意日菜 (已結業)

冇意中行過...見門口的介紹d野都幾平..就試下... 鐵板照燒豬頸肉炒年糕$35 : 十分喜歡食年糕的我..一見到有年糕...即叫 選擇都算多..價錢都好合理..套餐仲有得送餐湯..幾好喎...雖然等得都算耐(可能唔夠人手掛)...但份量比相像中多同好...幾抵食啊 ...加幾元仲有野飲...r叫左杯芝麻珍珠奶茶...good !! 海鮮拉麵 :都有2大隻蝦,墨魚圈同帶子啊...面底唔同平時的拉面...特別選過的..見到好多人食薯蓉千層面...哈哈...下次試下先

從未試過有咁差o既用餐經歷!!!我同朋友一行4人係女人街搵食,見呢間餐廳門口有人排隊,而且芝士湯底好似幾吸引,咁就入去試下同朋友諗住share食,大家可以食多d不同種類的食品,選好3個餐,再叫幾個小食,每人再叫特飲~~叫待應姐姐點菜,我其中一個朋友仔發板,個待應姐姐已經一路落,一路好唔客氣咁"繼續" "繼續啦""繼續啦", 咁都算... 我 地叫o左3個餐,但再叫4杯野飲,待應姐姐同我地講有杯野要正價,不過佢講野又快又細聲,我之後問係咪即係有杯野要正價,待應姐姐冇理我,就問我地紅定白.... 我朋友即刻幫我再澄清野飲的問題, 待應姐姐竟然問 "咁你地係咪唔要湯呀?" 無喱頭,完全唔理客人問咩,自己做自己做, 之後仲勁大聲,發脾氣同氹地話我地啫住佢唔俾佢講! 火都黎埋,明明係你自己冇答我地問題,我地先想澄清叫完餐,待應行開,我見到鄰台的一對情侶勁無奈呆望住我o地... 我都勁無奈,超級怒,我提出去第二間食,一致同意!!!~ 我連投訴的意慾都無, 我同我的朋友,一句都冇反擊,但無端端俾人話我o地阻住佢落單,無o野呀~身為待應,基本服務態度已經冇,仲要發脾氣同氹地 ! ! ! 待應姐

第1次幫襯你1年前度,,食芝士拉麵都仲算有d新意ok...今次帶埋友人無決定下路經此地入左去,我叫 招牌焗薯容肉醬芝士闊條麵 35$...無味既,,,芝士都係,,外表就吸引..但內裡就無隱..肉醬好小,.仲要係底層...麵亦無味..成個餐只感到溫度及口感確實咬梗個d野的存在,,無其他可取之處..友人叫海鮮炒飯,,,兩隻貝,,飯呀,,送呀,,林林仲仲佢都話無味..仲食剩1/3飯,,可想言之,,佢平時唔好食,,但有味都唔會食剩咁多..都係算吧la..有機會先食多之芝士麵算數..

下午茶好扺食！午餐價錢減$5+免費送飲品+免加一照燒豚肉炒年糕：是鐵板上的，熱辣辣。除豚肉和年糕外，配菜還有：洋蔥、紫菜絲、紅蘿蔔，其他都大致ok，只是紅蘿蔔略硬，全部撈埋一齊食，入口還可嘗到陣陣紫菜香味。年糕的醬汁甜甜的，幾醒胃！最鐘意在底的年糕，焦焦的微硬的軟糯感，正！沙嗲牛肉炒烏冬：果然很香的沙嗲味，牛肉入味易咬，烏冬不會太淋，不錯！珍珠奶茶：珍珠煮到好淋、奶茶味道好怪啊，唔係茶味重，係茶葉味特別重，難飲！香芋珍珠：最怕飲香芋有陣超大既香芋粉味，這杯正正如此而且D珍珠淋到扁晒，兩粒痴埋一齊，好難食！合共：$47

今天晚上友人帶了我到這裡晚膳，友人說吃過不錯便相信她，怎料結果令我有點失望......叫了芝華士腸肉醬意粉，肉醬意粉味道很淡，加了$3跟餐的青蘋果綠茶也不好飲，唯一忌廉湯的味道尚可，還有原來他們沒有收加一，不過下次吃飯未必會成為我考慮之列.......

