怡紅院火鍋料理

營業中

休息中

「怡紅院火鍋料理」以紅樓夢作主題，環境店面充滿傳統元素，門口掛滿大紅燈籠，店內則用上木系裝潢，設有宮廷風包廂，非常打卡，適合一大班朋友聚會。湯底推薦紅樓醉夢鴛鴦鍋，隨鍋送上黛玉和寶玉的玩偶，倒入湯後二人融化鍋中，畫面有趣。手切騸牯牛雙拼有邊爪腩及金錢展兩個部位，前者肉味濃郁，後者口感爽脆。餐廳亦提供多款海鮮，包括阿拉斯加長腳蟹、花蟹、肉蟹、本地龍蝦、東星斑、蟶子皇等。配料方面更有自家製丸餃同四大手打丸王

Lunch 黎怡紅院打一人一鍋邊爐，平時一定要早book，今日難得last min 12點都仲book 倒👍🏼餐廳共2層，1樓有包廂。我哋1245到嘅時候地下嗰層已經坐滿，所以被安排响1樓。坐位闊落坐得舒服。Lunch set $118 包湯底，1份菇菜，1份肉(牛/豬)，火鍋配料選4款各2件，一個麵加杯嘢飲。我同朋友share火鍋配料可以食多4款唔同口味。湯底：城寨特濃沙嗲鍋 — 確實係好濃味，有花生的香味趁上食物的味道絕對係今餐嘅靈魂，而且質地唔會好水，食到最尾都煲到傑身，啱啱唔黐底， 讚👍🏼菇菜：正常份量，想講粟米少到得相中見倒嘅3行半😳唔知點解冇左半行🤷‍♀️肉：美國穀飼肥牛 — 唔薄，望落顏色靚，都有半塊係肥膏，唔太食倒牛味。共4卷，我覺得份量少左啲火煱配料： 爆汁牛筋丸 — 味道正常冇爆汁江仔記魚片頭 — 片頭味重,好味，彈牙爽口芥末沙律球 — 好淡嘅芥辣味，沙律味比較多，少少甜，都好食厚切午餐肉 — 厚度有2-4塊平時街食倒嘅午餐肉咁厚精選韭菜餃，凍豆腐，魚皮餃，魚籽包心丸 — 全部都正常冇特別環境：靚裝，唔嘈所有野食都有中上嘅級數，但份量少左啲，不過哩個價錢响中環都叫做o

第一次去怡紅院係試佢地晚市，當時都已經覺得佢地啲火鍋料同湯底都好味，而且環境又靚，餐牌、餐具嗰啲又好得意，cocktail 又好特別，只係有啲貴啫 （我覺得⋯⋯）但係午市又幾抵食，$130 一人一鍋，可以揀一份肉，四款配料（每款兩件），一款麵食，仲有一杯嘢飲，如果你冇揀到要加錢嘅配料，真係可以$130落樓！上個月去過兩次，試過佢哋個沙嗲湯底同埋麻辣湯底。沙嗲湯底好香濃但唔鹹，襯出前一丁一流！ 麻辣湯底唔算辣，但係好香，襯薯粉好出色 ！火鍋配料試過佢哋嘅醬爆咖喱炸蛋，外面係炸魚蛋裏面包心係咖喱，有驚喜！韭菜餃都好食，但係可能好快賣晒，有次因為叫唔到韭菜餃，就加錢叫咗個鳳城水餃，入面有好大粒蝦，好食呀！ 厚切午餐肉一啲都唔Hea，真係厚切，抵叫！呢排天氣凍凍地，會再返兜～～

無諗過lunch會去打邊爐,仲要一人火鍋，朋友講話依家餐廳有一人火鍋，就趁住冬天去試一試。本身諗住應該唔多人，冇book位，原本店員話冇位，好彩得返兩個位，但係原來係要搭枱，不過做得一人火鍋，加上餐廳入面大部分都係大枱，要搭枱都正常。講返點餐紙，個名叫做賣身契，其實係一張揀湯底煮食配菜同飲品嘅紙。朋友叫沙嗲湯，佢話唔算好辣。我叫胡椒豬肚湯，其實胡椒味都重，仲有少少豬肚。其他食物方面都正常，本身以為會食唔飽，但係其實都夠。總括黎講，依度係快餐店以外一人火鍋嘅好選擇，仲要係lunch time 先有。

