必勝客

營業中

休息中

同屋企人食Pizza通常係外賣：我食過夏威夷Pizza、素Pizza、海鮮Pizza，最鍾意海鮮口味‼️海鮮有嘅餡料：唔同嘅椒、蝦、蟹柳、迷你八爪魚etc，一定唔係新鮮但可接受👌🏻但我就係鍾意佢用嘅係千島醬 並非番茄醬👍🏻而素Pizza裡面有菇啊椒啊，用醬為蕃茄醬，適合素食者食🌱

在家工作嘅好處就係可以有較多時間同小朋友一齊食午餐有時候唔想煮就會同小朋友出街食午餐今次就揀咗食pizza 同大小姐兩個人撐枱腳一人一個午餐其實都幾抵食套餐仲有埋湯同飲品 好飽下次可以再試過Pizza都係堂食最好味 尤其是厚批剛剛出爐的pizza係最好味餐湯當然冇西餐廳咁好味啦不過午餐嚟講都不過不失啦仲有個香蒜肉絲意粉係pizza hut必須要點嘅意粉真係好香蒜頭味好正唔知你哋去食pizza hut時會點咩食呢？

午飯唔想行太遠，又想食西餐，office周圍唯有pizza hut可以揀。今次揀咗二人套餐，有三杯雞大批，白汁雞皇飯，小食加左15HKD換左薯格同雞翼，仲有2罐可樂。三杯雞披薩好好味，雞肉好多，仲有洋蔥同青椒。雞肉唔知加左咩醬，似甜麵醬勾啲辣醬，好惹味，同芝士好夾。睇落就好辣，食落唔覺得有辣味，唔錯。好鐘意食pizza hut啲辣味雞翼，今日話冇，只可以揀原味雞翼。食落好似同辣味雞翼差好遠，可能醃制唔夠時間，食落好淡，唔得。 薯格送左上來已經淋左，好失望。哩間pizza hut出品真喺好唔得，除左披薩OK，其他嘢食都麻麻地。

Lunch成日都唔知食咩，次次都諗勁耐。今次同事終於出聲話食pizza,所以要去pizzahut la我揀左千島海鮮，味道正正常常，冇好驚豔，好pizzahut 味道

嗰日晏晝諗唔到食咩，又因為疫情嘅關係，所以就嗌左Pizza Hut外賣送餐。我個人認為佢都非常之準時。食物仲好暖首先介紹吓星映芝趣批滋味二人套餐，我覺得佢個份量係非常之足夠，因為我係四個人食，但我都覺得好夠。個人認為個Pizza好脆，食落口嘅每一啖都可以食到面層嘅食料。意式雞皇飯啲飯都唔會一嚿嚿，面上嘅白汁都好好味，我推介俾大家試吓整體來說，所有嘢食嘅評分我會給予4/5，雖然味道係一流，但價錢絕對唔係便宜。但間唔中食一餐都好好味㗎❤️

‼️❤️ 記得CLICK我PROFILE關注我呀 ❤️‼️.🌹𝐻𝒶𝓅𝓅𝓎 𝑀🌞𝓉𝒽𝑒𝓇’𝓈 𝒟𝒶𝓎🌹 // 🍕 母親節限定💗形披薩 - 媽子批 HKD189 @ 🌟 Pizza Hut HK《👽食神大媽母親節食足兩日食唔停系列》⠀.👽 大媽需要公平點說明，這不是針對個別分店的評論，而是就總公司這款食物本身設計而言的評論。.🥴 呢個系一個關於暗黑料理的母親節笑話花絮，有興趣可以睇落去 😩 無興趣就起呢度祝大家母親節快樂 🤧.👽 話說有人話比大媽知出左個💗形披薩，大媽好膚淺一聽到💗形就發癲 😱 查詢後發現原來系母親節期間限定，只供應10日，所以大媽就貪得意買左個返黎啦 😬.🙆‍♀️ 大媽利申一下先，其實大媽一向唔算系好度縮嗰類，所以唔會洗少少錢就諸多要求，但系呢個批，真系除左💗形之外，味道方面真系幾 😫。.😳 到左買嘅一刻先知道原來佢系芝脆批，即系批邊脆脆同埋會塞滿芝士。而你知道嗎，呢個亦成為呢個批唯一覺得好味嘅部分啦 🙎🏿‍♂️ 話說個批面，系煙肉、洋蔥、蘋果切片，組成 😰 呢個組合唔緊要，大媽當試下「新口味」。最大問題系佢成個批塗上一層超級厚嘅醬！！！🤢 似忌廉又唔系忌廉、似沙律又唔系沙律，總之系

