慢煮屋 (已搬遷) 新店位置

約左朋友喺觀塘嗌外賣食lunch，等左5-10分鐘左右，外賣就拎得喇😆去到附近食嗰陣仲熱辣辣嘅👍🏻1️⃣慢煮火炙牛腹扒丼🥩呢個似係慢煮屋signature，朋友話牛丼味道唔錯，不過黑椒汁略為鹹左啲，有啲似茶記食扒餐落嘅黑椒汁🤣如果個汁可以淡返少少，可能牛腹扒嘅香味會出啲。2️⃣照燒慢煮鳥肉芝士爆丼🧀🍗本身自己大愛芝士，所以嗌左多芝士🤤。一打開真係鋪滿輕輕燒過溶左嘅芝士喺雞肉上面，後面揭開先見到係成隻雞髀肉，份量十足👍🏻而肉質都好嫩滑得黎唔乾☺️。建議鐘意食大大隻雞髀嘅朋友可以一試呢個飯！3️⃣慢煮屋布丁燒🍮呢款布丁燒焦糖味唔重，不過都食到布丁嘅香甜味。上層嘅蛋糕亦偏向鬆軟，所以同布丁都好夾👍🏻雖然駱駝漆好多好野食，但都有機會再試呢間餐廳，依家外賣自取嘅價錢食到個慢煮丼都真係抵食嘅！👍🏻

疫情太勁🥲差不多二個星期無去堂食，今日去左駱駝漆大廈補一補口罩貨，見到大部份食店都係空空如也😢時間係中午一點，去到慢煮屋全場只有一枱客人，連埋我全場二張枱到我走時都無人入黎，連外賣都無🥶喺第五波疫情下，飲食業真係冰河時期🧊＜照燒慢煮鳥肉芝士爆丼＞$68賣相已經相當吸引🤗鳥肉係一隻起左骨既大雞髀🍗用慢煮既方法雞肉係好滑好滑，味道唔算濃配芝士就比芝士味左d，溏心蛋用黎沾雞肉都唔錯，芝士控必點＜樽仔奶茶＞跟餐+$18好好飲，茶同奶比較好好，甜度好適中🤤必點系列

觀塘區嘅工廠大廈真係臥虎藏龍㗎！呢度有好多唔同嘅新款餐廳，今次我就是做呢一間有好多人介紹嘅慢煮屋！好鍾意食呢度嘅慢煮雞胸蕎麥冷麵，呢一度嘅蕎麥麵真係好好食，質地唔錯，而且呢度仲有大大件嘅雞胸肉，配埋芝麻粒同埋紫菜！真係好好食！

雖然少左堂食時間，但都想支持一下良心店舖。今次揀左哩間係觀塘工廈主打慢煮🥩既餐廳，一於黎試下佢。名古屋風味拌麵配豚肉 $78見佢新登場就想嚐鮮，由於無哂福袋，所以變哂全部豚肉。豚肉🐷輕輕火灸過都幾香口，食落都好入味好香。至於拌麵🍜就比較失望，佢個醬汁好淡，成個麵都無咩味，加埋配料入面既乾蒜，唔單止無令佢香氣提升，食落仲有啲苦苦地，食食下都食唔落😅。慢煮火灸牛腹扒丼 $88朋友點左哩到既招牌菜，不過佢就覺得麻麻地。牛肉🐮淋得黎但唔夠香，無咩牛味，好似無左食牛既油滋感。時令特飲龍眼蜜 跟餐 $15入口淡淡龍眼味，唔算好甜，滋潤喉嚨🙃。蜜糖布甸燒 $18太心急食甜品唔記得影。蛋糕乾身左啲，布甸🍮有啲似蒸蛋，唔算好滑，我覺得整體合乎性價比。

