心選 (已結業)

姊妹淘最鍾意就係去cafe坐低，慢慢傾 ，慢慢食，不停講是非！ 揀咗依家喺旺角嘅cafe地點非常方便！仲好體貼咁樣選擇咗幾樣出色嘅主菜做套餐，可以提供畀選擇困難嘅我哋！ 同埋提供咗唔少game, 但無一樣吸引得過講是非😆我哋叫咗兩個套餐（包2杯36蚊飲品，過額補錢）、一杯飲品、一個小食拼盤同一客蒜蓉包！朋友點了水蜜桃梳打、熱檸水！ 好欣賞佢好環保地用咗可以循環用嘅環保飲管！ 襯埋個飲品度都出奇地靚！呢杯係水蜜桃沙冰，Meun裡面註明佢係有新鮮嘅水蜜桃喺裏面嘅！成杯嘢飲都好香甜解渴！蒜蓉包 ～焗到好香脆！而且牛油同埋蒜蓉嘅量都非常多，好夠味 ！小食拼盤～ 坊間嘅小食拼盤通常都set好曬配搭，但呢度就好彈，喺小食類任揀五個項目！全部都係自己揀同鍾意嘅嘢！啱哂心意！每一樣小食都好別緻， 每款三粒 ，咁啱我哋都係三個人 ，一人一粒啱啱好！ 想highlight嘅係炸花枝丸，外脆內軟！卡邦尼長通粉～ 坊間食嘅卡邦尼多數都會好creamy，食少少已經會滯， 反而呢度嘅卡邦尼全冇呢個感覺 ，醬汁啱啱好！ 當中嘅煙肉碎非常香口，帶起曬成個卡邦尼嘅味道！煙三文魚南瓜汁意粉～ 南瓜汁非常香濃， 每一條意粉

O係百老匯睇完場戲就睇下附近有乜好食, search到附近有間cafe.見時間鬆動, 就諗住去cafe hea陣.大廈既門面係有D殘舊, 但柳暗花明又一村!上到cafe, 環境都幾舒服, 仲有好多胡桃夾子公仔迎接我地~睇睇menu, 有好多選擇. 尤其係呢個自選lunch set, 有唔同食材同醬汁揀.仲可以揀意粉/長通粉/飯, 隨心去選飲品都有好多選擇~餐廳亦好細心咁有一系列既菜式俾心大心細既客人揀XD 好正順帶一提, 呢度都有好多board game玩, 都真係好岩一班朋友黎gathering!落單方式都好得意, 係自己寫O係板度再交俾店員, 既方便, 又環保!鰻魚炒飯炒得好香, D汁都好濃味, 但唔僧太咸, 十分惹味!飯粒有咬口, 而且仲有好多鰻魚, 每啖都好豐富~Holiday Lunch Set: 煙三文魚蘑菇忌簾意粉份量十足, 賣相亦好靚!~意粉煮得岩岩好~!意粉汁個味道唔算好濃, 但連埋煙三文魚食, 味道就岩岩好!卷得好靚既煙三文魚花~水蜜桃紅茶好香濃既茶味~帶有D水蜜桃既甜, 好解渴蜂蜜薑梳打呢杯飲品係其中一杯心選推介, 覺得幾特別, 所以試下.蜂蜜同薑呢個組合都幾得意

又發現到一間好適合談心既Cafe，同朋友兩個人食，坐得舒服，啲食物都得wo1. 帶子黑松露野菌忌廉繪飯 $138飯係軟心，所以好濃稠。好濃黑松露味，但都會有忌廉個種creamy既奶味，食到最後都唔會覺得好膩。而個帶子唔會老，煎得好！2. 蕃茄海鮮意粉 $118醬用茄膏整，所以蕃茄味勁濃郁，而且有好好酒香。另外佢都勁多海鮮 : 有蝦、魷魚 、蜆肉等。所以啖啖都好豐富另外，每個餐都會包一杯$36既飲品，多左補差價就得。朋友叫左杯奇異果梳打 我就叫杞子紅棗菊花茶。2杯都好好飲