星期6自己睇完醫生搵野食我入去見waitero向水吧位, 咪自己揀位坐囉 當時得3,4台, 我就一個人坐個卡位我坐低左佢問我幾位, 我話一個, 咁佢就執開其他3份餐具, 但唔係拎走, 只放在遠我的一邊waiter態度散慢,2個男仔都冇表情, 未訓醒咁但d人走時又會向門口大大聲講"多謝晒!bye bye!" (又唔似玩野ga wo)叫左一個set lunch羅宋湯如題真係好唔掂, 賣相已經勁唔得, 好紅但又好稀諗住即管試一啖唔會死人點知........是超稀釋的茄汁糖鹽水主菜: 檸檬巴黎汁雞扒吉列三文魚意粉吉列三文魚是一塊外表似吉列帶子既東西, 味道幾好, 反正佢現成入貨姐巴黎汁雞扒都ok, 個汁有少少lemon juice味, 但奇在顏色較鮮艷, 好似芒果汁既色椰香珍珠奶茶大大杯, 但冇乜奶茶味囉, 跟餐唔洗加錢, 可以接受既見議大家唔太窮既話俾多10元8塊到隔離花園食好d

在旺角因太多人,吃不到出名之點心, 轉找其他食肆,走到通菜街, 見這間餐廳似乎幾特別, 所以一試.裝修以藍白色爲主, 很清新.因舖位多柱位及有樓梯底,所以座位大小不一, 而且非常擠逼. 但侍應卻不會對要求換位的客人不禮貌;還主動替一家四口換卡座,以方便小朋友.我們叫了海鮮拉麵 ($39); 鐵板吉列豬排炒年糕送湯 ($35), 我選了羅宋湯;; 加$3 - $10可加配價值$18-$28之飲品, 我們加$3 飲珍珠奶茶. 上菜也很快. 但不知為何有一位女士一臉憤怒直走離開,女侍應不斷叫她也不回頭.海鮮拉麵, 當然不是正宗日式料理但也很可口. 材料有炸魚旦,蟹柳,雲耳,魷魚圈,獅子狗卷,半隻蛋,椰菜及corns,等等.喝湯後不會口渴.麵質彈牙珍珠奶茶,茶味很濃,不太甜,很好.羅宋湯不是正宗西式做法, 味道很清,蔬菜很好味,煮得恰到好處.鐵板吉列豬排炒年糕雖然好味但太油,豬排奇怪地不油而且crispy,不用加一, 份量ok, 適合要計budget 的人.水必須要求才有. 侍應很有禮貌, 人手顯然不足,侍應忙得不可開交.地方雖小,也不太嘈,飲嘢傾計ok, 有機會再來.

今日早放工去接女朋友行街,行到7點到有D餓就搵野食啦....知後經過LEE 間野....睇下個餐牌先....唔.....都幾多野食喎,就LEE 間啦.....門口就有幾個人等緊....其實等下都冇所謂,等左15分鍾就有枱...都OK既~我地好快就點左個"芝士雜菌焗長通粉"加"牛柳炒飯"...餐飲點左"朱古力雪香"等等等......等左成15min 先有餐湯......再等等等......又等左15min 先黎左個"芝士雜菌焗長通粉"...好啦....可以開始食啦....一食.......依!!!冇味既.........算~~~比個芝士粉我...加返d都好d.....食淡d健康d lor...又等......終於黎埋個"牛柳炒飯"...lee 個都ok好啦......主菜都食晒.....都未有餐飲.......口乾啦~大佬...比杯野黎飲都得掛.....吹左幾次都未有.....都唔止我地吹.....有幾枱都吹.....餐飲姐駛唔駛咁耐呀又等左十幾分鍾...終於有野飲......一飲入口.....嘩.....大獲!!!!!!!!成口都係洗潔精味......有冇搞錯呀一怒之下.....埋單.

只可以用1個字-垃圾黎形容佢(如果佢吾是咩野都是今垃圾(例如是侍龐應的服務態度,食物好食程度...),我真是吾會第1次係度寫食評每次行街經過e度,都比佢門面寫住我芝士湯底吸引,都好想過黎食,但是每次門外都有人排隊(可能是食飯時間的關係)星期日同朋友去左意食已經九點幾,入到去吾算多人話就話有2人卡位,其實真是坐得好逼挾,好吾舒服衛生方面(齋計桌面):完全是冇清潔過,有點食物污積,完全是吾店餐具方面:2個人食野只是比左1對筷子,1個膠匙,1隻fork,1隻金屬匙,我都費事問佢羅啦,因為都吾會洗得乾淨我點左:個名好像是::白汁什菌長通粉朋友點左:鮮拉拉面(芝士湯)(要加8元)(貴都吾緊要,我地都以為是好食)我吾知道長通粉有湯送(忌廉,羅宋湯),佢問我要咩野湯,我想左1想,侍應好像好吾耐煩今湯黎到,竟然發現里面有黑點,可能是湯鍋的關係羅宋湯又酸又鹹,難飲朋友的海鮮拉面黎到,我食左?燒,鹹列極湯底勉強可以,但都是偏鹹至於長通粉:汁好少,味道好怪(碟邊仲是崩,有黑邊的)朋友叫侍應比杯水,但是到埋單時1杯水都冇今的價錢,食到今的質素,完全吾值,以後吾會再去,

我印象最深: 鹹死人!!咁0岩撞正打風,間間舖都closed,就得lee間"意日菜"正常營業...個羅宋湯...甜到似飲糖水...差-.-再來...話明"招牌"薯蓉...超鹹!!! 其他......都唔多講...都係鹹,鹹,鹹,鹹..............好鹹呀唔會再去,sorry.

