忘不了拉麵小籠包 (已結業)

耐不耐媽媽都會想休息下唔煮飯, 不過樓下餐廳真係食到太悶喇! 不時就會同媽媽去官塘食下飯, 今日黎到東廣場呢間開左都好幾年既上海菜館. 😊3人行, 叫左個2人套餐再加多一份韭黃炒鱔糊唔係講笑! 呢度個2人套餐都幾抵食! 😀😀😀$238 自選6款食品(湯品, 冷盤, 2款小菜, 點心 & 炒麵) - 雞絲粉皮, 酸辣湯, 本幫黑醋骨, 四川回鍋肉, 黃金蝦仁炒飯 & 忘不了小籠包雞絲粉皮 味道中規中舉. 唯一缺點係糖同芝麻醬有d撈得唔係太平均, 食到有d砂糖既口感🤔🤔🤔酸辣湯 呢個真係麻麻地~因為外形同味道都唔係一碗正宗既酸辣湯😞本幫黑醋骨 黑醋骨算係成餐飯最有驚喜既菜式! 黑醋汁將排骨煮到好林好入味, 味道濃厚但唔會太過份, 黑醋帶點微酸, 肉同骨好易就可以咬開~幾好!👍🏻👍🏻四川回鍋肉 上海菜小炒必點之一, 呢個味道都唔錯! 菜唔會煮得好林, 咬落仲帶有咬口, 回鍋肉片唔算好肥, 有幾舊食落好似都有d干(因為瘦肉太多) 整體味道都唔錯嫁!黃金蝦仁炒飯 個賣相好似麻麻地, 得個黃黃地~ 不過因為炒飯以咸蛋黃炒成, 食落好香口, 而且炒飯炒到一飯飯之餘唔會太濕/太干, 火喉控制得幾好!😀

這家店開了一段時間，我卻一直未有機會試。今天仔仔話想食小籠湯包，剛好我們在觀塘，便姑且來一試。評評我們點的菜：1-三鮮兩面黃味道還可以，略咸了一點。但麵條用了廣東的蛋麵。至今只有在王家沙吃過粗條麵的兩面黃。2-小籠包招牌名字就是小籠包，所以一定寄與厚望，但卻非常失望。敗筆在於個皮。我會寄望包是新鮮即叫即製，此種作法反而會看可不可以又薄又可以包好湯汁。但此處的皮像點心蝦餃皮，厚不特只，感覺像是雪藏後拿出來。湯汁是滿滿的，但給皮完全破壞味道口感。3-胡椒餅我期待的是台灣式的，但出來的是不倫不類的餅，是燙熟後再兩面煎的，我心中的，是焗烤出來，上面滿滿是芝麻的那種。此處服務可以，環境普通，但由於食物比較差（指的是跟「正統」去比），我吃完後頗口乾，這是味精作怪，所以相信沒有下次了。

話說係官塘想揾下野食展轉黎到呢間人流唔太多商場見二樓有間酒樓叫忘不了，名字挺有意思，就決定試試7點左近間酒樓已經有d爆好彩仲有兩人位坐低見有過二人套餐勁多野食二百零蚊左右不過小弟向再鐘意上海茶的前菜同點心所以放棄左套餐自己叫第一道係菜係雞絲粉皮，係小弟最鍾意一道菜外表幾好份量夠，不過食落係另一回事粉皮一咬就斷，完全無彈牙感覺D醬好乾好似花生醬完全打破小弟以為雞絲粉皮一定好食嘅諗法😅跟住試嘅係紅油抄手一開始朋友一食，發入面有小骨食落去全部係係麻辣味，唔係小弟喜歡的味道再黎係小籠包，似乎係呢度嘅主打但一上就見倒上面有破口，好彩汁無流出黎皮係夠薄嘅，亦都好多湯不過肉質就唔得，一咬d肉完全散哂唔知去左邊亦可能因為肉質問題令湯味道都不佳一個好大嘅敗筆再後主菜係砂窩雲吞雞賣相不錯，亦都好足料，用左半隻雞黎整雲吞亦出奇地比小籠包更好食不過似終湯吸收唔倒雞同金華火腿鮮味， 又放左味精88蚊的雞湯還算ok la賣單唔洗二百蚊性價比是還可以的不過要人忘不了，恐怕仍需努力

座位好少, 如果遇著要等位, 應該要等好耐食物幾好, 小籠包大粒又有湯炸饅頭, 竟然有6個, 抵食, 炸得夠, 加埋鍊奶, 其實可以好好味雲吞雞, 雞嫩, 一拆即散, 開頭覺得湯底雖然淡D清D, 但飲多幾碗, 反而覺得味道啱啱好, 最怕愈飲愈咸, 因為湯入面有金華火腿

