摩芽雞蛋仔

營業中

休息中

等車時見到這檔雞蛋仔，客人又唔多，只有2-3個，便去試一試，伙記有5人，但買一個原味雞蛋仔，15分鐘還未做起，一問之下原來漏單，該時已經得我一個客，但5個伙記見到一個客在檔前等，都唔會査一查？另外他們的雞蛋仔只是一般，而不是外脆內軟。味道普通，一㸃蛋味都沒有，各位大可以不用試。

食飽dinner送飛飛去答巴士前，經過呢度可惜太飽了，無緣試佢d雞旦仔了。巨峰提子益力多特飲 中杯 索價12他頸渴仔叫的飲品，本來佢想叫花茶，但我想飲益力多，味道不過不失，無咩益力多味，說其是提子乳酸更適當啦，不過將價就貨就係咁啦。稀稀地但唔太甜，當解渴的話可以，要好飲嘛？sorry呢度沒有。

很久沒吃雞蛋仔，掙扎了很久試什麼味道最後揀了紫星雞蛋仔賣相很特別，制作時眼見店員小心翼翼把每粒蜜糖星星放好，確保沒有Miss掉一格⋯⋯等了十二分鐘⋯⋯雞蛋仔沒有很脆，應該是吹風不夠耐嗚嗚內裏都算軟淋淋，星星都是脆脆的～至於紫芋味，靠幻想的話都有10% ，外表取勝，而味道同例如北角雞蛋仔相差甚遠，蛋味欠缺下次都係點朱古力或原味

係雜誌見倒呢個雞蛋仔所以就去左試下個賣相好特別，每一格都有蜜糖星星但係食落口就乾左小小，同埋硬得濟我覺得雞蛋仔都係林林地好食啲特登行過黎出哂汗又要等好耐加上果日好熱又冇哂凍飲扣哂分，如果有凍飲就冇咁辛苦

經學鼓阿sir 介紹響新蒲崗食過雪糕雞蛋仔，今日響太子食完飯見到個“二拉架”,有同一間，咁就行去食～行左一百米左右，見到好多花牌！原來係新開的。 媽媽話想食芋頭味雞蛋仔，我就要食朱古力味雪糕 。由於是雪糕雞蛋仔，有啲新鮮，都幾多人排隊. 有人叫的星星朱古力雞蛋仔，超有心機，續粒星星放入機內，每粒先放一點粉漿等佢估定星星先放多啲粉漿同朱古力粒！幾花心思！等了起碼二十分鐘！終於有了！雪糕面上放了朱古力醬同七彩糖條，睇落都happy D! 食落雞蛋仔外脆內面亦不是空心的。芋頭味都夠香夠濃，但可能連埋雪糕食啦，食食吓就甜到喉嚨好“確”咁，要飲多幾啖水中和返。另外，雪糕size 細過新蒲崗店幾多下，當唔洗食咁肥啦！另外，like FB 加打咭送的咖喱魚蛋。魚鯹味欠奉，而且可能是晚上,浸左一日，魚蛋很淋，有啲“發”左咁。我情願佢晤好送.新奇嘢可食一兩次，希望個粉base能減甜一啲，咁我同屋企人都可返食"more"！

今日Day Off自己走左去旺角行街睇下漫畫睇下書，行行下去到摩芽，之前都食過覺得幾好味，口痕又買底雞蛋仔食下！今次買左香芋味，奇怪地人唔算多但都等左15分鐘，整完既雞蛋仔好似成塊餅咁，壓到扁扁地咁，好奇怪！雞蛋仔超甜，甜到要即刻搵野飲，而且唔脆，軟淋淋，好似已經整好好耐香芋雞蛋仔當然想食香芋味啦，但呢個無，除左個顏色厄得人之外，好似都無乜可取，以前食過呢間啲雞蛋仔都唔係咁，莫非係人多好生意退步左？$18底，唔值

之前見到太子開咗間雞蛋仔鋪，試業果陣見冇咩人幫襯，以為麻麻地。點知正式開業後好多人排隊，今日經過見肚餓，終於決定試下~原味雞蛋仔~等咗至少十分鐘不過我前面只有四個係買雞蛋仔，如果買其他，我見d人唔需要等咁耐。原因係佢得兩個爐，一個整雞蛋仔，一個格仔餅。雞蛋仔多人買，真係有排等lor雞蛋仔雖然蛋味唔算濃，不過勝在夠脆。即使凍咗少少，依然可以保持脆度而且16蚊一份，價格都算合理~

