意樂餐廳 (禾輋廣場) (已結業)

住沙田咁耐，都係第一次黎呢間「意樂」。是日星期日，同朋友們練跑，話晒距離渣馬仲有2個月多少少，係時候要開始操，大家跑完接近11公里之後，就黎呢到食返個早餐啦。朋友介紹呢到既蕃茄通粉，話好好味，咁我就叫左個蕃茄火腿蛋通粉黎試下啦。蕃茄味超濃，湯仲係熱辣辣，配埋隻半生熟雞蛋同埋火腿，味道簡直一流。本身加3蚊可以要多塊厚多士，但本人胃口唔大，所以無叫到。熱奶茶超好味，濃度剛剛好，仲要夠熱添。

中午十二點多去到人很多，所以到附近逛逛。半小時後回來，人潮散去，然後餐廳明明有約2桌空枱，還是要搭枱。其實也沒甚麼，只是。。。看下去就是。。。我叫了飛魚籽三文魚蛋白炒珍珠飯，午市可跟餐，我要了忌廉湯。飯上得算快，賣相不太吸引，幾樣配搭起來不錯，飯也不會太乾(吉X家 三文魚飯對我來說有點乾)。母親點了 叉燒豬骨濃湯 拉麵 ，下單時侍應說可以跟餐，母親問可否不跟餐，侍應呆了兩秒有點黑面的說單點也可。 麵久久都未上。終於，上了一碗 叉燒豬骨濃湯 烏冬，(搭枱的女人叫了海鮮 烏冬)，原來把兩者搞混了-_- 也算了，侍應毫無歉意，只是嬉皮笑臉的跟同事說自己搞錯了。又過了一陣才上，麵份量不算大碗，男生可能會吃不飽，叉燒也只有寥寥可數的2(薄)塊。然後我們吃畢後，都湯還未上 -____-之前催了一次，完全沒有跟進，只好再催一次，才上了這湯，唉食餐飯都咁困難 。平日偏向讚賞及欣賞每間餐廳,這次真的有點失望。

今晚出街食飯選擇西餐在「意樂」，唔使諗，就揀呢款皇牌套餐$88,,,田園沙律,,,伴菜的沙律汁好味道，酸度又好啱我呀！很喜歡這份醒胃田園沙律,,,主角之一…加拿大牛扒冇乜肉汁，只有靠有黑椒汁佐之,,,主角之二…香煎大蝦肉質結實但冇鮮味，牛扒和大蝦都烹調過老，肉質粗〝鞋〞。配角之一……白灼的西蘭花…硬撐撐以生吃！配角之二…芝士肉醬釀蕃茄…好美味！紅豆冰冰是餐飲和甜品的普普通通混合體罷！胡麻燒肉拉麵$37，唔係我碗麵喎！不予置評,,,大切吉列豬扒手打麵$39噢！油浸鹹魚的親戚~~油浸吉列豬扒，油浸吉列豬扒我們要三人分享，如此油膩一個人怎能吃得下？手打麵有大塊清甜的白蘿蔔，爽呀！夏威夷薄餅雖然香脆但有酒味，很不習慣的味道！沒有上鏡的淡茂茂焗薯角，挺飽肚！全日免茶，免加一。。。。要茶要水要請待應才會送上。。。

身為一個沙田友 去禾輋商場仲多過反屋企每次去到都係食意樂咁滯點解 又平（相比個到）又靚又正佢個WASABI炒飯 兩個字型容好食又得意 WASABI 唔會太攻鼻但係又幾香

