振興肉丸

營業中

休息中

朋友住大埔推介一間多年老店在附近，凍肉櫃擺放林林總總的肉類丸類麵類醬汁等，非常多元化。店員有主動推介新產品，朋友跟我都買了幾款丸試一下。😙墨魚丸牛筋丸不少得的墨魚丸跟牛筋丸來作一個雙丸湯，墨魚丸新鮮，帶有墨魚香味，牛筋丸味道濃厚，夠彈牙。重要的是零添加沒有防腐劑，食得放心。🤪仿海膽包心丸中間饀料豐富，仿海膽帶鮮味，煮麵食一流。😋芥末魚籽丸特別之選，芥末味不會過嗆，口感黏滑帶爆醬感，魚蛋爽滑，魚籽富口感。😍店員提醒要盡快食用，沒有防腐劑和仼何添加劑，值得推介比一般凍肉舖更光鮮和整潔，產品款式蠻多。👍🏻👍🏻

試過振興的豬骨濃汁貢丸後， 可謂一試愛上，鮮甜、彈牙，有豐富豬骨肉汁。每當屋企雪櫃快要清倉時，便會到超市入定貨。而坊間多數只會買到振興的濃汁貢丸、墨魚丸、牛丸、魚蛋...等，所以一直都以為振興只有幾款產品出售。直至今日途經大埔振興門市，才發現有超級多不同口味、五花八門的肉丸可供選擇。比超級市場的種類還要多好多。 除了急凍食品，還有以磅計的炸櫃食品出售。今趟來到，又怎可空手而回。香菇貢丸24.5食開同店的豬骨濃汁貢丸，可能會覺得這款香菇貢丸較清淡，不過論爽彈程度，同樣出色，冬菇香味更勝前者。黃金魚籽球24.3鮮味的魚籽混合甜甜地的沙律醬，以爽口彈牙魚肉外皮包著吃 ，味道一流 ，口感絕佳松露小籠包 19.4魚肉外皮雖然混入松露，賣相矜貴，清鮮的魚肉味道突顯豬肉碎內餡的咸鮮味黃金麻吉燒24.3外層似魚肉加蛋卷的味道 ，口感同樣彈牙， 內涵口感似年糕般煙煙韌韌，小朋友一定鍾意 。宅在家的日子，買多幾包肉回家鎮宅，以便隨時用來放湯煮麵，不失為一個方便又快捷的醫肚好選擇。

今日入到大埔打算去大埔街市逛逛，來到街市附近見到這間振興肉丸店，之前我在灣仔買過回家試過他們的肉丸，質素不錯，今日在大埔見到這間分店，就一於入去看看，店裡不算很大，但見到他們都有自設工場，客人都可以很清楚見到，店內除了肉丸，還有多款湯底和麵條，不用去其他店也可以買晒一碗肉丸湯麵的材料很貼心。看看雪櫃，看到很多不同味道的肉丸，還看到多款在坊間沒有看到的，選了一會，買了四款肉丸回家試試。我通常肉丸都會配搭米粉，因為米粉不濃味，可以清楚吃到肉丸的原味道！第一款的是芝士包心丸，芝士包心丸都好常吃，因為自己偏愛芝士，梗喜愛包著芝士的肉丸，所以這個芝士包心丸我都通都會見到都買，肉丸很彈牙，裡面包著的芝士受熱後會變流心，一咬落去很香芝士味，一彈一軟，口感過癮！第二款是福州魚丸，這個魚丸很特別，薄薄的肉丸包著香濃的肉丸，肉汁豐富濃厚，我覺得好吃過普通魚丸。第三款是芋泥包心貢丸，其實我平時不吃出面做的芋泥，但見到他用芋泥做的肉丸，很新奇，所以故且買一包試下，貢丸大大粒，一咬裡面的芋泥立刻爆出來，很明顯吃到芋泥的香甜味，加上貢肉的菇香味，味道非常夾，喜歡吃芋泥的不可錯過！最後一款是麻辣小籠包，睇到呢包肉丸

