心選 (已結業)

餐廳：心選 (旺角)地址：旺角豉油街21號昌記大廈2樓B號舖相信每個人都希望每一餐是自己的心選早/午/晚餐，不論揀選什麼食物，都是自己喜歡吃的，都是能滿足自己的食慾的。走到旺角豉油街昌記大廈2樓的心選Cafe，大門已經寫着「請準備好你的心選旅程」，讓食客有一種期待和好奇的心情去迎接這一趟飲食之旅😆，一入到門口已經播着歐美和台灣熱門歌曲，令我產生強烈的同步和興奮情緒，不時跟住歌詞哼了歌起來呢拿起餐牌，餐牌有趣的寫着「及有選擇恐懼症的你」，十分鬼馬，而另一個賣點是客人可以自己將要點的食物寫在畫板上🎨，能夠參與在點餐的過程當中實在令整餐晚飯充實有趣不少芝士吞拿魚焗長通粉 $98非常香濃的芝士配上吞拿魚，令這碟焗長通粉深深吸引了我，拌勻之後每一啖都充滿着這兩種絕配，也是我吃過眾多芝士焗長通粉裡芝士味較為突出的一間👍🏾讚~藍莓芝士蛋糕 (跟餐加$25)除了點了一杯熱特濃朱古力外，我也叫了一個是日甜品，原來是藍莓芝士蛋糕🍰😍藍莓味滲透在芝士蛋糕的面層，令芝士蛋糕不會太dry，而是被藍莓味我畫出蛋糕的鮮香~旁碰看見有人慶祝生日，我們也在這裏祝他「生日快樂」吧!

心選位置十分方便，是在旺角行人區附近2樓樓上cafe。Cafe 除了舒適既環境、免費任用既wifi、合我口味既 soft pop music，重點係呢到仲有大量 boardgame 提供👍🏻👍🏻👍🏻朋友聚會最怕出到黎各自覺玩手機，有左boardgame 大家都可以好投入咁玩、不知不覺咁共聚消磨一個下午。另外，呢間餐廳仲有一個「給有選擇困難的你餐牌」👍🏻細節中充滿心思。亦留意到餐廳選用左環保既玻璃飲管👍🏻👍🏻👍🏻👍🏻支持環保之餘仲可以比客人見到飲管清潔情況，飲得放心🥰

好朋友生日，今年沒有約一大班朋友，只係兩個去cafe傾下計黎慶祝生日！好友就我放工晏，所以揀左係旺角區一間樓上cafe！入到cafe，地方唔算大，但好有空間感，坐得好舒適，而且燈光非常柔和！Cafe又提供免費WiFi!另外cafe內有好多西式既小擺設！有七款set dinner包一杯飲品，另外大量唔同既遊戲提供比客人！而我被呢款玩具吸引住，小時候好喜歡同細佬一齊玩，童年回憶返哂黎！鰻魚炒飯 - 好日式既鰻魚炒飯，係用珍珠米，好多鰻魚（沒有腥味），而且係好香甜既鰻魚汁炒！煙肉卡邦尼長通粉 - 好香蛋黃味既卡邦尼汁，唔算太多芝士，所以唔會太膩！好友喜歡食呢款！朋友點了 Latte，佢話好香咖啡味又好creamy!我點了香蕉奶昔，勁濃又香既香蕉味，又非常creamy!今晚坐左兩個幾鐘，舒舒服服傾下計，又過左一個愉快既晚上！

假期想同三五知己－齊傾下計食下野? 位於九龍區嘅cafe - 心選, 可能係一個好選擇。地理位置方便之餘, 又好 chrill。有多款小食同broad game提供, 大家可以係度逗留成個晏就。由於大食妹係假期過去玩, 所以嘢食方面嘅選擇就冇咁多喇。嗌嘢食嘅方法係非常有新意, 係寫落一個電子屏幕上面, 再交畀店員。<All Day Choice $98> (好味: 4/5) (抵食: 3.5/5)All Day Choice 係係佢個list裏面揀五樣野食, 大食妹就揀左炒蛋、蒜蓉包、粟米粒、凱撤沙律同薯角。炒蛋唔會乾亦唔會太生, 啱啱好; 蒜蓉包脆卜卜; 粟米粒甜甜地; 凱撤沙律嘅生菜都好新鮮; 薯角亦都係熱辣辣㗎。<小食拼盤$88> (好味: 4/5) (抵食: 3.5/5)小食拼盤都係係個list裏面揀五樣野, 大食妹係度就揀咗蜜糖雞翼、炸魚手指、花枝丸、春卷同蜜糖腸。特别推薦花枝丸同蜜糖腸。<抹茶鮮奶$46> (好味: 4/5) (抵飲: 3.5/5)雖然－啲都唔便, 但鮮奶好濃郁, 夾埋抹茶啱啱好。<水蜜桃紅茶(凍)$3