好耐冇嚟食, 因為佢招呼唔係幾好, 而且啱我食的選擇唔多, 估唔到隔咗咁耐, 所有嘢都冇變...........永遠一入嚟, 就比收銀亞姐叫住, 問幾多位, 又唔比人坐卡位, 但叫你坐低之後, 又冇人招呼, 水都冇杯, 搵極都冇人望到, 要行去自己斟時, 先有人問坐邊, 會斟過嚟~  經典原味紅豆冰冰 + 抹茶牛奶紅豆冰冰一下唔記得咗叫佢少冰, 因為佢叫做"冰冰",所以有半杯都係冰~ 味道唔算太甜, 但紅豆唔夠多, 又唔夠大粒~  北海道甜蝦龍蝦汁長通粉 開頭以為佢上錯, 因為叫做甜蝦, 但只得1只冇殼蝦+2只有殼蝦+2只青口, 唔知係咪唔夠蝦? 因為3只蝦都唔爽, 少少霉霉地, 至於個龍蝦汁就好鬼濃, 又夠多, 比我撈勻成碟長通粉, 都撈唔哂, 仲有汁多餘, D長通粉吸唔哂~   紅酒蘑菇洋蔥鴨胸焗飯食唔出有紅酒味, 但有大量鴨胸, 焗得幾乾身, 唔會太濕~  柚子芝麻烤雞翼好似烤得燶咗少少, 可能柚子D糖份, 搞到易燶同埋D雞翼易"痴"底, 雖然講話柚子同芝麻係主要味, 但食落係唔覺, 反而食到其他香料味, 仲好重味tim~  法國田螺香蒜焗薯茸焗得唔夠香, d薯茸邊都唔

放工與好友往禾輋意樂食dinner，點了柚子雞翼，朱軟骨拉面、田螺焗薯、雞扒鐵板意粉、忌廉湯、焗三文魚飯和胚牙好立克，間餐廳態度有點差，不替我們拍照，講回食物，柚子雞翼和雞扒鐵板意粉略嫌不夠熱；而朱軟骨拉面好大碗，好足料和入味；田螺焗薯好好食，薯蓉夠熱；忌廉湯好濃，最後焗三文魚飯和胚牙好立克都能保持水準! 整體食物抵食，尚可和接受

有時間，可以一條友嘆個下午茶，然後才回家。來了意樂，主要是因為方便，旁邊就是巴士站搭車回去。下午茶選擇不少，反覆想了，最終都係食個包比較合適。炭燒雞扒包，只覺包身頗硬，反而雞扒幾嫩，整體味道中規中矩，預期之中。配角的脆薯，最大問題是唔得熱。喝過凍檸茶，放下廿九個大洋，再上路。

住沙田咁耐，都係第一次黎呢間。同老婆行街時看到又到晚飯時間，便入內試試。西班牙海鮮意大利飯，有5款海鮮，剛夠味的龍蝦汁加上意大利飯，絕對超值。鰻魚炒飯，雖然無乜鰻魚，醬汁濃但味道又不會好咸。柚子雞翼，有甜甜的柚子味，但雞翼很細隻。因有柚子，所以放了一會就會黏住底，最好快些食。蜂蜜檸檬茶，都算好飲。紅豆抹茶，抹茶味淡了一些，但紅豆煲到起沙，好食。

蒜蓉多士一點也不脆和質感很硬…忌廉雜菌天使麵…忌廉汁分量剛剛好，味道還好…天使麵的分量也很多…黑白脆脆很脆味道甜甜的廷好吃~香辣橄欖油煙鴨胸炒天使麵…有少少辣可接受而且天使麵也不太油…熱朱古力普通不特別~

嘩！排隊等了很久才輪到，辛苦死。。不過這間意日式餐廳，也算多選擇，叫飯、意粉或Pizza也可半價連任何飲品，我就叫了個紅豆冰，較甜、但也算不錯啦。我這晚試了這個燒汁鰻魚意大利飯，意大利米圓圓的，濃湯汁滲透米粒，加上燒汁味道較濃。鰻魚意大利飯上枱時以為來錯了，因看不見鰻魚，原來廚房將鰻魚已切成細粒，我就覺得少了點，和意大利飯混在一起去煮，味道很好。價錢都夠大眾化，所以一個人食也ok 啦哈哈！

九個九銀錢下午茶$9.9真係好吸引，黑白配~一面麵包加練奶，一面麵包加朱古力醬的豬仔包烘焙得香脆，加埋杯熱咖啡，為寒冷添暖意！大切吉列豬扒配手打烏冬$38，半邊糖心蛋甘香美味更勝油膩膩吉列豬扒，碗麵加入芝麻、麻油香味四溢，還有菇、木耳、美中不足是討厭的生蔥！