振興肉丸有幾十年歷史，大埔呢間舖記憶中都存在左好耐，以前久唔久就會過黎幫襯下，後尾住得遠左就少黎左，通常去街市、超市買佢招牌果幾款丸，但講到多款，真係一定要黎專門店重有即食既炸物一大排雪櫃入面真係超級超級多款一大包既有，細細包十粒8粒既又有，豐儉由人每包都密封包裝，乾淨衛生，有曬到期日、成份等除左丸，肉類扒類都有揀左三款丸同炸魚蛋急不及待，企埋一邊雖然魚蛋唔係熱辣辣，但每粒都好結實彈牙，沒有很油膩感覺，有魚香及完全無腥味另外三款就係黑椒濃汁牛丸、魚籽包心丸、魚蛋小籠包配個酸菜牛肉麵，真係不得之了，一定正過出街食振興咁多年都真係唔會令人失望試過你就會知道同其它凍肉舖散夾既有多大分別每一款丸都有自己特獨既味道，無論你配咩湯底，都唔會遮蓋到餡料足、彈牙、內裏充滿肉汁呢粒黑椒濃汁牛丸真心好食，黑椒味突出，肉汁味濃郁，唔係平時果種假肉精味！

疫情關係，最近帶飯嘅次數都多咗，但係有時晏咗收工，真係冇乜時間買餸。放假嘅時候，返屋企之前去一轉街市，見到振興肉丸，買番啲靚肉丸看門口都好喎！有好一段時間冇去振興，發現佢哋嘅產品更加多元化，而家有芫荽餃子同芫荽燒賣😁😁唔知係咪因為好多產品都有折扣，俾錢要排隊，仲要係keep住好多人👍🏼👍🏼除咗肉丸之外，佢哋都有其他凍肉選擇，第一次見咁靚嘅手切豬頸肉🔥🔥揀咗幾包，其中有超正嘅牛丸振興啲牛丸正😆😆Juicy! 基本上每次去都一定要買！ 至於其他丸都唔錯，今次買咗個芝士小籠包，樣子可愛，食落都真係幾香濃芝士味。除咗打邊爐之外，只要屋企仲有啲美味肉丸，帶飯配下瓜瓜菜菜，都已經可以令飯盒生色不少啦😁😁

阿媽久唔久就叫我經過大埔記得同佢買振興肉丸次次過振興都有好多人老實講老字號確實係唔同除咗保留固有嘅好食之外仲經常加不同款式每款魚肉都係非常之有特色而且每款口味都唔錯雖然係老字號但係其實門口都裝修得好井井有條食物分類得好整齊一場過到去所以今次就買得比較唔同多嘅口味先一定買咗個牛骨清湯牛丸，健康豬香菇貢丸，麻辣小籠包，有芥末魚丸。佢地丸類真多我就豬牛魚肉丸都買埋一次滿足既一家人既口味我就最鍾意一次過煮唔同口味先講自己最鍾意牛骨清湯牛丸咬落去彈牙就一定㗎啦緊要仲有浸牛骨清湯味牛味特濃健康豬香菇貢丸有埋成份標籤知道食咗啲乜嘢而且味道香濃麻辣小籠包一咬落去就有汁特別出嚟少少辣啱啱好芥末魚丸入邊嘅芥末分能好多有芥末味但唔會辛辣新奇有趣總括而言振興丸類好多仲有唔同肉類食完覺得資素保持水準下次再買其他

振興肉丸位於大埔鄉事會街47號地下，由大埔港鐵站步行5分鐘左右到達，係大埔街市對面，非常方便。振興肉丸好多凍肉鋪都會有得賣，但我最鐘意去大埔門市，因為肉丸既種類非常齊，有成20-30款種類選擇，我地食過振興肉丸真係返唔到轉頭，屋企人每次都要指定食振興肉丸。振興肉丸堅持天然原材料，不添加香精人造色素防腐劑，保留原汁原味。我地買了4包丸，有馬蹄木耳貢丸、魚籽包心丸、黑椒濃汁牛丸、炸魚蛋。馬蹄木耳肉丸-鮮豬肉混合一粒粒馬蹄和木耳，口感豐富，鮮甜爽口。黑椒濃汁牛丸-令我對牛丸改觀，因為我好怕食到牛丸太死實，硬淨淨，但振興的黑椒濃汁牛丸咬落去入面非常多汁，又不會太多筋，牛肉味道非常濃郁，黑椒味又不會蓋過牛丸的味道。魚籽包心丸-外層由魚肉製成，入面包了滿滿了魚籽，口感脆卜卜又彈牙。炸魚蛋-每天新鮮炸起，新鮮魚肉製成，魚味濃郁，好彈牙

