意樂餐廳 (長發廣場)

營業中

休息中

睇完早場，到訪意樂。真係意想不到!!意想不到1︰周末的早餐至12點…真係非常適合香港人的生活節奏哈哈意想不到2︰話說叫了一個太陽蛋麵，萬萬想不到賣相是如此的糟糕!!還是首次看到太陽蛋的蛋黃分開了，唉…湯底也不見得特別。經過這次的經驗，難怪友人說意樂水準下降了。

上次行經沙禾輋商場，就已經留意到意樂餐廳，可是因為當時有人龍，所以才走過隔鄰，不用排隊就可以直接用膳。在綱上搜尋，原來在青衣也有分店，就來到青衣分店吧１在領匯商場下，發覺餐廳的面積都較大，相對便減輕了每呎的租金，加上座位增加，順理成章地可以做多一點生意。其實上次在上水或者在屯門的領匯商場都有同一的現象，就是夠繁忙。看看餐牌，主打意式食物，間中也有其他的港式食品。既然想吃意大利菜，其他的就不用理會，主打意粉和意大利飯。今晚的主菜是牛肝菌野菌芝士汁意大利飯。牛肝菌分為白色，黃色及黑色。這碟意大利飯則採用了黑牛肝菌。牛肝菌味道鮮美，清香可口，營養豐富，再加上其他野菌，口感就更豐富。一般來說，在意大利吃到的意大利飯會較硬不適合港人口，因此餐廳會把意大利飯煮得較腍，但又會保持飯的硬度，因此吃起來會有一種硬硬軟軟的感覺，而且米飯也有其黏性，故此會有一種忌廉的口味。除此之外，意飯也充滿芝士的香味，每吃一口，都有香濃和濃郁的芝士味道，其口感也不俗。餐飲是柚子梨茶，由於柚子味道都幾重，因此朵的味道被蓋過。不過如喝柚子茶的話，那麼是一杯幾好喝的飲品，，杯底亦有大量的棣子在內，份量不少。整體味道中規中矩，唯

早在黃昏6點已經到現場攞位，果然0630開始，門外已經塞滿了人，都係媽媽有先見之明。玄米海鮮炒飯，一向是我最愛，味道帶酸，珍珠米有口感，再加上海鮮。。。。。。。炒飯炒至一粒粒，唔係一pat pat, 好乾身。三文魚pizza , size 是pizza hut tea set 的，比較小，只有4件。外表好似粗糙濫做，厚底，上面有啲3文魚加沙律醬，估唔到食落好香口，而且係剛剛整好的關係，熱熱的，好好味。卡邦尼扁意粉，這個就是一般卡邦尼的味道，但忌廉略為稀左啲。炸魚配蒜蓉汁。炸魚是剛炸起的，而且魚無雪藏味，食完一舊再一舊。這間餐廳份量較少，但價錢相宜，又唔收加一，讚。

今日又係同女朋友相聚既時間佢係荃灣返完工佢突然早放左, 所以即刻飛出去搵佢我地之前講好左去青衣城睇壞蛋掌門人既展覽不過我地都唔熟D人物, 所以睇左陣就走由於我地都想慳錢所以想搵間又平又好食既餐廳上網見到呢間好似都OK所以就行過來呢度食我地分別叫左個$43既浦燒鰻魚玄米炒飯同埋$33既雞絲白汁野菌濃湯天使麵另外仲加左錢叫野飲有半價既$9.5既牛乳抹茶紅豆冰冰同埋牛乳抹茶啫喱冰冰女朋友食既浦燒鰻魚玄米炒飯睇落都算唔錯佢試第一啖就話都幾好食不過試多幾啖就話覺得好鹹佢一向都可以食得好鹹但呢個飯佢都覺得鹹可想然之鹹既程度而且D鰻魚好似好少食落覺得同普通炒飯差唔多不過炒飯來講都算乾身而且份量都算多跟住就係我食既雞絲白汁野菌濃湯天使麵呢個餐好平不過份量好多感覺上愈食愈多而且其實好淡味我好少可食野會食唔晒不過D雞絲都唔錯係淡味既麵當中算係幾突出至於牛乳抹茶紅豆冰冰同埋牛乳抹茶啫喱冰冰我覺得都好似唔同既只係多左D紅豆味飲落都唔錯既有抹茶既清新感覺又有濃厚既奶味可以一試!!