夏日炎炎，一踏入此商場已覺唔妥，無冷氣...捻住入左舖會好D，星期六，午飯時間，都ok多人，一行3大1小，被安排坐偏廳位置，得我地一枱，坐下發覺有一邊係open設計(通往商場有個窗口)，舖入面開大冷氣，偏廳卻熱到死....要開住兩把芭蕉伴食，食物水準係唔錯，由其係点心，小籠包，鍋贴爆汁，唯獨擔擔麵竟然用油麵，稍遜最後以半小時內快速食完，走人

星期五晚最怕要等位~打去問6個人有冇位~佢話可以留張卡位黎~我地就即刻行過去lu~好彩個卡位好大~for 6個人岩岩好!首先一定要叫個雞絲粉皮先啦~~我最愛! 好夠麻醬~絲瓜絲好幼!38黎講都唔算細碟~粉皮都好滑!冷盤仲有個花雕醉雞~雞幾滑~酒味唔太重~對我唔太中意酒既人覺得幾易入口~蒜泥白肉~肉都幾大塊~不過係咁多碟最唔受歡迎~都有D辣~但個味唔太吸引~最後剩左好多==‘然係呢個鱔糊~好夠味! 醬汁幾濃但又唔會太咸! 如果有愛蔥之人就正~可惜我地全部都唔愛~感覺好浪費/.\醬爆牛肉+薄餅!~個皮個味幾好~可以薄D就仲好! 一望落去又係好似蔥多過肉~不過其實你撩下撩下又會撩到舊肉~肉質幾好咬口 好入味!仲有個骨~唔記得咩名添..um..醬好濃`一碟都幾多舊~一舊都幾多肉~唔會剩係得舊骨~~唔錯既!食上海野當然一定要叫小籠包啦~~都幾大粒~汁幾鮮甜!最令人驚喜既係最呢個沙碢雲吞雞~~~裡面既雲吞! 好食到連相都唔記得影==“真係形容唔出咁好味! 好足料~皮好薄~ 至於個湯呢都好夠味! 好清甜~可惜隻雞就好’鞋’~冇人想食==“浪費哂性價比好高！會再黎的！

朋友說有一間食肆叫忘不了，名字很有趣，於是二人找一個晚上前赴探個究竟。店子原來是食上海菜的。我們點了酸辣湯、排骨擔擔麵及小籠包。酸辣湯內容有荀絲、菇絲、肉絲等，酸辣程度適中，不會太嗆喉，容易入口。反而擔擔麵的辣勁更甚，初初吃的時候不怎麼樣，後來竟是越吃越辣，厲害的級數! 排骨即是豬扒，煎得酥脆，但肉質雖未至於靭，卻乾身了些。全晚最有驚喜的是小籠包，一啖咬下，超多的湯汁在嘴裡濺出來，鮮甜之至，無須蘸點鎮江醋已相當出色。原來最令人不會忘記的是小籠包!

是晚上海之夜~好耐無食過上海野啦，突然TILL起根筋想食，CALL齊同事們收工一齊去擦餐飽XD酸辣湯: 材料有粉絲﹑木耳﹑豆腐粒﹑腐竹﹑等等，酸辣度黎講我覺得偏辣，反而酸味唔係好夠，呢個湯四個人都可以每人有兩碗，其實都幾大兜! 材料都豐富，唔會淨係得湯無料，不錯不錯!本幫黑醋排骨: 黑醋味濃，一上菜已經係陣陣既黑醋香味，黑醋酸中帶甜，香味四溢，真係令人流晒口水。另外，排骨都醃得好入味，完全吸收晒黑醋既香味，奈何排骨骨多過肉，相對無乜嚼感，享受唔到啖啖肉既滋味!蒜泥白肉: 蒜泥味重，帶點辣但係咬多兩啖有麻麻既感覺，幾得意。白肉方面，肥膏比較多，肉就相對比較少啦，因為要將肥膏咬出黎，所以無左啖啖肉既感覺。值得一提就係蒜泥白肉有粉皮襯底，粉皮對呢個餸起左好多既作用，蒜泥白肉如果淨食可能會愈黎愈麻，而且有點油膩，但係加左粉皮好似中和左咁，不錯!

今日lunch 突然想食小籠包，去左兩條街外的忘不了！好彩book左，如果唔係就一完無位。小籠包唔算薄皮。但包內啲湯汁比出面的多，同香濃，似上湯一般。連埋薑絲同醋食一流！但啲員工服務其差，尤其一位男職員。我都係嚟食野啫，又唔係求氣。。。。

