162
20
10
| 餐廳: | 怡紅院火鍋料理 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵中環站 D2 出口, 步行約6分鐘
繼續閱讀
電話號碼
31019968
開飯介紹
餐廳樓高兩層，下層酒吧有雞尾酒供應。主題模仿古代青樓風格。火鍋湯底富特色，有坊間少見的避風塘炒肉蟹鍋；燈紅酒綠鍋（麻辣+芫茜皮蛋）視覺上非常搶眼。餐廳主打騸牯黃牛，牛肉選擇多。
繼續閱讀
營業時間
今日營業
全日休息
星期一至五
12:00 - 00:00
星期六
15:00 - 00:00
星期日
全日休息
公眾假期
15:00 - 00:00
公眾假期前夕
15:00 - 00:00
*只提供外賣服務
以上資料只供參考, 請與餐廳確認詳情
有關獎賞計劃
相關文章
怡紅院火鍋料理📍 中環雲咸街43-55號余悅禮大廈地下B-C號舖及1樓102-4號舖┄┅┄┅┄┅┄┅┄┅┄┅┄┅┄┅┄//OpenRice 訂座有85折 另外有加一服務費以下為正價價錢~//▫️ 城寨特濃沙嗲鍋 ($168)✨沙嗲湯底勁濃厚 花生味好香🥜加咗幾次水 個湯底都係咁濃郁▫️ 手切本地牛頸脊($388)牛味夠重 口感軟腍👍🏼但呢個價錢份量略嫌少😮💨▫️ 怡紅丸-麻辣牛丸(半份$54)✨牛丸入面有花椒八角🌶️一咬開麻麻辣辣好過癮 推薦！▫️ 手打墨魚丸(半份$59)超級彈牙 咬落去好似同我啲牙鬥緊力咁😲明顯贏坊間啲墨魚丸幾條街！▫️ 自家製響鈴($116)✨炸得超級酥脆 咬落口感好似有100層咁豐富冒着膽固醇超標嘅風險都要再嗌多碟😂▫️ 出前一丁($28)嗌到沙嗲湯底點可以少得出前一丁！個麵超級掛湯 世界級好味🥹🥹▫️ Damn Lemon ($48)叫咗呢個西班牙嘅檸檬啤酒 有驚喜！檸檬香味勁出又唔假 好易入口飲落留有啤酒嘅苦澀味 唔會太甜🍻
繼續閱讀
幾星期前落訂要間K房，早一晚仲訂海鮮 - 象拔蚌加聖子。食飯前四個鐘話冇咗間房。 隱隱晦晦話有啲事，問咗一陣先話俾咗人。其實真係幾醒目，臨食先話冇咗間房，睇死你星期五咁遲周圍搵唔到位。經理電話話會俾85折，埋單先話海鮮加牛肉冇折。又話一向都係咁，我哋第一次嚟有點會知你啲潛規則。真係公你贏字我輸。 啲食物唔差，不過好貴，五百幾蚊一碟牛少得可憐。可能我哋真係唔好運，希望大家順順利利，不過俾嗰萬蚊一肚氣真係冇下次
繼續閱讀
今日午餐去左一轉怡紅院！好耐之前已經聽過呢間火鍋店，但係覺得價錢都唔平所以一直都係得個知字。點知依家午餐有一人邊爐🫕一於試試佢門口裝飾得都幾靚，一入到去坐低已經有張賣身契等緊你簽嗌左個沙嗲湯底黎滾個出前一丁，湯底好濃郁，個麵吸曬啲湯，好好味😋肥牛就偏肥同埋相對普通，不過丸類都幾好👍🏻跟餐仲有杯野飲，揀左烏龍茶無咁有罪惡感。值得一讚既係唔知關唔關今日唔算多客，侍應姐姐都好好，不停主動加湯同埋都有收走吉碟。
繼續閱讀
位於中環蘭桂坊呢間以青樓為主題嘅打邊爐店，裝修充滿濃厚嘅中國風情，令人有種置身古代嘅感覺。食物方面，椰子雞鍋嘅湯底清甜可口，雞肉份量都幾足，令人滿意。🥰不過，整體味道中規中矩，冇乜特別驚喜。十幾人食完埋單大約69XX蚊，價格偏高，但考慮到地段同主題，都算合理。適合鍾意新鮮體驗嘅食客一試。🔥
繼續閱讀
今日去咗中環一間叫「怡紅院火鍋料理」嘅餐廳打邊爐，聽到個餐廳名同見到門面嘅裝修，就知道呢間餐廳係主打中式風格嘅火鍋店，入到去由裝修、座位到餐具全部都採用中國宮廷風，全部都好精緻同幾有特色。今次嗌咗一人一鍋嘅午市套餐，$118一位就可以享用尊貴宮廷鍋，湯底有六款，包括麻辣、沙嗲、胡椒豬肚、冬瓜薏米、皮蛋芫荽同椰子雞，我就揀咗鹹酸菜胡椒豬肚湯，湯底非常惹味，胡椒味道非常濃郁，帶有胡椒嘅微辣同鹹酸菜嘅鹹鮮味，豬肚亦都炆得好腍身，口感爽口彈牙；肉類可以揀牛或豬，我揀咗美國穀飼肥牛，卷到一粒料嘅形狀上菜，夾起好方便；火鍋配料有高達20款可以選擇，我嗌咗自家制韭菜餃、爆汁牛筋丸、豬骨濃汁貢丸同振興魚腐，推介牛丸同貢丸，牛丸爽口彈牙，貢丸爆汁濃味，另外仲附送咗生菜同粟米；麵食可以揀出前一丁、日本稻庭烏冬、薯粉或芋絲，全部都唔使加錢；午市套餐仲包埋飲品，唔夠食仲可以追加火鍋配料，份量絕對夠飽！📍中環雲咸街43-55號余悅禮大廈地下B-C號舖及1樓102-4號舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊
繼續閱讀