愛上米線 (香港仔中心) (已結業)

呢間米線， 用嘅湯底同埋食物種類，同食開嘅其他連鎖米線鋪唔同，佢嘅湯底係冇味精，佢唔係俾你任揀唔同嘅餸，而係有指定嘅湯底去配合佢提供嘅餸，所以呢度食米線嘅口味一定係好夾嘅，食開好濃味道嘅人，係時候食返啲健康小小嘅嘢。第一次嚟到，叫咗酸菜脆鯇魚湯米線，同埋紅燒牛展湯米線，另外跟餐有小食同嘢飲，小食叫咗剁椒皮蛋，炸蝦醬雞翼。而呢度亦都有提供特飲，咩係特飲呢，我就叫咗一個玫瑰咖啡，喺米線舖入邊可以飲到呢個口味，都算幾特別！呢間店設計好新潮，空間感好充足，唔會話要坐到好迫，同埋都好乾淨，特別係要讚嘅係嗰度嘅同事非常之熱心，好主動咁去解釋同埋幫食客，真心唔係扮出嚟。呢個真係要特別讚下！！！！想食一啲與別不同嘅米線，呢間都係一個唔錯嘅選擇！要推薦一下

酸菜脆鯇魚湯米線酸菜湯底味度剛剛好，清爽不油膩，配上乾香辣椒🌶️，芫荽，小小麻香，但一啲都唔辣。鯇魚係脆肉鯇，足料新鮮無腥味。 湯底每日新鮮熬製不加味精，米線仲可以免費添加。招牌脆炸蛋肉操拌飯炸蛋酥香，蛋黃流心。肉操入味，但唔會太肥膩，仲有香軟冬菇，配上日本珍珠米👍🏻。📣📣📣跟餐加$18，就有四款小食可以揀，仲包餐飲。炸蝦醬雞翼十分推介，淡淡蝦醬的鹹香，juicy又滑嘅雞肉，香脆雞皮，一定要試。醋香青瓜白木耳好少食白木耳，非常特別，清脆爽口。拍青瓜清新開胃。仲有麻辣豬耳朵，蔥油餅，同樣值得一試。

So many new restaurants popping up everywhere after the COVID massacre on incumbants.The shop looked bright, and a bit retro in decor. I'm in.Bone broth is indeed brewed from raw ingredients. No MSG as mentioned. It's a lite broth, and brings a sweet umami but not overbearing taste.Very natural. 😋I thought the chicken wings were the highlight. Best shrimp paste chicken wings, hands down. Perfect defrost, perfectly fried golden orange, spot on amount of shrimp paste such that it's not too salty,

愛上米線 呢間 “愛上米線” 港式口味的米線餐廳真係好好味 值得推薦今次叫左小食、湯飯同埋 米線湯飯 今次真係出乎意料嘅好食 仲要係珍珠米好少餐廳會用珍珠米材料真係好足夠湯飯d湯真係飲曬真係好似menu 咁寫 冇添加材料d魚都好新鮮 唔係好食平時d魚咁 粉到霉曬今次真係食得出係新鮮嘅另外 就係米線就叫左紅燒排骨米線紅燒排骨米線 d肉都當然唔係雪藏肉新鮮肉 就一定唔少得啦佢地既湯低都係每日新鮮熬制 唔隔夜添仲有最出色嘅係炸蝦醬雞翼呢個真係好食😋都爆因為真係好熱辣辣愛上米線 除左香港仔有分店，仲有其他地區都有分店架!📍香港仔南寧街14號香港仔中心五期地下4B號舖 📍

米線店愈開愈多，隨處可見，簡直可以媲美7-11,梗有一間係你附近。今日食呢間愛上米線，都有幾間分店，而且除左提供米線外，仲有拌飯，泡飯，仲有葱油餅，真係估唔到吖。火爆肥腸拌米線：肥腸肥美，口感一流，有別平時既滷肥腸。係用青辣椒一齊炒過，但食落唔算好辣，加上拌米線既醬汁好惹味，味道亦好夾。就算配拌飯，相信都係一流美食。酸菜肥牛米線：可能食左濃味既拌米線，再食呢個湯米就顯得清淡左少少。但湯底係用鮮熬湯底，都幾鮮。藤椒雞粒葱油餅：就甘食葱油餅，已經好香好惹味，再加上雞粒，辣辣地更加絕配。蝦醬雞翼：新鮮熱辣，好食，但蝦醬味道略微太霸道，掩蓋左其他味道。醋香青瓜白木耳：青瓜脆加上醋既微酸，好開胃，仲有辣味慢慢滲出，好回味既一個小食。黑木耳就食得多，而白木耳都係第一次食，口感爽口。麻辣豬耳：份量幾多，辣度可能得10小辣，但食落爽脆。

