意樂餐廳 (長發廣場)

營業中

休息中

秋葉柚子脆脆芋絲 ($19) 唔錯, 脆口, 唔油.溫哥華焗三文魚鬆沙律 ($23) 岩我口味.其他D 腸蛋不俗, 唔貴. 十幾蚊. D 野飲唔知係唔係加左牛奶, 高質素地好飲.. 重有好多野食. 有排試.

見新開張 同老公去食晚飯 仲以為會比美心貴 但原來價錢都大眾化 而且味道吾錯 不過略嫌份量比較少 而且冇咩set 另外員工服務態度吾得 要咩冇咩 或者要催好多次先有 落單又亂 我們同隔離枱的單倒轉落 食物到果陣 我們2枱人都O哂 但侍應仍照舊放低就走 要我地兩枱客自己倒轉返 同經理投訴 但都係hea 我們 根本係當我們唱歌 冇正面甘面對我地的投訴 可能佢地吾憂做 不過人多的時候 我吾會選擇呢間

見長發開左新餐廳, 於是今日同女朋友黎試下啦未到7點就黎到, 唔洗等位成班侍應企晒係度Stand by, 但係又冇趨我地落單, 非常好等我地可以慢慢睇, 因為我最憎俾人趨叫野食因為過左幾日, 唔記得晒 d 名, 所以 d 名只係大概, 並非跟餐牌完全相同烤法國田螺配薯蓉大家要小心呢 d 小食, 佢地係連隻碟成個放入爐度, 所以隻碟超熱侍應攞出黎ge時候都係墊多左一隻碟o係底, 我冇留意伸手去移果陣就俾佢燙到隻手了, 好彩都唔係燙得太勁, 不過都成晚久不久隱隱痛其實侍應放底時應該提醒返, 呢樣野真係要扣分講返個薯蓉, 味道都唔錯, $20 可以一試茄子忌廉烤豬扒焗飯d 豬扒軟硬適中, 汁同飯撈得幾好, 夠黏性, 好好味龍蝦汁海鮮意大利飯覺得個龍蝦汁味道太酸, 飯ge黏性亦唔夠, 唔講我都唔知呢個係意大利飯煙肉玉子豆腐呢個玉子豆腐本來唔錯, 個豆腐係幾好味的但係個煙肉就如圖所見燒到焦黑晒放落口好似食緊舊炭咁整體黎講味道唔錯, 價錢o係同類餐廳黎講都算公道

長發村商場好耐無新餐廳進駐，金龍泉、美心、一粥麵間間都食到厭，一有新野梗係第一時間試啦!!兩個人叫了︰烤雞翼 $20一客有四隻，餐牌顯示一隻辣椒，侍應哥哥話有少少辣，走辣無可能，因為醃好晒。味道果然唔係好辣，有蜜糖味又有d 好似孜然粉嘅味凱撒沙律 $19羅馬生菜份量頗多，但麵包粒和煙肉粒好少好少，另外有一片薄薄的蒜蓉包。 Dressing 、芝士粉都唔夠，問侍應有無芝士粉，佢一口就話「無」我於是指住碟沙律問佢︰「無???!!! 咁菜葉上面果d咩泥?」 侍應跟住死死地氣話︰「我幫你加番d芝士粉啦!」香茅牛肋條 配珍珠米 $35被餐牌張相吸引，所以叫呢個。碟飯上檯，即時O晒咀，同張相差得實在太遠喇 根本唔係牛肋條，係牛腩碎，碎到好似煲完湯的湯渣無牛味、無香茅味，飯又無飯味最差係飯餸完全唔熱，天寒地凍都係想食啖熱飯啫舉手叫個侍應埋泥，唉~~~~ 又係頭先芝士粉果個侍應佢一開口就問︰「今次又點樣呀小姐」可怒也!!! 好似我有心刁難佢咁，有無搞錯呀「成碟野都唔熱喎，點食呀哥哥」龍蝦汁海鮮意大利飯 $36等左好耐先泥，唔緊要，好食我唔介意等但係個侍應將碟飯俾左隔離檯落左單無耐的一對夫婦