想甜嚐甜

營業中

休息中

今日同班同事叫左外賣糖水食，好快就送到，仲好足料，叫左椰汁芋泥西米露，有好大粒既西米露，仲有好多芋頭，大大件，好有口感，仲有椰香味，好好食呀！下次要試下其他甜品先~

一出街就忍唔住食好嘢，我知近海邊嘅堅尼地城都唔少正嘅餐廳，不過反而想去內街。星期一嘅夜晚都有好多人黎食甜品，仲見到有救護員一早order定甜品專登過黎拎。呢間一入去，好多文宣包圍你，仲有個記者公仔。店內播放嘅係高登音樂台嘅歌曲餐牌係好有心機，中間有幾頁係文宣圖。插畫都好精美，而且係分類分得好好，有啲甜品係用歌詞做做名。由於太多頁，頁頁都值得睇，無係度post啦。椰芋，40元。好豐富嘅一碗，又芋圓又椰果紅豆西米，喜歡椰子嘅唔好錯過。芝麻糊湯圓，36元，一粒花生一粒芝麻湯圓，芝麻糊係可以，如果芝麻再重啲會更好，價錢就略高左小小。抹茶心太軟，52元。擺盤都幾好，要左青蘋果，幾fresh，算係少有嘅味道。心太軟做得唔錯，呢個價錢黎講幾好。

呢間西環甜品舖，由開業以嚟已經好受歡迎，宜家已經開咗幾間分店，喺大角咀同黃大仙都有得食啦阿華田心太軟呢個阿華田心太軟好好食，冇朱古力心太軟咁甜，阿華田味又有香港味道，好有香港特色，重點係一切就流啲阿華田醬出嚟，好正。而且個倒轉嘅雪糕筒又特別又脆，仲要係乳酪雪糕，又健康又多人鍾意食，原味都好滑好香，仲一啲都唔手軟㗎，舊雪糕擠咗幾個圈㗎！呢個價錢食到咁豐富真係好抵，好抵，好抵啊！所以十分之推介呢間甜品舖👍🏻

十分推介嘅甜品舖，好多甜品都好抵食，由佢新開時已經好鍾意每款甜品嘅擺盤都好靚🎨賣相吸引，兼且好食又唔貴，下午茶有埋嘢飲再抵啲❗️.Tea set: 嚐甜窩夫格餅配招牌乳酪雪糕 $46Waffle with yogurt ice cream雖然係下午茶但份量都好多同平時一個甜品一樣咁。窩夫唔錯，外脆同時入面有啲煙韌👍🏻，都有3舊，食到好飽配乳酪雪糕，係原味嚟，都擠咗幾圈，完整一個甜筒載嘅量咁，好足料，好軟滑，好滿足，配料同醬除咗芒果仲可以揀朱古力、士多啤梨等等，芒果唔酸，所以都幾好食，食晒成碟！

本來一心諗住買俾屋企人食，舊年堂食過幾次都幾好食，今次真係超級失望！仲要山長水遠揸車去買，有種俾人呃咗嘅感覺😪叫咗兩碗黑糖芋圓仙草外賣，買到返屋企芋圓地瓜圓加埋先得嗰三粒，又唔係特別好食，又冇乜小丸子同西米，珍珠都係得果兩三粒，成碗大部份都係涼粉加糖水，非常甜，我屋企人都話好麻麻，仲要成$40一碗，物非所值，我諗都未必會再幫襯，我本身都十分支持黃店，但希望水準可以提升，今次非常非常失望⋯同我買一罐涼粉差唔多 除咗失望我都冇其他comment

食糖水，係疫症下嘅苦中一點甜。.想甜嚐甜係位於西環嘅黃店，一入去就見到四周嘅牆身、櫃檯都貼滿文宣，仲有一個好吸睛，戴住豬嘴嘅假人公仔，真人咁高呀。介紹呢度，除咗因為係黃店之餘，最重要係佢真係幾好食。始終食店黎講，開得舖，食物質素都要好，先對得住食客嘅真金白銀嘛！.芒芋($40)我自己好鐘意食芋圓，亦鐘意啲好似楊枝甘露呢類以芒果為主嘅糖水，呢個芒芋一次過滿足我對芒果同芋圓嘅craving呀！用鮮芒果汁做base，配料有芋圓、地瓜圓、紫薯圓、小丸子、水晶珠、芒果粒。芒果汁濃稠，芋圓唔會好死實，煙韌軟糯，水晶珠咬完會爆汁，總之就口感滿滿！.黑糖仙草芋圓（$40）怕芒果濕熱嘅話，可以食呢個黑糖仙草芋圓。個base係黑糖，浸住啲仙草，有種台灣古早味涼茶嘅感覺。同芒芋一樣，都有有芋圓、地瓜圓、紫薯圓、小丸子，唔同嘅係西米、珍珠同埋仙草，同樣係口感滿滿，而且感覺養生。大家一齊去支持黃店啦！💛

第一次幫襯 感覺良好雖然糖水款份量少d但味道好好食最鍾意榴槤焦糖燉蛋🤩個焦糖同香濃的D24榴槤 好好味香蕉船都唔錯 我地選士多啤梨味 反正焦糖類都好好食希望佢撐得住我都會繼續幫襯🤩

榛子之心 ($52)好香濃既朱古力同金莎味，一啖熱既心太軟，一啖凍既froyo😇冷熱交錯。Earl Grey Creme Brulee ($34)呢個有d甜，唔太食到茶味。食物既賣相唔錯，價錢亦平。但平日夜晚去 都要等幾耐下🙈🙈小店經營 坐得唔太舒服 但都有留個位比你擺野既！👍🏻 .