米線舖頭真係開到成行成市，有唔少係四川口味，不過呢間就係本地口味嘅米線**********藤椒雞粒拌米線（$52）🌟推介🌟麻麻辣辣好過癮，將雞粒先炸，然後加入2款辣椒🌶️同一串花椒係面，芫茜、蔥、脆脆豆撈嚟食就算我唔食芫茜、蔥都輕易入口，草青味唔係好濃烈，反而辣味好出所有配料都係一粒粒，食落口感一致**********紅燒牛𦟌湯米線（$62）牛𦟌炆到好腍，唔會好韌食到痴牙湯頭好清，湯底係每日新鮮熬製，完全無味精，食完唔會口渴鍾意食辣嘅朋友可以自行加辣椒油🌶️**********剁椒皮蛋（升級套餐+$18）🌟推介🌟皮蛋一開二，啱啱好裝哂剁椒，有別一般剁椒嘅辣，係甜甜地，有啲似泰式酸辣醬，原來係舖頭自家製醬料**********麻辣豬耳（升級套餐+$18）豬耳皮彈牙有咬口，雖然係套餐加配小食，份量依然好多，勁抵食👍🏻👍🏻**********炸蝦醬雞翼（3隻）（$28）🌟推介🌟睇落平平無奇，原來係好入味而唔會太鹹**********蔥油餅（$18）煎到脆卜卜，啖啖都有香蔥味**********套餐飲品玫瑰咖啡🌹（特飲另+$4）漸層咖啡，啱哂打卡甜度剛剛好，玫瑰味🌹又唔會搶哂咖啡味，奶仲可以解辣添

作為米線開注組成員，周圍搵米線食，行過呢間愛上米線，原來主打本地口味嘅米線，就比佢吸引入去😋除咗湯米線餐廳仲有 湯飯、撈米線等，堂食仲可以任加米線/飯，大食嘅朋友唔好錯過~米線湯底就有牛骨湯、酸菜等，叫咗個酸菜肥牛湯米，湯底較淡~酸菜份量都幾多，夠爽脆😝另一碗就叫咗火爆肥腸拌米線，勁推薦😝拌米線夠辣夠香，肥腸脂肪唔太多，而且夠入味😋好值得再叫！跟套餐可加$18 有飲品用小食，配麻辣豬耳同皮蛋，雖然加配但份量都唔少，爽口彈牙，而皮蛋就有糖心feel，但如果再切開4 件會好啲😋再加配醋香青瓜白木耳，味道酸酸地好開胃，青瓜爽口入味，作前菜的確唔錯！除拌米線，另一樣好有驚喜係藤椒雞粒蔥油餅，配料同蔥油餅係分開上， 藤椒香濃帶麻，雞粒嫩滑香口，蔥油餅帶點油，但可接受！ 配埋非常可口，下次要試埋另一款蔥油餅😝

紅燒排骨豬骨湯米線米線分量足，食之前已經聞到濃郁豬骨湯香，飲左一啖唔覺有味精，紅燒排骨好淋唔痴骨，一啖湯一啖米粉，不知灰覺就食曬，好好食。招牌脆炸蛋肉沫拌飯個炸蛋好特別，個蛋白部分炸到好脆，個蛋黃仲係流心👍，個飯既分量好多話梅小番茄小蕃茄剝咗皮之後連埋話梅汁一齊浸，小蕃茄充滿話梅嘅甜味同香味。食主食前食幾粒，好開胃。剁椒皮蛋凍食皮蛋配埋紅辣椒同青辣椒，食到皮蛋味之餘，仲有小小辣椒味，好野味😆炸蝦醬雞翼（三隻）同上次食一樣，肉質好滑時令蔬菜兩個主食都無咩菜，要叫個菜咁先均衡飲食熱玫瑰咖啡好大杯咖啡，玫瑰同咖啡兩個的味道好平均，無蓋過玫瑰或咖啡的味道雙檸梳打茶特色飲品，凍檸茶用梳打水沖茶底，配埋青檸同檸檬，酸味自己調校，梳打水令我覺得好似飲緊氣水咁

