意樂餐廳 (海富商場)

營業中

休息中

原本想食意粉 附近又冇意粉餐廳 所以會去左呢間餐廳呢個集團啲檸茶真係奇奇怪怪 落埋個啲檸檬精難飲到死🥲奶茶又完全冇茶味 主打西式唔係港式唔緊要跟住叫左個乜鬼野蘑菇忌廉意粉 送到來期待嘅第一啖 哇 唔係講笑食完之後個腦就係‘who am i？’ ‘why am i here？’ 🤯食左啖蘑菇都安慰啲 起碼有菇味🥹 我食左2啖 諗住算啦當飽肚 $58都冇所謂啦 但係我發現我唔可以咁樣作賤我個胃 我唔係揀飲擇食嗰啲人 但係呢碗野應該係係我目前人生第一次食過咁難食嘅東西 不過我都食曬啲蘑菇😇飲曬碗湯淨係冇食到個意粉就買單走了 我諗如果卑鬼佬試完佢地應該同炒飯落三色豆咁失望🫂可能都係因為我對佢期望冇咁差先咁大反應又或者其實係咁啱個碗難食嘅野卑左我姐真心呢碗蘑菇忌廉意粉我諗我阿麻都整得好過佢 唔係打手都第一次係呢個app打咁長篇文隨手附上一張圖 可以見到完全係水溝唔知啲咩 我試過個汁就完全冇味道😋唔知點做到🙏🏻🙏🏻

itamomo blending the name italy and momo, actually its just a normal hk 茶記。the food size is super huge!!!!!one big rice and soup and hot drinkeven me my big tummy cannot finish it all.taste fair.coffee is freshly grind, taste better than nestle.the sausage is super tinder and soft, i believe its 太陽牌， not a usual one 廚師牌， but still good anyway.#food #likes #delicious #sweet #bhfyp #vegan #dinner #breakfast #cake #homemade #healthyfood #lunch #foodstagram #healthylifestyle #yum #foodphotography #d

d員工好多都顧住傾計，舉牌嗌嘢食嗌左5.6分鐘，明明有d員工好得閒，但一個人都無黎幫客人。仲要辣椒油都可以缺客，都唔係放出黎供應嘅物品，已經係常客，但一路都無見到任何改善請人嘅眼光真差

其實只係食過呢間嘢幾次對上一次食都有成年咁耐之前對佢嘅印象都唔算係好一般，起碼唔貴，當填飽個肚咁都唔差。琴晚心血來潮 諗唔到食乜咪入去試下兩個人，叫左一個米蘭肉醬焗溫泉蛋扁意粉同埋黑松露忌廉雜菌天使麵都係50幾蚊倒心諗都幾抵喎等左一陣 黑松露嗰個好快就嚟咗個汁係勁稀但又有啲黑松露味嘅 唔會話超級淡但完全係唔好食 天使麵又淋晒真心好失望之後等左4,5個字倒。。個肉醬焗意粉終於嚟冇催過佢，仲好期待諗住佢即焗即製咁樣應該唔差啦因為我出面食開啲肉醬意粉都冇邊間係超級難食一嚟到，欸？？？？隻溫泉蛋呢？原來係連埋個意粉一齊焗。。。我真係笑左熟晒囉隻蛋咁樣仲叫溫泉蛋咩認真？真係唔知佢本身係咁樣整 定係整錯左心諗算啦，50蚊，係咁架啦就冇問侍應個意粉仲要變埋天使麵天使麵本身已經幼，又好快熟完全係唔適合拎去焗所以又係勁淋個底仲要出晒水啲肉醬又唔夠多真心 咁大個人 未食過咁難食既肉醬意粉好犀利，可以整到咁難食真心佩服，我人生第一次係到打食評竟然唔係因為好食而打係真係太嬲太嬲！！！！！！！！難食到 想喊no more意樂😅

