慕茶 (已搬遷) 新店位置

為了有充足的睡眠，最近正戒咖啡，不能每天喝咖啡，就會以茶代啡，攝取咖啡因，有時精神不錯時，甚至可以無咖啡因的花茶代替。今晚特地去這間聞名以久的茶味Cafe 嚐嚐茶味雪糕。慕茶位於工廈7樓，白色鐵閘和木門感覺一致。門口位置有一組音響系統晚餐時間, 我和朋友先點了主菜和茶分別有菊花羅漢果普洱和陳皮烏龍茶，茶料以茶包盛載，打開蓋可聞到陳皮和菊花香氣。陳皮味頗香，帶點苦澀，但有點搶過烏龍茶香。抹茶意粉份量頗多，抹茶醬汁濃郁，有少許綠茶的澀味，又帶點牛油香， 抹茶控會喜歡，而蝦子和帶子煎得香口，加上蟹籽和沙律菜色彩繽紛。原隻軟殻蟹賣相很吸引！極愛海鮮的我沒法抗拒，蟹上有椒鹽，不會過咸，仍吃到啖啖蟹肉味，墨魚汁燉飯較重牛油味，滿滿的墨汁，份量也是很大，三個女孩子分享兩份主菜也足夠！最後完全發揮選擇困難症患者精神，幾款雪糕也想要，剛巧看到店裡有優惠活動，只要將食物打卡上載到facebookn/ instagram 就每人頭送一客本日精選雪糕。貪心的我點了$50兩球雪糕仍不滿足，又享用優惠取了每人一球抹茶味。上(白色）：玄米白茶雪糕有很香濃玄米-炒香白米味道，但是三款中最快溶掉的。上（米色）：蜜糖茉莉

今日又有得收半日，因為夜晚約左朋友係觀塘食飯，所以決定出觀塘午餐，食完再行一陣，咁就應該時間剛剛好😎今日繼續尋找工廈美食，今次就揀左同事介紹既慕茶，話夠靜同坐得舒服！電梯入口係中銀隔離，上到去無諗過原來會有間餐廳🙊地方幾乾淨寬敞，因為午市過後，所以人唔多，真係夠曬寧靜，店內會放播音樂，感覺好輕鬆餐牌，有湯有沙律有主菜有全日早餐，背面重有甜品、雪糕午市套餐紅豆抹茶，紅豆夠爛，抹茶味濃揀左全日早餐A1，好有新鮮感，同平時食開既唔同🤤份量好足，食完絕對飽到上心口店員好體貼提示先食左個包先，唔係會淋第一次咁樣食，好得意，個包係炸饅頭，沾左練奶、夾住肥牛，咬落去好脆，咸咸地又甜甜地、肥牛唔會過肥本來係煎蛋，後尾幫我轉左做炒蛋炒得好滑漏呢個熱狗卷個包食落好香茶味，幾創新無加一$120有找食到好飽，重要坐左好耐😂

是日同朋友係觀塘有個workshop，就順便係附近食個tea先😋之前見到網上有介紹呢間位於工廈入面嘅餐廳就一於去試試佢嘅手作雪糕🍦👍🏻餐廳都有少少難搵，因為工廈入面都幾多單位😅到左7樓後我地都兜左個圈先到（大約3:30）。餐廳唔大，大約可以坐有12-15枱。餐廳似走田園風格，綠色裝修，木傢俬，有少少情調嘅暗燈。因為朋友未食lunch所以叫左個鴨胸意粉填肚，我就直接叫甜品：Apple tart&雪糕同埋陳皮烏龍茶。一開始個意粉俾錯左所以佢地廚房再煮過，個意粉之後到左我朋友因為好肚餓所以好快食晒了😂個意粉味道同賣相都唔錯👍🏻個蘋果撻希望佢整熱才上，玫瑰雪糕稍甜，可能我平時飲茶&咖啡都比較濃所以希望個茶味可以重啲🍨餐廳有供應熱&室溫嘅水免費俾食客添/加水。另外如果影左餐廳嘅嘢食放上Facebook/Instagram，餐廳會送一球手作乳酪雪糕，味道酸酸地，我同朋友唔習慣食咁酸所以覺得一般，味道似係檸檬/青檸味。總括黎講服務👌🏻，嘢食都👌🏻，埋單有服務費total: $150，餐廳只收現金。