想搵個地方同一位閏蜜談心，喺OpenRice 選餐廳選左呢間cafe, 無揀錯！的確係談心的好地方！👍🏻個位置有啲唔顯眼，因為喺大廈2樓，大廈門口較細，留意喺etude house 斜對面，會容易啲搵到😉入到大廈上樓梯到2樓就係cafe了！我平日6:30去到，人唔多，而且位同位之間空間好闊落，唔洗怕好吵，或者同人搶聲的問題！呢個好重要，尤其想談心的話！我喺呢間cafe可以好放心地談心💞環境舒適，有啲decorations 餐牌自由度好大，有得選咩醬，配咩料，配咩主食。不過我人懶又有選擇困難症，都係選呢張餐牌🤪價錢唔貴，而且我們一坐就坐左3個鐘傾偈，環境舒服又唔會趕客，我覺得超值！選完想食咩就寫喺黑牌上，好特別的叫餐方法（又環保）首先上左2杯飲品，黑糖紅棗薑茶同埋 Macha Latte點嘅時候我都好擔心黑糖薑茶會唔會好甜或者係淨係用嗰啲磚即沖嘅🤔但係唔會呀！唔會好甜，同埋好真材實料！之後想嘅係煙三文魚南瓜忌廉意粉，份量好足！而且有南瓜味，唔會太濃太淡之後係黑松露帶子野菌燴飯，好中意呢個飯味道夠濃，飯夠結身！而且足料順帶一提，好鍾意Cafe入面播緊嘅歌曲，令人好舒服

漫長的一週終於過去，拋開工作家事，是時候好好坐下享受週五這一晚專屬me time。喺旺角想搵一個安靜的空間不算易，幸好比我搵到這小小樓上天地。雖然地處旺角中心地帶，但上到樓來卻別有一番天地。小店地方不大，週五晚市幾乎滿座，幫襯的客人都是情侶或女仔知己，檯之間有一定距離，大家都細細聲傾偈，環境非常溫馨安靜。蒲坐下，侍應便送上餐牌，抬頭卻看到為選擇困難的我準備的套餐，馬上便選擇了C番茄海鮮意粉（$118連$36飲品）。今日出面落雨較清涼，便叫了桂圓紅棗杞子茶（原價$45，套餐補$9）暖身。紅棗桂圓杞子茶來先，配上的是滋養的蜜糖而非一般糖水，頓時覺得呢間鋪頭是注重健康的有心小店。用料十足，味道天然，最後我連入面的紅棗桂圓都食晒了。很快意粉都送至，賣相可人。醬汁用上新鮮茄茸，而非坊間很多小店糊弄的茄汁。而用上的海鮮包括蝦，蜆肉，魷魚亦很新鮮。惹味的來又誤會太重味，非常適合追求食物健康的我。份量亦十足，食晒真的好飽！店內亦提供大量board games，呢度亦是和朋友一起上來打發時間的好地方。

🔎 旺角豉油街21號昌記大廈2樓B號舖 *「舒服談心之選」心選Choice Cafe.旺角最旺既菜街，方便不失靈靜。晚餐C蕃茄海鮮意粉+熱情果冰綠茶($118)海鮮無雪味，蜆肉鮮甜。大尤魚圈，厚肉彈牙。大蝦：新鮮爽口，起穀起得幾有心機，上碟好靚。個蕃茄醬，食到有大大粒蕃茄肉，唔係淨係茄膏開酸咪咪，係有鮮茄既清甜。熱情果冰綠茶有粒粒鮮熱情果肉，清新，慢慢飲，慢慢談心，幾好feel.晚餐F煙肉卡邦尼長通粉+熱情果梳打($98)煙肉卡邦尼長通粉，煙肉之餘再加少少炸碎煙肉粒，香脆好味。另外個醬同粉佢地煮得岩岩好，夠晒膠口但唔會硬，可能佢有隻鮮蛋黃，撈埋一齊食，保持濕潤，岩晒慢慢傾慢慢食。重有呢度係走塑餐廳，飲管係用玻璃飲管，既環保又靚，乾唔乾淨一目了然，值得支持。🍽8/10

