意樂餐廳 (禾輋廣場) (已結業)

員工服務唔得,飲品等左20分鐘先有,唔好食,食完都冇飲品,要吹佢先有飲品,下次唔會黎食,唔好食唔好食唔好食服務唔得,冇禮貌·⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

來沙田吃晚飯，新城市那邊都超多人的～想起禾輋這邊都有很多餐廳就來試試咯！一路行來禾輋的時候已經在電話上看ＯＰＥＮＲＩＣＥ選中這一間＂意樂＂～邊行邊看，約廿分鐘左右就行到來了，坐下後看到價錢不算貴，食物都頗多選擇，卡位闊落幾舒適。原本看見隔離枱點的鰻魚炒飯都幾吸引，但最後都是叫了個＂蒜香豬扒野菌滑蛋蓋飯（配皇牌蒜蓉汁）＂($50)。一心以為蓋飯應該是一碗飯再有個蓋蓋住的，事實是我想多了，只是一碟蒜蓉汁豬扒野菌滑蛋飯吧，不過賣相都幾靚，尤其在餐廳的射燈配合下。味道也不錯，滑蛋加了很多洋蔥一起炒，蛋炒得尚算嫩滑，也幾大份呢，和蒜蓉汁的味道也幾夾，連白飯一起吃都幾好味。豬扒也大大塊，肉質幾腍～蒜蓉汁入面仲有些冬菇條，雖然蒜蓉汁和冬菇加在一起好像有點怪，但味道都還可以。整體感覺不錯，有機會都會再來的～

自從早兩年ive畢業之後都冇乜點黎過意樂係附近咁多間餐廳最好食之一Ive放lunch嘅時候都成日排滿人而家返工喺附近，而且仲要12點放飯黎到嘅時候啲學生都仲未放飯好快就有位啦拿破倫海鮮炒珍珠米以前學生餐有嘅時候我一定會叫但係後尾學生餐冇咗佢 我就少叫咗啦好似叫返佢 佢嘅味道同以前一樣都係咁好味有少少海鮮嘅味道，再加上佢真係有啲海鮮仔，喜歡食海鮮嘅我覺得會好正而且佢仲有少少酸酸地嘅味道（落咗蕃茄），非常之開胃 我仲叫咗杯凍檸茶 相就冇影啦 同普通茶餐廳一樣

今日有事要到沙田，做完野想食個晚飯，可惜人生路不熟，係沙田港鐵站想搵好野食，點知全部都係連鎖快餐店同餐廳毫無特色愈行愈遠！行左差唔多15分鐘行到去禾輋，筋疲力盡，見到意樂餐廳門面都幾吸引，價錢都相當相宜，雖然都係連鎖式經營，但未食過就入試下啦餐廳以工廠式風格裝潢，地方寬闊鹽、胡椒粉用玻璃水樽裝，別樹一格食物選擇都多最後選擇香草雞扒野菌滑蛋蓋飯先唔講味道先個名改得好有心思技巧用上蓋飯呢個詞，比人聯想到佢同日式丼飯同出一轍，香港人偏偏就喜愛食日式食物，當然蓋飯只係碟頭飯既別稱，但如果改做滑蛋飯或者滑蛋碟頭飯，我應該會選擇第二樣食物。蒜蓉汁味道都好濃郁！雞扒煎到都算香，但係香草味欠奉、比d汁掩蓋左晒d味值得一讚係個滑蛋都真係好香滑！份量都好足！埋單47

今晚朋友帶我嚟呢度晚餐，以呢個價位來講，食物質素算唔錯，點了一客"加拿大嚴格認證安格斯牛"的餐，揀黑椒汁~安格斯牛扒肉質稔，雖然厚身但咬落唔韌，有牛味有肉汁，牛扒都煎得幾香~ 個餐入面有兜薯條又脆又熱，幾正! 塊牛扒底仲有半個芝士焗蕃茄墊住~ 另外仲跟一個"濃香菌皇忌廉湯". 呢個磨菇忌廉湯幾好飲，好香濃，如果再杰身會仲好！成個set $82唔洗加一，出面食差不多的扒餐應該要百幾，服務環境都不俗，呢度係幾抵食！