星期日要去觀塘工廈學整月餅，順帶黎呢頭食個LUNCH。記得之前係呢頭返工時都黎過呢到食，都想再次返黎試下。今次叫既係「超值2人餐」，有1個冷盤，1個湯，2個熱炒，1個粉麵同埋1個點心。雞絲粉皮: 雞絲粉皮算係我最愛既上海菜之一，最鍾意既係佢個麻醬。呢到既粉皮好正又彈牙，個麻醬簡直係無得頂。酸辣湯:湯好足料又夠熱，酸辣度都啱啱好。忘不了小籠包: 小籠包裡面既湯汁多亦都好鮮甜,皮薄但不易穿皮，咬開有滿滿既肉汁，係小店黎講有呢個水準算係好難得，不過一人得一隻好似唔係好夠，一人3隻就差唔多。醬燒茄子: 呢個只係好一般既豬肉碎炒茄子，無咩特別。本幫黑醋骨: 排骨都算煮得唔錯又唔韌，醋味道剛好，唔會太酸，排骨又唔太淋，不過見到成碟都係肉，胃口唔好大，食唔到好多。上海炒年榚: 年糕軟硬適中，煙煙刃刃既感覺我真係幾鍾意，炒得有鑊氣得嚟又唔會太咸。

三點三才來吃午餐，點了下午茶餐~麻辣水煮牛肉麵配杞子桂花糕和黑豆漿~ 牛肉麵份量足，牛肉吃到底都還有，不過麻辣香味好像不太夠~ 杞子桂花糕有不少桂花，但偏甜不夠香，爽而不夠滑~ 黑豆漿都是現成來貨，尚算有輕微黑豆香，但不夠淜~麻香腩片麵配擂沙湯圓和黑豆漿~ 腩片麵同樣滿滿一碗，麻香原來是類似擔擔麵的麻醬花生醬，但偏稀~ 個人不好~ 擂沙湯圓雖然大大粒，但皮厚餡少，湯圓實而不軟，寧願到超市買包裝的回家自己煮來吃 雖然味道不算特別，但一碗麵+一份小食+豆漿，才不過30大元，又沒有小費，果然大件夾抵食 而且下午茶時段還可加少少錢配吃不同小食，例如我們加了$20要了個小籠包(四隻)~ 小籠包是有水準的，皮厚薄剛好，肉滑湯多~ 熱辣辣的吃，一流

這餐廳的位置不算當眼，雖然在商場的一樓，但因為商場是坐落在工商區，所以都是在朋友介紹下，專程過來才會幫襯。選擇太多，想吃的也很多，所以便要了一個套餐，可以嚐試小吃、湯羮、飯及小菜。先來的是經典小吃：雞絲粉皮。很喜愛它的淡濃配搭，淡的有粉皮及青瓜，濃的當然就是麻醬，味道間配合得很好。當所有食材放在口中一起品嚐時，便會吃到不同層次的味道，濃的淡的，混在一起。好味。之後是一個湯：魚羮。這個就不甚特別了，湯味較淡，魚肉也沒鮮味。再來的是一個薑蔥雞煲。熱黱黱的，味道也很好。而一個獅子頭更是另一經典，對喜歡吃人的人來說更是至愛，肉嫩嫩的，很易入口。最後更來一個炒飯：蛋黃蝦仁炒飯。很惹味，只是略嫌蛋黃較少，再多一點就更惹味。當然就不能多吃了。

未到官塘工業中心一期參觀藝術品和自制手工。先食午餐。原本去創紀之城AEON內食，但太多人。老公介紹去東商忘不了食上海菜。我們點了四款。豆沙窩餅，窩貼，特色蚵仔煎，上海炒年糕。四款菜中，我最喜歡吃蚵仔煎，脆而不腻。豆沙窩餅與別的上海館不同，它有香蕉味，但我喜歡。窩貼肉汁多不干。上海炒年糕，我厭它略咸。

咁岩行去觀塘又醒起呢間餐廳就入去試下都唔錯記得好耐之前去食 質素差唔多 KEEP得幾好去食LUNCH SET係小菜我同我朋友分別叫左醉雞同回窩肉 兩樣都幾好醉雞油味足又唔會難頂回窩肉肥瘦岩岩好 正

今天行完APM, 突然很想吃上海菜, 在OPEN RICE 一下附近有什麼小店, 驚喜地找到這間在東廣場的小店, 在APM 行過去才五分鐘.我們八點半就去等位, 前面有已經有人在排隊, 我們大概等了十分鐘, 星期六來說也不算等得久了.這家店雖然店面不大, 但環境佈置很好，很喜歡這種懷舊復古的小店我們兩個月, 就點了三個餸一碗面.赛螃蟹, 有穫氣, 不鞋口, 口感滑嫩, 送飯一流好奇之下點了個菜名很特別, 叫十三香農家雞, 這個是用煲仔上, 所以吃到最後雞還熱熱的, 很惹味.干燒蝦球, 味道適中, 炸得剛剛好, 不會很乾我們還點了一碗黃魚煨面, 黃魚都是已拆骨，魚肉幾乎都是完整的，非常新鮮，幾乎沒什麽腥味。湯底是濃郁、鮮美, 最後我們連湯都喝光最後值得讚賞是WAITER 服務很好, 其間不停幫我們加茶, 值得一讚. 整體來說, 食物有水準, 服務態度好, 價錢適中. 下次一定會再來.