近年觀塘冒起不少具特色的樓上cafe，原打算到訪另一家cafe，可惜當天沒開，所以臨時改到這家cafe。 入座後感到愈來愈熱，原來是其中一部冷氣壞了，但實在太餓，所以只好忍耐一下，店員也有搬出風扇降溫，但在酷熱天氣下，風扇顯然幫助不大。 我們點了香蒜意粉，賣相真的不佳，意粉太林且無味，似是白烚意粉上灑上蒜粒和青椒紅椒，實在太失望。 至於三文魚黑松露意炒相對沒那麼糟，但醬汁太稀，熱度不足。 另外點了兩杯茶，其中一杯為玫瑰奶茶，只有甜味，喝不出茶味，玫瑰香倒是有的。對以「茶」作招徠的cafe，實在令人跌眼鏡！ 

食飯前幾晚已經諗定試呢間，見佢夠近觀塘站，行幾分鐘就到，所以一早訂咗檯。😂去到間餐廳未到7點，所以唔多客，好靜，不過有純音樂聽，都幾舒服。負責人仲好細心拎咗張凳俾我哋放袋。😊坐低睇咗餐牌一陣就決定好食咩，等嘢食期間見到有自助區，好似可以斟水同茶，我冇行去睇。😂嘢食好快到，前菜係“牛肝菌忌廉湯配香脆麵包粒”：個湯稀咗啲淡咗啲；麵包粒係好脆，但冇乜味；唔會再食呢個。😂男朋友食“黑松露三文魚忌廉汁天使麵”：好正😍😍😍😍😍！黑松露好香、忌廉汁好入味、三文魚好好味，冇得彈！🖒🖒🖒🖒🖒我就食“酥炸原隻大碼軟殼蟹墨魚汁燉飯”：隻軟殼蟹都算大隻，有我拳頭咁大😂。但嫌「林」咗少少，好彩味道唔會太鹹太濃；啲飯都好好味，正。😍😍😍🖒🖒🖒如果將食物放上Facebook/Instagram再打卡嘅話，就有一細杯雪糕送（應該冇得揀味）。今晚送嘅係綠茶味，我冇食。😂食飽就埋單，張單由一個小木盒裝住，好得意。😀有機會會再幫襯。😁

黑松露煙三文魚天使麵 $70Black truffle lovers' attention! This plate was executed lusciously. The flavour was spot on! Loved it!蟹籽帶子抹茶鮮蝦忌廉意粉 $78 Matcha lovers you couldn't be expecting more for this as it was HEAVENLY! The matcha flavour was simply perfectly executed, wasn't too salty nor bitter nor sweet. Hard to describe in a few words so you gotta try it out yourself for some unexpected surprise at Kwuntong!好味到要中文講一次，真的是有回甘🍵抹茶味+鹽甜適中🍵原全剛剛好❤️POST FB/IG you will be given a cup of matcha Icecream for free!!

今日早放工，和同事來早點吃晚餐，選了觀塘工廈這間餐廳。一來到覺得店子雖小，但裝修，餐牌上食物款式不算多，我們點了黑松露三文魚忌廉汁天使麵和慕茶全日早餐～ 黑松露三文魚忌廉汁天使麵賣相吸引，三文魚不會太重煙熏味，天使麵煮得剛剛好，忌廉汁香滑濃郁，黑松露味突出，整個配搭很好～美中不足是分量略少～慕茶全日早餐有煎雙蛋、番茄、沙律菜、薯餅，還有窩夫包住台灣腸，有點特別，不過窩夫不是太脆，味道普通，這款菜式賣相討好，不過味道一般，所以下次再來未必會點這款菜式，可以一試小食拼盤～

Lunch同朋友去左食一間好文青既餐廳入到去好舒服好休閒既感覺飲茶，檸茶或奶茶就自助式既咁我叫左個青醬鮮蝦意粉，味道都唔錯但分量就比之前少而且今次唔用碟改了用紙裝食物朋友食了溶岩芝士茄茸肥牛飯，芝士味好重好夠味，牛肉都唔會韌食完打卡放上instagram 就會有雪糕送👍🏻👍🏻好味