朝早出旺角睇戲，睇完之後喺附近cafe食野上網搵咗一陣，覺得呢間唔錯又就腳，所以上咗去。價錢唔算貴，選擇亦唔少~我地點咗All day breakfast 炒蛋、多士、薯角、腸、蒜蓉法包 配熱巨峰紅茶（＄98）同埋辣韓式炸雞長通粉配熱士多啤梨紅茶（＄108），仲有蜜糖雞翼（＄48）作為小食。All day breakfast 有得自己揀鍾意既野食，正！因為係即叫即整，所以食既時候熱辣辣好味道~炒蛋滑溜，蒜蓉包香脆，薯角同多士都唔錯，最欣賞既係有成3條腸仔，而且係白香腸😃😃朋友既辣韓式炸雞長通粉雞肉多汁，外面層炸漿唔會太厚，食落香脆可口~至於蜜糖雞翼，外層香甜，裏面既雞肉嫩滑，讚！飲品方面，兩杯紅茶果味濃郁，士多啤梨紅茶比較甜，而巨峰提子就酸酸地~加埋食咗＄279

假日的旺角，人流之密度，可謂針插也不入。想跟友人來個閨蜜Deep Talk，輾轉找到來這間「心選」樓上Cafe。「心選」在大廈電梯不能到達的2樓，需要上一段樓梯。雖然門外有一大塊店名牌子，但仍有人誤以為是同層另一間Cafe，入錯門口。餐廳放有好多士兵擺設。座位非常寬敞，不過梳化座椅有少許柔軟過頭。店內還提供大量Broadgame玩樂。炒飯面上有海苔絲，有點和風感覺。飯粒炒至粒粒分明，有點硬但還好醬汁味道搭夠。鰻魚厚肉香口，塗上燒汁拌了入飯內。炒飯份量頗多，足夠飽肚。自選小食拼盤，點了雞翼、薯條跟蒜蓉法包。雞翼烤得外皮酥脆，塗上了蜜糖，甜絲絲更滋味。扭紋薯條沒有特別，就是平日茶餐廳吃到的貨色。蒜蓉法包有小小的2片，麵包片被焗脆，包心還是軟綿。紅茶中帶有菠蘿果香味，頗為清新，筆者欣賞店舖用了環保飲管。蛋糕味道正常，但不夠香滑，芝士味有點淡。而且餅底偏淋和濕潤，可以加以改善。「心選」的食物質素整體不過不失。但付一百幾十元，可以在此坐足一天，Wifi任用，可謂相當抵玩！

在一個落住毛毛雨星期六的晚上同屋企人係旺角行咗1日街，覺得好攰，突然間諗起之前朋友介紹旺角豉油街附近一間cafe叫Choice Cafe，入到去雖然面積只係得大概600-700呎，但係感覺好溫暖，好舒服。跟住我地叫左一個帶子黑松露野菌忌廉燴飯，煙三文魚南瓜忌廉意粉，蜜糖雞翼，熱情果梳化，桂圓紅棗杞子茶｡其中黑松露燴飯濕度適中，跟帶子的味道配合得相當配合得相當適中，另外南瓜汁配合上意粉又不會有太濃味的感覺，反而意粉入口完全能夠感覺得到南瓜汁的味道浸在意粉裡邊。最後蜜糖雞翼當然係最受小朋友歡迎，因為雞翼嘅香口又有蜜糖的甜味｡ 因為餐廳周圍擺放著各式各樣的棋，晚飯之後我又可以和家人一起玩棋，真係有一種賓至如歸，十分舒服和放鬆的感覺｡總括今晚每一款食物都係廚師精心炮製給我們同我哋喺坊間一些餐廳中大量生產的食物完全不同，下一次當我去到旺角的時候我都會再嚟這間餐廳幫襯同時我亦都會介紹這間餐廳給我的朋友。

約左個準媽媽食生日飯，由於大肚婆好多野都唔食得，所以我地揀左間cafe同佢食個生日飯Cafe既座位全部都係梳化，裝修以啡色為主，牆邊擺左d小擺設都幾得意店員會比塊板我地寫低我地想叫既野食，都幾得意幾環保！OpenRice book位既話主餐牌有75折優惠，而餐廳都有供應set dinner，包左一杯$36既飲品，餐牌折左之後價錢其實差唔多，所以我地叫左3個set dinner 加一個小食拼盤，小食拼盤有75折，可以自選5款小食我地叫左脆皮腸，薯條，花枝丸，雞翼同魚手指，大部分都係即食食品，味道普通冇乜特別卡邦尼長通粉賣相唔錯，但煙肉唔多，通粉偏硬，醬汁唔夠，而且唔夠熱鰻魚炒飯既飯粒都係偏硬，似鰻魚汁撈飯，冇乜鰻魚，都係唔夠熱x2芝士焗得唔夠，焗熔左d芝士就上菜，味道唔差既，但係得面果層熱，食落去都係唔夠熱，室溫，通粉一樣都係偏硬！可以加$25配當日既蛋糕，好多謝店員幫我地畫左咁靚既公仔，上蛋糕果陣仲播埋生日歌，但個蛋糕食落去好鞋，個芝士好似食緊麵粉食品既味道真係好一般，但坐係幾舒服，仲有board game 玩，hea下ok既