怡紅院火鍋料理📍 中環雲咸街43-55號余悅禮大廈地下B-C號舖及1樓102-4號舖┄┅┄┅┄┅┄┅┄┅┄┅┄┅┄┅┄//OpenRice 訂座有85折 另外有加一服務費以下為正價價錢~//▫️ 城寨特濃沙嗲鍋 ($168)✨沙嗲湯底勁濃厚 花生味好香🥜加咗幾次水 個湯底都係咁濃郁▫️ 手切本地牛頸脊($388)牛味夠重 口感軟腍👍🏼但呢個價錢份量略嫌少😮‍💨▫️ 怡紅丸-麻辣牛丸(半份$54)✨牛丸入面有花椒八角🌶️一咬開麻麻辣辣好過癮 推薦！▫️ 手打墨魚丸(半份$59)超級彈牙 咬落去好似同我啲牙鬥緊力咁😲明顯贏坊間啲墨魚丸幾條街！▫️ 自家製響鈴($116)✨炸得超級酥脆 咬落口感好似有100層咁豐富冒着膽固醇超標嘅風險都要再嗌多碟😂▫️ 出前一丁($28)嗌到沙嗲湯底點可以少得出前一丁！個麵超級掛湯 世界級好味🥹🥹▫️ Damn Lemon ($48)叫咗呢個西班牙嘅檸檬啤酒 有驚喜！檸檬香味勁出又唔假 好易入口飲落留有啤酒嘅苦澀味 唔會太甜🍻

幾星期前落訂要間K房，早一晚仲訂海鮮 - 象拔蚌加聖子。食飯前四個鐘話冇咗間房。 隱隱晦晦話有啲事，問咗一陣先話俾咗人。其實真係幾醒目，臨食先話冇咗間房，睇死你星期五咁遲周圍搵唔到位。經理電話話會俾85折，埋單先話海鮮加牛肉冇折。又話一向都係咁，我哋第一次嚟有點會知你啲潛規則。真係公你贏字我輸。 啲食物唔差，不過好貴，五百幾蚊一碟牛少得可憐。可能我哋真係唔好運，希望大家順順利利，不過俾嗰萬蚊一肚氣真係冇下次

今日午餐去左一轉怡紅院！好耐之前已經聽過呢間火鍋店，但係覺得價錢都唔平所以一直都係得個知字。點知依家午餐有一人邊爐🫕一於試試佢門口裝飾得都幾靚，一入到去坐低已經有張賣身契等緊你簽嗌左個沙嗲湯底黎滾個出前一丁，湯底好濃郁，個麵吸曬啲湯，好好味😋肥牛就偏肥同埋相對普通，不過丸類都幾好👍🏻跟餐仲有杯野飲，揀左烏龍茶無咁有罪惡感。值得一讚既係唔知關唔關今日唔算多客，侍應姐姐都好好，不停主動加湯同埋都有收走吉碟。

位於中環蘭桂坊呢間以青樓為主題嘅打邊爐店，裝修充滿濃厚嘅中國風情，令人有種置身古代嘅感覺。食物方面，椰子雞鍋嘅湯底清甜可口，雞肉份量都幾足，令人滿意。🥰不過，整體味道中規中矩，冇乜特別驚喜。十幾人食完埋單大約69XX蚊，價格偏高，但考慮到地段同主題，都算合理。適合鍾意新鮮體驗嘅食客一試。🔥

