心選 (已結業)

記得細個時，阿媽成日鬧食飯時唔準掛住玩嘢。人大了，今晚，我竟然唔聽教，一路食飯一路玩玩具。餐廳是一間樓上 café，位於旺角。在繁忙街道上穿越一番後，上到這裡來，卻是另一境界，又寧靜又warm。更加被這些精緻玩具吸引著。主食 $88，可以揀意粉、飯或長通粉，然後按個人心水揀兩款配料。如想食好一點的話，可以加餸，每款都只是$20。如果揀唔到的話，可以參考大黑板上，用粉筆寫住的幾款 dinner sets (原來 lunch time 來食，每款減 $20)，必有一款啱你心水。(其實，我哋反而諗緊一陣要玩咩玩具)卒之，我哋揀咗一個E餐【煙三文魚南瓜忌廉意粉 $108】跟【熱情果熱紅茶】，另一個係自選餐【西蘭花、帶子、吞拿魚飯 $108】，再加【是日濃湯$30】和【是日甜品 $25】趁嘢食未到，我哋就玩住射籃球機玩具，玩得好興奮，搞到餐廳有點嘈 (有點內疚感)。【熱情果熱紅茶】甜甜哋，暖暖哋，味道唔錯。【是日濃湯 – 蘑菇忌廉湯】餐湯果然好濃，蘑菇蓉好香，好味喔!【煙三文魚南瓜忌廉意粉】賣相好靚，砌到成座火山咁，橙黃色的南瓜忌廉汁好似火山溶岩咁流出來。意粉軟硬度適中，掛咗好香嘅南瓜忌廉汁，好

返完成日工成個人都散曬，同朋友兩個人想揾個舒服啲嘅地方食下飯傾下計，就諗起不如去cafe喇。上網搵到呢間cafe，地點好方便，就係旺角百老匯戲院附近，係一間樓上cafe一入到去就有店員招呼我哋，入面嘅環境好舒服，一路播住音樂，感覺好relaxcafe入面有好多遊戲玩，應有盡有....我同朋友玩咗好多款遊戲，兩個大細路玩到傻曬，不過又真係好開心 唔單止有得食有得玩，店入面仲有個角落係賣小飾物飾物全人手製造，好精緻，好啱鍾意扮靚靚嘅女仔邊玩就梗係要邊食啦食物方便有好多選擇，有好多唔同嘅dinner set。同朋友每人叫咗一個dinner set，有湯有嘢飲又甜品，非常豐富今日嘅是日濃湯係野菌忌廉湯，我好鍾意呢個湯呀！！湯入面充滿細細粒嘅雜菌，啲雜菌非常之多，每一啖都可以飲到超多雜菌，口感好豐富，超級好味野飲叫咗個特飲，叫點紅點綠。個名好特別，原來係青蘋果味嘅紅茶，入面仲有好多蒟蒻粒粒，飲落好有咬口，好香青蘋果味，又唔會太甜，爽呀黑松露野菌忌廉燴飯廚師好有心思，碟邊沈咗粒粒做裝飾，成個賣相即刻唔同晒，一見到感覺都開胃啲 黑松露配搭雜菌味道非常之夾啲飯又啱啱好，唔會太硬或者太軟，完全做出燴飯嘅

今日同家姐打算去行開倉，我地決定食左野先，有氣有力有energy先可瘋狂購物！快餐店嘅話環境太嘈傾唔到計，所以我地去左心選呢間樓上cafe~ 我揀左G餐辣韓式炸雞長通粉（$108），飲品係點紅點綠（補$6）d雞外層夠脆，內裡夠嫩;長通粉個辣汁夠香夠辣。不得不讚餐廳竟然能夠將韓式炸雞同長通粉兩樣風馬牛不相及嘅食物，煮埋一齊仲要咁好食！點紅點綠係有蒟蒻粒粒嘅綠茶，甜甜地幾飲！家姐就叫左吞拿魚火腿忌廉湯汁長通粉，飲品係水蜜桃綠茶（加$2）每一啖食落都夠creamy，唔錯~水蜜桃綠茶有濃郁嘅水蜜桃味果香，夠曬fresh！小食方面我地叫左芝士焗大啡菇（$58）芝士配大菇係我最愛，咬落勁juicy！蒜蓉包（$38）夠脆亦好香蒜蓉味~呢到仲有board game提供，最啱同朋友聚會邊食邊玩。不過今次行程緊迫，要去行開倉，下次再黎先玩XD