已經第二次去呢間cafe, 覺得食物ok，同環境好乾淨，又有專用洗手間，今次同朋友坐左兩個鐘，用openrice book 枱散叫有75折平均每人125蚊，算是合理，而且環境唔錯，食物份好足夠，可以推薦一下，小本經營要支持！唯一缺點要行樓梯上2樓。

與舊朋友聚會地點便利 營業時間長服務十分優質 細心度高 會送上暖水食物質素高 美觀又好食餐具還使用環保飲管（已清洗）價錢相宜！有WIFI 有Board Game 整體十分滿意！

野食唔錯 有唔少board game 又少人 唔會太嘈 我地去個日去到十點九已經冇哂人 但我地坐到十一點十先走都冇趕我地 仲jum埋水比我地 我地擺左個生日蛋糕系雪櫃 一話想拎 就主動幫我地點蠟蠋同攞碟 服務態度好好 ～

見到用OpenRice訂座可以享有八五折優惠，又見到評價不錯，所以決定是食這間樓上cafe,去到旺角百老匯戲院，要在轉角位才找到門口，這間Cafe需要行樓梯。入到去這間Cafe，感覺舒適，全是梳化位。正值午市的時間我們點餐，午市套餐全是$68，包一杯$36飲品。我們叫了蕃茄煙鴨胸飯及卡邦尼煙肉長通粉，另外再叫了一碟小食薯角。起初以為是普通的飯及意粉，但都到來的時候發覺味道不錯，不會太軟或太硬，亦不會太鹹，材料十足，又很creamy, 份量亦足夠。環境亦比較安靜，絕對是聊天吹水的好地方。

心選位處旺角鬧市，卻是一個寧靜的地方。這樣說可能有點矛盾，但就是這種「大隱隱於市」的環境，才是都市人能隨時享受片刻寧靜的關鍵。位子不多，粗略數數大約只30個座位左右，都是舒適的梳化。簡單的佈置，播放著品味又耳熟能詳的英文歌，環境是筆者去過這麼多樓上Cafe所罕見的。下午茶是由2:30開始，都是一些如雞翼、腸仔之類的小食，任選3款配一杯飲品，才不過$58元，公眾假期有低消$68，所以多選配一款小食(+10)。對於小食的味道，我覺得是符合期望的，出眾就說不上，但比起附近的小食檔做得好吃，尤其是蜜糖雞翼更令人回味無窮。點了一杯藍莓綠茶，茶味很濃，熱度透過玻璃杯傳出來，有種說不出的溫暖，也令我想起以前求學時總會到訪的台式飲品店。現在，大家都只向珍奶或果茶靠攏，倒忘了昔日那種認真沖出來的茶味了。環境適合兩三人傾談hea坐，或是獨個兒在這裡看書。價錢不貴，與其常常在找個位子像打仗般的連鎖咖啡店找位，不如利用一下在OpenRice訂座。既享受85折優惠，又不用怕被人趕走。所以，這裡每每成為筆者閒來無事就會拿著電腦到來找寫作靈感的地方。

用Openrice個app訂座, 和兩位大同來到旺角行人專用區, 旁邊一間樓上cafe。之前完全無發現呢間cafe, 地點相當方便! 位置唔多大約有六張大枱。 Menu 共有7款選擇, 有特色長通粉, 燴飯和意粉, 跟特飲。店裡面乾淨舒適, 窗邊對著西洋菜街, 仲有各種board game選擇, 最啱一班朋友一齊玩！長通粉和飯都做得乾身彈牙, 個人喜歡黑松露野菌燴飯。 **地點就腳, 遠離行人專用區, 心選確係和朋友聚會心意之選!

朋友們想找個地方聚一聚，吹下水，在openrice搜尋旺角的cafe，找到這間，見評價大都是正面的，加上訂位可獲折扣優惠，便決定一試。店子在大廈的2樓，大廈的入口不算難搵，只是門口有點細，很容易就錯失了。店舖裝潢簡潔，最愛店內軟棉棉的梳化，牆邊放著一隻隻小士兵，天花選用較暗淡的燈光，顧客之間都有足夠的空間hea坐，很舒服的感覺。餐牌也很簡單，最愛牆上黑板寫的一句“給選擇困難的你”，哈哈，清晰的餐單一目了然，可是我還是好難才作出選擇呢。如果不喜歡叫餐，還可以自選意粉配搭。已兩次到訪此店，一次是一大夥人吃晚餐，一次是二人人吃午餐，兩次食物水準都十分穩定，亦讓人感到喜出望外。嘻嘻，因為預計這是主打悠閒吹水的歇腳點，對食物的質素沒有抱太高期望，怎料食物竟然是十分高質素。尤其喜歡鮮茄海鮮意粉，意粉的口感剛好，值得一讚。只是星期六下午可能客人較多，店員也未及招呼，所以也要耐心地等待點餐了。總結兩次到訪經驗都很不錯，應該會和朋友再去的。