昨晚去左青衣搵家姐食飯,我地五個人去左呢間西餐廳,家姐話好平都幾好味的,又唔使加一,7點幾去到要等位添呀,等左一陣有張圓枱疏化位的,OK舒服,點左一個二人套餐(兩杯飲品,一個PIZZA,一個意粉OR飯,小食)我地叫左雞亦四隻,本來叫吞拿魚PIZZA,但賣晒,改左千島風情,牛肉炒飯,另外加左一個煙三文魚PIZZA,忌廉蜆肉意粉,同埋咖喱牛坑腩飯.PIZZA係細SIZE的,有四件,千島風情即係菠蘿火腿,都好多料喎,幾好味呀,乾身唔會過多醬汁,好味,雞亦配檸檬汁,雞亦好香口,熱辣辣架,正呀!!不過其實檸檬汁有點多此一舉.牛肉炒飯都幾大碟,但係姨甥仔話細碟左喎,以前大碟D,滿晒架,味道都幾好,顏色好深色的,炒得OK乾身,好味,意粉有蜆肉,菇及火腿絲等,清清地都幾好味,意粉爽口的,另一個PIZZA係煙三文魚,濕左少少,不過都好味及足料的,三文魚有好多片呀!!最後的咖喱牛坑腩飯,原來係得奬菜式,家姐及姨甥仔都話好好味,咖喱顏色好深,好濃既味道,同埋都幾辣的,牛坑腩好淋好入味,真的好好味喎,不過食完成個人都充滿咖喱味道.

此店剛開幕時味道很不錯，稱得上價廉物美，因此吸引很多街坊光顧，不過後來水準愈來愈差，不但上菜慢、味道差，服務更很惡劣，所以我很久沒有光顧。今日一家人決定再試下，只見店內客人不多，我們點了拿破侖海鮮玄米飯、wasabi煙肉雜菌意大利飯、有機雜菌白汁天使麵。天使麵麵質太林、很黏口，沒有白汁...d雜菌好乾..唔好食d飯濕左少少，wasabi味唔係好濃，不過配合d飯上黎個味道都幾特別，容易入口，只是煙肉同雜菌不多。呢個拿破侖飯最好味，d飯炒得幾香，d魷魚幾爽口，色水不錯，三十多元幾大碟所以都算抵吃。不過可能因為今日唔多人，所以d野食先會正常返少少，希望佢會一路回穩，本身這個商場就沒什麼選擇的了。

仲記得第一次去朋友屋企樓下食DINNER,就係去呢間意樂第一次是吃扒餐,記得價錢比我想象中平,味道也很好.個人覺得抵食~第二、三次去係一班人去食,大家order既野每人幾啖就食完>< (因為佢份量偏細份...)所以今次得兩個人去食,吃得滿足d 今次一坐底,就諗到想食D野~因為有兩樣至愛我一定會order的,哈哈!!好多野食可以選擇~mem有4頁。我最愛吃的兩款小食:日本清酒煮湯硯佢個湯底好好味!!每次都一定會order吃的!!雖然D硯係細粒左D,但都幾新鮮。上次吃呢個我有encore多一份呢,哈哈!!芝士玉子豆腐 個玉子豆腐真係好好好滑ga!! 用鐡板上菜,所以好夠熱,好好味!!呢個都係每次黎到必order的^^其他: 沒記錯的話,呢個係咖哩焗椰菜花+西蘭花 有芝士係面,好味!咖哩唔辣但幾香,岐晒我呢D唔食得辣既人!!^^D菜煮得岩岩好!!芝士白汁焗田園蔬 芝士好味!!白汁好JUICE!!茄子好夠味,唔苦、西蘭花都焗得岩岩好!!而家一邊打食評一邊又好想再去食啦~HAHA呢幾日搵日再去食!!好掛住D硯同埋玉子豆腐呀PS:呢間裝修不錯,又幾乾淨,價錢又OK!!