難得今日放假可以接人收工適逢有朋友推薦呢間家庭式既Cafe還掂同伴又住旺角呢頭一於就黎食下啦！呢度好乾淨企理而且裝飾擺設亦好整齊坐底亦唔會有壓迫感好有家的感覺另外環境都幾靜同埋提供Board Game好適合帶朋友上去吹水玩下Game或者同另一半拖住手仔XD呢度Dinner Set主菜有好多自選配搭價錢以Cafe黎講亦相對抵食我地叫左兩個Set一個係雞柳帶子南瓜忌廉汁意粉一個係西蘭花雞柳蕃茄意粉另外叫左餐湯同小食拼盤餐湯是日精選係南瓜忌廉湯個湯有奶香亦有新鮮南瓜肉足料之餘忌廉味亦唔會太濃小食拼盤可以9選5的確有幾多選擇我地最後揀左蒜香雞翼, 炸薯角, 炸餃子, 椒鹽花枝丸同埋炸魚手指蒜香雞翼蒜味好重亦唔會因為炸太耐鎖唔住雞既肉汁炸物亦唔會話炸得太燶熟度剛剛好雞柳帶子南瓜忌廉汁意粉雞柳帶子比例亦唔少雞柳入味之餘亦鎖住雞既肉汁帶子食唔出有雪味亦抵讚醬汁亦好濃郁足料之餘忌廉味亦唔會太濃西蘭花雞柳蕃茄意粉本身蕃茄醬汁味濃西蘭花煮得夠軟身亦吸收左蕃茄汁既精華食落好Juicy而雞柳入味之餘亦鎖住雞既肉汁都好足料

星期日，旺角鬧市中竟然可以不用排隊，有包場的感覺，因為我吃了一小時左右，只得我一枱，加隔離枱2個人，hehe⋯⋯這裡有好多game借比人玩，好像係夜晚不回家的天堂，sofa也有軟眠眠的效果，不過坐下來食飯，就發覺和張枱格格不入，我指係高度，食得幾辛苦食物選擇唔多，可能係cafe style關係食物質素尚算幾好，食得下，特別是長通粉飲品就至唔合格，特別係最貴的士多啤梨milk shake，反而至平的提子綠茶飲得下，所以不是平野無好的定律，又再出現

同好朋友慶祝聖誕節，就選樓上cafe。因為搵開特別名既店，所以搵左尼間叫「心選」既店。每人都要最低消費68元。我地分別叫左三個lunch餐同下午茶餐。下午茶時段，所以我地叫左下午茶58元加10元野飲=68元都算好食。可以試下。感覺無驚喜，淨係知長通粉。感覺好似唔多夾，普普通通整體冇驚喜同見仁見智，冇想像中咁好食。可能受店名特別影響，初時有期待，嘗試左後感覺好普通。感覺似屋企自己煮都得。希望日後有待改善。

現在出外吃頓飯，要排隊等位等很久之餘，餐廳更有時限交枱，吃得很趕。這間樓上cafe於旺角鬧市，卻完全沒有這方面的限制，來到這兒感覺舒適寫意，坐位都是軟軟的沙發，旁邊櫃子上放滿不同的紙牌及桌上遊戲，供食客與友人在可在沒有時限娛樂玩樂一番。餐牌有set，亦有自己配搭的選擇，讓我試試自己配搭的意粉，更適合自己口味：雞肉帶子西蘭花蒜蓉意粉：一向不太喜歡多汁濃稠的意粉，所以白汁、黑椒汁都不會選擇，通常只會揀選以蒜蓉或清酒烹調的。這次就揀選了蒜蓉味，意粉炒得夠乾身，鋪上小粒蒜粒一起炒香，蒜味更加出眾提味，配上大粒帶子、大塊雞肉及西蘭花，整個意粉特別香口。煙三文魚沙律：吃主菜之前先吃點健康的沙律吧。薄片煙三文魚、沙律菜、洋蔥、椒絲配上香醋作醬料，最佳亦是最穩陣的沙律配搭。在音樂的伴隨下，跟友人聊聊天，慢慢品嚐，很寧靜的一晚～

