摩豆 (已結業)

經常在ig見到很多好味的雞蛋仔, 包括Modos的但我不會刻意去搵, 因為身邊人不喜吃甜今日放了半天假, 去完moko後落黎就見到佢地既banner, 咦咦咦, 原來就正正起卓悅的對面, 好彩banner有寫明, 因為當時Modos的門口被一輛車遮住, 加上門面細細雖然今日天氣非常炎熱, 又在3時正午時份, 不過有幸比我見到, 無理由唔食呀?!唔食都望下啦見到Menu, 雞蛋仔主打係幾隻味, 我不好朱古力, 也不吃得太甜最後徘徊於流心蜂蜜及香濃羅宋湯味之間, 其實芝士也都有諗過, 但見個圖又唔係溶出黎既芝士後尾又諗, 流心蜂蜜...又怕邊食邊漏(我人比較論盡, 當時有一邊手拎住一袋野)所以最後決定"香濃羅宋湯味"呢度是先買飛, 取飛仔看(聽)number等候大約等上8-10分鐘, 前面只係一個人等, 即係即叫即整啦香濃羅宋湯味出爐啦, 職員遞過來時, 都叮囑小心熱先聞一下雞蛋仔...wow, 真係有羅宋湯味道, 不過外表好似黑左少少同埋比我想像中無咁脹卜卜$23其實有點貴, 不過來到試一次啦已經無手meet開一粒粒咁食, 所以直接用口咬咦...果真有羅宋湯入面既料, 不過唔多, 但都夠

近年雞蛋仔的口味變化越來越多~ 旺角花園街中段上新世紀天橋入口對面有一間雞蛋仔專門店 Modos 款式非常特別~ 有土鳳梨酥, 積及橙朱古力, 班蘭味, 香濃羅宋湯等... 真係每款都想試~!! 不過我去食過幾次都未試到... 點解呢? 因為佢既特選芝士味超好味~!! 芝士焗得又香又脆口~ 每次去都忍唔住買芝士味~!! 所以重未有機會試到其他款呢~!! 款式多數係即叫即整~ 雖然要大熱天時係條街等~ 但因為真係好好味所以等都係值得既~!!

每次經過『摩豆 Modos』都很想試試，今天見排隊的人不多，終於可以試到了！ 今次選擇了兩款雞蛋仔「羅宋湯」和「積及橙朱古力」，另外加一杯「班蘭特飲」，飲品很快便準備好，不過雞蛋仔要等10-15分鐘才有。「羅宋湯雞蛋仔」一拿上手已聞到陣陣羅宋湯香味！一口咬下去，羅宋湯味道十分突出，還吃到一粒粒的羅宋湯蔬菜，非常足料！因為是新鮮出爐，雞蛋仔熱騰騰的，且口感外脆內軟。「積及橙朱古力雞蛋仔」完全是積及橙朱古力的味道，差不多每粒雞蛋仔都會有朱古力碎在裡頭，同樣地，雞蛋仔有外脆內軟的口感，吃起來很令人滿足。「班蘭特飲」帶有很香的班蘭香氣，飲起來不會過於甜，既清新又解渴。也許有人覺得20幾蚊買一個雞蛋仔有點貴，但這間雞蛋仔的質素實在物有所值呢。------------------------------By alvahana (ig: alvahana)

雞蛋仔由細食到大，呢間有咁多新口味。之前經過都要排隊輪街症咁，呢排終於正常翻唔洗排隊，終於可以試下。叫左鳳梨酥味，睇下有無台灣味道。賣相一流，夠硬淨，大大塊。每次粒都有鳳梨酥，無搵笨，雖然係貴既，但都值得試下。個質地好好，脆脆外皮，但入面唔會得d空氣，食半底已經飽左。

第一次食流心雞蛋仔☺️好興奮又好期待！即叫即整，等左一陣都唔介意！食落口外脆內軟，熱辣辣☺️每粒雞蛋仔裏面都有蜂蜜醬湧出嚟～真係好過癮🍯蜂蜜味爆燈👍而且蜂蜜唔會過甜！同雞蛋仔味好配搭,行街行到肚餓嘅時候可以試吓佢😀

今日經過(星期六)近排非常熱門嘅Modos ,果然有各式不同新鮮配搭味道,今日出奇地不見人群, 終於可以試下喇積及橙味朱古力 $23 大概只等了5分鐘就有新鮮出爐嘅雞蛋仔. 熱辣辣傳出好香橙味.食落脆脆地既有橙香又有蛋香（本身有點擔心 橙味咁濃烈會覆蓋蛋味道 所以呢個雞蛋仔有啲驚喜）還有不少半溶狀態朱古力粒粒, 整體沒有過甜 令人一口接一口!

