拉斐特 (已結業)

好耐之前嚟過呢到食野，當時都覺得幾好食，咁岩呢排見到Open Rice有晚餐買一送一coupon感覺幾抵所以book枱同朋友仔齊齊去食下而呢度d侍應然而都係咁nice咁有禮貌，雖然都二百蚊左右個餐，但有齊餐湯、前菜、Main course同甜品，望落幾豐富!我覺得安格斯肉眼扒絕對係必食之選，真心好大塊，，切落去個時，D牛肉好嫩，幾容易切，到放落口個時，肉汁鮮甜，咬落去既口感吾會太硬，而且熟度剛好！ 哈，不過如果多d汁就Pertect~另外前菜竟然有得食鵝肝，平平地就可以食到鵝肝多士，鵝肝冇腥味，配埋多士，唔會太流，食落都幾正!仲有黑松露湯，好有松露味，落足料，全部都係貴價菜，好似去左高級餐廳咁整體野食都幾好食，係一間幾有水準嘅西餐廳!!!

我有朋友係呢間餐廳做，佢同我推介Love Cafe情人節晚餐之後，諗諗下每人都係二百幾姐，最後決定左油麻地拉斐特既love cafe食情人節大餐。同男朋友去到見到婚禮公司，佢驚左陣，以為我俾壓力佢，哈哈！我覺得呢間餐廳既服務態度真心吾錯，個waiter會好nice甘幫我地帶去座位度，仲會主動甘拉椅子，仲會好快甘上menu,全程都好有禮貌。講番食物先，我地2個點左個心形牛扒同雞，牛扒外表吾錯，食落都吾會太硬嘅，係我鐘意既熟度6成。而隻雞都香口既，咬落去個皮就脆脆地，幾好食架！不過雞嘅份量就吾係好足夠，我就啱啱好，但係男朋友話吾太飽，所以建議男仔可以選擇食牛扒。大家可以參考一下我嘅建議。同埋，個前菜火腿沙律就不過不失，都ok既甜品~香檳啫哩，靚就幾靚la~不過但係個味就係有啲怪怪地，食落苦苦地，希望佢地可以改善下就最好最後整體我會比6,7分佢地既。

從來都唔知拉菲特有間餐廳，以為佢淨係做婚禮添!之前佢地有個街頭活動系度MK派Macaron，仲送現金券，試食過佢地D Macaron又幾好味，唔會太甜。橫掂聖誕唔知去邊度食好，所以就約埋班friends去食下先。因為book左位，一上到去就有位唔洗等，但唔知點解唔係安排我地去婚禮個場，都唔係帶我地去佢地Cafe嘅。系婚禮場地食聖誕晚餐都好搞笑，個場D燈光會變色，都有幾有聖誕氣氛。我地早訂位，所以每人有一杯紅酒送，而佢又有個自助飲品吧，可以任飲架!!!! 除左咖啡﹑奶茶﹑檸茶檸水之外，仲有橙汁同蘋果汁，如果有埋汽水就perfect。 餐包 前菜沙律餐湯主菜甜品 

之前Facebook睇左人地個POST，佢地話尼度D野平, 好似二百幾蚊就K.O. 甘咪試下，認真係俾個價引左上去， 因為我都驚有伏，所以諗左好耐先特登去食，Love Café 就係油麻地，都算方便到我既，貪佢近近地，見吾對路都可以閃到，上到去，都幾多人下，加上仲有個friend，所以都要等左陣先食到，等個時都周圍行下，個度有婚紗旗袍可以睇下，D waiter動作都幾快，都係等左陣。入到去，成個餐廳都係個D 聖誕裝飾，都好多下，算應下節甘，而我既重點落左係D食物度， 一坐低，即叫左個Set，Set有4樣野: 沙律、Main cource、甜品都，係個D野啦， 見難得聖誕節，豪豪地就叫左個安格斯肉眼扒黎食，塊扒送上黎個時，真心好大塊，間餐廳完全冇欺騙消費者，切落去個時，D牛肉好嫩，幾容易切，到放落口個時，肉汁鮮甜，咬落去既口感吾會太硬，而且熟度剛好！ 但D醬汁明顯少左D！ 尼個位有少少失望。 下次可以叫佢落多D汁！

今日係油麻地地鐵站一出黎就見到Love Cafe 係2樓，之前有朋友生日都想黎試下佢地既生日優惠Buffet (壽星仔/女免費架，同行朋友仔仲可以特價$99tim，但遇唔岩收工時間食唔到。但今日見到佢做緊午餐優惠，原價$128既Lunch set 而家$88就有得食，食唔到佢地既buffet 試下個Lunch先都好，就上左去試左個佢地Lunch set。成個set 有是日沙律、Main cource、甜品，仲有佢地既咖啡、奶茶、檸茶檸水都係免費無限添飲tim surprise~~~~~~~主菜我揀左黑椒雞扒意粉，甜品就食左雲石芝士餅同牛奶布丁。個雞扒煎得好香脆，見到侍應拎埋黎就聞到香噴噴意粉煮得啱啱好，好煙韌好有口感最驚喜係個配菜紅蘿白竟然唔係白灼，食得出係有用牛油煮過，好好味最後食咗兩款甜品，牛奶布丁造型好靚，有啲啲唔捨得咁快食左佢，不過欣賞左咁耐，最後食落仲好香好有牛奶味~~~~~芝士餅味道就正正常常，幾OK。食完今日個Lunch 好滿足，愈黎愈想試埋佢地既Buffet 呀~~~~~~~~~~~

早前有生日優惠，買一送一，所以就去呢間食甜品tea buffet，兩個人去都只係收一人價$99。 環境唔錯，因為本身呢度好似係俾人結婚的。上次都幾多嘢食，而且每款dessert的造型都幾靚，味道都好好！可惜自己胃口小，食唔晒所有款式T TMacaron 有多款味道：紅桑子、朱古力、綠茶、開心果等，特別朱古力味最好味，朱古力味好濃郁。檸檬Tart 皮夠脆(唔"林")，唔太酸。仲有士多啤梨朱古力，士多啤梨都算幾大粒，都幾甜。最好食係芝士餅，芝士味濃厚，餅底都好香脆。 今日係街上收到張傳單，原來4月1日開始連Lunch 同tea set 都有得食，搵日去試多次！