慢煮屋 今次呢間餐廳就以慢煮做主題。慢煮嘅食物，我自己喺屋企度整過兩三次，但出黎嘅結果都不如所願。同區都有幾間餐廳有賣慢煮食品，都係覺得麻麻。我就希望今次呢間餐廳可以令我對慢煮呢樣野改觀。 慢煮屋位於駱駝漆大廈十一樓，與知名烏冬店同層。店舖面積唔算大，但唔會坐得太逼。食物就有慢煮雞胸/牛扒/三文魚等肉類嘅丼飯/冷麵/拌麵。 慢煮嘅原理就係將食物於低温環境下緩慢加熱至熟。因被抽真空嘅原故，所以唔會流失水份而變柴，而且好難會過熟，可以話係廚房新手嘅恩物。上碟之前只要輕輕煎吓，就會令顏色較為好看。 名古屋風味拌麵$88 牛肉份量都有8-9片，少於$100就食到牛扒黎講，都算幾抵食嘅，但質素又係另一回事。餐廳用了上牛腹肉，因運動量大，本身都偏向有咬口，較為瘦削，但肉味偏濃嘅。 餐廳慢煮嘅目的就將呢個較韌嘅肉變得軟嫩。望落中間就係血紅色，只有一至三成熟，入口是預料之內，真係幾韌嘅。慢煮嘅作用好似有D無用，而肉味就唔多，但公平去講，$88我仲可以接受嘅。面頭嘅Gravy好濃郁，充滿牛骨風味。 所謂名古屋拌麵只係“名古屋風味”，因為呢樣野本身源於台灣，但流入日本之後先至出咗名。望落就五彩濱分，有柴魚

💛🍳【慢煮火安牛腹扒拌麵】$65* (外賣+$2)去慢煮屋當然要試吓慢煮牛！牛分量幾多 排得好靚 第一舊有少少韌 其他都稔～好juicy 都有啲牛味～更加鍾意嘅係拌麵！大推揀拌麵！好好味😋拌麵係烏冬！高質讚岐烏冬嗰隻😋 又滑又少少煙韌配搭溫泉蛋 拌麵醬 香蒜 木魚碎 又香又好味！一定要揀拌麵呀💕*疫情晚市外賣自取優惠價-🧇【照燒慢煮烏肉芝土爆丼】$55* (外賣+$2)呢個時候唔錯 雞係大雞髀 雞肉都幾滑 但有骨野餐食就有少少麻煩🙈呢個丼都有溫泉蛋！撈飯食唔錯😋 不過唔夠撈飯/// 食到一半得返白飯 冇乜味🙈撈咗拌麵個汁食就啱啱好！丼飯仲會跟麵豉湯～*疫情晚市外賣自取優惠價-✨推薦指數：9/10💰 人均消費：$62

喺觀塘返工嘅我竟然一直都未食過大名鼎鼎嘅慢煮屋，今日終於同同事夾到lunch時間一齊去！但係坦白講我有啲失望😭鹽麴慢煮雞胸𪃳麥冷麵 $68整體來講都係好淡味，不過以慢煮嘅方式來整雞胸，舊雞胸真係幾滑，一啲都唔「鞋」！但係個蕎麥麵真係加埋冷麵汁都係覺得好淡⋯利申：我本身已經係一個食得好淡味嘅人慢煮火炙牛腹丼 $88我同事話其實佢個牛復育真係幾好淋，有牛味，有肉汁！但係下面基本上都係白飯，好淡，一啲醬汁都冇，佢直情叫廚房要比多一小碗豉油佢！

又一間見到好人推介 咁岩去左食其他未食既大家真係唔洗去🤨🤯好似標題咁講：唔洗食  慢煮但咬唔到既慢煮肉👍🏻👍🏻到底發生咩事😂😂😅 食唔到咬唔開既慢煮肉真係貼錢做生意食到好失敗 樣靚但唔好食 加上 1. 出餐好慢2. 上到黎啲肉係凍凍地 唔熱….🙁🤨🤨PS. 唔係得我哋食唔到，都聽到隔離枱一樣咁講，咬唔開 食到好辛苦走既時間望到岩岩走既人 個餐都剩左好多肉😂行肉代表咩 大家應該明啦 希望大家留胃食其他 😉😉😉

今次慕名而來，就係為咗試呢個慢煮牛。之前朋友嚟過，大家嘅食評都好兩極，今次終於有機會自己體驗。冬天時間嚟到，有期間限定嘅羊。不過自己本身好鍾意食牛，所以黎之前已經揀好咗一定係食慢煮牛。喺開舖嘅時候嚟到，所以即刻有位。店舖唔太大，但係簡潔整理，而員工都好友善。點餐後野食好快就黎到，唔洗等好耐。味道唔錯，份量都夠。但有少少失望，因為一邊啲牛就煮得好似太熟，另一邊就剛好。另外如果係用日本米，或珍珠米，相信效果會更好！