雖然不過是屋村餐廳,但其實佢又做得比大家樂、大快活快餐認真，除左有卡位外，四人檯的凳有得捱，坐得也較舒服，寫稿寫得累，也懶得開爐時便會來這裡，今次叫了鐵板牛扒，是參考日式food court鐵板店，用紙圓套維著，然後客人DIY落汁，唔怕油彈到身，比起傳統餐巾的港式扒房經典動作，似乎日後要到「維京」抄料了。牛扒吃起來軟熟，是用蛋白而非鬆肉粉醃，吃起來還有薄薄的肉味，有誠意了，尤其知道隔離百佳一盒楓葉過牛扒100g賣$50，這裡煮埋都不過$60左右，我是收貨的，也比金鳳好吃。

不起今日....(略前事)來了意樂,環境的確唔錯既...先講自己食左的東西...3.6奶涷算係OK既~粟米忌廉湯好水,好淡,好失敗拿破崙海鮮炒飯唔錯~唔算太淡或姐太濃~D飯有D粉粉地~同埋有少少SPICY~之後係友人的食物~.~友人A:沙嗲蛋米錯單,變左磨菇腸....友人B醬幾好~不過個包....太黑...友人C:肉醬意粉D味問題不大...不過太細了吧@@+------------------------------可能因為幾大,環境都叫做得唔差~不過服務真的好茶餐廳FEEL,應該叫意樂茶餐廳D職員好似唔多想理D客= =+

朝早食早餐既地方唔多，今次食意樂，等左10分鐘就有位。快快手ORDER左野食，侍應話水吧比較忙要等耐少少佢咁講姐係有排等啦。一黎就係蒜蓉多士，好味。但想飲住野食。3杯熱檸水都要等勁耐。= =仲要唔夠熱餐黎到，但餐具唔整，要叫人黎REFILL。佢地D侍應生好唔夠。蕃茄湯天使麵，又係唔夠熱。本身好味都變唔好味。黑松露牛奶滑蛋，超好味但其他既野食都係凍既，好無誠意。你凍既又要等咁耐。蕃茄湯通粉配蛋,餐肉蛋,餐肉都好味精。蕃茄湯好味。如果人手夠真係幾好食。

前排老爸從雜誌報導, 說這間店食物水準高且價錢大眾化, 於是我們便老遠的去了青衣試試. 這間位於屋村商場的店子並不好找, 要問村民才找到. 中午客人也多, 但由於店子地方大, 所以不用怎樣等已經有位. 店內坐位舒適, 但侍應不多, 點菜也要等上一段時間才有回應. 餐牌上的食物選擇也多, 日式, 意式, 西式的也有. 看完餐牌, 又再看看隔鄰食客的食物, 最後還是點了雜誌推介的菜式. 率先送上的是雞絲野菌濃湯天使麵, 不用兩分鐘便送到. 一看其賣相已經不吸引, 雞絲和野菌一堆的散亂在天使麵上, 沒有西餐應有的賣相, 有點失望. 雞絲其實並不是絲而是粗條, 入口一點味道也沒有, 好像沒有調味; 野菌有蘑菇和其他什菇, 入口尚可; 天使麵很腍, 好像浸過了頭的麵一樣, 口感不佳; 其湯底味道濃郁, 味道像雞湯, 但卻較油光泛泛, 入口油膩. 菌皇海鮮龍蝦汁意大利飯是雜誌推介的菜式, 材料有蝦, 青口, 蜆, 魷魚各一件, 可惜完全沒有味道, 肯定是雪藏貨, 與報導的"新鮮海鮮"差得遠, 令人失望. 反而意大利飯比較像樣, 入口除了RISOTTO的黏性軟滑外, 還有濃濃的龍蝦汁味, 野菌

