恆河咖喱餐廳 (已結業)

又係因為之前陪男友吃飯所以入到西灣河的!!!有人口淡淡男友就帶我去curry~~入到去就俾人叫左上樓．跟住叫set lunch~ 牛腩同牛舌!!!反而係個包幾好食．不錯不錯! 2個人80大元味道又不錯．食得過~~

今日專程中Quarry Bay 走到去恆河食Lunch~~好在早到有位，遲少少都爆滿。＄３８午餐，有湯，咖喱，烤餅，飲品，幾抵呢。個南瓜湯好名熱，好味，實在去好多高級餐廳食兩舊水個餐都未必有個咁靚o既湯飲！１０分！我叫咖喱羊，幾好味，有正宗咖喱店應有的水準！蒜蓉烤餅，好夠脆口，但欠蒜蓉味，ＯＫ啦。凍飲加兩蚊，＄４０一個人，好抵食。走時(一點幾)認真多人等位呢.....

多年來水準極高，茄汁加哩及白汁加哩配魚及雞，非常好食！但緊記午餐去食，因為好平！飯可轉薄餅，有幾種味，配加哩一流！另外餐飲加錢轉芒果larsi最正

話說今日上晝港股跌左千三點，蝕到入哂肉。心情唔係幾好之下遇著32度高溫，搞到個人忟忟地。無乜mood之下決定食番餐咖哩，務求將心中那團火藉著咖哩作為燃料一拚排出體外，於是乎係openrice搵到西灣河既恆河！甫一進場即被阿喇式的裝潢和音樂迷惑了思緒，我彷彿置身於四大文明古國的古印度之中，同時看到數名穿著單邊吊帶的古印度人在門口吹著喇叭向我作出夾道歡迎，四名圍著面紗的女子正圍著中間那條眼鏡蛇盤旋起舞。這時一把女聲把我從迷惑中喚醒：「先生，一位埋邊請坐」，我坐下看了餐牌後點了一個 c 餐便繼續我的意境欣賞。先來一客南瓜湯，質感杰杰地好實在、而味道則是甜中帶著微微的辣，應該是下了少許古月粉所致，不足之處是尚有一些麵茨未完全攪拌，整體達到可接受水平。之後到主角咖哩羊腩配以咖力蘭出場，一股濃烈而刺眼的八角混合紅辣椒香氣從小湯碗中央直撲鼻中，另一股刺鼻的蒜香隨後湧上，我登時昏暈並再次進入意境中！我看到一隻山羊正試圖從農夫手上作出垂死掙扎，鮮血如柱般流出，最後失救死亡，情境仿如早上大跌市宰殺我在昨日下午購入的牛證一樣......最終剩餘價值等於零，此時心中的怒氣把我從意境中喚醒，繼續享受這一頓豐富午

成日行過都見到呢間野，昨天終於走入去食Lunch SET$38 免加一包括餐湯，咖哩，烤餅/飯，餐飲一入到去都聞度陣咖哩味，不過OK，開左大冷氣，唔覺有問題，同埋好快就開始唔覺有味。餐湯-忌廉雜菜湯，幾濃，唔似其它D淨得白色一片無料既，但就唔覺好有忌廉味。咖哩-我揀左蕃茄咖哩牛仔腩，佢又無問我要幾辣喎，不過煮出來辣度幾啱我，咖哩混埋蕃茄個味道好好，D牛腩好諗，吸晒D咖哩汁，一咬落去就FEEL到好多汁，好正，而且份量適中(我覺得呢個好重要，因為通常我食親D咖哩都好大碟，搞到食唔晒,格硬食變左唔好食)烤餅-新鮮整既，三大塊實夠飽，好鬆軟，不過好厚，好似pizza 咁厚，而且無乜味，令我有D失望，因為我最期待就係用塊餅來點咖哩食, 我覺得應薄D同有D鹹味先好食。同埋食到最後因為個冷氣勁得滯，塊餅凍晒囉，最後就無食晒涷奶茶-一般la 無特別Service 都OK，D野食夠熱，係冷氣大左D，可能當時兩點幾人唔多啦...