今日去禾輋間樂意度食下午茶，經過門口就有個牌寫住兩點鐘開始下午茶， 我喺門口見到有個芝士肉醬多厚多士，咁入到去落單，有位侍應就話三點鐘先開始，因為當時仲有兩分鐘先到三點， 好啦跟住到3:02分嗰陣時，我搵另外一位侍應同我落單，佢就話我食呢個多士要四點鐘先開始有， 我再搵第二個侍應同我落單， 佢又係話要四点先有，我話你本餐牌係寫住三點鐘開始點解要四點，佢話呢個係要四點嘅，，重話如果我真係要食呢個餐，可以叫但要食正價！ 跟住我冇睬佢，搵番之前最第一個位侍應，佢係同我落咗單，我食埋走埋埋單， 同埋佢哋對客人嘅態度係非常之差又好晦氣😤

係ive最常食嘅食肆之一最近返返火炭返工就返黎食香辣欖油煙鴨胸炒天使麵有菇有煙鴨胸炒埋炒埋好多料，有菇類唔會太heavy有啲辣，食唔到辣唔好叫😂炒得好香，不過稍微過油

星期日晚去食，成餐感覺就係俾人催離開。叫食焗豬扒飯。表面好看，內失望。 豬扒好薄，咬落冇肉感，好似調味醃太耐。味道偏酸，而且有碎骨。蕃茄醬料有蕃茄肉，呢樣算好。 但係調味失衡，太酸，破壞整碟飯。我覺得係趕住出爐就係咁加醬，焗完就算。 飲品選擇多，不過有d有，有d又冇，問左兩三次先黎到。 巨峰提子尚可。 淨講焗豬食物水平，下品

晚上去左沙田禾輋村商場買嘢順便食個晚餐，呢間意樂未食過就試下先，不過大家不要太夜去，我約20:35到，想食牛扒餐冇牛扒，薯蓉都冇連飲杯紅豆冰都冇紅豆，最後叫左個美式雜扒餐同杯滋味芒果啫喱冰冰不過個美式雜扒餐真的非常豐富，有雞扒、豬扒、煙肉、法蘭克福腸、煎蛋、炒雜菜、薯條、芝士番茄同野菌炒珍珠飯，雞扒煎得幾好，外皮煎到好脆好香口，肉有唔會太乾，豬扒就非常之入味，但炸到有小小乾身，但還可以接受，煙肉同法蘭克福腸就普普通通冇嘜味，薯條炸到非常非常之乾同好咸，食左1-2條就冇食，個飯炒得好入味，煎蛋就普普通通，個炒雜菜都可以，但份量好少，最後杯滋味芒果啫喱冰冰都可以，D啫喱幾好食，不過啲芒果汁就甜左小小

今日經過沙田，6點幾走左去食意樂餐廳，之前經常和屋企人去食，依家已經很少去，但依然沒有什麼改變，sofa椅仍然係破舊餐牌款式好多都改變，已經沒有抵食的二人套餐。今日隨便叫了一個蒲燒鰻魚炒飯 加配$6 日式胡麻田園沙律，炒飯好香口味道一流，份量都好足，田園沙律配左我最喜愛的胡麻沙津汁，所以特別好味。至於服務員的態度就一般般，但整體都可以的

沙田搵食越黎越難，而且仲越黎越貴，食個下午茶都要$40先有得埋單，好貴呢。不過行過去附近既屋村，竟然比隊長搵到抵食下午茶！有時隊長為左慳錢，都會留番下午茶先食野，意樂既下午茶由$2x-$3x，有麵包、意粉、焗飯揀，都幾多選擇呀！今次同爸爸食豬扒包同雞扒包，嗱！糧尾之選就唔好期望味道有米芝蓮既水準，呢2個包既味道都ok，2塊肉都醃得夠味同煎過下，唔係白烚雪藏味，而且都有生菜、蕃茄同千島汁調下味，個包都係用硬豬仔，$29有呢個水準都唔錯。不過爸爸的雞扒包跟既薯條就少得離譜，同埋炸得太乾叫個最飽肚既焗飯都係$32左右，又唔係難食，仲唔係糧尾之選？

係附近跑完步，去食個早餐呢間餐廳D野食都算大份 ，呢個奶醬多嘅面包厚度適中，花生醬同練奶都好足料 ，面包有焗過好脆口，其他餐加3蚊就有多一件多士，多士都有同樣既厚度，份量十足，另加6蚊可以配個火腿通粉，通粉無味精，唔會好油膩，又唔會好淋，火腿及通粉嘅份量可接受，味道好好，又抵食  。