在大埔買菜，經過振興肉丸專門店，便入內逛一逛，店面光潔亮麗，富空間感。店內有傳統的肉丸，也有口味較新奇的肉丸和其他食品，非常適合打邊爐或燒烤。選了其中四款肉丸，平時放在雪櫃冰格，想吃便可即時煮熟，方便又衛生。用牛筋丸和墨汁墨魚丸煮了一碗米線，加了一點芫荽提鮮，再加辣椒油調味。墨魚丸看上去黑黝黝，墨汁味超濃，中間還有一些墨魚粒，彈牙得來又帶點煙韌感覺。牛筋丸口感較一般牛丸厚實爽口，真材實料，牛肉味突出，跟濃汁牛丸比較絕不遜色。因為天氣炎熱關係，所以另外還準備了一個番茄青檸莎莎，配芝心小籠包和冬陰功蝦球。冬陰功蝦球有驚喜，沒有什麼辣味，不能吃辣的也可以試，咬開非常流心，餡料酸酸甜甜很開胃，和青檸番茄味道更是非常配合，甚有泰式風味。芝心小籠包賣相精緻，餡料很多，芝味濃郁，愛吃芝心丸的不可錯過。

收工路經上次幫襯過既大埔有名肉丸店， 就入去買咗幾包肉丸返屋企食， 店鋪感覺好乾淨和企理， 除咗特色肉丸之外仲有其他凍肉和醬料等。今次買咗墨魚丸，豬肉丸，仿龍蝦丸，有特色既麻辣小籠包和有骨魚皮有骨魚皮有骨魚皮依家唔係度度都有得賣，呢隻魚皮夠厚身浸完湯後，外層索了湯汁味道，内層依然酥脆。仿龍蝦丸龍蝦丸内有粒粒蟹子 ，食落夠彈牙有蝦味。麻辣小籠包呢隻小籠包嘅皮係用魚肉和麻辣醃料做， 辣嘅程度唔算太辣， 食小辣嘅朋友都可以一試， 入面嘅豬肉餡都幾入味。豬肉丸豬肉丸咬落爽口， 入面充滿肉汁。墨魚丸墨魚丸内有粒粒墨魚肉，有肉汁，夠鮮味

疫情關係，屋企個雪櫃放得最多嘅食物，就係急凍食品丸類係喺雪櫃最容易搵到嘅食物，因為不論係煮麵定炒菜都用得著，所以存貨都比較多既然成日食就要買啲質素好啲嘅丸類，而呢度就係我成日光顧地方今次買咗幾款丸類丸類嘅最好拍檔就係麵，煮麵嗰陣加幾粒丸就已經可以當做一餐健康豬肉丸豬肉丸咬落去夠肉味夠彈牙，唔會好油膩，咬落有少少肉汁零添加墨魚丸包裝標榜無人造色素同防腐劑，係依家大家都注重健康嘅時期，呢款丸真係一個唔錯嘅選擇墨魚丸夠爽口，食得到粒粒墨魚肉，夠曬足料又好味魚豆腐外面係魚肉，裏面係滑滑嘅豆腐，我幾鍾意呢一種質感因為食落可以有兩種唔同嘅口感，而且用魚同豆腐整嘅丸類，相對比較健康唔肥膩魚蛋小籠包呢款係魚蛋加肉嘅好味配搭，外面係爽口魚肉，裏面係咬落爆汁嘅肉，味道同口感都一流振興嘅出品一向有保證，買過幾次都好有質素，所以下次食完又會再入貨

振興肉丸好出名，喺大埔墟街市附近開設門市，方便人客選購。店舖將各種款式嘅丸類陳列於凍櫃內，整齊又集中，同時亦有凍肉、湯包及醬料售賣 ，讓大家更方便烹調煮食。特別購買咗幾款，如熱門嘅牛骨濃汁牛丸、健康豬肉丸、仿龍蝦丸及特色嘅麻辣小籠包，回家即晚煮好，立即試吓。首先麻辣小籠包，造型就係一個迷你小籠包，幾得意。一啖咬落去，表面爽脆，跟住爆開嘅火辣味道，幾刺激！再衝出嚟有惹味肉碎，多汁好味。仿龍蝦丸同樣有超爽口感，味道鮮甜，調味適中。最想食嘅牛骨濃汁牛丸，鮮甜牛肉味，入口彈牙，爽脆煙韌 ，裏面仲有晶瑩啫喱狀嘅骨膠原，真材實料，味道濃郁。而健康豬肉丸亦食得出豬肉嘅鮮甜，質地爽滑。振興主張零添加味精、人造色素及防腐劑 ，令人食得安心，最啱下次試其他特色口味呀！

