拾味山西刀削麵館

營業中

休息中

第一次食刀削麵，原來都幾好食，一試愛上。原本以為和牛肉麵的麵差不多，這間的刀削麵好厚切，是師傅親手搓的手工面~入口軟而不粘，越嚼越香。麵條勁道爽滑，好大碗，最後太飽未能清光~☁️ 麻辣牛筋腩刀削麵$60 +豬軟骨$10湯頭清甜配彈牙麵條。要了麻辣牛筋腩，餸分開上。牛筋超正，好軟滑，熬到淋哂~!!有濃濃牛肉味!!即使不點底下的麻辣都好夠味。另外加了豬軟骨!!有醃製過，本身都好香，肉好軟易咬，肥瘦均勻，不會乾柴嚡熠熠。有三大舊，軟骨位都煮至好軟易食~倒了麻辣汁落刀削麵度一齊食，喜歡嗜麻辣的，超級推薦!!☁️豆漿$10✨臨走時見到廚房姨姨係度包餃子，下次如果再經過，一定會再食!!!樓面啲姨姨態度都好好!!

平時間中都會食呢間，良心小店，而且價格相宜👍🏻佢係真刀削麵，可以睇到師傅喺廚房削麵，不過今次冇留意😅一直都幾鍾意佢個菜肉雲吞，大大粒，味道、雲吞皮厚度都剛剛好，有時唔想食太多麵，會叫淨菜肉雲吞，都唔錯👍🏻刀削麵中間厚兩邊薄，好煙韌好好咬，口感幾特別😋佢有好多款麻辣嘅餸，以前有食過，太辣😅（我weak😂）今次試下花雕醉雞，好香花雕味，少許醉，鹹味適中，幾唔錯😋口痕叫左個越式春卷，炸得好鬆脆，點埋甜辣醬一流👍🏻

早左放工，去港島等Hubby收工，所以係附近搵食😗咁岩見到有間山西刀削麵，好多款式選擇，一於試吓喜愛食辣嘅我點會錯過😍❤️麻辣豬耳+大腸輕輕炸過嘅辣椒籽配埋生蒜同辣椒油，超麻香🤤加上爽脆豬耳同軟lum lum 嘅大腸，真係無敵👍🏻❤️口水雞呢個口水雞幾出色，佢嘅辣度剛剛好，唔會死辣之餘仲可以食到雞本身嘅肉味，雞皮仲要爽滑，連平時唔鐘意食雞皮嘅hubby都忍唔住食曬😆雞肉都好嫩滑一場來到當然要試吓最聞名嘅刀削麵啦，果然非同凡響，口感超煙韌配上清清甜甜嘅湯底，忍唔住一啖接一啖😋❤️檸樂食辣野最爽莫過於配一杯又凍又gur 嘅可樂😝

🥢 消暑冷刀配手撕雞 $69 🆗
消暑冷刀跟咗粟米、青瓜同黃金芝麻醬。一上檯有少少嚇親因為好似又大碗咗😂麵底依舊彈牙，青瓜都相當脆口，但手撕雞帶少少梘水味🥲🥢 雙倍牛展熱拌刀削麵 $73 🆗餐廳係用電話落單，唔小心加餸嘅時候撳錯咗，最後加咗兩次牛展😂😂😂就算已經扣咗底，份量都係見到已經飽咗，但牛展都帶些許梘水味🥸🌟評價 𝗥𝗮𝘁𝗶𝗻𝗴𝘀🌟
食物 𝗙𝗼𝗼𝗱 6.5/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 7/10
服務 𝗦𝗲𝗿𝘃𝗶𝗰𝗲 7/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 9/10
整體 𝗢𝘃𝗲𝗿𝗮𝗹𝗹 7.375/10-🍴🍽🍴🍽🍴🍽🍜🍜🍜🍜🍜🍴🍽🍴🍽🍴🍽

支持下小店，呢間餐廳主打刀削麵，之前食過一次覺得OK，今次試埋佢其他主食先😝估唔到菜飯都幾好食～我一向好鍾意食菜飯，感覺上健康啲，又有野咬下，冇白飯咁單調同悶。蔬菜爽口，食落係新鮮嘅，帶點咸味。飯軟硬適中 ，粒粒分明。估唔到手撕雞係配花生醬，呢個配搭好似比較少見，對於我嚟講幾有新鮮感，味道不俗。雞肉質地OK，呢個價錢嚟講，我收貨了。店員服務態度都唔錯，幾有禮貌，落單快手，呢間餐廳都幾近我，會繼續支持👏🏻

