摩芽雞蛋仔 (已結業)

買咗一個原味雞蛋仔，外皮好脆，個餡又軟琳琳，甜度亦都啱啱好。雖然比普通嘅貴左幾蚊，但係亦都物有所值👍🏻。大家可以一試。仲有佢嘅蝴蝶豆花茶，唔係度度都有得飲，顏色係藍色好特別，味道好清新，只係買＄9添。超扺！

前回被味點心折磨完想食返啲好味嘅嘢就經過依間小食店。見佢個星星雞蛋仔好似第二度無見過就點咗一個食。其實雞蛋仔種類都算多。又有唔知紫薯定香芋。又雙重芝士或者朱古力。又經典造型又星星造型。所以不錯。最終揀咗朱古力味。咁就等食。等呀等。等呀等。等呀等。等呀等。。。都未叫囉。可能星型要制作須時啦。終於等咗差唔多一千八百秒先有得食。講真唔係粒粒星星都星光熠熠耀保良囉。不過都有heart同有賣點嘅。算啦算啦。雞蛋仔新鮮熱辣辣脆卜卜。又唔會太甜。但裏面唔算多朱古力。Anyway。都係算好味嘅雞蛋仔。有心思。要彈嘅就係等得耐啲囉。

昨天去完太子那分店，今天星期六帶埋個年輕人來新浦崗總店，再食流心蜂蜜雞旦仔，試埋朱古力星星和蝶豆花洛神花。今天的蜂蜜雞蛋仔同是外脆內軟，甘香有咬口，甜酸平行得宜，流心兼醒胃，抵讚的是今天的蜂蜜爆醬流心之餘，保留在雞蛋仔內，沒有餞在外殼表面，所以手指享受美食之餘，完全不用擔心雙手會弄髒。朱古力星星，星星好睇之餘，脆卜卜，吸睛得來又充滿玩味，朱古力不乏朱古力香甜及微苦澀味，正!蝶豆花卻令人失望，本身蝶豆花成份太少，跟本收不到所謂夢幻變色的效果，只有淡淡洛神花的微淺粉紅色，真掃興。2種花都是平到不得了不值$，覺得有被騙感覺。

舊區覓食新蒲崗處處原來都是食店 空肚來是不會白走這裡只吃出名的星星雞蛋仔外形已夠吸睛 哈哈 樣子協會的我九成都是脆香可口 有朱古力的色香味 亦有蛋香間中有幾粒是淋 可接受 可能多人等單 製作時間相對較短？ !

本身唔係特別鍾意食格仔餅，但呢度嘅格仔餅真係令我好驚喜佢哋格仔餅嘅基本配料有砂糖，煉奶，牛油同花生醬～然後要再揀唔同口味嘅配搭，好多都好邪惡，好似有香芋，綠茶紅豆同double朱古力⋯⋯我地最後揀咗香芋味因為格仔餅係即叫即做，攞上手熱辣辣而且好厚身，一咬落去外脆內軟綿綿，口感好正～而香芋味同格仔餅好match，加上裏面嘅配料融化埋一齊，絕對係會好肥，但係好好味好邪惡邪惡

和同事食完飯之後,好似又唔係好夠飽,又想食d 小食,同事話開左一間雞蛋仔,叫我去試下,都幾有特色...好似好多味道選擇。去到之後,其實真係街口的轉角位,都唔算難搵...檔口位置唔係太大,不過都見有幾個人買雞蛋仔...除了雞蛋仔之外,也有格仔餅或者凍飲,都幾多元化。見到不論雞蛋仔或者格仔餅,都很味道選擇...今次就叫了流心蜂蜜雞蛋仔...因為即叫即整,都等了差不多10分鐘...就等到一底熱乎乎的雞蛋仔,配上有洞的紙袋,使它保持通氣,不會太快淋。它整出來的雞蛋仔都幾均勻,不會出現焦的情況。而內裡有一粒粒的蜂蜜,雖然不是流心,但是食下去幾香的蜂蜜味,而它的口感不會太脆,比較煙韌和淋一點。但我自己我覺得它這個配搭都相當不俗,有著蜂蜜甜香的雞蛋仔,味道原來都好夾。下次有機會再試下其他味道!

新蒲崗對一眾西貢友來說，可能是十分熟悉的地方，因為出九龍必搭小巴綫1S綫的終點站在那邊，亦可能是平日上班的地方。新蒲崗是有名的工業區，工廠大厦林立亦是隱世食店藏身之處。摩芽雞蛋仔就是新蒲崗其中一個有名的小食，第一間分店亦是在新蒲崗開的。雞蛋仔在香港遍地開花，現在到處都有街坊食店賣雞蛋仔（西貢也不例外），很多雞蛋仔都會向外推銷自己的雞蛋仔有什麼獨特之處，要博得大眾賞識並非易事。去到摩芽之時適逢下午，工業區星期六下午上並非上班時間，人流不算特別多。看店的是店員還是店主嗎？不過他們態度頗有悠閒，沒有向我有特別好的招呼或主動推銷，看來他們開業已久，已經有了一副愛理不理的態度。摩芽雞蛋仔已經推出了很多款不同口味的雞蛋仔和格仔餅，甚至有雪糕口味，不過我暫時對摩芽仍抱着觀望態度，先試一些普通的產品，然後再試其他產品。我點了個星星（朱古力）雞蛋仔，雞蛋仔朱古力味頗濃，內裡的星星是什麼口味我一直在想，是胚芽味嗎？恰巧雞蛋仔內的朱古力有點像阿華田的味道，這樣的話莫非我吃了一個阿華田口味的雞蛋仔？「Oxxo」味的雞蛋仔我都試過了，原來這些早餐飲料或零食的材料和雞蛋仔才是「最佳拍檔」？看來我下次還要再去新蒲崗