今日去咗中環一間叫「怡紅院火鍋料理」嘅餐廳打邊爐，聽到個餐廳名同見到門面嘅裝修，就知道呢間餐廳係主打中式風格嘅火鍋店，入到去由裝修、座位到餐具全部都採用中國宮廷風，全部都好精緻同幾有特色。今次嗌咗一人一鍋嘅午市套餐，$118一位就可以享用尊貴宮廷鍋，湯底有六款，包括麻辣、沙嗲、胡椒豬肚、冬瓜薏米、皮蛋芫荽同椰子雞，我就揀咗鹹酸菜胡椒豬肚湯，湯底非常惹味，胡椒味道非常濃郁，帶有胡椒嘅微辣同鹹酸菜嘅鹹鮮味，豬肚亦都炆得好腍身，口感爽口彈牙；肉類可以揀牛或豬，我揀咗美國穀飼肥牛，卷到一粒料嘅形狀上菜，夾起好方便；火鍋配料有高達20款可以選擇，我嗌咗自家制韭菜餃、爆汁牛筋丸、豬骨濃汁貢丸同振興魚腐，推介牛丸同貢丸，牛丸爽口彈牙，貢丸爆汁濃味，另外仲附送咗生菜同粟米；麵食可以揀出前一丁、日本稻庭烏冬、薯粉或芋絲，全部都唔使加錢；午市套餐仲包埋飲品，唔夠食仲可以追加火鍋配料，份量絕對夠飽！📍中環雲咸街43-55號余悅禮大廈地下B-C號舖及1樓102-4號舖位置就腳：🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊

同班同事聚會選擇咗中環怡紅院之前因為都去過覺得幾好食所以推介同事一齊去食同事都好想食椒鹽粟米不過咁啱嗰日冇其他嘢都中規中矩仲有好多隻酒類飲餐廳仲好困蘭桂坊添見佢酒本秘笈入面有勁多招式好搞笑🤣🤣

𝑹𝒆𝒔𝒕𝒂𝒖𝒓𝒂𝒏𝒕 𝑵𝒂𝒎𝒆 🍽️: 𝒀𝒊 𝑯𝒖𝒆𝒏 𝒀𝒖𝒆𝒏🏮𝐿𝑜𝑐𝑎𝑡𝑖𝑜𝑛📍: 𝐶𝑒𝑛𝑡𝑟𝑎𝑙, 𝐻𝑜𝑛𝑔 𝐾𝑜𝑛𝑔𝐶𝑢𝑖𝑠𝑖𝑛𝑒 🥂: 𝐻𝑜𝑡 𝑃𝑜𝑡 🥘🫕𝑫𝒊𝒔𝒉𝒆𝒔 📸：𝑺𝒏𝒂𝒄𝒌:1. 𝐺𝑜𝑙𝑑𝑒𝑛 𝐹𝑟𝑖𝑒𝑑 𝐹𝑖𝑠ℎ 𝑆𝑘𝑖𝑛🎏遍地黃金炸魚皮🐟2. 𝑆𝑒𝑎𝑤𝑒𝑒𝑑 𝑎𝑛𝑑 𝑆𝑞𝑢𝑖𝑑 𝑃𝑎𝑡𝑡𝑖𝑒𝑠🦑紫菜墨魚餅🍘𝙃𝙤𝙩 𝙋𝙤𝙩 𝘽𝙧𝙤𝙩𝙝:3. 𝑊ℎ𝑖𝑡𝑒 𝑃𝑒𝑝𝑝𝑒𝑟 𝑃𝑜𝑟𝑘 𝑇𝑟𝑖𝑝𝑒 𝑆𝑜𝑢𝑝 🫑咸酸菜胡椒豬肚鍋🐷4. Fish Maw and Chicken Soup🐓養顏濃厚花膠雞鍋🐣𝙈𝙚𝙖𝙩:5. 𝐻𝑎𝑛𝑑-𝑆𝑙𝑖𝑐𝑒𝑑 𝐿𝑜𝑐𝑎𝑙 𝐵𝑒𝑒𝑓 𝑁𝑒𝑐𝑘🐮手切本地牛頸🐄6. 𝑆𝑝𝑎𝑛𝑖𝑠ℎ 𝐼𝑏𝑒𝑟𝑖𝑐𝑜 𝑃𝑜𝑟𝑘 𝑆𝑙𝑖𝑐𝑒𝑠🇪🇸西班牙黑毛豬肉片🐖𝙎𝙚𝙖𝙛𝙤𝙤𝙙:7. 𝐹𝑟𝑒𝑠ℎ 𝑆𝑜𝑢𝑡ℎ 𝐴𝑓𝑟𝑖𝑐𝑎𝑛 𝐴𝑏𝑎𝑙𝑜𝑛𝑒🌟🌟🌟南非鮮鮑魚（6隻）💫💫💫8. 𝐴𝑚𝑒𝑟𝑖𝑐𝑎𝑛 𝐵𝑢𝑐𝑘𝑒𝑡 𝑂𝑦𝑠𝑡𝑒𝑟𝑠 🦪美國桶蠔（6隻)🇺🇸9. 𝐶𝑎𝑛𝑎𝑑𝑖𝑎𝑛 𝐶𝑜𝑟𝑎𝑙 𝐶𝑙𝑎𝑚𝑠🇨🇦加拿大珊瑚蚌🪼𝙊𝙩𝙝𝙚𝙧 𝙄𝙣𝙜𝙧𝙚𝙙𝙞𝙚𝙣𝙩𝙨:10. 𝐶ℎ𝑒𝑒𝑠𝑒-𝐹𝑖𝑙