知道這間店,都是因為雜誌。雖然佔地四千多呎、舒適的廂座、枱椅,但對不起,這裡是沒有訂枱服務的茶餐廳作業。門外堆滿等位的顧客,不過等候時間都不會太久。餐牌上林林總總的款式,到最後都是跟雜誌推介。一坐落,隔鄰左右附近食客,都催聲四起。order了什麼什麼仍未到、要cancel。隔鄰枱叮囑我們,起碼要等半句鐘!眼見侍應人手不足,o拿o拿聲order。不知是否幸運,我們全部叫的東西,不用5-10分鐘送到。尤其拿破崙海鮮玄米飯 (因為快,兼送到來不是太熱,懷疑是有人取消order的物資)。不過確實極之失望,紅紅色的很齋!平時吃的西炒飯還精彩過佢!雜誌相更是樹立了大蝦頭、大青口、蕃茄粒,sharp得令人來者必吃。除了沒雪味的蝦,有的只是少量菇。我取名它是"茄汁炒玄米飯"。(撇走蝦,素食者可)w/餐湯(3.6牛乳粟米忌廉湯)$38,奶味嚐不出喇,我覺得是用攪拌機,蘑碎了的罐頭栗米湯囉。意大利黑醋胡椒炒扁意粉,買相如中式乾炒牛河。味道的確有醋酸味+豉油味,味道新派,幾醒胃。和牛滑潤軟滑。w/餐飲$29。又係望去都知,質感稀薄。味道尚可。溫哥華焗三文魚沙律$23,三文魚焗過後,又硬又咸。檸檬沙律醬味道清

本人在這家餐廳買兩份外賣早餐(天使麵+牛角包+熱飲)，我落order及付款的時間為10:13am，單號為9566。而半小時候，本人見到其門口有兩份外賣早餐，所以就問侍應我要的兩份外賣可以有未; 但個侍應說，那兩份外賣是單號9570的，我要的仍然未得。她說要再等一下。好啦! 之後該單號所謂 的外賣有人來認領了。於是我就再等，之後我又見到待應拿兩份外賣出來，於是我又問這份外賣是否我的。但是該侍應說: 之後該侍應發現有誤，所以說幫我跟跟，但我就在門口呆等。而該侍應不停話幫我催催，但我就只有不斷的等。等了一個小時，我發火說要見經理，那所謂的經理出來說: 我當時真的很生氣，退什麼錢，你退錢比我我都去唔到第二度買早餐啦! 而且我早早落單，係d侍應要我等等等.....。最後我堅持要佢煮，個經理先話: {我依家叫廚房煮比你] 我心諗咁之前你叫我等等咩? 又話幫我跟單，原來一路都冇....這服務態度我完全無法恭維.......

本人每星期都去幾次這餐廳食野, 雖然有些食物味道都OK, 但以下有兩點則需要改善,1) 入座都冇侍應帶位, 好多時都係自己去搵位座, 入了座, 觀察到D侍應反應較慢, 有時舉了手, 都看不到, 要大聲叫才會來.2) 逢下午茶餐, 最後DOUBLE CHECK 單, 因為呢間餐廳有個甜品都幾好食, 就係OREA阿華田芝士餅、檸檬芝士餅, 雖然好細件, 味道都幾好食, 散叫就 $10一件, 如果在下午茶時段, 就有個餐, 就係$15(包一杯熱飲), 我有兩次去食, 一次就係我自己一人去食, 第二次就係同我老公去食, 本身兩次叫都係ORDER茶餐, 另外散叫檸檬芝士餅, 每次交張單來, 就看到, 叫親檸檬芝士餅, 就計一份茶餐, 雖然比多$5, 但我發現D侍應唔會 問你飲品飲乜, 本身都冇諗住一個人食兩份茶餐, 所以咪同番D侍應講, 但D侍應回應: 因為呢個係一個茶餐, 我就立即回應, 我並非要檸檬芝士 餅茶餐, 而係只要散叫芝士餅, 個侍應有D無奈地返回電腦處, 總之, 日後最好要CHECK 單.

The place is nice and clean, seemed visually appealing to me... but, the food itself left something to be desired.I'll give them the benefit of the doubt, as this was on a Friday evening and it is easy to drop the ball when there is a throng of people, but that doesn't really excuse a soggy pizza.Also, dropping 1/8th of the place of lettuce (for the hotpot dish) on the floor next to the table without a word or hint of a nod of an apology seems a bit impolite to me. Granted, if the waitress had d