太太太失望啦~番左黎之後, 好耐未食咖哩..咁成日見到呢間野, 就搵埋個朋友去試去到睇個menu.. 冇butter chicken既? tendori呢?唔通印度唔同地方d野唔同?咁我地叫左個2人set, 唉~ 好難食.. 係我食咖哩最難食既一次~佢地掛全serve 班日本人.咁我呢?

跟太座一家遠征西灣河，嚟食個聖誕咖喱大餐...筲箕灣嘅本店就食過一次，呢度就未試過。試過後發覺水準差別不大...食到杯盤狼籍，有如狂風掃落葉..當中最出色要算係chicken korma。呢款印度嘅"白咖喱"，椰香味甚濃，加入大量腰果，且辣味不濃，啱晒不太食得辣嘅太座。雞件亦頗滑，醮上roti及naan餅而食，轉眼間已食至碗底朝天。再追加嘅duck breast korma，亦同樣食到一滴汁也不剩...見menu上有vindaloo呢款印度辛辣咖喱嘅代表，想叫。但驚唔太食得大辣嘅太太一家接受不到，就此作罷...再叫多款masala配羊腩及羊膝，都做得不錯。羊膝入口肉淰糯，不過唔多夠膻...豬仔脾tandoori亦做得不俗，不太乾，仍留有少少肉汁，肉亦不韌...水準仍是不錯，且價錢夠平，值得再試...

又係羊報去搵新野食的日子, 今晚試了咖哩. 見到門口貼左好多雜誌介紹, 就入去試下. 以為餐廳好細間, 點知原來有兩層的. 我們坐上層, 都算舒服. 一坐低店員就送上餐前小食, 係印度脆薄餅, 細細塊, 幾香脆的. 餐牌上介紹有set dinner 的, 包括餐湯, 主菜和餐茶. 我們叫了一個茄汁咖哩蝦(因為想試下茄汁加埋咖哩汁會係點), 一個咖哩什菜燴雞, 可以跟飯或薄餅. 我們揀左一個飯, 一個跟薄餅. 店員問咖哩想要大, 中, 小, 辣. 我們說要大辣, 他立刻說店子的中辣已是其他餐廳的大辣. 所以我們揀了中辣. 另外見到有餐酒, 問店員時, 他說只得紅酒, 沒有白酒了, 而且紅酒都只得一款. 我們叫了一支試下.餐湯是海鮮湯, 但飲落一點海鮮味都無, 完全吾知係什麼味的湯. 茄汁咖哩蝦來先, 一共有十二隻蝦, 味道不錯, 有點特別, 這個菜配飯比配薄餅好味. 薄餅不夠燶而且太厚太多粉, 薄一點會比較好食. 咖哩什菜燴雞味道很好, 值得推介. 不過中辣其實都不太辣, 下次可以試下大辣, 我想會野味一點呢. 什

甚少機會在西灣河覓食，所以出發前就在openrice選好了吃這間的curry。點了兩個午餐，分別是咖哩雞和魷魚配咖哩汁。餐包的忌廉湯想不到還蠻美味的，不過我好像覺得有一點點的辣味？咖哩雞早早就到了，烤餅也來了，分別是原味的和蒜味。看起來好像原味的比較好吃，有三大塊，蒜味的就有四塊。咖哩選了小辣的，對於我來說已經夠濃味的了，烤餅蘸上咖哩汁食很好吃。雞肉就比較「鞋」，所以最後剩下的就是牠了。咖哩魷魚上桌時很在鐵板上冒著煙呢﹗是原條魷魚，我們把牠切開幾小塊，食得也美味。原味的烤餅有些脆脆的，蒜味就愈吃愈好吃，兩種都很不錯。原以為一定會吃不完的，最後竟然不知不覺吃完了七塊烤餅。也許是太久沒吃咖哩，一吃就停不了了。不過這裡的烤餅也很讚的﹗餐飲我喝了凍檸茶，不過不失。男友選了凍奶茶，我喝了一口，覺得味道十分怪﹗不過他卻說是因為放的糖漿不同所以味道和平時的不一樣。總之我就是接受不了啦。吃得飽飽的，價錢也相宜，今天的第一餐還真不賴﹗