去到旺角行街街，梗係想搵間靚靚cafe坐下傾下計上網搵到呢間就上左去，環境都幾好，好多靚靚擺設仲有好多board game，同埋舒服梳化坐，真係坐都唔想走好啦！而家講下食物先😋我地食晚餐🔶煙三文魚南瓜忌廉意粉 $108意粉好實正、不會太淋又不會太硬忌廉味不會太淡，煙三文魚不會太咸，愈食愈好食！🔶鰻魚炒飯 $112飯是粒粒分明，鰻魚切粒，一舊舊的，易入口個飯甜甜地鹹鹹地，好大浸鰻魚味浸係啲飯入邊！又係食到停唔到口，相比個忌廉意粉濃味！🔶芒果奶昔 +$19 （味道淡左啲）🔶荔枝梳打 +$6 （味道都係淡左啲）🔶是日甜點 - 咖啡芝士蛋糕 +$25面頭嗰浸係咖啡，中間嗰度係芝士，最底係Oreo餅底本身麻麻哋咖啡，所以呢個蛋糕都覺得麻麻地，個餅底有啲甜總括來說，食物正常，價錢唔貴，又有舒服嘅梳化你坐，又有好多遊戲你玩，有時間嘅可以揀呢間Cafe坐下！

在熙來攘往的旺角鬧市中，隱藏著一間舒適幽靜的樓上 cafe， 坐得久了，不用趕著交枱，不用看侍應的面色，可以讓你休休閒閒的和三五知己閒談。鰻魚炒飯＄112餐廳用珍珠米，飯粒分明，軟硬適中，加鰻魚粒和鰻魚汁，香口撲鼻。煙三文魚南瓜忌廉意粉＄108 由數片煙三文魚卷成花卷放在碟中，襯托著南瓜忌廉意粉，淡淡的南瓜和忌廉味恰到好處。好吃。加＄30可配是日濃湯 ~ 野菌忌廉湯，湯很濃郁香甜。飲品選擇很多加＄6凍巨峰梳打加＄9熱紅棗黑糖薑茶

來到門口已經感覺到呢間cafe係好休閒，有誠意的cafe! 基本上店內眼見的字都是手寫，有特式，夠環保！環境舒適，好適合三五知己歡聚！落order是由食客自己寫在pad上，幾得意！除了個人至20人餐，亦有小食可揀。即做蒜蓉包，香脆可口，絕對冇令人失望！芝士焗西蘭花，有好多芝士，西蘭花沾芝士的食法冇得輸！, 蜂蜜薑梳打唔會太甜，調較得剛剛好，少少薑加梳打的爆喉感覺，好飲！今次唔太肚餓，所以點得唔多。小食都已經覺得很不錯，下次一定不能錯過主食！

預咗同朋友詳談，所以早少少六點就到cafe. 當時有一枱食客，之後食客陸續出現至滿座，好彩有book位呢！牆身設計特別，梳化椅舒適，令人心情放鬆！餐牌都幾攪笑！全部都是手寫！好多玩具，唔談心都大把嘢玩！菇菇湯好正味，味道超濃，飲到好多粒粒的菇！煙三文魚南瓜忌廉意粉用兩大塊煙三文魚捲成玫瑰花瓣，好靚呀！好鐘意南瓜，尤其是南瓜蓉加忌廉，滿滿的沾在意粉上，清甜幼滑味道香，大愛！焗青口一d都唔腥，每一件青口底都有一小片檸檬作調味！桂圓紅棗杞子茶好補呀！紅棗切粒，好有心思！因為足料，即使唔加旁邊的蜜糖都已經夠味及清甜！與蜜友在特式休閒的cafe傾計，品嚐美食，是人生一大樂事也！

好不容易找到這間心選Cafe、原來在一間找換店旁邊的陜窄樓梯上去。一入門口就見到一個胡夾夾子公仔在門口迎接、裡面亦有大大小小的胡桃夾子擺設。Cafe 燈光較暗、播著台灣流行歌曲。午餐有意粉或者全日早餐。簡簡單單點了個All day breakfast 、可選五款、粟米粒、黑椒腸、薯角、茄汁豆、炒蛋。薯角炸得香脆、炒蛋加入黑松露炒、雖然有點碎、但松露味夠。略嫌茄汁豆太凍、如果弄暖一點會較好。熱檸蜜不太甜剛好。