家姐生日慶祝同佢去咗中環怡紅院打邊爐見到本怡紅寶鑑好多招式😅真係尷尬，而不失笑容不過好有特色，好搞笑食物質素好好食😋湯底好濃郁五個人埋單$1900幾下次再嚟😚

位於中環蘭桂坊附近的特色主題打邊爐🏮🪭親友新加坡嚟香港，想搵間特色啲嘅餐廳打邊爐，所以專登由九龍揸車去中環試😜果然係有如其名以青樓做主題嘅怡紅院🐂牛頸脊打邊爐點可以冇牛！牛頸脊鮮嫩有牛味鮑魚店員提醒淥15秒就食得，果然爽爽嫩嫩，老人家牙唔好都咬到🍡手打四寶丸四種丸都好出色，但係辣牛丸要注意裏面會有花椒，咬嘅時候小心啲桂花蚌爽口彈牙帶鮮味，我個人非常喜愛。而且桂花蚌不含膽固醇同脂肪，係注重健康飲食人仕最佳之選小記：話說揸車人士最近嘅停車場係中央廣場，但由於我架車load到好低，而個停車場非常斜！我上唔到所以駕駛人士自己留意番！

今日同朋友去怡紅院搵姑娘🤣🤣姑娘就冇 打邊爐就真既😎有兩層座位 裝修幾特別同朋友被安排在上層位置享用晚餐👍🏻叫左個鴛鴦湯底火焰大蝦卜卜蜆蕃茄鍋+茶樹菇姫松茸什菌濃湯鍋比較上黎 卜卜蜆個湯會比較濃味啲好飲啲裡面都好多料可以食 鮮甜好味西班牙黑毛豬肉片 $168豬肉片嫩滑易入口🐷紐西蘭羊肉片 $168羊肉好鮮嫩細緻 有少許羊羶味🐑金箔糖心皮蛋一口鮑 $148皮蛋+鮑魚 意外地呢個幾match 好好食 推介👍🏻冰鎮秋葵 $68雪到凍凍冰既秋葵 點上醬料好滋味

Lunch都可以打卡既一人邊爐.餐廳名叫怡紅院就知餐廳行玩味路線😆 環境精緻打卡～Lunch一大班同事嚟食仲可以樓上包房😙 人少少坐卡位都好有特色❤️.午市超級抵食 一人邊爐只需$118！包湯底 蔬菜 4款配料 烏冬或出前一丁 仲有嘢飲😋.皮蛋芫荽山鍋 芫荽唔算多🌿 但清清地都幾好飲胡椒豬肚湯底就非常夠味 胡椒味濃 偏辣😋 反而麻辣湯底就唔算好辣 質地稀啲.推薦江仔記魚片 手打蝦丸同手打墨魚丸😋 手打丸真材實料 非常彈牙整體性價比好高✨