6-2-2016 (Sat)等老公放工後去買餸,買之前食o野吧,去瀝源食啦,話晒多選擇同冇乜大陸人.我o地o黎到呢間以為係茶餐龐,但原來唔係,門口幾多人等,但如果搭枱就即有位,於是搭枱.坐低後睇menu,老公要$45.00o既百里香烤雞意大飯,我要$43.00o既,意式番茄牛肉炒天使麵.呢兩個餐跟湯或飲品各一,我o地就要粟米忌廉湯同原茄意大利菜湯.等o左6分鐘,兩個湯終於到o黎,由於我感冒,所以老公先飲一半至到我飲.到我飲時,先飲粟米忌廉湯,係夠杰滑,不過可以更加好.味道屬正常冇問題.原茄意大利菜湯,有啲啲辣味,酸味都有o既,OK.然後百里香烤雞意大飯到o黎,睇見烤雞唔係烤雞,而係雞扒,雞扒唔大件,飯量唔多,有啲薄切菇片.至於味道,似食白汁飯,百里香味道食唔出,名不副實.最後到意式番茄牛肉炒天使麵,份量同樣唔多,炒得OK o既,牛肉鬆軟,但有啲辣,係來自未炒熟o既紫洋蔥.總括而言,呢間o野食同普通茶餐廳冇乜分別.味道: 2.875分, 抵食係2.5分服務:上完百里香烤雞意大飯後,.有侍應拎住米蘭鮮茄烤豬扒焗珍珠飯問係咪我o地呢張枱,我o地冇人應.之後有人拎俾我o地.我o地愕一愕然,諗返

夜晚8點鐘到黎到，唔洗排隊，但係可惜餐牌就無早午餐咁吸引，不過既然黎到，都入去試下啦。本身係想叫蕃茄湯通粉架，不過原來夜晚無架，唔緊要啦，叫其他野都OK。挪威煙三文魚海鮮比薩: 三文魚軟熟易入口，可惜海鮮份量偏少，唔講都唔知佢有落，pizza 唔多脆，又無咩蕃茄味，絕對有改進既空間。柚子蜜味芝麻雞翼: 呢味小食有D韓風，係用柚子蜜黎整既，甜甜地，又帶少少柚子既香味。本人都幾鍾意柚子蜜，飲落口非常滋潤，又可以用黎當作醬料，同雞翼配撘埋一齊，非常美味。用柚子蜜黎整既雞翼，焗起左之後，柚子絲烘成金黃色，邊位烤得脆口，賣相好靚，雞翼亦都非常入味，食落真係幾開胃。帆立貝海鮮意大利蕃茄濃湯天使麵: 天使麵個湯底有好濃既蕃茄味，加埋帆立貝，真係完美既配搭。

星期日既午餐選擇左係沙田禾輋既「意樂」到食，貪佢夠平靚正，又唔洗等位。每個餐都有主菜，另外再有一杯飲品或者一個湯。如果叫蕃茄湯天使麵既話仲會有蒜香牛油多士添。原茄意大利菜湯: 蕃茄味超濃，上菜時仲係熱辣辣，好好味。蒜香牛油多士: 多士好脆好有蒜香牛油味，濃度適中。意大利特濃蕃茄湯天使麵: 天使麵可以揀配兩個餸，我地揀左蛋同埋野菌，湯底同埋菜名有點兒出入，味道比較淡，一D都唔濃，而且比較稀身，水旺旺，無咩蕃茄味，下次唔會叫。米蘭原茄烤豬扒焗珍珠飯: 豬扒飯用既係珍珠米，食起上黎幾煙韌，豬扒仲係原塊上，口感都算軟熟，上面淋左好多蕃茄醬，食落似係用左好多茄膏調味，味道唔會太酸，可惜上面淋左過多芝士，唔好芝士既我唔記得叫佢走芝士，下次會記住架啦。百里香烤雞菌皇扁意粉: 賣相唔錯，烤雞係用雞胸肉，醬汁既味道有D似忌廉湯，配埋意粉，百里香同野菌一齊食都幾夾，整體味道都幾好。整體黎講，呢到既食物以呢個價錢黎講真係算唔錯，仲要可以坐低有人SERVE，除了蕃茄湯天使麵有大量改進空間之外，樣樣野食都幾OK，得閒都要黎多D。