同友人喺apm食完lunch就去慕茶食甜品，睇openrice 知道呢間d 雪糕好味，所以特登過黎試下 餐廳唔難搵 地鐵站B2出口一直行，大廈門口喺正大路，唔洗再轉入細街 都幾方便餐廳裝修企理 感覺很舒服 係同朋友吹水既好地方由於今次主要係食甜品 所以只係影左甜品menu主打homemade gelato,有茶種系列同花茶系列有d 味道都好特別 喺出面未見過由下至上： 功夫茶 玫瑰花茶 桂花黃茶 (三球$70)桂花黃茶雪糕：好濃烈既桂花味 好似食緊桂花糕咁，感覺清新 好味！玫瑰花茶：玫瑰味濃郁 又香又好味功夫茶： 呢一款茶味最濃 會勾起以前細個去食潮洲菜最尾果杯細細杯功夫茶既味道 伯爵茶奶凍配雪糕 ($55) 雪糕選了伯爵茶朱古力味 襯返個奶凍鍾意飲伯爵茶或者食伯爵茶副產品既人一定會愛上呢個奶凍，味道勁濃郁，又滑，再加埋餅乾碎咬下咬下好好味。個雪糕朱古力味比較重 但都有淡淡伯爵茶香餐廳仲有自助茶水區，有茶咖啡水 檸檬糖奶自己加 好方便整體黎講 d 雪糕係無得頂下次要試埋其他味道

聽聞觀塘的工廠區，有很多隱世的cafe。 這裏的裝飾擺設十分美，坐位都寛闊。而這裡有自助區，可以拿水和餐具。與朋友點了飲料和甜品 share。甜品我們點了 紫薯心太軟配雪糕 $76我們選了蜜糖茉莉雪糕，味道香甜，很重茉莉花味。而花本身的甘苦味會慢慢淡化出來，味道變得多層次，令整個感覺很真實，好像真的在品嚐新鮮的茉莉花一樣。心太軟一切開，朱古力醬很濃郁，會慢慢流出來。 朱古力醬的味道很濃，帶點暖意，很暖胃。而外層的蛋糕十分鬆軟，不會太甜，很合我口味。 不過不太嚐到紫薯味。而旁邊的雜莓是我的愛好，酸酸甜甜，能中和心太軟和雪糕的甜味。菊花羅漢果普洱 $32它的功用有助消脂降血壓，吃了甜品，配上這杯熱飲，罪惡感會減低。羅漢果本身的甜加上菊花的甘香，配搭很夾。玫瑰花有氣冰茶 $40味道上，的確是很好喝的。 玫瑰味很香，打了氣，甜中帶出花的芬芳味，很讚。不過份量細份，喝兩三口便會喝完。所以略嫌有些貴。整體而言，餐廳環境不錯，很適合與知已上來談心。甜品味道很不錯，價錢合理。飲料上，價錢有點高。 

一直想試，今日咁岩有時間到訪，食個晚餐！帶子鮮蝦抺茶意粉-賣相唔錯，但味道就強差人意！抹茶意粉食落好苦，完全無抹茶味！失望！所謂帶子係急凍元貝仔，鮮蝦都係急凍，味道麻麻。成$90幾蚊個意粉，性價比就唔值了！黑松露煙三文魚天使麵-黑松露味夠香，但配好多芝士粉就唔太夾！兩樣都濃味！煙三文魚好腥，凍冰冰的天使麵反而ok，正常！伯爵茶朱古力-味道唔錯，但太「杰」！跟餐半價加野飲，都成$20，唔太抵！試完一次都唔會再去了！

