左邊貓山王，右邊北海道牛乳鍾意食榴槤推薦揀貓山王5/5🌟，牛乳都幾香，可根據口味自行斟酌雪蛤燉蛋白一聽名就知道美顏功效十足啦，好有心焦糖燉蛋，呢個糖衣加滑蛋，做到外脆內軟

某日諗住獨自一人喺油麻地食lunch 打算門外面觀察下座位店內環境狀況驟眼望落店內人流唔算特別多都有幾處卡位係空嘅心想應該坐落幾舒服然後就踏入店內店舖就採取預先付款嘅形式咁俾完錢之後店員就安排我同其他人坐埋一張大圓檯但係檯同檯之間非常之近一度同隔離檯嘅客人背貼背😥至於嘢食方面冷盤味道正常最為人詬病嘅係衛生問題見到店內有蚊滋係食物附近飛食咗第一輪之後已經冇咩食慾之後有有大班客人入店店員安排佢哋同我一齊搭檯遲嚟嘅朋友仲未搵到座位於是其他同行嘅客人一直關心我嘅進食進度令我壓力山大最後我喺眾人目光嘅壓力下帶上對環境髒亂擠逼嘅不滿結束約15分鐘嘅素食之旅

呢間位於旺角次素食自助餐一向大獲好評，趁初一十五就去朝下聖啦，點知非常失望！ 環境比我想像中細同迫，拎食物既區域無特別區隔出黎，每次拎食物既時候都一定會撞到人/櫈，感受唔太好。 另外，最誇張既係炸物款式非常少，同埋一refill完就比人搶晒，然後好耐都無再refill，成個下午茶時段淨係食到一次炸物。我搶到炸茄子同炸菇，味道偏鹹同埋好油，食完之後成個碟都係油。 由於地方較細，食物款式都唔多，仲要好多款食物都係得返好少，好似廚餘咁。不過佢既黑松露伊麵係唔錯，黑松露味好重，好好味。 鹵水野我明係會偏鹹，但個鹵水豆腐係鹹到入唔到口！ 飲品方面款式反而幾多，有唔同既茶包比你自己沏茶，仲有檸檬蜂蜜水都幾好飲，解下膩，真係太油。 員工態度係幾好，但餐廳又細又迫，食物款式少，又refill超慢，真心吹大左，劣評❌

再訪抵食90分鐘素食自助餐，健康又豐盛，晚市時間滿座，好受歡迎，店員服務態度很好☺️ 食物款式種類多，有各款炸物、冷盤、炒粉麵飯、小菜、湯、沙律、水果、甜品設有會員制，一年只需要$20，可以每次都獲得專屬甜品食物質素不錯，乾淨衛生，亦能保持溫度👍🏻飲料有熱茶、玄米茶、豆漿、竹蔗茅根水等等醬料有秘製辣菜脯、沙茶醬、黑松露麻醬、千島醬等等晚市二人消費(成人)：$276 (不設加一服務費) 必食推介：黑松露蒸水蛋、黑松露乾燒伊麵 黑松露味十分香濃🤩川味東北大拉皮 煙韌彈牙，辣度適中，好惹味溏心蛋、合桃咕嚕肉、煲仔飯、甜番薯、粟米 炸秋葵、南瓜天婦羅、番薯天婦羅、茄子天婦羅、炸椒鹽茶樹菇，全都香脆可口

情人節未必要大魚大肉嘅，大茹大素都得㗎嘛，油麻地有間素食直頭有埋自助餐，90分鐘任食裡面任食嘅選項幾多，一開頭就有天婦羅同前菜。天婦羅有啲秋葵、南瓜、茄子等等，比日式嗰種更有味道前菜有涼拌粉皮、涼瓜、豆腐同桂花蕃茄，開胃到會令人encore如果唔夠仲有沙律吧，多款配搭任揀最大類型一定係小菜，有極之多款，例如炆薯仔、茄子、蕃茄炒蛋、唔同煮法嘅蔬菜等，款款都送飯一流當然唔少得麵飯類，有炒飯、伊麵同意粉有時姐姐仲會問你試唔試煲仔飯𠻹，用豆腐整成，辣辣地都唔錯除咗擺出嚟嘅食物，廚房好頻密出新菜式，仲好鼓勵食客嘗試。佢地派咗啲甜合桃同糖醋合桃俾我地食，超過癮咁好食溏心蛋有顏值有味道，好綿滑仲有碗仔翅，好香胡椒味蛋類真係好出色，黑松露蒸水蛋令胃民飽極都要翻叮。茶葉蛋超級入味，又唔會嚡口飲品養生得嚟，款式吸引但唔會好甜，蜜糖、紅棗茶、山楂茶同陳皮茶，飲完唔會有罪惡感甜品好似有雪糕，但大胃食唔切。但有蛋糕同山楂糕，又估唔到山楂糕嘅味道幾解膩

