悠 (已結業)

悠！ 很貼切的店名。星期三的下午走進這小店。店子的外觀已給人有一定的舒適，平靜感覺。員工十分友善地安排了坐位。從店中走進另一空間，心中湧起無限的喜悅。一個很舒適的環境，有綠色的植物，簡單的枱椅，同時感到店主用心的清新佈置。由於已經食了午餐，我只點了一杯cappuccino，再坐了一陣，想吃件蛋糕。店員很有禮貌地說沒有蛋糕，介紹了下午茶食物。本來想要個朱古力吐司，但他送了我一個雙色伯爵奶茶凍甜品，好窩心的服務。當他和我都猶疑可以再完成一份朱古力吐司時，我見到有薯條，這其實是其中一款下午茶。大胆地要求只要薯條可以嗎？ 店員毫不猶豫接受要求。我十分欣賞店員的友善，禮貌，貼心的服務。小店播放的音樂是靈魂，柔和的音樂可以令人放鬆心情。

今天放假，到Leisure午餐，一進店門，店員便滿帶笑容打招呼，店內人不多，正好享用悠閒寧靜的午餐，點了:1. 蒜香香辣煙三文魚扁意粉: 吃了幾啖才記得影相，可以想像本來的意粉更加多，還有雜菜和三文魚碎。下單時店員已問過意粉辣有沒有問題，我說沒有，結果意粉比想像中辣，不過非常惹味，煙三文魚砌成一朵花，拆開後份量也不少。2. 明治牛乳抹茶 (加$15): 綿羊拉花好可愛，入口由第一啖到最尾都是滿口抹茶香，但又不澀，值得推介。

吃貨友人從北京回來，我們就去以前常常光顧的cafe閒聊一下，並且吃個午餐。我們兩人分享一份意粉和all day breakfast。這是意大利巴馬臣芝士蕃茄肉丸扁意粉，肉丸口感厚實，感覺比較似免治肉，不是ikea肉丸那種。另外茄底令意粉和肉丸都得入味，蕃茄味濃郁！不過我覺得意粉比較淋身，硬度可以多一點。這是元氣朝日，配料有香草腸、炒嫩蛋、香煎煙肉、茄汁焗豆、薯蓉、田園沙律和蕃茄香草包。我十分喜歡蕃茄香草包，因為焗得剛好，麵包都脆脆的，很可口！(⁎˃ᴗ˂⁎) 如果大家想飲特式既飲品，可以跟餐加錢配搭！

今日特意來到這間餐廳有詩歌的輕音樂，心情舒暢環境優美，有很多小擺設而且座位舒適，合適和朋友來這裏閑談聊天我和朋友叫了兩個款意粉和咖啡非常美味，價錢合理而且店員樂意與我們交流傾談為我們介紹了兩款手工咖啡值得推介和再次光臨！

同媽媽入左元朗....媽媽想食all day breakfast ... 我想飲杯正咖啡.... 係open rice 度見到♥️悠♥️.... 餐廳地點真係唔易搵！ 但好彩同媽媽冇放棄... 個all day breakfast 真係有好多貼心選擇.... 實有一個岩你心水.. 茄汁焗豆好似有調過味. 味道係特別好.. eeg benedict 流心得黎仲要係仲暖， 用既係真腸仔同煙肉🤤... 麵包又鬆軟.... 我杯蘋果肉桂咖啡.. 好有蘋果味.. 同咖啡出奇咁夾.. 真係好飲好飲好飲.. 重要的事要講三次.. 咖啡小店要加油！ 支持你！

誤打誤撞地搵到這間Leisure•悠小店，現在回想起也特別享受當天的brunch。小店有很多關於Love及Hope的小罷設，正力量的感覺從而得來。All day breakfast的選擇有4個，揀了以下2個，因為這2的食材分別比較大，感覺多元化一點。簡約朝日這個是價錢比較便宜的，算是最基本的齊全。沒有太大的Selling point，但值得一提是厚厚的麵包，吃了已經飽了大半素食朝日這個比較有特色，雖說是素食，但個人覺得是日式的素食。特別的配搭，牛油果及乳酪吃起來感覺健康，就算吃了炸可樂餅也不覺太熱氣由於相隔了一段時間，已忘記點了什麼咖啡，只記得熱的比凍的好味道。總括小店的性價比不錯，如果可以加多一點選擇會比較多元化。