工厦裡有不小美食人盡佳知，今天就跟朋友到觀塘試試慕茶。午市套餐由$55-$78不等。我選了黑松露三文魚天使面 ($70)。飲品方面餐廳設有自助水吧，檸茶、檸水、coffee、milk tea 任斟，你亦可以加$8 配湯或沙律。黑松露三文魚天使面 $70 (Kim子推介指數7/10)平平無奇的外表有淡淡黑松露香，意粉頂部更放了數塊三文魚，新鮮又充滿鹹香。忌廉汁非常濃，令意粉變得Creamy，天使麵都掛滿黑松露及忌廉汁，味道還算不錯，對女孩子來說份量剛好。但個人不太喜歡以紙來present 食物, 賣相不討好又不環保。涼伴日式芝麻醬煙火雞肉天使面 $55 (Kim子推介指數7/10)近排天氣炎炎，於是選了較清淡的涼伴火雞肉粒配沙律菜天使麵，以幼切新鮮甘筍絲、青瓜絲、蛋絲舖於天使麵上，中間是切成方塊的煙火雞肉，賣相色彩賓粉。這道菜的味道比相象還要清淡，三絲沒有經過調味，呈現食物本身的味道，而煙火雞肉也只是少許煙過的咸香味，天使麵也是以最簡單的方法以滾水煮熟，非常適合炎夏天氣或減肥人士食用。個人認為可伴以日式芝蔴醬來佐味更佳。

今日約左相熟紋身師紋身，預早左少少出觀塘行下，同埋講過話要試盡工廈cafe架嘛。今日呢間cafe係我係觀塘做野既朋友介紹俾我既雖然外表平平無奇，但內裡既裝修俾我超舒服，超放鬆既感覺。菜單既款式係工廈cafe黎講算多，最特別既係佢有好多唔同味既花茶雪糕。可以我今日有啲搞肚痛，所以就唔試了。佢呢度有個自助飲料吧，奶茶咖啡同檸茶都有-涼拌日式芝麻醬煙火鷄肉天使麵麻醬好香，仲有啲蒜粒係入面，夏天食呢個真係非常開胃-溶岩芝士茄蓉肥牛飯一上枱就一大陣芝士味湧入鼻，食落蕃茄味濃郁-和風醬汁加蜜糖鷄翼鷄翼炸得非常酥脆而且好入味，根本唔使再沾醬都已經好好味最後仲加左$18要個藍苺芝士蛋糕。超級creamy,藍苺醬好清新唔會過甜可惜今日要趕住紋身，如果唔係，咁舒服既環境我真係想hea足一個下晝丫！

有日放假黎到APM附近搵野食，咁啱見到有間樓上Cafe，就上去睇下。出左lift後其實幾難搵，一層太多室，同埋附近有公司裝修緊，好勁裝修味同塵。入到去小貓三四隻，應該係啱啱開門既關係。水就係自助既。煙肉卡邦尼意粉 - 第一d汁太水，上菜時心諗做咩事俾咁多汁我。一叉d意粉時d汁就掛唔到落d意粉到，流返落個碟到。味道方面就正常。如果以男仔黎講，呢個份量就一定唔夠架勒，兩啖無哂。青醬煙鴨胸意大利粉 - 老實講，唔知青醬係乜，淨係食到d香草味。不過值得一提係兩碟既車里茄都好Juicy，爆汁。Green Tea Latte - 跟餐加錢可以配野飲，主打係茶，無咖啡類既野。呢杯野無咩特別，好飲又講唔上，不過不失啦。最後走時覺得怪怪地，因為有侍應係出面拎野食入黎，希望佢有加蓋先拎啦，開頭講起附近裝修緊，好大塵同味。

星期六拍拖日諗住同我家小包子去cafe hea下，send左幾間cafe比小包子選，小包子選左呢間，因為呢間有雪糕怪最愛嘅茶味雪糕成4點先食第一餐梗係叫咸食先啦~signature breakfast~個窩夫入面包左台灣腸，幾好味。但係左面個夾包就麻麻地，超油，食左小小就唔想食仲叫左小食拼盤，雞翼好味，台灣腸係窩夫入面嗰d,好味！薯餅同薯條都炸得幾好！但嗰綠茶醬同桂花蜜醬唔知要嚟點咩，好似唔係好夾...甜品梗係叫左雪糕怪最愛嘅雪糕啦！仲要係5球！我同小包子都覺得功夫茶同桂花白茶最好味。功夫茶嘅茶味真係好出！個伯爵茶朱古力同我杯野飲一樣味，我唔係太鍾意。野飲小包子就叫左green tea latte，我就要左熱伯爵茶朱古力，唔知點解杯朱古力有d薑味咁，麻麻地。小包子杯green tea latte就唔錯~cafe嚟講呢度d野食都算好食，仲坐左幾個鍾都無趕我地走，即刻覺得抵左。不過地方唔大所以都幾易full。