💛慢煮屋·原來觀塘咁多餐廳都唔開星期日🥲🥲我地個日搵左3/4間餐廳都唔開門 最後就決定試下呢間😎不過我地2點去到已經超多野賣曬🙈🙈·慢煮三文魚配牛油果丼$82 l 福袋豚肉拌麵$78佢個三文魚真係煮得幾好味既 係完美既半生熟咁 中間超juicy 不過我就覺得佢調味比較淡 要落啲拌麵個醬汁先豐富啲🤣🤣之後佢個溫泉蛋撈飯都好正 不過又係食到尾味道會有啲單調咁🤭之後個豚肉拌麵我自己就覺得一般般啦 佢個拌麵煮到比較淋 所以無咩口感 而且佢個豚肉真係太肥啦 有一半都係肥膏 所以建議大家叫丼飯好啲🙊🙊😂··📍觀塘開源道60號駱駝漆大廈3期11樓G室

2021年嘅最後一日都要繼續同大家開心share😘食評シ☺︎︎ 慢煮火炙牛腹扒丼 $88丼份量十足特別係牛嘅份量🥰肉質食落未算軟淋牛味未夠如果醬汁可以多番啲會更好

係觀塘番工，放工就係附近駱駝漆有咩好野食。煩惱緊食邊間日本野，咁岩朋友推薦慢煮屋，就上左去試下。環境乾淨，但空間偏細，拎得多野可能就坐得辛苦d。有時每張台既菜單可能唔齊，呢一點希望可以改善。我第一次上去就因為咁睇少左好多菜式，有d可惜今次試左豚肉飯，本來以為係拉麵個種豚肉，結果同我想像中都有幾大差別，成個整法有d似中式既味道。賣相唔錯，總結味道都ok 。同埋都試左個帶子沙律，最下面係西柚好開胃，如果沙律醬可以多d就更好！

今日叫左個照燒慢煮鳥肉芝士爆丼 同 慢煮牛腹扒拌麵，價錢為156，認為並不值呢個價。首先，照燒慢煮鳥肉芝士爆丼，雞肉ok唔鞋，算好食既，但份量 可能我男仔食覺得同飯既比例差得遠？ 多多一舊仔既雞肉就好了，啲飯就唔香，冇乜特別。但個慢煮牛腹扒…真係唔好食，慢煮既特點係唔會過熟、嫩同重肉味，呢間作為慢煮，感覺做得唔夠好，甚至有啲差。 望到啲色水係慢煮既，但好韌，咬到牙較都軟，肉味亦唔係超重，所以真係唔合格。麵係普通既黃麵，唔太突出，作為撈麵配佢個醬亦唔算好，配埋個溫度，暖暖地真係好怪，一係熱一係冷麵，暖麵真係不太好囉。 總結，未必會再黎，去食其他慢煮店可能仲好。

🥑 慢煮三文魚配牛油果丼 $82💯 評分：🌕🌕🌕🌕🌕 (5/5)💬 慢煮三文魚外面燒得焦脆，裡面仲係刺身，入口即溶又冇腥味。牛油果都夠軟滑，有車厘茄、火龍果同檸檬，酸酸甜甜幾開胃。溫泉蛋啲蛋汁撈落珍珠米飯度冇得輸，口感濕潤豐富有層次，食完個丼超級滿足！🤤🥣 是日餐湯💯 評分：🌕🌕🌕🌕🌑 (4/5)💬 全部丼飯都跟一碗是日餐湯，入面除咗有豆腐、紅蘿蔔、海帶芽之外仲落咗薏米，足料暖胃又解渴！😌🍝 未來野菜拌麵 $78💯 評分：🌕🌕🌕🌕🌕 (5/5)💬 拌麵賣相好吸引，令人唔捨得撈勻佢，味道當然都唔錯。最特別係未來野菜，紫色嘅係紫薯餅，仲有釀咗芋泥、芝士等嘅冬菇同白蘿蔔，食落香口惹味，驚喜又有心思！😋慢煮火炙牛腹扒丼 $88💯 評分：🌕🌕🌕🌕🌑 (4/5)💬 叫咗呢份外賣返屋企，質素亦都相當有水準。火炙牛腹扒大概5-7成熟，肉質鮮嫩多汁，食到醬之餘牛味依然十分濃郁。飯量本身已經非常充足，仲有得免費加實在好有良心！😍話說有作去食嘅時候太心急PK，店員知道之後好貼心咁幫手落單、斟水同攞牙簽，真係人情味滿分！加上食物落足心機製作好好味，係值得大家支持嘅黃色商家，有機會去觀塘再幫襯～👍🏻

駱駝漆大廈真係美食天堂，收工早即刻去試下依間慢煮屋。叫左個慢煮牛腹扒蕎麥麵，擺盆好令牛肉厚薄適中，生熟岩岩好唔會太鞋。記得點埋佢配嘅汁，如果唔係略為唔夠鹹。蕎麥麵正常。價錢唔太貴，值得一試！