前排終於有時間黎到呢間cafe試試allday breakfast, 環境細細間都幾”的色”，周圍都好多耶穌嘅嘢。重點係佢有幾個書架，可以畀我坐半日睇下書，都叫心境難得平靜。呢個唔記得叫咩朝日啦 😂個蛋其實係我本身期待嘅，可惜唔太滑，而且冇乜蛋味。但腸仔真係好食 😋😋依家睇返先發覺我冇影到書架 🤦‍♀️🤦‍♀️可能因為始終有啲花花草草，我食食下早餐都有隻蜘蛛係張枱上面路過，驚嚇性十足。食飽飽搵到本咁嘅書，密密咁睇咗2個鐘左右?事關坐咗咁耐我都唔好意思，所以臨尾又叫多杯嘢飲。其實總括你話好好食咩，又唔係，但比上不足比下冇餘啦我覺得。同埋啲員工都有笑容，一朝早見到笑容嗰日心情都唔差得去邊啦！應該等得閒又會去食嘢睇下書元朗呢啲舖仔百幾蚊真係算係咁啦！

某天放假，窩夫突然很想吃All Day Breakfast，光顧了元朗的小店Leisure。門外的黑板寫了午餐的選擇，光顧那天是公眾假期，下面兩款Weekdays Special並不適用。星期六及假日的All Day Breakfast有五個套餐選擇，窩夫與蝦子餅分別點了A4熊熊朝日($108)和A5豐盛朝日($118)。小店的一角。套餐贈送的橙汁有很多果肉呢。A5豐盛朝日有黑松露炒蛋、香草腸、巴馬火腿、薯餅、茄汁焗豆、薯蓉和田園沙律，本身跟牛角包的，但由於牛角包售罄，改了楓糖班戟，正合蝦子餅心意。黑松露炒蛋的黑松露份量很多，廚師一點也不吝嗇呢。香草腸有兩款，一吃便知是好東西，肉汁非常豐富，十分好吃。A4熊熊朝日有焗蛋盅(日本流心蛋薯蓉洋蔥)、香草腸、南瓜薯餅、茄汁焗豆、田園沙律和蕃茄香草包。蕃茄香草包上桌時是暖的，薄薄的麵包皮口感帶脆，麵包很鬆軟，水準之作。南瓜薯餅有意外驚喜，炸得很鬆脆，一點油膩的感覺也沒有。田園沙律也值得一讚，蔬菜新鮮爽脆。反而招牌菜之一的焗蛋盅叫人有少許失望。套餐可加18元轉任何冷熱飲品，窩夫加了一杯原價42元的蘋果肉桂鮮奶咖啡，窩夫喝不出蘋果的味道，結論是肉桂

休息日通常都會訓晏dd,訓醒左就會想食野，甘好多時都會早餐加午餐一齊食....如果甘岩約到腳一齊hea， all day breakfast 絕對係唔錯嘅選擇。兩個人食又可以試到多d唔同嘅口味！成日都覺得，早餐當中，蛋係估好重要嘅角色！呢到嘅炒蛋都叫唔紅錯，配埋黑松露，差唔得去邊。但個班尼迪就略嫌有dd水汪汪唔夠實。值得一讚係佢個牛角包香口鬆爽，五穀包又唔會硬綁綁，另外牛油果夠新鮮唔會「林」晒！有時食all day breakfast 都好睇環境，小清新嘅擺設，令人好舒服，慢慢食個早餐，絕對唔錯。

想同老公試好耐，不過星期日唔開，所以老公無緣！今日同阿娘食，本身想試all day，不過阿娘唔好，所以陪佢叫午餐午餐有3款揀，我地揀左其中兩個三文魚意粉黑松露菇意粉賣想唔錯，而且清清地，細細碟，如果你好肚餓，就應該會唔飽，正常野！玫瑰鮮奶咖啡薄荷朱古力咖啡食呢啲杯野飲先係重點，杯咖啡又靚又正，佢用啲豆岩我飲，唔會過濃過苦，但係有咖啡味！唔飲咖啡既阿娘都無講咩，呢下真心比個good佢啲野飲不過飲品只得all day跟杯橙汁，餐牌上既咖啡要加18蚊！呢重樓底鋪，望門面真係估佢唔到，入面別有洞天，雖然無特別點裝修，但係有希臘小白屋風情，加啲植物，到位！下次試all day不過如果加埋野飲，唔算抵食