今天忙完上午的工作，過了午飯時候，意樂餐廳 Cafe de Itamomo 下午茶時間由2:00開始，一於下午茶當午餐。來一客野菌白汁炒天使麵，似白汁繪天使麵多過炒天使麵，沒有炒的香味，當午餐是份量適中，蒜蓉多士凍到僵硬！另一客是滋味沙爹牛肉、餐肉米粉，一點也吃不出沙爹牛肉的滋味，應該叫味沙爹牛肉較合適！自家將餐飲咖啡和奶變成鴛鴦，就真係滋味極了！還點選西多士作甜品，大大件西多士加餐飲$22，抵食！

呢日下就有d肚餓,就周圍行睇下有咩好食~行過意樂,menu好似幾多款簡,二十幾蚊都ok,下午茶到到都差唔多價~五點幾入到去唔使等位,但個場都大半滿~不過人手好似有d唔夠,落order要好好把握時機~menu好多款...原本諗住食天使面,不過佢個天使面係湯天使面,我就麻麻地~最後簡左芝士焗肉醬扁意粉...野飲上先,等多陣野食都上埋,以焗既野食來講都差唔多~野食到左當然係撈撈佢啦!賣相ok~因為個意粉唔係好多,所以d汁都夠撈~d芝士一舊舊痴住食,好味!值得一讚既係佢肉醬既調味都岩岩好,唔會太濃~配上熱辣辣既扁意粉,yummy!味道算係中上,但二十幾蚊又唔收加一有咁既質素,己經好抵,好過食連鎖快餐好多!

黃昏時候到, 所以人客不多, 一入去就有位, 門口餐牌已好多, 坐低見到下午茶餐牌仲多到唔知揀乜食... 我點了火腿+蘑菇腸 的蕃茄湯扁意粉, 其實配料有好多選擇, 唔想揀扁意粉, 都可以揀第二D粉, 總之選擇超多!!!蕃茄湯底味道似屋企罐頭羅宋湯味, 扁意粉有咬口, 索了湯味, 正!蒜蓉多士都似屋企能整到的, 不過不失呢個雞翼係叫餐加錢額外點話雖辣雞翼, 但一D都唔辣, 似瑞士汁雞翼, 下面墊住果塊包, 以後盡量都唔會食.... 腍哂.......老公點的豬扒包包面如果可以再脆D就更好, 豬扒唔韌薯角外脆內腍, 但偏油.....下午茶餐仲有焗飯焗粉, PIZZA, 及平時茶餐的食物....... 太多選擇吧!!

沙田的禾峯邨，屬於早期開發的公共屋邨，所以區內也有不少老舖，當數年前領匯為商場進行翻新工程時，也少不了汱弱留強的情況出現，這方面固然不免唏噓，只是也不能否定，當中也引入了一些新意於內。其中一間名為意樂的餐廳，看似是普通的茶記，但稍為細看之下，也混合了意式及日式的飲食元素，曾試過一次午飯，那次的優劣已不想多說，倒是近日試過其下午茶，也不無可取的地方。典型的茶記格局，但環境尚算寬敞，加上略為偏暗的燈光及柚木桌椅，作為街坊生意，還是花上了些許心思。看餐牌的選擇雖然不少，但說句實話，內裡港式、日式及意式俱備，但混雜之下，倒是有點不淪不類，雖然這裡標榜是一間「意式」的茶餐廳，對於傾向正統的食客來說，應不是他們心目中那杯茶。就以家父點的蒜蓉包餐為例，捨棄了法包及餐包，改為港式的方包，不免有點失笑之感。只塗了一點蒜醬下稍作烘梮，既吃不著那外脆內軟的口感，其蒜味也是一閃即逝，裹腹有餘但美味不足........倒是下面的柚子蜜汁雞中翼可以一嚐，其混合了柚子果味的醬油，於甜香之中也不乏清新之感，惟其雞中翼也雪得有點久，肉質上也是帶點偏霉身。家母點了一客白汁雞皇湯天使麵，也是毀譽參半，素知意式的Pasta絕