最近嘅天氣太熱啦所以呢都唔想自己煮嘢食～去咗附近嘅餐廳行咗一陣決定食意樂餐廳之前有一段時間經常都食意樂嘅下午茶因為佢真係好鬼平30幾蚊至$40就有一個下午茶，好欣賞佢哋嘅紅豆冰同埋啫喱芒果冰冰特飲，啫喱芒果冰冰特飲入面呢有啲啫喱 加埋芒果飲品飲落去特別解渴今晚我就係食晚飯，屋企人就叫咗和味啖啖肉，係星期二嘅特選餐$88蚊，當中有牛扒有雞扒有煙肉，留心蛋同埋薯條🍟翠玉瓜做配菜，有一舊粟米，兩粒蕃茄仔，其實呢個餐都幾抵食，可以揀牛肝菌汁或者黑椒汁，我本人就覺得牛肝菌汁比較好味😋牛扒冇乜根 幾有牛味， 亦都唔會好多肥膏雞扒幾好食又滑， 薯條亦都炸得好香脆，點埋茄汁就一流，不過好可惜今晚紅豆冰居然冇晒，佢紅豆冰做得好出色紅豆好夠林 亦都加上大量椰汁好香，冇得飲紅豆冰我就叫咗奶茶多奶，奶茶多奶都幾香幾好飲唔錯唔錯，不過我叫佢攞煉奶 佢就話要加一蚊，我就叫咗牛肉拉麵🍜 湯底係豬骨濃湯，不過比起日本嗰啲就冇得比啦，不過都夠味嘅，拉麵嘅質地都算可以接受有啲彈牙，牛肉方面就份量比較少但係味道都可以～ 拉麵有一個糖心蛋，個糖心蛋做得幾好食😋 我覺得個湯底都有啲鹹如果經常食或者飲晒個湯我都覺得幾辛苦我就加咗

今日去大角咀同女朋友食意樂咁佢就食開依間 所以就再幫襯佢啦咁我地叫左個煙鴨胸天使麵 咁女朋友食開依個 佢話好味個餐牌就話少辣點知今次廚師重手到痴線 勁辣囉 我女朋友話比平時辣幾倍第2個點既麵就好d 蛋黃煙肉通粉佢清得黎都有好濃蛋香同埋d 煙肉都切得幾細 好易入口之後杯檸檬茶都好飲 佢檸檬係搞碎入個茶度第一次咁飲 黎依度必飲最後試埋佢新出芝士薯條好正 d 芝士唔咸 而且係熱熱地 點完仲可以拉絲d 薯條又好好脆必食但係成餐比個辣胸肉搞到冇mood d 廚師要控制下落辣既份量

和友人選擇了這店「意樂」食早餐，一早入到舖，看到有枱剛剛有人走，即刻揀返張枱，企係度等了很久 終於有人過來執枱，員工很沒禮貌的說「借借丫」示意叫我地要俾位佢執（但問題 其實枱唔係只有一邊可以執！🤔）一早呆呆的，我哋都讓開了，行後了數步讓位置給她收拾。然後，另一員工著灰T-shirt長髮女人,名牌寫著(謝x儀)在我們後邊，勁大聲更加沒禮貌的說：「俾個位黎行丫，唔該！」附近的枱都聽到都望住，我相信，做服務性行業，其實都唔係好應該咁樣對客人講嘢，更何況我們什麼都沒做過就給你地兩位同事這樣的對待！！？一個叫我們退後讓位你執枱，另一個即刻後面話我地阻住你條路？？為求要給你們發洩？ 舉手叫野食，灰衫同事行過來兩次，望著我地同隔離枱舉手，甚至對望... 都只是不友善的望望，就走了去.... 這餐廳的員工發生咩事？這是什麼的操守？要搵客人出氣來平衡自己情緒的話，你是不是不太適合做這行業！？！ 餐具有污漬，浸完水都擦不走的！ 我們坐在收銀櫃的後面一張枱，食到一半，聽到灰衫女人大大聲咁同同事講，「佢走左入去，而家唔會出黎架喇，今晚無人先會走出黎」「我真

星期日想休息下，就懶得出去食，同媽咪落嚟意樂撐枱腳嘆個下午茶就算好好彩地入到去就有卡位坐，叫左個蕃茄濃湯公仔麵配漢堡扒同午餐肉加凍奶茶，再加個芝士火腿牛角酥加凍檸茶蕃茄湯好夠濃，有蕃茄肉，加埋佢既胡椒粉真係超正最抵讚既係佢個檸檬茶係無檸檬架，但係有檸檬味，唔洗自己篤檸檬，唔知係加左檸檬汁定係加左新鮮檸檬落去，連核都無架，屑利呀凍奶茶就不過不失，熱奶茶會好飲啲芝士火腿牛角酥都好食既，不過就一陣風咁，食完都無咩感覺

今晚媽咪好攰既關係，懶得煮就落意樂食就算，平時都係會揀安格斯牛扒嗰個餐既，今晚黎到見到有個扒餐係有牛扒雞扒煙肉，雞蛋加薯條，仲要平過個牛扒餐，我二話不說就即刻決定叫呢個雜扒餐牛扒夠淋，都算juicy,雞扒都中規中矩，唔會話好乾，令我意外既係佢個薯條，本來戒緊澱粉質既我居然好食到差啲食晒🙈🙈🙈好有罪惡感每次去意樂必點既係紅豆冰，係我飲過最好飲既紅豆冰，豆夠林，林得黎唔係爛，個椰汁同花奶落得好足，感覺無落水架，真材實料☺️👍🏻其他大品牌都要行埋一邊，扒餐叫野飲有半價優惠，個紅豆冰好飲到飲晒先記得影相😂😂請見諒🙏🏻