好耐好耐無出去晚市堂食了，開返的堂食，真的好開心，是日同HONEY去香港仔中心，經開見到哩間新開的米線店，就同HONEY決定去食久違的晚餐格仔STYLE的門面真的好吸引，另外除左有湯米線，仲有撈米線，另外佢都系主打本地口味的米線，聽職員說，下任何米線/飯的ORDER，堂食可以任食米線/飯，真的好吸引，唔驚食唔飽同HONEY點左兩份套餐，套餐加18蚊包埋飲品同小食，紅燒排骨湯米線(牛骨湯)HONEY點左的排骨米線，排骨都唔少，另外湯底都重牛骨味，剁椒皮蛋剁椒皮蛋新的食法，開胃無比，我覺得比X仔的皮旦仲要好食火爆肥腸拌米線我的肥腸拌米線真的好吸引，有唔少的椒，同埋好甘香的肥腸，真的一撈一食好惹味，我覺得撈米線仲吸引過湯米線，話梅小番茄酸酸MAYMAY，唔錯，夏日開胃小食，份量都唔少，凍檸檬茶，忌廉梳打炸蝦醬雞翼（三隻）香口當中有蝦醬的味道，唔會好重味，炸得香脆，醋香青瓜白木耳白木耳真的好少地方有得食，比黑木耳仲爽脆愛上米線的食品都唔錯，有時食得X仔多太悶，都可以食下本地口味的米線，

酸豆角炸蝦醬雞翼湯米線個湯完全無味精，食完都唔會口渴有啲好奇，問店員先知個湯底係每天新鮮熬制，無落味精，仲會用海鹽調味，勁天然👍🏻雞翼肉質好嫩滑，外賣會將個湯同雞翼分開裝招牌脆炸蛋肉沫拌飯白飯係左用日本珍珠米， 肉碎蘑菇粒再加埋甜甜地既茨，撈埋一齊食，好食，啱晒鍾意汁撈飯既我🤤炸蛋焦脆蛋皮為呢個飯再加一點口感。話梅小番茄開頭以為小蕃茄應該好酸，一入口有驚喜，唔覺酸，又淋又甜，好食又開胃。炸蝦醬雞翼（三隻）好大隻雞翼，非常香口嘅雞翼，肉質好嫩滑配上有蝦醬的鹹香味。醋香育瓜白木耳爽口的白木耳同青瓜配上醋，酸酸地好開胃葱油餅睇上去有啲似印度薄批，咬落就係熟悉嘅蔥油餅味道有得揀特色飲品青檸梳打，芒果乳酪梳打

見到愛上米線周圍都有唔少分店，環境望落去又坐得好舒服，紅色招牌好搶眼，今次經過就決定試吓佢先！呢間港式米線選擇好多，無論煮食包括粉同埋飯同小吃，都好有小店嘅特色，仲要用上全天然嘅材料同埋冇添加任何味精，搞到我所有都想試晒佢！今次試咗呢啲都覺得好好味😋🍚辣椒炒肉拌飯($58)🍚 應該係我覺得全店最好味嘅煮食！因為佢用咗日本珍珠米，咬落煙靭同好有米香，用辣椒炒相片片嘅豬腩肉同粒粒青椒好夾，令我食到停唔到口🍜酸菜魚米線($58)🍜 清甜得來又可以食到片片滑身鯇魚，我差啲忍唔住所有湯都飲晒佢🍗炸蝦醬雞翼(28)🍅話梅小蕃茄🥚皮蛋(24) 等小食都係一啲平時食開米線必定會嗌嘅嘢。話梅小蕃茄就應該得呢間米線店先有👍🏻下次如果想食米線，都不妨改下口味試吓唔同嘅米線店👏🏻👏🏻

愛上米線 🍜火爆肥腸拌米線($58) 7.5/10今次肥腸好特別，平時食得滷嘅肥腸多，餐廳嘅肥腸係有少少燶邊，食落辣辣地好惹味🌶 ，而且全部都夠肥有口感。米線配埋青椒、黃豆、蔥、同芫荽，青椒味🫑偏重，食米線時都會食到， 米線食落有彈性，大概係十小辣，如果可以配埋肉碎應該100分😋酸菜排骨米線($58) 7.5/10酸菜湯底明顯feel到冇味精，食落嘅鹽味唔係死咸加埋爽口酸菜，夾到可以飲哂成碗🤤 排骨份量都好多，有成七八舊，全部都大大舊，好抵食👍🏻 炸蝦醬雞翼🍗($28) 8.5/10雞翼炸得好脆口之餘又唔油膩，仲好神奇地keep到超過20分鐘都脆口。食到中間就有蝦醬味🦐，唔算好重口味，所以食落口都易接受🙌🏻麻辣豬耳朵 + 青檸梳打🍹(+$18+4）8/10麻辣豬耳份量好多，辣度都係十小辣左右，食落有爽脆同軟度，而且唔油膩。青檸🍋梳打就青檸味好重，飲落幾fresh🌱剁椒皮蛋+芒果乳酪梳打🥭(+$18+4) 8/10皮蛋竟然有辣椒、蒜頭同豆角，食落酸酸辣辣好有口感，食落冇乜澀味🥚 芒果乳酪梳打竟然有埋芒果爆珠珠，飲落似芒果汁，唔會太甜或者太假，甜得黎唔膩🧃Extra comment🖍•餐廳