朋友有定時初一、十五食素習慣，所以今次約埋正月十五食新派素食自助餐。由於適逢正月十五，全場full booking兼門外有人龍等候安排入場，好彩我哋早少少已到，同埋一早訂了位，對了留位姓名及電話便立即安排圓枱入坐。呢間「心裡有素」自助餐。設有午餐（成人$88）、下午茶（成人$68）及晚餐時段（成人$138）。小店只有4張4人卡位及6張5-6人圓枱，有可能搭枱及易滿座，敬請預早訂枱，否則需要等候。全店素食，不含五辛，牆壁上會貼有名稱及含有蛋的食物。設有醬料區、自助沙律吧、炸物區及一排熱食區。熱食區除了有不同的炒蔬菜，亦有蒸蕃薯、粟米；亦有粥、炒麵飯等。偶爾會推出即炒熱食，由店員每枱每位派發，其餘的便放於自助區讓客人自行取食。沙律吧今晚有罐頭粟米及菠蘿，新鮮沙律菜，青瓜，車厘茄，蘋果南瓜及賀年大吉，芝麻醬。有3款炸物：秋葵，南瓜及菇。前菜涼拌方面，有麻辣粉條、芝麻醬青瓜及凍鹵蛋。碗仔翅及糖水全部由店員於水吧派發，碗仔翅足料，入面有喜愛竹笙；糖水係熱芋頭西米露。門外更有即煮熱辣辣煲仔飯，煮好後會由店員取入舖內分成小碗派發。煲仔飯除供堂食，亦可外賣，即叫即做，$58/份並附送飲品，十分超值。有

如果你追求健康飲食、又著重食物多樣性的話今次推薦呢間「心裡有素」就好岩你呢度講明素食不含五辛～.午市自助餐 $88 免加一 (75分鐘）晚市自助餐 $138 免加一 (90分鐘）.自助餐款式超多有齊哂冷盤、前菜、炸物、熱食、飲品同甜品熱色仲好有誠意有啲特別款式㗎.💚冷盤：涼拌涼皮、桂花蕃茄💚前菜：滷水豆腐、番薯、粟米💚炸物：炸南瓜、炸茶樹菇💚熱食： 黑椒薯仔、蒸滑蛋、茶葉蛋、炒麵、素翅💚特色款：咕嚕合桃、反沙芋（正！）、煲仔飯💚飲品：檸檬水、紅棗水、陳皮茶等💚是日甜品：西米露.refill速度都算快而且餐廳服務都非常出色店員姐姐一有新款式就會行一圈夾俾大家餐碟就最好用紙巾抹一抹先但整體餐廳環境都算幾乾淨企理絕對係CP價高既素食自助餐之選另外不得不提佢哋仲有送返服務比老人家咖又係一間良心企業🫶🏻

平時食得多肉真係好唔健康，今次就搵到依間專門食素食嘅《心裡有素》。佢地出名係善心餐廳，每個月初一、十五都會派飯比弱勢市民，真係值得支持下。聽個名其實都知道佢係主打素食自助餐，晚餐都係$138一位，價錢都好實惠。款式都好豐富，有粥粉麵，炸物、飲品、甜品、煲仔飯、前菜。炸物首選炸秋葵，外皮就到好香脆，內層濃稠多汁。另外炸南瓜片都可以試下，健康又唔多油，好似食緊薯片咁。前菜：佢哋提供多款新鮮沙律。如果想食得特別啲嘅朋友，可以試下糖心蛋、涼拌粉皮。涼拌粉皮好順滑，同埋辣辣地好過癮。熟食：一定要試吓佢哋嘅即煮煲仔飯，我就試咗豆腐煲仔飯，仲有飯焦，好過癮。飲品：多款養生又健康，澳洲黑蜜糖檸檬水、羅漢果紅棗茶、黑桑山楂茶。我就可以鍾意佢地嘅山楂茶，微酸又開胃。甜品：自取形式，焦糖燉蛋好多人排隊，去到嗰陣時已經冇晒啦，唯有是另外一個人氣嘅椰汁西米露，椰香味十足，粒粒西米又Q彈。人均💫138如果唔想錯過其他好介紹，記得follow我呀😘多謝大家！！！♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝ ♡⃝♡⃝♡⃝♡⃝心裡有素 (油麻地)油麻地廣華街38號地舖