心選 (已結業)

上個星期係旺角行咗好耐都唔知食咩，係豉油街見到呢間樓上cafe好似幾舒服，就決定上去食下啦呢間cafe入面好多大大張梳化比人坐，燈燒較暗坐落去都幾舒服。我地兩個人嗌咗兩個dinner set,等咗一陣野食就黎，都幾快手。蕃茄海鮮意粉味道新鮮，有好多材料有我最鍾意既帶子同埋大蝦，仲有魷魚同埋蜆肉，好豐富！意粉彈牙，唔會煮到淋曬。黑椒牛粒磨菇飯同樣地都係好多材料，青紅黃椒有晒，牛粒都幾多下，肉係嫩身唔痴牙，水準不錯！我地仲嗌咗個蜜糖雞翼，真係好好味！焗得好香口，甜甜地脆脆地，好鍾意

旺角地鐵站行過去大概4、5分鐘，地點好便利兩個人隨便叫兩個dinner set 同埋一個小食拼盤。小食拼盤可以揀5樣嘢食，其中特別推介蜜糖雞翼同埋椒鹽花枝丸！Dinner set 揀左「煙肉卡邦尼長通粉」、「三文魚南瓜忌廉意粉」。最近胃口唔係幾好，但都覺得煙肉卡邦尼長通粉煮得剛好，唔會過軟或者過硬，小小鹹鹹地嘅煙肉，再加埋卡邦尼，creamy得黎幾開胃🤠 Set 有跟野飲，揀咗「菠蘿梳打」同埋「草莓紅茶」，我覺得草莓紅茶感覺有用新鮮strawberry加紅茶，讚！去cafe食飯好處就係可以慢慢食，座位舒服，同三五知己輕輕鬆鬆飲下水，想玩board game嘅都有好多選擇

坐得非常舒服，梳化好像棉花糖一樣，一坐下去，好像完全溶化一樣🤪。這間咖啡廳，跟很多樓上Cafe室一樣，都有小遊戲隨便玩。同女朋友等嘢食期間，玩左一個有顏色嘅層層疊🙊坐對面個小朋友仲係咁望住我地玩🤣成間餐廳都好出奇地好多女仔一齊上嚟食嘢，可能環境舒適，方便大家傾計？如果坐景觀位，可以望到樓下旺角繁華街道。小食拼盤可以選擇五款小食，同男朋友開心share✌🏻選擇咗蜜糖雞翼、蜜糖脆皮腸、炸薯角，最後兩款都選擇咗椒鹽花枝丸。花枝丸入邊好多魷魚，又彈牙又香口👅。煙肉卡邦尼長通粉🧀🥓整體嘅調味啱啱好，唔會太鹹亦都唔會太多胡椒粉。整碟長通粉好多煙肉、芝士，雞蛋味道好濃郁Oero 奶昔🍪成杯野好甜、好正，有一粒一粒Oreo曲奇餅碎係入邊，記得叫職員比一支操飲管你，咁樣可以一路飲奶昔、一路咬餅乾🍪抺茶奶昔🍵你有一個好正嘅飲品，有好香嘅抹茶味、加入奶昔，成杯野綠綠地，又唔會太甜是日甜品🍰

再戰心選 因為梳化位真係好舒服 今次見到喺openrice book枱有8折 book左7點 ,之後見到book6點半有7折 ,不過限時兩個中 ,8折就無限 我地有成7個人有排吹,8折都好抵啦依個野菌黑松露忌廉燴飯 ,味道啱啱好 ,好香黑松露嚟到睇落好細碟 ,但原來都唔少 杯芒果沙冰好好味 飲得出有新鮮芒果卡邦尼攪混左之後 蛋黃變左汁 最後吹到得返我地一枱11點幾先走,服務都唔錯 ,見我地啲野飲曬 ,又會主動比水我地 重點可以坐咁耐仲要有折

由於係旺角食飯都比較多人，今次就揀左揀靜d既cafe坐下，順便放工食個飯。cafe既人唔算多，坐得都比較舒服，有梳發。叫左兩個意粉，因為有得自己揀要咩組合，所以就覺得比較特別，味道亦唔錯。不過要留意就係無論叫唔叫食物都好最低消費都係要一人一杯野飲。