今日行過大埔墟街市，先發現原來對面有振興嘅實體舖！平時喺超市買開佢地最出名嘅濃湯牛丸，行入舖頭先知原來佢哋仲有好多唔同嘅丸類，一場嚟到就買少少返屋企試吓啦！熱辣辣唔想食湯麵，就試吓用光波爐加蜜糖，模擬BBQ嘅食法😆平時食開濃湯牛丸，今次就試吓普通牛丸。牛丸同樣大大粒，好重牛味，非常彈牙。個人覺得呢款牛丸幾match呢個食法，如果係濃汁果隻係烤嘅途中可能會爆開漏哂啲汁出嚟🤣菠菜魚蛋同樣好彈牙，好濃魚味，不過就唔係好食到有菠菜味。光波呢個方法令到丸嘅表面好煙韌，口感好好，建議大家都試吓😆三星蔥爆貢丸好有台灣嘅味道🤩 佢表面係普通嘅貢丸，而入面就係混合咗好多蔥嘅貢丸，入口果下已經食到好香嘅蔥味，鐘意食蔥嘅朋友一定要試吓👍🏻

振興肉丸 (大埔)大埔鄉事會街47號地下經過大埔聽聞有間出名的長龍點，是專買丸類的，來到當然要朝聖一番。位於大埔街市裡頭，要找的話也需要花點時間，因為在街尾，所以行到街尾才見到店面。下午兩點幾，還是人頭湧湧，我再想想入去看看有什麼可以買。原來遠去和其他食品的種類數量非常繁多，任君選擇，難怪受街坊歡迎。揀了四包丸，有魚豆腐、魚蛋小籠包、豬肉丸和墨魚丸。全部標榜零添加。我發揮了小小的創意，困着紫菜一起煮，真係成了紫菜魚蛋湯，味道不錯。原來真的是非常新鮮，牛丸有牛味，魚豆腐除有魚香，口感又磨豆腐一樣嫩滑。

聽聞大埔振興肉丸字號老，超過五十年，肉丸出名，既然嚟到大埔，一於選購回家品嚐。舖頭面積一般，但係一排排凍櫃，不同嘅肉丸款式，林林總總，傳統或創新的口味，一應俱存，令人花多眼亂，揀咗幾款口碑好及地道嘅就走。回家用上湯煮，趁熱試吓。牛骨濃汁牛丸有鮮味，爽口彈牙，juicy多汁，內裡有牛筋健康豬肉丸有一貫豬肉丸嘅香酥脆口，爽甜滋味，慢慢滲透，要細味品嚐。魚旦小籠包及麻辣小籠包都係創新品種，縮細版小籠包外型，小巧得意，細細粒，相信細蚊仔一定鍾意。咬開爽脆外皮就有免治肉做餡，幼滑多汁麻辣小籠包嘅麻辣味稍為未夠爆發力，相信加重辣味，效果會更突出。振興肉丸標榜無人造色素及防腐劑，較為安心食用，可以試多啲其他款式。

雖然天氣好熱，但係香港人打邊爐是不會看天氣的。太久沒有打邊爐，吃丸又覺得浪費肚子的空間，想起振興的丸特別好吃，用它打邊爐一定會有驚喜。豬骨濃汁貢丸：彈牙又有層次，外面的肉一層包一層，咬進裡面是濃濃的湯汁，湯汁還會滲透到肉裡面，每口都非常香濃，是令人眼前一亮的貢丸。鮮蝦腐皮卷：這個用在打邊爐真是浪費，它的質量像日本紀文魚餅，有蝦的鮮甜味，肉質又軟，建議用氣炸或焗爐焗熱，外脆內軟，價錢還比日本魚餅還要便宜。