見網上對這間餐廳評價那麼高，所以與朋友一起來試，看看水準如何。我經openrice 網上訂位的，服務員打電話來確認座位，態度有禮。我們食了一個黑松露飯及一個三文魚意粉，味道不夠濃，很淡味道。整體很失望。

已經有一排長時間無黎樓上cafe,年青時，總喜歡三五成群跑到樓上cafe流連，叫一杯野飲，坐一個下晝，成班朋友談天說地，玩下game,說話回來已經很多年前。朋友介紹話呢間樓上cafe食物不錯，今晚同老公黎試一試，老公一坐低就同我一樣感覺，好像回到很久前一樣。7點半左右，所有枱都已經滿座，所以想黎試就最好訂位。餐牌上大多數都係意粉，有一款忌廉燴飯，我地各點了一客意粉及各一杯飲品。白酒忌廉蟹肉意粉$118（包一杯$36以下的飲品），意粉質地偏淋，唔係重忌廉果種，有少少白酒味道。自選晚餐：吞拿魚腸仔忌廉長通粉$88（不包飲品），這款忌廉汁做得比較濃一點，長通粉質地剛好，不錯難得可以回憶一下

今日放工自己下午茶時光一下，來到旺角同油麻地附近，試一試這間樓上cafe!這是2樓，環境好舒適，全是舒服大sofa,好好坐；又有輕快音樂聽（英文中文國語），服務都幾好，服務生主動給我溫水及menu!這是飲品bat&kitchen Many board game for you to play wih friends我選擇了蒜蓉西蘭花煙鴨胸長通粉加餐湯 （包飲品）Hot peach red tea: really tasty! Good to drink in winter, sweet and nice to drink. There are some peach in the bottom of the drinks我喜歡這個餐湯，好滑好濃mushroom, 唔會全打爛了，還有一點口感，好好飲！鴨胸好大塊，好香口！ 西蘭花唔會過腍，好翠綠好爽脆！蒜蓉汁有好多粒粒蒜蓉，好夾好香，唔會好膩；通粉軟硬剛好，好大碟好味道，食曬一大碟！好豐富滿足哦！下次要同朋友黎食同慢慢傾

鬧市中的一點小寧靜嚟到香港嘅中心點-旺角，大部份餐廳或者cafe都full house 或者環境擠迫嘈吵。今晚想同朋友搵間靜靜地嘅cafe傾下計同食晚餐，係諗爆頭之際朋友靈機一觸突然諗起呢度。入到度果然無失望，座位以sofa為主，非常闊落，枱同枱之間有一定距離😍😍👍店內有大量聖誕擺設，增添不少節日氣氛。今年搞Christmas Party 呢度可能係一個唔錯嘅選擇。Menu 都有唔少選擇架☺️店主更細心設有專為有選擇困難症人仕而設嘅餐牌。無錯！我最終係入面揀架😂煙肉卡邦尼長通粉 (HK$95 with drink)賣相不俗呢👍卡邦尼通常配搭意粉為主，長通粉味道都唔錯wor,更有口感~Dinner Choice: 西蘭花煙鴨胸蒜蓉汁意粉（HK$88) 好欣賞個自制嘅蒜蓉汁，超香口同惹味。荔枝綠茶日本九洲直送綠茶好fresh嘅綠茶😍😍呢度仲有好多board game 玩，同朋友嚟一定唔會悶。最後，我同朋友都係度玩樂左3個半鐘先捨得走😛🙈

叫左個三文魚意粉！味道剛剛好唔濃咪亦唔「淡某某」另叫左個芝士大磨菇，除左cut出黎比較多水多汁之外個味道都可以。優點：坐位舒服，飲野傾計的好地方缺點：每人最低消費要100元（諗住係餐廳食完少少野再去「掃街」都唔得」