朋友要在brunch 時段吃all day breakfast, 說實在沒幾多餐廳會在12點前開門，故很慶幸找到這家會在早上開門的餐廳。我點了weekdays special 的S1 Egg Benedict, 可能是我妄想，原本預期會有兩隻蛋，但上枱時只有一隻，不禁有點失望。可幸的是，蛋的熟度剛剛好，荷蘭醬味道得宜，大啡菇多汁，牛油果香滑，麵包軟熟，沙律開胃，整體來說是合格的早餐。心裡唯一的不滿是本人不是為了吃滿滿的沙律才點這個餐...另外，一般的餐都會配上免費果汁，而這個餐是沒有的，假如它也配上就好了。p.s. 其實店員一直沒有告知我們是坐在位子上等她來落單，或是到收銀處落單，可是看她來來回回經過我們身邊收拾其他桌子，也沒有意欲詢問我們可以落單了沒有，只好默默到收銀處跟她說...

唉，早餐就好食。晚餐呢，難食到一個點，首先蒜香墨魚汁蜆肉意粉，得幾塊蒜片，又點會香，唔好諗住係出面食果隻咁，會條條意粉粘住蒜蓉醬，D 迷李蜆肉係好多，但成碟野係無味，自己狂落黑椒同芝士粉，好傷心。個蘑菇湯好稀，麵包硬。三文魚菠菜芝士墨西哥餅，算比較好，餡料充足。我呢個新手師奶都覺得自己煮仲好食，其實轉左唔係肥仔做之後，咖啡呀，各樣野都差左成餐飯就好似入門煮手整咁，連我呢個新手師奶都覺得自己煮得仲好食$2xx都厭比多了

是日完成工作與友人揸開車落元朗午餐，小店位於咪錶停車場後面，泊車都算方便。小店左右兩旁都不是食肆，門面略隱蔽，但也檔不住我地搵食既衝勁！店內播放著柔和的純音樂，環境舒適，我地兩個人分別叫左兩份all day breakfast ：熊熊朝曰-午餐試食價$108焗蛋盅比較失望，洋蔥遍佈於底部，顯出薯茸味道清淡，如果與薯茸拌勻平均分佈味道會更好。陽光朝曰-$108班尼迪蛋做得唔錯，特別欣賞個荷蘭醬，唔會太酸，但配煙三文魚果個個人就覺得唔太夾。餐飲方面：特別推介 肉桂蘋果咖啡-跟餐$15唔知點解杯咖啡上枱時顯得奶好似特別多咁，可能係呢到既特色。咖啡香濃，雖然肉桂唔太出，但呢杯咖啡的而且確飲到有d蘋果茸係入面，總算有點心思沖繩焦糖咖啡-跟餐$15比較失望，跟一杯普通Latte沒有分別。唔知係咪凍飲關係出唔到焦糖既效果，如果下次有機會再來，試埋熱飲希望會更好！整實來說可以有進步既空閒，支持小店

《LEISURE》ALL DAY BREAKFASTA1 $48 加腸+$10，吐司轉牛角包+$10 包即磨咖啡 （仲有杯餐前果汁）無加一 Total $68 👍🏻👍🏻👍🏻每樣都幾好味 牛角包好脆熱辣辣👍🏻真係咩邊樣唔好味🤷🏻‍♀️搞到無咩好評論份量幾好 食完岩岩好夠飽 會有下次🙆🏻-評分：👍🏻👍🏻👍🏻👍🏻👍🏻byT#食在元朗#alldaybreakfast#hkig#相機食先#手機食先#hkfoodie#hkfoodblogger#먹방#홍콩#igfood

第一次去,睇唔到星期日唔開、結果摸門訂。但為左食，我決定星期六中午再去！終於我亦都無失望，因為一次過可以食到我最愛的pancake，殻物早餐同咖啡。而且性價比仲好高! 心諗正呀,搵到好地方。但係!!!好可惜，去到一次比一次差.....先講最重要的食物,味道愈黎愈差，pancake 好粉同林，好難食。另外亦改左餐牌加埋價,每個餐都加左廿幾蚊之餘，仲要星期六日所有餐都無野飲。另外不得不提，兩位店員態度都有好大好大好大的進步空間！！ 已經唔要求態度好好，但正常行過黎落單都要呀？叫左客人坐左去出面，但兩個就只係企係個廚房前面，完全無諗過出黎落單，揮手又望唔到....最後只可以我自己行入去同她講。等野食等左二十分鐘左右，終於黎到⋯⋯點知發現無叉用，又再一次揮極手都無人應⋯⋯⋯上次食完已經失望，諗住比多次機會再去試下⋯⋯點知都係咁，所以決定左唔會再去啦。