如果喺開灣仔區返工嘅朋友仔，放工真係可以考慮下黎呢間刀削麵麵店，選擇多，又健康，而且以晚餐黎講價錢都算合理當晚同朋友二人放工去，一人叫咗一個麵食同埋一個菜主要以麵食為主，價錢由$48-$63，而且份量超多，以一個女仔嘅食量係會食唔晒嘅酸辣萵苣絲：好清爽，香濃蒜味，而且口感脆口溫泉蛋水餃刀削麵：好鍾意佢嘅湯底，濃味得黎又有爽口，有大量嘅木耳，水餃肉餡飽滿溫泉蛋雲吞刀削麵：味道都唔差，湯底同水餃麵係一樣嘅

好耐冇食刀削麵，朋友帶我去灣仔*拾味*食番碗刀削麵😮‍💨。小店主打刀削麵、菜飯、小食等等。。。刀削麵可選湯麵、冷拌、熱拌。亦可選多餸、少餸、多醬、少醬、走醬。。自由度相當大👍🏿。🫧拾味冷刀🫧朋友選了手撕雞、多擔擔醬、多青瓜絲、多粟米粒。上枱一刻真係「嘩」一聲😲，非常澎湃。大熱天時整番碗涼浸浸麵真係好爽😬。 🫧麻辣牛展刀削麵🫧為食妹👧🏻選了牛展加埋牛腩，少少辣、走蔥、走蒜、麵條爽D。刀削麵有嚼勁😮‍💨，好岩我口味。牛展牛腩夠軟腍👍🏿。+$6配熱飲/凍熱豆漿熱檸茶走甜、濃D、多檸檬🍋

今日去咗食一個麵餐，有手撕雞、豬頸肉同埋拉麵。麻辣手撕雞，麻辣好夠味，辣得好過癮，辣另上，可以自己調配難度。豬🐽頸肉，切片切得好薄，皮好脆，好味😋拉麵夠晒彈牙。湯底加咗麻辣味，有種麻香嘅感覺。

今日去咗一間喺灣仔比較隱蔽的山西刀削麵，因為由中環去，所以要搭叮叮，入到去已經見到啲侍應招呼好好其實我哋都好鍾意食麵，刀削麵嘅好處就係佢放喺啲湯度耐少少，都唔會令你覺得佢有啲從化嘅感覺。我哋嗌咗一碗麻辣刀削麵，揀咗魚蛋同埋牛肚，另外揀咗一個口水雞Ping上海餛飩鋪上面，因為我哋每一個面併咗二樣嘢，其實我哋基本上係嗌咗四個餸！其實晏晝去都幾多人，佢參考嘅都有好多唔同嘅套餐俾你配搭，所以呢我覺得都係值得係嗰度食lunch嘅！唔過$160就買單！

🫶🏻上完堂經過呢間餐廳，見晏就2點都斷斷續續有人入去食野，咁岩肚餓就入去試試。一睇 Menu 先知呢間餐廳可謂山西刀削面專門店，湯底、熱拌、冷拌整法既刀削面都有 😮 👅 擔擔醬熱拌刀削面 + 豆漿 ( $ 79 )實在太多選擇，思前想後，最終叫左個熱拌刀削面，畢竟市面上有湯底既刀削面多，而熱拌既少見又特別啲。上枱個下都有啲驚訝，一碗都頗大份 🤩 魚腐 + 豬頸肉餸底配擔擔醬，要求多蔥多醬，結果餐廳真係出左好多比我 🤣🤣刀削面長長一片，進口軟而不爛，口感有勁道，味道食落甜甜咸咸，配上鬆軟甘香既魚腐及豬頸肉，唔經唔覺就食哂碗面 🤪 跟餐點左杯豆漿，清甜可口 🥛呢碗面十分適合鍾意濃味美食既朋友，鍾意清淡既話可能湯面更合適 😇😇▫️◾️▫️◾️▫️◾️▫️◾️▫️◾️▫️◾️▫️◾️▫️拾味山西刀削麵館 (灣仔)📍灣仔灣仔道212-214號怡康大廈地下A號舖

炎炎夏日唔知點解好想食麵🍜麵館嘅選擇同配搭非常多，刀削麵嘅話可以揀冷刀削麵、熱拌刀削麵或者湯麵，另外仲可以轉拉麵、米線、菜飯等等。麵館好受OL同學生嘅歡迎，經過不妨試下。------------------------------涼拌海帶絲 $25海帶絲口感爽脆，調味入味略帶微辣，完全冇腥味。------------------------------豬頸肉熱拌刀削麵 $63熱拌麵嘅溫度同口感啱啱好，而擔擔醬惹味得黎唔會太辣🤪熱拌麵掛上擔擔醬好易入口。豬頸肉肥瘦得宜而爽口。刀削麵係即場削，爽彈而有咬口，要咀嚼多一陣🤣刀削麵份量真係好多，可以兩個人share一碗。