之前食過覺得幾好先介紹比朋友，點知第2次來令到我同我啲朋友好失望囉！😡有加一收費不在下話，完全無服務可言！水又無，餐具都唔攞來！侍應仲要叫天不應叫地不聞！真系嬲嬲地！我地都仲要未食完，就執野，好似想趕我地走咁⋯過多陣又話夠鐘要請我地走！服務態度真系勁差！間鋪又唔系有人排隊，成間鋪人影都無隻！點解唔可以比人坐多陣呢？想同朋友傾多陣計都唔得，食野要好趕囉！我地都系想慢慢食，坐下玩下傾下計先上來，但點知會系咁！真系以後都唔會再上黎！😡

悠長溫書假期的最後一天來到了位於旺角豉油街的樓上Cafe心選，這裡座位以大梳化椅爲主，感覺悠閒舒適餐廳主打食物係意粉，猶如車仔麵般，可以自選配料搭配成不同口味的意粉🍝除了意粉仲有其他小食炸物我地叫左以下食物:煙三文魚配鴨胸蘑菇南瓜汁意粉煙鴨胸富煙燻香，三文魚很油潤呢！南瓜汁意粉濃稠度適中，味道不錯青椒雞柳蕃茄長通粉雞柳大大粒，滑溜溜長通粉有咬口，伴酸酸甜甜的蕃茄汁好開胃飲品選左紅棗杞子菊花飲，好足料！清甜滋潤最後加配左藍莓芝士蛋糕，質素正常，店員有心思地擠上醬料，令這個芝士蛋糕變得不一樣

在旺角的舊區竟然發現樓上一間西式餐廳，由一對年輕夫婦開的餐廳，叫做 (心選)。 先生做廚師，太太係負責傳菜同收銀。餐廳環境與樓下街上真不一樣，這裏不似旺角區餐廳的座位很逼很嘈，這裏更可一邊聽音樂一邊用膳，是讓人放鬆的環境。先點一碟海鮮意粉，有大大隻蝦，大大隻帶子。味道相當鮮甜，再叫一碟火腿長通粉加咗隻蛋， 將蛋汁撈勻後食有暖綿綿的口感。 最後叫了湯同甜品，甜品只是一般，年青夫婦在舊區裏創業，時刻堅持及守住自己的理想，希望他們繼續堅持將美食送到客人口裏。菠菜雞蓉湯好香雞蓉味首選呢碟海鮮意粉大大隻蝦同帶子火腿長通粉加隻雞蛋落去撈埋又唔同嘅口感 十分體貼的服務 這餐廳雖不太大,但有家庭嘅感覺也有三五知己暢所欲言的空間餐牌都好別緻,可以入會做會員價錢優惠一點

今次係第2次黎。環境好舒服。昨日訂左位。唔洗等位。叫2杯野飲，一個沙拉，一個晚餐。韓式辣雞長通粉。三文魚沙拉。荔枝奶昔草莓蘇打好貼心地食完野。會比杯水我地。好窩心下次會再黎

<心選 坐位舒服食物唔錯既cafe >😄呢間喺旺角豉油街既cafe坐位舒服有d sofa位 播住流行曲唔會太嘈 有唔少broadgame玩 ,.感覺唔錯 有d dinner set同小食 幾啱幾位朋友傾下計食下野 😀🍴全日早餐 98 蚊腸🐖 炒蛋 🥚蒜蓉法包 🍞 凱撒沙律 🥗茄汁豆🍅 材料豐富 蛋炒得密度高夠軟滑 沙律新鮮有d香脆既煙肉同芝士碎🧀 茄汁豆 正常 而蒜蓉法包好正 外脆內軟 牛油味香 🍞 腸仔都好夠香脆同夠香草味 十分唔錯🐖加20 蚊 大啡菇🍄大大個啡菇 夠juicy上面搽左芝士 邪惡 又夠match 🧀👍🏻🍴辣韓式炸雞長通粉 108 蚊 🍜🌶成個紅色既長通粉 醬汁真係韓菜辣醬嗰d味 辣度都有番甘上下🌶 雞肉雖然炸過 但未到好脆 入面夠嫩滑🐤 長通粉都多同爽 夠吸辣汁 加汁 紅椒同蕃茄 增加口感 味道唔錯😀🍴菠蘿沙冰 55 蚊🍍好新鮮既菠蘿沙冰 食得出好新鮮打成 好細心地 佢係整左中間舊冰 側邊有果汁 甘樣一開頭飲就唔會太硬 好正❄🍴熱情果奶昔😄 55 蚊熱情果本身係好酸既生果黎 但佢到個甜度適中👍🏻 奶味都幾香🥛 都充滿住熱情果肉 密度夠 溝得幾好飲w