仔仔興趣班落堂後話想吃長通粉，就帶佢去附近嘅意樂吃蛋黃煙肉卡邦尼長通粉。呢間鋪頭每日中午都好多人排隊，今日算幸運，冇乜人，只等了10分鐘。卡邦尼長通粉係用雞蛋，芝士，橄欖油煮好醬汁，長通粉另外煮熟，晾一邊，廚師把握嘅時間啱啱好，長通粉好Q，唔會軟。而且煮好嘅醬汁好濃稠，芝士味好重，量又多，可以覆蓋左成份長通粉。攪拌均勻後，長通粉吸收醬汁啲味道，又Q又香。加埋配料有煙肉，蔥，各種菇類。搭配後營養又美味，唔怪得仔仔鐘意吃。

休閑的星期一下午，由於老公不用上班，我們到了飯堂—意樂享用下午茶。

西西里式鮮茄烤豬扒焗珍珠飯 配熱阿華田 $38
由小到大都喜歡吃焗豬扒飯，這個西西里式鮮茄烤豬扒焗珍珠飯除了有濃厚的茄汁外, 表面還有焗後的芝士, 豬扒是厚切的，將芝士茄汁加上豬扒拌著來吃, 吃起來滋味非常。

意樂餐廳有很多間， 今次到位於大角咀海富苑海富商場地下2A號舖的分店， 星期六中午時間門口大排長龍， 幸好安排座位都比較快速。 入到店內環境舒適， 光線柔和， 點兩款下午茶餐，意式鮮茄肉醬焗扁意粉$36+ 熱即磨咖啡、日式燒汁牛肉丼飯$45＋ 凍即磨咖啡$3。意式鮮茄肉醬焗扁意粉～ 鮮茄味道唔夠濃， 整體比較油膩。日式燒汁牛肉丼飯～ 日式燒汁非常惹味， 牛肉薄切口感軟腍， 加上溫泉蛋增添滋味。凍即磨咖啡 ＆ 熱即磨咖啡～ 即磨咖啡味道香濃。整體來說價錢優惠， 上菜速度快， 燒汁牛肉丼飯好味， 咖啡亦不錯， 回頭率高。

朝早十點幾訓醒 諗住近近地起附近食個早餐 落到依間海富意樂 岩岩好11點 餐廳唔算多人 得20個左右 好啦 入嚟冇人理我都算 咁我自己搵位坐低啦 跟手就舉手諗住叫野食 點知舉左5分鐘都冇人理 咁我再舉手再加多句唔該 終於有人理我 點知佢一埋到黎 就用呼喝既語氣問「食咩呀」 好似殺左佢全家咁 我答佢之後佢就頭也不回走左 其實我都知打依篇野係浪費時間 因為望返之前果啲意見 都係完全冇人跟進 唔知佢上頭教佢地咁對客 定根本唔會理啲員工點做野 希望大家幫襯之前諗下比錢食餐飯仲要受氣值唔值得先再考慮幫唔幫襯

一家人食飯唔通下下食好西咩 當然要食下頹廢餐先可以慳返少少錢蒜香豬扒•滑蛋蓋飯 $56味道真係好一般 蒜香味都有少少嘅 但係塊豬扒太過淋身 無咩口感 而滑蛋整得👌嘅 夠哂香滑 配埋蒜蓉汁更香口和風牛肉豬骨濃湯拉麵 $54呢碗拉麵好難食 其實預咗響呢呢啲地方食係咁上下 嗰麵唔掂 而且湯底好重味精好咸 而牛肉都係一般般 下次食拉麵都係去返啲日本鋪頭食會穩陣啲香煎豬扒腸仔湯即食麵 $39麵煮得太耐 有啲淋身 而豬扒都係一樣 腸仔就正常發揮 最後湯底好淡 無咩味咁加配蒜香牛油多士 (+$3)正正常常 無咩特別凍奶茶 (+$3)茶底算香 正常發揮

唔明，真心唔明，讀得書少少見識。三個人叫一碟炒飯，一個火鍋餐，一個牛扒餐。明明寫住主餐牌加配，三份主餐，四眼哥哥待應唔比加三份。我問點解，佢話火鍋係新餐牌唔算只可以加2份。OK... 算你勉强講得通。咁點解每一張枱只可以加一款加配唔可以重複？呢個又係嘜道理？講返食物，餐牌改咗好多。牛扒餐7成熟到孩烚烚，鰻魚炒飯好鹹，火鍋餐就可接受，整體食物水準下降好多。