其實本身唔係好肚餓,不過又想搵野食,又唔想咁貴,就行下女人街,朋友話呢間之前食過覺得ok,咁就試下吧~夜晚9點鐘入座,唔知今晚係咪落大雨,所以一d都唔爆個場。睇左一陣諗掂左嗌乜野,兩個小食同埋一人一個鐵板,鐵板我嗌左豚肉炒年糕,其實我覺得幾特別呢道菜,$35試到佢既創意都唔話得,味道ok la~唔係話好好..但係我覺得炒得好似都幾多豉油下..重有食年糕好滯=___=朋友果個要飯~反而我覺得開胃d..埋單$110其實野食個方面算係咁喇..不過要預左冇乜招呼喇..~因為你坐低後,最少佢水都唔會主動比杯你

昨晚經過女人街被（瘋魔全東京芝士拉麵）吸引住，奈何吃飽了無去到。今晚我同女友又在旺角吃晚餐，想起這裡，就過來，咁就中伏，由點菜至到埋單，水都無杯，點了馳名鬼王地獄手板叉燒拉麵芝士湯底…真係手掌咁大塊喎，但有些un，芝士湯底要加8元，芝士份量俾足料，撈一撈，吃一口，芝士同拉麵又幾夾喎，芝味無窮，帶些甜，但往底吃就開始咸，獅子狗唔掂。雞扒烏冬（中辣）…個湯底都好紅，連烏冬都變了紅色，雞扒唔掂。

之前男朋友路過被佢既芝士湯底吸引住而且價錢亦相當合理,所以今日就泥試下啦~叫左一個上「素」野菜烏冬內有不同菌類,玉子豆腐湯底很豐富,把芝士配合烏冬食一個照燒雞pa「拉」麵~拉麵真係會match d架喎...好味過配烏冬鐘意芝士既朋友一定會鐘意呢個拉麵..雞pa都係好滑.燒汁好惹味+$8有芝士湯底其實都算係抵不過呢到既珍珠奶茶就麻麻....-_-'

朋友請食飯, 提議去女人街逛下途經一間叫「意日菜」的店外...人流不少被招牌吸引的我們就決定入去一探究竟!!內在環境較窄, 被安排坐左卡位的一邊 (人流多要share枱)我倒覺得沒所謂, 價錢不貴又唔收加一也不強求什麼了點餐時侍應忙到明明幫你落緊單但同時又望去其他地方做其他野....沒什麼禮貌可言, 桌面也是抹一兩下就算 = =等了良久....佢地以為我地催單時就奉上餐湯兩個: 菜湯即係羅宋湯...味道一般到不用多提最奇怪係上面有d麵包粒, 脆又唔脆...相信都唔係新鮮炸起放落去飲左幾啖就放棄了! 千層肉醬闊麵 $35薯蓉出奇的黃, 但不影響它的味道, 有點脆脆的內裡極之豐富, 千醬、闊面絕不吝嗇...拉起時仲見到一絲絲o既芝士味道香濃....麵質不會過淋, 份量亦不少咁o既價錢有如此質素相當不錯!! 白汁磨菇長通粉 $36由於憑感覺個名可能唔準 (因為朋友點的)長通粉過熟....好淋, 入口不彈牙仲有d漿住個口的感覺....不過味道未至於難以下嚥朋友亦因太餓而食晒 = = 芝士年糕 $20賣相令人大打折扣, 不應該剪開...切口又不美觀 此類年糕屬圓形, 內含芝士的那一種芝士味不夠,

是夜晚餐: 海鮮抄年糕，青蘋果乳酸，日式餃子。味精完全蓋過食物本身的味道，只得一口味精。食的時候不禁懷疑那些海鮮是麵粉做的不過，以「美女廚房」的標準來品評，東西是「熟的」，口感不差，至少「吞得落」和飽肚。近牆的座位大小不一，所謂四人枱連兩人也坐不下。那唯一的女侍應還不斷「提醒」可能會有人「搭枱」。侍應服務態度奇差 - 結賬時叫了三次才有人回應。侍應只懂放留座牌，還要強烈勸諭我們不要弄翻那個牌。我們只想快快離開，才沒有意圖觸摸那個污穢不堪的牌。所有侍應黑口黑面，反應遲鈍，毫無服務可言。$80不貴，但在旺角一定有更好的選擇。