與大學姐妹相約新蒲崗的得龍大飯店吃飯，難得到這一區，就獨個兒早到四圍逛。突然，眼球被這間小店的宣傳招紙吸引了！好吧，就來一底星星雞蛋仔吧稍等片刻，朱古力味星星雞蛋仔$23就交到小妹手上了。咬一口，雞蛋仔稱不上十分香脆也，口感偏軟腍，蛋香也不太突出。幸而，雞蛋仔內質感煙韌，且滿是香濃且甜的朱古力漿。

1）星星是脆粒，造型加分2）雞蛋仔朱古力味道香濃，沒有偷工減料3）更有吃到半溶朱古力漿，好味4）該雞蛋仔賣點是味道，並不合喜愛脆口感之人5）品種選擇多，下次想試不同味道之格仔餅

我一向都是雞蛋仔狂迷，平的貴的，連鎖的，小店的，只要有雞蛋仔，就有我的足印。之前來新蒲崗，吃過前方“街頭”,沒理由不吃後方“摩芽”。味道選擇比前方多十萬九千種，但我今次便想返璞歸真，食回傳統選項，所以今次揀了粒粒巧克力。隊也不短，等了廿分鐘，終於得到一份新鮮出爐的巧克力雞蛋仔。色水不俗，可可香味都不錯。看看裡面，外脆之餘，內部亦有蛋糕的細孔，目測下都是不錯的雞蛋仔，不像外間只得硬殼的雞蛋仔。可是一吃之下便分了勝負。蛋香欠奉，不夠脆度，咬下去的口感太軟淋。可可的味道平平，比起 Oddies 同 媽咪 的出品， 相比下，不夠濃不夠足料，徒有深棕色而沒有可可的苦甜。儘管我有多欣賞“街頭”的出品，但它就是看起來平平無奇。相反味道一般的，卻因為Gimmick便得到大眾的擁護，分店亦越開越多。真想知，Gimmick是比質素重要了嗎？

今日629雞蛋仔星期日休息所以過了對面試摩芽雞蛋仔之前幾次都見到好多人排隊已經想試好了買了原味雞蛋仔($14)等候時間約要10分鐘店內職員都有5-6個 (而且還有兼賣魚蛋燒賣等小食)真的即叫即做拿上手果然熱辣辣感覺底部有點"林"咬了一口內餡豐富非常夠飽但就不夠脆口因此如果想吃脆口的就試629想吃口感豐富的就試摩芽吧!

見到好多人買，所以一於買嚟試下，於是一等就等左20分鐘，係咁熱既天氣等，真係熱死人終於等到，味道唔錯，有朱古力味，不過星星圖案唔係咁出。如果再要等甘耐，真係幾好食都唔制

黎到康強街本來諗住去另一間買雞蛋仔咁岩見到一間好似幾新雞蛋仔小食店有好多唔同口味, 仲有咖啡,朱古力等等既口味....每個口味都有可以揀格仔餅/雞蛋仔價錢唔算平叫左個香芋格仔餅等左十分鐘左右就有格仔餅好深紫色以為會有幾重香芋味食落都覺正常格仔餅最重要係個餅的質地個餅好鬆軟, 軟硬適中入面都係一般格仔餅有既牛油,花生醬,煉奶,沙糖價錢稍貴, 但都覺值得

經過呢頭忍唔住又買雞蛋仔，上次食過覺得唔錯，今次試下朱古力味星星雞蛋仔，味道唔錯，朱古力味好香，口感外脆内軟。yummy yummy呢度除左雞蛋仔，仲有好多特色街頭小食，另外都有多款飲品賣，係一個「掃街」好地方，野食同野飲都有，一間就搞掂晒，超方便。

本想到新蒲崗去三分俗氣吃小籠包可惜四點多去到係落場時間冇得食!!不過有失必有得又比我撞見呢間挺吸引的摩芽雞蛋仔喎~除咗雞蛋仔,夾餅外還有不少美食供應嫁~仲有近年大熹熱的藍蝶花手調欲飲品,色調真的十分迷人不過我目標非常明確係*雞蛋仔*即叫即制的關係等候時間頗長,我也等了15min才有得吃喔!!我的{紫星雪糕雞蛋仔}$35,選了芒果和朱古力雪糕~坦白講這樣的配襯好新鮮,吃要快口否則雪糕溶掉影響雞蛋仔口感,加了雪糕無疑涼快開心不少但亦增加進食難度呀!!所以我們必須先吃掉雪糕,雪糕須不是什麼大牌但呢種熟悉的味道還是經典的,雞蛋仔內藏星星脆米外型可愛到爆,味道帶輕輕紫薯味質感外脆蛋芯有肉軟綿綿是我喜歡的類型喔^0^