📍特色米線店愈開愈多 身邊好多朋友都係米線愛好者一開始比餐廳裝修吸引到 用上黑白格仔瓷磚 再配上紅色店名裝修簡約新穎 環境相當光猛同舒適🌀 招牌脆炸蛋肉沫飯 +$18配有飲品及小食見到飯類全部用上日本珍珠米 忍唔住要試一試米飯口感煙韌 粒粒分明肉碎加入冬菇粒 而且醬汁好惹味 配埋流心脆炸蛋 送飯一流🌀 紅燒排骨湯泡飯 可以選擇牛骨湯定豬骨湯 豬骨湯湯底濃郁排骨份量唔少 而且夠入味同軟滑主食仲可以免費添加白飯或米線🌀 剁椒皮蛋溏心皮蛋上面鋪上青尖椒辣椒蒜蓉粒辣椒醬有少少辣 但好香🌀 炸蝦醬雞翼 (1份3隻)雞翼炸得香脆 唔錯! 估唔到蝦醬醃雞翼咁夾食物主打全天然 無味精 感覺好健康 好多港式特色口味以香港特色

☀︎ 𝗦𝘂𝗺𝗺𝗮𝗿𝘆：自從米線熱潮掀起米線店愈開愈多，亦愈黎愈多變化😍最近新打入市場嘅「愛上米線」主打米線，泡飯，拌飯三大元素以蓋碼形式上陣，味道偏辣愛辣或者想試下新食法嘅你，可不妨一食！◈藤椒雞粒拌米線 $64以青紅辣椒加入雞粒炒香，入口香辣惹味有點似辣子雞丁嘅感覺🤣再拌勻米線一齊食，真係色香味俱全😍仲有大量嘅炸碗豆，脆脆口感，增加不少風味◈ 升級套餐 +$18任何湯米線/拌飯/泡飯/拌米線/蔥油餅加$18即可升級至套餐=小食+飲品๛ 話梅小蕃茄 (小食四選一） 粒粒小蕃茄都預先剝好皮（小貼心😍） 酸酸甜甜，話梅味突出仲爆汁๛ 青瓜薄荷梳打 (特飲+$4) 造型好有夏日feel，入口好fresh好清新 底下仲有果凍增添口感◈ 藤椒雞粒蔥油餅 $32同樣都係藤椒雞粒，但配搭埋鬆脆蔥油餅將香脆同香辣溶合埋一齊😘◈炸蝦醬雞翼 $28即叫即炸，堅係熱辣辣上枱😆咬落香脆，內裡keep到嫩滑有肉汁淡淡嘅蝦醬香，balance 得恰到好處👍

四月最期待嘅四日公眾假期黎啦！雖然話多唔多話少唔少，本身有諗過去離島玩一日，但睇新聞見排隊搭郵輪嘅長龍多到癲咗嘅時候，我就即時轉肽去香港仔玩一日覓食之旅😂.途經呢間「愛上米線」所吸引，全店以白瓷磚為主既裝修，簡約乾淨，格調清新，單係門面已經好搶眼😍.【招牌脆炸蛋肉沬拌飯 $48】強烈推薦呢款鎮店招牌菜，試左一定唔會後悔🤣以肉碎，香菇粒同木耳組成嘅肉沬，香菇粒偏多，而肉碎亦唔會過肥，所以唔會感到有油膩感，鹹中帶點甜，送飯一流👍而唸碗拌飯號靈魂就係炸蛋啦～邊邊角角勁鬆脆，輕輕切下，仲有流心蛋液，再拌勻米飯，肉沬，堅係Perfect 😍.只要加多$18，可以升級至套餐，包埋小食（四選一）同飲品架～.。醋香青瓜白木耳：入口爽脆，酸香開胃。奶茶：香滑順口.【蔥油餅 $19】滿滿嘅牛油香，口感好酥脆🥰