平時去cafe都係去近彌敦道嘅地方，原來西洋菜街附近都有唔少cafe選擇，都係跟朋友先識得搵食兩個人除咗要點兩份正餐多一份小食就啱啱好炸春卷春卷就好似平時酒樓食嘅一樣，熱辣辣、脆卜卜 雖然外皮稍為硬咗少少，但整體都唔錯 點埋酸辣醬就更為惹味，而且份量都唔少，幾抵食辣韓式炸雞長通粉 就咁睇個名，韓式炸雞同通粉，好似冇咩共通點，但食落又幾夾炸雞外皮唔會太厚，而且粉漿好鬆脆雞肉入面都好夠味又冇雪藏味，真心同韓國鋪頭既炸雞一樣咁正而且個汁辣辣地，幾刺激開胃，好別開生面忌廉南瓜汁蘑菇雞肉意粉除咗指定菜式，仲可以自選配料做晚餐， 咁就一定搭得出你嘅心水 忌廉南瓜汁甜甜哋，而忌廉汁配蘑菇永遠都係冇得輸嘅配搭 雞肉大小適中，肉質結實而意粉軟硬程度企係中間，唔會太淋，有啲咬口水準不錯!

今日約左好朋友聚舊，大家都係九龍做嘢，所以約係最方便既旺角食飯。呢間樓上CAFE 唔洗等位，又可以坐好耐，好岩我地兩個人慢慢傾計食嘢。叫左個蜜糖雞翼，有小食先可以偈耐D，不過好彩叫左小食同飲品(檸檬蜜&水蜜桃紅茶)，間CAFE 得兩個職員，等上主菜都要一段時間蜜糖雞翼好夠味，唔錯，飲品不覺不失，最正既係呢個拔刀游戲，真係好好玩我地好鐘意長通粉叫左一個煙肉吞拿魚忌廉長通粉同DINNER SET G (少辣既)長通粉煮得剛剛好，都幾入味，我估係小本經營既CAFE店，得一個大廚，見佢不停煮，但都有呢個質素，唔錯。偈左差唔多3個鐘，無人趕住要我地賣單，輕鬆閒談既一晚

今日去咗行街街，行到咁上下肚餓，就去咗揾食。 旺角美食多樓上舖亦都多，今日我哋就去咗心選，地點算好方便，喺西洋菜南街個頭。裏面每個位都好大，唔似連鎖店，坐都唔舒服過人。 蜜糖脆皮腸，外皮燒得卜卜脆，仲有一陣好好好甜嘅蜜糖，入口非常之甜美。好啦，其實都係普通芝士腸，我都不必多講喇。不過依家唔需要自己BBQ，坐定定玩遊戲就有得食，真係幾舒服㗎叫咗個吞拿魚西蘭花長通粉， 個長通粉我哋配咗一個比較特別嘅南瓜汁。望落去就識好似蛋黃咁嘅色，但清清甜甜，有南瓜味得嚟，又唔會太濃味，亦都唔會好膩，稠度都非常之好呀。 呢個吞拿魚亦都唔會得個鹹字，西蘭花亦都冇因為擺得太耐而硬左， 唔似得連鎖店咁煮定一大堆。 另外，呢度都有啲比較平價嘅餐，就好似呢個卡邦尼煙肉長通粉呀，一上到嚟賣相就好吸引啦，除咗大大隻甘，仲有多多脆，卜卜脆嘅煙肉乾，食落口嘅時候畀你多重嘅感受，香得嚟又脆，脆得嚟又多汁，味道好豐富。另外，仲叫咗杯健康滿分嘅檸檬薑茶。雖然依家大熱天時，但係虛弱嘅女子經常有手凍腳凍嘅時候。喺呢個時候，就可以飲番杯健康嘅佢。薑茶驅風行血，放檸檬亦都可以補充維他命C。唔舒服嘅朋友可以試下。仲可以自己隨意調教蜜糖嘅分