今日返工超忙，唯有喺附近搵餐廳食個快飯，我自己係好鍾意食湯麵嘅人，就揀咗呢間餐廳作為Lunch!越南春卷炸得唔錯，間唔中都會想食啲香口野。重點係唔會食到成口油，配甜酸醬無得輸，更加惹味！餐牌上寫着刀削麵自由配，有多款配料可以選擇。第一次食刀削麵，口感煙韌，比普通麵線更有厚度，而且更飽肚，幾有趣嘅口感。另外再加左雲吞，以肉味為主，個皮唔會太厚，唔錯。湯底唔會過分濃郁，我飲好多啖都無好膩既感覺。豆漿正常，無特別，唔會過甜或過淡，用嚟配搭一碗湯麵啱啱好呢。

去完灣仔入境處辦理完護照，就行咗去搵嘢食。平時都喜歡食荃灣有名個間刀削麵。今日見到有另一間，就入去試試。環境簡單乾淨，以沉色系無室內設計。此店嘅拉麵幼身、刀削麵粗幼適中，咬落麵夠咬口、爽口彈牙，非常好味。同已吸晒湯嘅味道，每食一條麵都有味。另加10元，配了竹笙。 竹笙已放於刀削麵裏面。金錢肚叫了豬軟骨刀削麵，可加$10改餸為金錢肚及改為拉麵。金錢肚份量超多，最鍾意佢加左勁多生蒜係個餸嘅上面，令金錢肚嘅牛香更出。辣椒放在餸上面，食唔到辣既朋友可以夾走/走辣。 仲可以任你更改選擇什麼辣度、多/少/走蔥或蒜麻辣手撕雞食得出係即日新鮮製作。麻辣手撕雞加入該店秘製辣椒及花生，令手撕雞變得更惹味。為左減辣叫了豆漿，飲得出豆漿係即日磨出來，好清甜，黃豆味好濃郁、好好味。原價$10杯、現在跟套餐只需加$6 就可飲到。

刀削麵係我好鍾意的其中一款麵食～ 之前係銅鑼灣食過呢間拾味～ 印象中佢嘅刀削麵係做得真的不錯～ 今日同朋友嚟灣仔，佢又鍾意食辣，不如就坐低食碗麵la~ 呢度雖然專注做刀削麵😛但餐牌上嘅餸菜就有超多選擇同配搭，另外仲有菜飯同多款小食～ 食一個禮拜都試唔晒😂🐔口水手撕雞刀削麵手撕雞好好味，麻醬同辣味同樣濃郁！仲有少少花生同芝麻，一啖雞一啖麵，超惹味！🐮麻辣牛筋腩刀削麵牛腩嫩牛筋滑，麻辣味腩汁撈麵真係一流！🐷麻辣東坡肉呢個係加餸，所以同牛筋腩放埋一齊～ 東坡肉都幾大件厚身，肥肉夠甘香，瘦肉部分略嫌較乾。🥚糖心蛋整得好好味😋必點！刀削麵整體來說都唔錯，入口順滑煙韌、軟而不粘，😆仲要大大碗好抵食呀～

身為一個美食愛好者，就會嚐篇天下美食，今晚便來到灣仔區內的一間山西刀削麵。麻辣牛筋腩刀削麵$60，另竹笙+$10，豬脷+$10，東坡肉+$10。由於看到食評刀削麵偏硬，在落單時便點了淋一點。棉質煙煙韌韌，又是一種新的體會。東坡肉脂肪甘香無比，醬汁滲入了整舊東坡肉內，非常美味，以這個價錢來說非常超值，是必點的一度小食。👍👍👍👍👍牛腩和牛筋炆煮得很軟淋。竹笙爽口，如果湯底味道再好一點更好。豬脷比較硬身，要咀嚼多一點時間。另外一提，這裏的麻辣醬是分開上的，客人可以隨着喜好添加入湯來。涼拌蒿筍絲$36，萵筍絲爽口香脆，味道鮮甜，加上醬汁非常惹味，是一到夏天必點的涼拌菜。郊外油菜$25，份量比外面的多了許多，如果喜愛吃蔬菜的，值得推薦。跟餐凍檸樂$10。