平時甚少同爸爸撐枱腳，難得有2人世界，想揾下D樓上小店可以2父女嘆下。心選Cafe～全店放了不少胡桃夾子擺設，設計有點心思，座位寬闊，感覺幾開揚。餐廳環境幾舒服😌非常悠閒咁享受午餐Lunch有set揀，仲可以平$20，唔錯。我地分別叫左熱情果紅茶&水蜜桃紅茶！個人比較鍾意酸酸甜甜嘅野，熱情果茶有少少新鮮熱情果肉，岩哂我。煙三文魚忌廉南瓜🎃意粉爸爸👨話忌廉味岩岩好，菇🍄炒得幾香，意粉硬度適中，配埋煙三文魚。佢幾鍾意呢個意粉：）我就試呢個蕃茄汁煙鴨胸蘑菇長通粉～個蕃茄汁用鮮蕃茄整，同鴨胸幾夾！份量岩岩好😋 平日唔多食西餐嘅爸爸都話幾好味！下次可以再黎Hea下！

第二次黎呢度，第一次係同幾個朋友練完波諗住搵間cafe坐低飲下野吹下水，本身想去隔離個間，但full左所以就揀左呢間，所以本身對呢間都冇話有咩期望，坐低叫左幾杯野飲吹左陣水見肚餓叫左d野食，發覺佢d野食係幾唔錯，坐位環境都舒服，又有d board 同 card game俾客人拎黎玩，係幾適合三五知己朋友吹水hea下既好地方👍🏾呢兩次分別叫左黑椒牛粒蘑菇飯，黑松露野菌忌廉燴飯同煙三文魚南瓜忌廉意粉，三個都幾好味，而佢d咖啡同茶類飲品都唔錯，值得一試

一行6個人出黎gathering Cafe又成為左我地ge不二之選一早上網book左呢度D位都幾舒服 好闊落 呢度就唔係好大 大概坐到20人到我地叫左個special 5-20人餐 （$138/head)另加個小食拼盤（唔齊人時叫住食）上菜速度有d慢 個小食拼盤到左 人都齊🤦🏻‍♀️薯角 唔油 又厚身蜜糖雞翼 還可以炸魚 好厚粉 唔好食炸花枝魚 好乾食完冇耐 套餐個小食拼盤又上枱薯條 香草雞翼炸物份量十足 味道就mama地 偏乾日式沙律個麻醬太咸蒜香蘑菇炒意粉不得了地難食 （真係忍唔住）意粉勁乾 再加大量ge蒜粉 好難食黑椒雞柳炒意粉呢碟還可以 都係偏乾 蕃茄焗鴨胸飯呢個組合又係難食鴨胸口感勁奇怪 又冇乜味 唔講唔知自己食緊鴨胸個飯濕到呢 同d意粉係相反 糊糊地ge感覺野飲都唔太好飲 但可接受全部都偏甜 味道好假 好香精味

話說今日放早，就同老公出mk搵食！見呢間cafe食評都好好，所以就試下，點知令人好失望今日叫咗2個餐如下1.黑椒牛粒磨菇飯:夠大碗，但d牛質素完全唔值108蚊，因為粒粒牛都係有筋的，係每一粒都係有牛筋，完全唔合格。。仲要唔平，嬲嬲地！2.黑松露野菌忌廉燴飯:呢個個味ok，不過放入口，凍嘅😱真係。。。仲要115蚊，俾d冷飯我食！整體而言，環境係舒服嘅，但食物質素真係麻麻，又貴，服務員唔夠細心，叫一叫先郁一郁！下次唔會再嚟！

旺角搵嘢食出名難，就算你搵到都有排等，今日上咗一間樓上cafe,環境好之餘仲有得慢慢坐！非常適合一班人聚會。環境方面，同一般Cafe一樣，都係非常舒適同有有情調，最好係咩？所有座位都係軟林林嘅沙發，好似攤緊係屋企嘅沙發咁，非常舒服。另外都設有唔同 board game 嘅俾人玩，絕對適合一班人聚會慢慢傾計慢慢玩。lunch同埋 dinner set 可以自由選擇，但同時亦都好貼身心咁整咗一個指定餐牌比選擇有困難嘅人士，例如我，去揀。套餐都會包一份飲品，我叫左杯熱情果紅茶，香得來唔會太甜，非常潤喉。食物質素都非常高，係一間有誠意嘅Cafe