還記得之前新蒲崗一間名為街頭小食店的店舖提供多款不同新奇口味的雞蛋仔，有抹茶紅豆味、紫菜肉鬆味、咖啡味等等，云云口味中尤其以賣相吸引的紫星雞蛋仔讓我刻骨銘心，然而遲遲未有機會到新蒲崗附近可以一試。不知是否同一間店舖的老闆，如今街頭小食店已經改為摩芽雞蛋仔，紫星雞蛋仔依然存在，更在太子開設分店，於我而言當然方便得多。步出太子地鐵站D出口，便會看見一個摩芽雞蛋仔的易拉架指示店舖方向，沿著箭嘴方向走去，不消兩三分鐘便會到達，完全不用擔心迷失方向東翻西找是日為平日的下午約二時，只有零星數位客人購買，完全不用排隊。除了不同口味的雞蛋仔外，店方還供應不少特色飲品及鹹店小食，種類非常多元化，可以邊吃邊喝，又可以吃甜後再吃鹹，滿足不同喜好呢店內有三部雞蛋仔爐，即叫即製，我當然是點了夢寐以求的紫星雞蛋仔，看著老闆將蜜糖星星逐一放入爐中，然後倒入鮮豔的紫色蛋漿，甚是吸引。紫星雞蛋仔 ($21)雞蛋仔烘焙過後本來鮮豔的紫色隨即抹上一層焦啡，每一顆雞蛋仔的蜜糖星星若隱若現，很有童年的味道。然而，剛接到手的時候看到雞蛋仔黏合不齊，心中印象已經大打折扣。撕出第一顆雞蛋仔，即感受到外層的香脆，但卻已經完全上下分離；

酷愛雞蛋仔的我，與母親大人一同 share 一底，在等待期期間只見等候人數越黎越多，十居其九都是買雞蛋仔 唔係等好耐，十零分鐘，雞蛋仔到手比想像中輕身，佢本身烘得較脆身，應該係因為要同雪糕配搭，所以諗住做脆身啲點雪糕食好夾啲，而且咁食法一個人先可以食晒成份，唔會太飽。我只愛雞蛋仔，雪糕就免喇 蛋味都頗香，紫菜係一大塊烘左喺雞蛋仔中間，肉鬆就分佈得比較均勻，當然越中間位置嘅就肉鬆越多啦唔會得個甜字，加埋肉鬆少少咸，幾夾喎，如果啲紫菜係碎片分佈喺每粒雞蛋仔上就仲正添話咁快就兩個人解決左一底，十分鐘左右。間鋪嘅位置好易揾，太子地鐵站 D 出就最近，營業到夜晚一點左右。佢嘅雞蛋仔有好多隻口味，仲可以配埋雪糕，變化多。另外仲有相同口味嘅夾餅、燒賣腸粉碗仔翅熱狗都有得賣，總有一樣啱你食。

今日午飯無咩胃口，經過公司開左間雞蛋仔，原本只係諗住求其食D野嘅心態買一底食下。店員哥哥就介紹左几種口味。都真係几創新:又朱古力星星，又紫菜肉鬆，又有款加埋雪糕添。最終擇左紫菜肉鬆。估唔到紫菜肉鬆搭雞蛋仔又几夾喎。有驚喜👍👍。飲品方面叫左杯綠茶紅豆都算好飲。重原其他小食買相唔錯。總括黎講，值得再試。😋

呢間開系我公司附近嘅早兩日見到終於開業，但系由於太多人排隊，問過雞蛋仔要等成廿幾分鍾所以最後放棄左(因為此終開緊工偷偷地出來🙈)，決定先試佢地嘅魚蛋燒賣同西柚夢幻花茶就算，比我個感覺算驚喜，魚蛋夠彈牙,系我系太子附近食過最出色嘅一檔，呢樣另我估吾到一間專賣雞蛋仔嘅魚蛋都咁出色，夢幻花茶色水賣相相當吸引，飲落亦夠茶味啱哂我如果嫌雞蛋仔等太耐嘅朋友可以試下，睇下黎緊邊日得閒一定會再試埋佢地D雞蛋仔再報告

今日行過見到有間賣雞蛋仔，好似好吸引咁！決定一試……咩味好呢？最後決定叫左朱古力星星雞蛋仔，味道真係幾好！唔知幾時有新口味呢？最值得一讚係店員窩心的服務態度……

一個原味夾餅好食，有好味，又鬆軟!食一個當晚餐好飽，抵食!見好多人買雞蛋仔，個樣都好正，下次試下先，聽到隔離個妹妹就紫菜肉鬆味好食重點黎啦，就係夢幻花茶好靚又幾好飲，見到個樣俾佢吸引左，飲左青蘋果味，好正！