今日收早， 即刻約班friend去旺角嘅樓上cafe食嘢談天🍸今次去嘅呢間cafe都係位於西洋菜街， 入口位比較隱秘 ，唔係咁易搵🤔同其他cafe差唔多， 呢度都係sell多人聚會 ，有board game ，亦有其他小玩意提供 ，食嘢之餘仲可以盡情消遣👍食物種類 主要係意大利粉 沙律 ，甜品 ，同埋各種特色飲料。今次我同朋友分別點咗 煙三文魚沙律同埋鰻魚炒飯。煙三文魚沙律用嘅係油醋 配搭新鮮羅馬生菜 ，再咬一啖煙三文魚 ，不同層次嘅味道喺嘴裏徘徊 ，滋味滿分。之後嘅鰻魚炒飯， 食得出係用咗上乘嘅日本珍珠米 ，粒粒分明。曲奇芝士蛋糕 ，絕對稱得上係呢間cafe嘅招牌甜品。抹茶賣相亦十分吸引！

早排女友睇完’胡桃鉗子’電影，愛上了胡桃鉗子公仔為左氹佢，特登上網search下有無啲胡桃鉗子主題餐廳，找不到，但俾比我搵到嚟間cafe一入門口已經見到一隻半個人身高的胡桃鉗子，女友已很興奮裝修也有少少英倫風，坐位寬倘，很舒服，很chill是日餐湯（磨菇忌廉湯）- 菇味極濃，仲有啲磨菇碎，增加了口感，好好飲煙三文魚南瓜忌廉意粉 $108-賣相一流，煙三文魚擺成玫瑰花形，南瓜忌廉染滿了每條意粉，充滿南瓜香芝士吞拿魚焗長通粉-新鮮即焗，很有誠意，所以時間耐一點! 長通粉煙韌，沾滿芝士吞拿魚嚟食好好味焦糖牛奶咖啡- 很香，拉花幾特別凍熱情果綠茶-清爽，又好refreshing是日蛋糕（藍莓乳酪蛋糕）-質感好接近紐約芝士蛋糕，但清一啲，藍莓味香濃，整體更勝芝士蛋糕

鬧市中的寧靜天地🛋是日濃湯🍲 💲30（跟餐）蕃茄海鮮意粉🍅(Set C) 💲118辣韓式炸雞長通粉🐥(Set G) 💲108抹茶鮮奶🍵 💲12（跟餐補差價）熱情果奶昔🍹 💲19（跟餐補差價）是日蛋糕🍰 💲25（跟餐）✅ 是日濃湯係野菌忌廉湯 好濃郁既野菌味道💖價錢雖然唔平但物有所值👍🏻✅ 番茄海鮮意粉食到落底會有啖啖既酒香🥂層次感唔錯✅ 辣韓式炸雞竟然入面係有肉汁❗加落長通粉～辣辣地好惹味🌶👍🏻✅ 推薦特飲‼️我哋試咗兩款 抹茶鮮奶嘅奶泡好正🤤 熱情果奶昔有埋熱情果籽😯 同鮮奶又幾夾🤣👅Taste：3.5/5💰CP值：3.25/5🙋🏻‍♀Service：3.5/5👁‍🗨Stylishness：3.75/5

Waiting for the food coming, fulfilling your stomach and happiness.-要心選邊間餐廳,就不如直接去"心選"啦!旺角區真係周街都係cafe,作為獵殺cafe為目標,當然呢1間都唔例外成為我既獵物!環境幾靚,一大張長形梳化,真係訓係到都仲得呀!一大班fd既好去處!👇-📌鰻魚炒飯 - $112👉一黎到,賣相相當吸引,色水做得幾靚,鰻魚切粒上,飯底炒得好香,配合個sauce加埋配菜,都幾夾既,都係即叫即做,飯粒軟熟,有咬口,係份量有唔算多,唔係好夠我飽lol-📌辣韓式炸雞長通粉 - $108👉staff話會有少少辣,問我o唔ok,但我覺得反而唔係好夠辣,炸雞都算幾滑,夠脆身,味道合格,長通粉算有d咬口,煮既時間唔會太耐,保留到軟熟既質感,都係份量如果再多D,會再滿足d,整體係食得過-最後cafe當然唔少得special drinks啦,朱古力沙冰同埋Orea奶昔,永遠都走唔甩我手指罅!算係唔錯,但我prefer奶昔多d,相當好飲!野飲都係包你$36,補返差數,計埋野飲兩人埋單都係$280,合理既!