悦 私房菜 (荃灣廣場) (已結業)

其實算係非常有驚喜嘅晚餐！雖然小小貴，但我覺得物有所值。素鵝為冷盤。內容物爽口甘香，腐皮幼滑，同一般較香口嘅有分別。幾唔錯嘅頭盤。蝦膠豆腐嘅配搭好好。香口又濃郁。我地兩個人一人要食3舊其實...非常非常飽😂。不過係好味嘅。多啲人先叫會好啲。個香蔥帶子炒飯正呀！多蔥控必食！每一啖都係濃濃嘅蔥味，飯粒粒尚分明，炒得夠火候之餘，碟底亦見唔到有多餘嘅油，足見廚師功架。好多瑤柱，好多蝦乾，令一個平凡嘅雜菜煲充滿住海味嘅咸香味。

阿仔考完試後約同母親一起飲茶慶祝一下，發現在荃灣廣場新開的中式FUSION 菜便試下。黑魚子沙律帶子盞外形吸引，食落似西式沙律多過中式，魚子質素一般。鮑魚雞粒咸水角內鮑魚雞幾入味，配搭亦有新解感。杜洛克豚肉义燒包內豚肉好有咬口，口感唔錯。櫻花蝦香煎蘿蔔糕份量少了些，蘿蔔糕味道偏淡。香菇石板棉花雞用錫紙包住上，熱度十足，2種食材都很入味及很淋。極品松露雞粒炆飯味道及香氣吸引，飯亦很入味，但改名為極品松露便有D與預期不同，建議改為松露會比較好。冰鎮脆皮咕嚕肉應該係此餐廳的代表作之一，平時冰鎮係肉放上面而冰在下面或混一些冰一齊上，他們完全將咕嚕肉藏在冰入面，要鑿開冰才可以拿咕嚕肉出來食，但咕嚕肉仍然保持一定熱度，做到外脆內熱的效果。可能係新餐廳，上菜時間有D慢，亦好似會漏單一樣，"吹"了好多次才出到最後一個點心，需要加強服務。

見佢開左兩個月 ，無咩人 ，唔洗排 。。。但可能因為價高無人，好好食呢⋯⋯咁就都係決定試下啦。。。點知都真係伏左。佢價錢中上，食物一般， 服務地道。一千蚊，食左半隻雞（最好食架喇），上湯蛙蛙菜（好普通），6隻蝦球（混沙律醬果隻...沙啦味囉），炒飯（聲稱帶子蟹炒，帶子一開8，蟹得絲，差點搵唔到，綠色一碟😰）服務係想扮高級，再有一堆侍應喺後面不停傾計，再乒鈴乓啷收碗碟，再倒水落個轉盤用枱布喺度抺。。。😭😭😭

讚：荃灣有好多茶樓，但值得食既真係好少，好彩點心正但服務差，啲侍應成日留位比熟客，所母親節同阿媽黎呢度，因為新嘛點心出乎意料地貴，但出乎意外地精緻，叫左五六款野，燒賣既豬肉粒係手切既，好多汁；柚皮夠化身；腸粉炒得好均勻服務好好笑容啊彈：份量細，係中環級既細份，腐皮卷一擺上檯，真係細到好似貓糧咁，其實我係覺得無問題既，但呢度價錢的確唔平，炒粉麵飯好多過百，荃灣人未必接受囉冷氣好凍，唔知係咪唔好彩，冷氣係凍入骨既級別總結：味道好，環境舒服，價貴，大節先黎

首次到此店，雖然地方不是很大，但是十分乾淨企理，坐得舒適。整體食物很不錯，點心比一般酒家好吃😋這是前菜，有小小辣，但好吃。龍蝦湯鮮竹卷，非常迷你，但有濃濃的湯味，有別於傳統味道。鳳眼餃和燒賣都有大大隻的鮮蝦，鮮甜味美，只是帶子實在太珍貴了，只有一小角。蒜泥黑豚肉味道有少少辣，但大有一點甜味，怕辣的也能夠吃櫻花蝦煎蘿蔔糕十分香口，賣相吸引。還有一些傳統的點心，如粉果、鹹水角、上素餃做得也挺不錯。所以絕對值得一試

提早慶祝母親節,荃灣廣場4樓悅私房菜，，終於吃到乳龍共舞，和傳說中的古法鹽焗雞，皮香肉嫩，雞用高溫鹽焗到熟透，透著微微鹹香味😋，龍蝦加乳酪想不到可以那麼合，太給力了👍

-今日黎到荃灣廣場行街，發現有間新開既私房菜，見佢午市都好似一般茶樓咁有點心，廚點，飯麵，甜品等既野食，就決定入去試下，睇下同一般酒樓有咩分別☺️☺️-佢地既菜式保留左一般酒樓會有幾食物，但係用既材料就好唔同，換句話說，可以係話新派d, 食材用料相對比較罕見d-1️⃣鮑魚雞粒咸水角 中點 好味指數：7.5/10皮身香脆， 味道鮮甜2️⃣鮮蟲草花花茹燒賣 中點 好味指數：7/10呢個冇乜驚喜 而且得兩粒不過不失3️⃣翡翠玉龍蝦餃王 中點 好味指數：8/10皮薄光滑 蝦🦐亦很爽脆 底部有片蘿蔔 味道不錯4️⃣香茹石板棉花雞 大點 好味指數：7.5/10新穎的上菜方式 熱辣辣肉質鮮美 不感油膩5️⃣霹靂海皇泡飯 $148 好味指數：8/10泡飯呈橙黃色 自己倒下泡湯裡村料亦算豐富 有些瘦肉帆貝魚帶子等成個口感好滿足 不錯6️⃣意大利花泥奶凍 $18 好味指數：7/10 味道還好 飯好小甜點的不錯選擇-👅味道: 7.5/10🍽賣相: 7.5/10🏰環境：7.5/10🙇🏻‍♂️服務: 7.5/10💎CP值: 7/10⚖️人均：$100-200↩️回頭值：75%

4月15號新開張🎉今次係第二次幫襯！！佢地既服務態度非常好，食物新鮮精緻足料符合價錢，上菜速度快，快得嚟啲食物仲要係熱辣辣而吾係凍冰冰，係環境簡單舒服，行過路過咪錯過，嚟間真心值得一試👍🥰🥰🥰🤗

悦，一間在荃灣廣場新開的粵菜餐廳，還沒有看到一篇食評，今天有幸來幫襯，試下D菜式，看看可不可以，餐廳裝修簡潔適中，尚算坐得舒適，唯獨泠氣開得太細，經多番調較還是有點悶熱，希望餐廳多加留意，餐廳女經理説「悦」系取自喜悦的意思，餐廳主打粵式Fusion 菜，不似一般粵菜，定位清晰，又話餐廳主廚頗有心思的去鑽研菜式奉客，今次我們一家五個人來，試左八個餸菜，個個餸都睇得出廚師真的好有心機去做，普遍煑得都非常好味，外觀又吸引，特別介紹個一口鮑魚，鮑魚上面鋪上一層海膽及三文魚子再淋上酸梅汁，好有層次感👍，其餘的金湯綠林，孜然牛肉同炸子雞，都做得都好出色，唯獨黃金蝦，雖能做到鹹香及脆，可惜毫無蝦味，要扣少少分，五個人食左差不多$1500 ，取價公道，服務體貼，一定會再來！