香港人從來都應該多支持本地小店既，「想甜。嚐甜」係西區都叫出名，所以要排隊成20分鐘左右，但店員態度好好，所以值得企。食完隔離Shoreditch之後行兩步就到想甜。嚐甜，食完仲可以去海邊行下，真係好方便同舒服。店面環境都係逼架啦，但店員都快手既，所以一般啦。阿華田心太軟配乳酪雪糕呢個心太軟好食反而唔太甜，有阿華田味，而乳酪雪糕都好味，雖然唔係芋圓，但反而好值得試椰芋椰子味幾香甜既，芋圓幾有口味, 整體味道唔錯，不過怕甜既朋友就未必好鐘意la，因為好似冇得小甜

第二次嚟呢間小店，入面甜品應有盡有，有新派亦有舊式，又可以就咁飲杯野上次嚟試咗個芒芋，入面好足料，有小丸子又有芋圓芋圓有咬口唔會得粉感，食完成碗飽足感滿滿今次嚟要試佢個心太軟，上次聞到已經覺得好香！所有要一嚐佢心太軟有好多種味，我揀咗華田味，配上乳酪雪糕🍦心太軟夠流心 乳酪雪糕係青蘋果味，中和返唔會好漏，整體都唔錯，如果有啲生果配搭返就好喇絕對繼續有下次再嚟，因為佢又好味又夠黃，餐廳貼滿文宣，又播住抗爭嘅歌！一定要繼續支持黃色經濟圈

同小女友係西環食完飯黎到呢間叫想甜嚐甜嘅甜品店，我倆都點了客黑糖芋圓，而這裡的芋圓用料豐富，包括有煙韌既地瓜圓，紫薯圓和芋圓，大大粒的黑糖珍珠，燒仙草，粒粒分明的西米，還有黑糖條等，令人十分滿足。

從鋪面望入去一睇都已經見到佢地黃到金~❤️Menu甜品種類好多睇到花多眼亂🤣選擇困難患者有排揀🤦🏻‍♀️今次試左 椰芋🥥($38)甜品用左椰漿做底🥥味道調得剛好有椰香味但吾會死甜👍🏻配上三色芋圓、小丸子、椰果、海底椰等嘅配料，口感多變❤️芋圓煙韌亦香芋頭味~大家可以過黎試下支持下❤️💛除左西環店，黃大仙都有分店👍🏻

呢到嘅甜品賣相好吸引🥰每一款嘅擺盤都整得好靚💓最特別係佢倒轉左嘅雪糕筒🍦呢到唔係用普通嘅雪糕 係用左froyo😍感覺健康啲 食落都fresh啲‼️-華田熔岩心太軟🤎心太軟即叫即整 所以等嘅時間會耐少少🧐一上到枱好香😍個面焗到脆脆地 一切開 啲醬好似lava咁流晒出黎💓勁吸引🤩最鐘意就係啲華田脆脆😋因為個心太軟食落似朱古力味多啲🍫所以要夾埋啲脆脆食先有華田味🙈個心太軟熱辣辣 加埋個乳酪雪糕一齊食 真係有冰火交融嘅感覺❄️🔥個雪糕酸酸甜甜 唔怕個心太軟太甜會好溜🤤不過可能啲朱古力醬太甜 食完個心太軟再食froyo 會有啲酸🤣但係我自己好鐘意‼️-布朗尼可可香蕉木船🍫🍌黎呢到真係食froyo都會食到飽🤣呢隻香蕉船唔只得一個cone~隔離仲有多一舊🍦乳酪控必嗌‼️最欣賞係佢個焦糖香蕉🥰烤得啱啱好 香蕉唔會太軟太酸😋加埋面頭薄薄嘅脆焦糖一齊食好正🤤啲brownie都有幾多粒下🤩不過口感比較實淨 同埋朱古力味唔太濃郁🙈除左browny仲加咗啲杏仁片❣️脆卜卜 豐富左成個口感💓

個餐牌啲名好特別好吸引，聽完好想試下係咩咪，叫左四樣甜品。焦糖燉蛋面頭嘅糖薄薄一層，唔會覺得好甜，搶左啲蛋味，好味。芒果西米好濃芒果味，好重料，西米好有口感。榴行曲食字取名，吸引我叫左，好香榴連味，有幾舊榴連肉，抵食。仲有多重配料添。雪糕芭菲杯-粉好靚個賣相，有個雪糕筒，仲好脆。

堅尼地城有間良心小店💛夜晚10點仍然大排長龍糖水造型精緻 味道唔錯.熔岩華田心太軟配乳酪雪糕🍦($52)第一次食華田味嘅心太軟好特別好正啊！鍾意心太軟上面嘅華田脆脆😚再加埋乳酪雪糕冰火交融嘅口感實在一流！.黑糖芋圓仙草🌿($40)好足料好多配料！芋圓 地瓜圓 紫薯圓 小丸子珍珠 西米 黑糖條 仙草 台灣黑糖另外有德國忌廉或港式花奶☺️好想再去食多次呀😭😭.佢哋嘅總店位於黃大仙糖水控嘅朋友一定要去試吓！📍 想甜嚐甜 (西環)西環堅尼地城士美菲路15號地下