10.13 (SAT) dinner提議去這間，有人讚成，便去了。經過了這店數次，想不到會在今天試了…雖然order了很多食物，但由於要高度戎口，只試了一半的東西e_e白咖喱魚：不辣，很香椰汁，配烤餅好好味，魚肉多而且好味！烤餅不會太"焦"。蕃茄咖喱烤雞：不辣，汁其實有點奇怪：未吃過帶酸的咖喱，不過亦算開胃。雞肉大大舊好好咬。烤墨魚筒：不錯，ok香口。不知是否叫燒餅：一條像蛇餅般，內有椰絲，甜甜的但不會太甜，不經不覺吃了一大半"蛇餅"。埋單後才知DBS有10% OFF8人共$600p.s. 我們坐在金魚缸旁的門口位置，想問為什麼一半以上的魚也是"沉底"的…?

21-8-2007午餐食咖哩雞塊配飯, 咖哩係少辣, 合我口味, 雞塊當然不能苛求, 下次試配烤餅先。凍檸茶就麻麻。

上星期六去食set lunch, 今次係我第2次食, 呢間舖唔係大太, 但都坐得都算舒服! set lunch有忌廉湯+咖哩牛仔腩+薄餅+凍飲! 1) 先來忌廉湯, OK啦! 冇乜特別! 2) 咖哩牛仔腩好香, 用來點薄餅超正, 牛仔腩好諗好入味! 3) 薄餅, 有兩大件, 熱騰騰好軟好好食! 4) 凍檸茶, 有4片檸檬, 都夠味呀! 呢個套食完勁飽, 好滿足!

同2位友人一齊黎食咖哩!原來多報導夕宣傳都唔一定係好野!!鐵板鱈魚: 遲黎不特以, 仲哂, 唔明點解仲可以拎比客人食! 份量好小, 得3,4舊,不過不失鐵板豬頸肉: 又黎遲上, 等左成半個鐘, 吹左幾次單,唔怪得之放d雜誌比人睇啦! 又黎哂, 冇肉味,d肉仲好鞋口。我地食左1舊就放棄左!咖哩牛尾: 份量好小, 得3,4舊, 味道唔差, 可惜呢樣係最早黎, 佢地又唔搵野蓋住, 到d烤餅黎果時d汁都凍哂。唯一可味就係d烤餅!咁既價錢得咁既野食...好唔抵!我寧願食大家樂!等d野黎足足等左40分鐘, 又唔係多客(食野時間都唔full)服務: 我地食完諗住坐多陣, 竟然開大個冷氣趕客!點解我地會知?因為嗌埋單後個冷氣即刻教細返!咁既服務...仲衰過明趕你走!!

幾好食, 唔食得辣既朋友要小辣已好夠, 因為佢地既咖哩本身香料足, 都已經好野味, 地方亦唔錯, 服務都ok, 價錢算合理, 有人會覺得個男人serve得唔好, 我都明有人真係唔係太鐘意佢,算啦, 野食ok, 下次去另一間分店, 睇下點啦

ｌｕｎｃｈ～吃了咖喱牛腩＋餐湯＋牛油烤餅＋熱檸茶。無得揀唔辣，所以要少辣，我本身只可以食到少少辣，佢地既少辣都ｏｋ，接受到，怕辣既人都可以放心食！烤餅一ｄ都唔牛油，而且有少少，要扣分，但好大塊，有三塊～～餐湯係忌廉湯，同平時茶餐廳既ｃｈｅａｐ忌廉湯好唔同，ｌｅｅ度好飲好多！其他人食左ｂａｂｙ　ｌａｍｂ，好"ｓｏ"。咖喱雞無骨，懶人。＋＄５可以轉飲特飲ｏｒ青島啤，幾抵～～我地坐二樓，有部無聲既電視～環境好乾淨好舒服！連廁所都乾淨，抵讚！！侍應好人有耐性，抵讚！食完唔走好多客等位都無催我地，又係抵讚！雖然重慶好食ｄ，但ｌｅｅ度都好好，值得黎既～～