我敢肯定話好食一定係線稿, 依間PIZZA HUT難食都不特止, 啲服務差到一個點。先講食物。溫泉蛋雞肉田園沙律啲生律菜係暖嘅, 唔新鮮, 老嘅(自己睇吓啲相), 啲雞啲肥高鯨晒, 非常乾身, 完全無肉汁, 似肉乾, 溫泉蛋唔好食, 個汁無誠意, 非常恐怖, 好難食。錦繡至尊芝趣批用分換, 正正常常, 可以食得過。服務方面我一見到個沙律見的菜又老又暖, 份量少得驚人, 就同佢個店員晒個沙律嘅問題, 但佢回覆係咁喎, 我哋嘅食物就係咁。您咁樣講我吹您唔漲, 但作為何文田街坊您會俾人永不錄用, 垃圾, 你當你公司的食物係俾狗？同咁樣回應, 利害！第二係佢哋嘅服務係全自助嘅, 我係自助區浸水, 個水壺係溜水嘅, 店員親眼見到個水壺溜水, 我再同佢講你個水壺係溜水, 佢理都無理過我, 當聽唔到, 利害！

以前聽朋友講Pizza Hut嘅雞皇飯好好食，以前細個都會成日食就咁一個飯都要60幾蚊 。由於何文田冇乜嘢選擇所以同同事都嚟咗試下Pizza Hut嘅午餐因為唔使排隊，點知非常失望. 唔怪得唔使排隊啦！佢個雞皇飯又多汁但係竟然係勁淡，啲雞又係無味嘅，仲要唔包野飲。真係超級難食依家打食評諗起都想嘔........所以我建議大家如果去Pizza Hut都係唔好食飯食返佢地嘅Pizza會比較穩陣囉！但係佢嘅午餐一份嘅Pizza要60幾蚊又係勁少

媽媽約了朋友到澳門遊玩,就約了爸爸去飲下午茶, 但他話個早餐未落格.所以就 pizaa hut 食過輕怡下午餐.一坐低, 就感受到和其他pizza hut 的分別, 都是十分開揚,帶點歐陸風格咁.以LED mon 去帶出下午茶的餐牌. 去 cashier 即時下單,等了十五分鐘, 就有專人送到食桌上.這就是我爸爸點的餐, 有齊最愛的薯蓉和 pizza hut 最好味的蒜蓉飽.加埋杯檸檬茶, 份量剛剛好, 他亦好滿意.而我就點了個小型至尊pizza, 連我的最愛的忌廉雞湯.另再加多杯凍檸檬茶. 個pizza 又鬆脆, 淡淡肉咁. 雖然較基本size 的 pizza 為細. 但在下午茶的角度已足夠有餘.埋單都只係八十幾蚊. 可以話係十分便宜的選擇.

何文田廣場d野食越黎越貴，所以唯有去食pizza hut既lunch。呢間pizza hut堂食同其他店吾同，係自助買餐，之後侍應送上。一開始拎餐湯黎，以為會連埋餐具，但都係要自己拎，有d麻煩。咁同我自己去拎餐有咩分別？不過好彩個湯都正常，不過不失。之後我叫左肉醬千層麵，呢個真係有d失望。成碟麵得中間少少長方形係千層麵，麵層比較厚，似食緊厚麵條。四圍用薯蓉包住，有d濟，同錯左重點，感覺重比千層麵多。朋友叫左葡汁雞皇飯，試左一啖，味道怪怪的，竟然係甜。下次吾會再黎呢間食。

剛開張初期試了一次，驚大於喜，但見諒業務初開，對於當時堂食大量使用塑膠，只當是餐廳試業的臨時措施。事隔半年， 再次光臨，還是只有失望。其實食物質素是不錯的，咖啡亦很香，不過我真的不明白為什麼Pizza Hut這樣大的集團，堂食的食物容器要用塑膠 凍飲的杯和飲水的水杯全部都是膠！太不環保了，真的完全絕對不能接受！ 真心希望Pizza Hut能正視無限派膠的問題！不夠餐具應該訂購，不是無限使用膠餐具代替。用膠碗堂食通粉？用膠碗堂食麥皮

叫左個海鮮闊條麵，所謂海鮮就係得個三四條魷魚毛，三四粒蟹柳，三四粒勁細的蜆肉，個麵焗得又乾又硬，d汁又乾又杰，好難入口，勁難食！呢間鋪頭用好多即棄器皿，連裝杯水都要用即棄膠杯，好唔環保！Lunch $68食d咁既質素真心嬲！好耐冇食pizza hut, 原來而家佢既食物質素變得咁差，唔會再幫襯。

見佢新開，裝修幾靚就入左去食。LUNCH AROUND 40-50 蚊左右，但係味道極差，D野勁難食。員工對客人呼呼喝喝，一邊做野一邊罵D客唔好亂搞D檯檯登登。 我寧願捱波仔個意粉好過食佢地既野。打死都唔會再去

新開都唔做反應有既質素所謂既肉碎原來只係漢堡排切開既肉食物一般都算Pizza Hut 做到好似快餐店 自己叫餐然後自己搵位，都算。我地兩個食，好啦搵到張枱但就得一張櫈既。咁冇辦法，要自己搵櫈，全程無人幫都冇野。我地自己搵到張櫈，但有點大張擺唔入個位，我地都打算搵過第張。點知有個中年紅啊姐waitress all back 紮馬尾 走過黎，勁無禮貌咁講 「你咁大張想點擠啊？」講完企係度，完全日無意欲係要幫忙。其實你份人咁易燥就咪做服務業啦門口有張枱有幾個小朋友企左係佢地食野張枱附近，無阻擋通道。個啊姐就惡到死叫啲小朋友「咪再走黎走去」到個啊姐送餐，佢連托盤擺埋落黎唔收走。我地最後要將托盤擺係sofa位...到就快食完既時間都就快2:00pm，大部份人都走哂，仲有好多空枱。個個啊姐問都唔問就收你野，其實未食完都未飲完囉。咁多枱你急咩趕人走？食物質素差都算請人唔該請個好d無下次 勤各位 唔好去食隔離m記仲好

今日，中午同同事去何文田廣場度搵食，見到新開左間Pizza Hut，所以就想入去試下。由於我哋公司食晏時間早過一般公司，所以基本上都係唔使等位。咁我就點左咖哩炸雞飯，點完之後佢哋就會比個傳呼機比你。但係好奇怪，佢哋唔使客人去令餐，而係個服務員過嚟搵你個傳呼機嘅號碼去比個餐你。而個號碼有好細，搞到啲服務員根本好難搵到要送個餐去邊。Anyway, 終於我個餐黎到啦，睇落個賣相都幾好，諗住應該幾好食啦。當我食第一啖嘅時候，個飯係凍㗎。而且，過分仲要係幾乾身，完全無咩水份。另外，個炸雞就比得嗰四件定五件，成個餐要成50蚊都好唔化算。唔建議大家去試。