俾朋友拉左黎哩間新開既雞蛋仔店，門面乾淨企理，價錢偏貴，但味道新穎，見到積及橙味眼前一亮，細個就已經好愛食club既餅，朋友就叫左底斑蘭味。等左十幾分鐘，熱辣辣雞蛋仔出爐！口感同另一間呀媽既雞蛋仔相似，都係有朱古力粒粒做餡，但係雞蛋仔多左橙既香味，令人一口接一口，不過都唔好期望係咩高級清新既橙味，只係香精橙味，但兒時既味道令人滿足！😝反之，朋友既雞蛋仔令人失望，斑蘭味不足，同普通雞蛋仔分別不大，同新加坡斑蘭蛋糕嗰隻香味實在差太遠！（感覺香港製斑蘭味食品仍未夠功夫，可能用料唔夠好吧！）總結，雞蛋仔好味，但價錢太貴，未必會翻兜，但未試過不妨一試！

本身唔係咁鐘意食Jacob's 橙朱古力Jacob's orange choco egg puffs但變成雞蛋仔出奇地好夾同好食😍😋令到我有食過番尋味既感覺👍🏻👍🏻👍🏻橙🍊味同朱古力🍫🍫味好濃仲見到一粒粒朱古力係面嫁雖然味道甜咗小小但我食完一底仲想再食😳

夜晚進修前途經太子, 聞到好香既雞蛋仔味, 跟住味道就搵到黎呢間特色雞蛋仔店。其實之前都係雜誌睇過佢關於呢間食店既報導, 果陣已經好想試試呢個土鳳梨口味既雞蛋仔。但真係估唔到佢仲有甘多個新奇既口味可以選擇, 最令人驚喜既係有粽味雞蛋仔!下單後等左足足十五分鐘, 先囉到的既土鳳梨雞蛋仔。雞蛋仔顏色橙橙黃黃, 聞落去蛋味幾香。咬入去每粒雞蛋仔都算係飽滿無空心情況出現。但我最期待的土鳳梨餡料要比我想像中「縮水」很多, 而且味道比台灣火鳳梨酥再要酸一啲。蛋漿其實好香, 而且同鳳梨亦都好夾, 不過個份量比例, 同雞蛋仔既硬度都未如理想。雞蛋仔個袋並無透氣窿窿,  包實哂岩岩出爐既雞蛋仔。原本蛋漿既脆度都尚待改善, 而家仲耍整底雞蛋仔都被濕氣包圍, 所以我只食到頭幾粒有微脆效果, 其他都係煙煙韌韌甘, 比較似中式蛋糕。

稍早前來吃過它的積及橙朱古力雞蛋仔 久久不能忘懷而且每每經過此店都必定推薦給朋友這次心癢癢變了卦 想嚐一下斑蘭口味有點兒失望感覺只是添了一抹綠的原味雞蛋仔但它仍然保留外脆內軟的口感 每顆粒都紮實軟綿 可見用料不含糊因選購套餐會比單點便宜四塊 我就多加了一杯飲料 西柚的味道很突出 喝起來很清爽解渴 完食後 蛋香依然徘徊於口腔內久久未能散去以上。

晌旺角行街嗰陣去咗Modos買小小嘢食，有啲想食羅宋湯雞蛋仔，不過又好似太創新，怕會怪怪咁，最後買咗積及橙朱古力雞蛋仔。當日大概有三、四個人晌度等緊，因為呢間個舖位只係收銀同廚房，加上所有嘢都係即叫即製，所以啲人就要企晌行人路同馬路邊等，不過呢條內街唔算繁忙，都唔會成日俾人撞到嘅。等咗數分鐘，我嘅積及橙朱古力雞蛋仔就到手，外表呈微微橙色，且輕易睇見粒粒朱古力嘅蹤影。聽聞佢嘅靈感來自積及（Club）出品嘅橙餅，雞蛋仔外脆內軟，雖然係香精嗰種橙香，但濃郁得來算討好，每粒雞蛋仔入面都佈滿半溶粒粒朱古力。初頭以為只係gimmick嘢，估唔到食落都OK。

網上見到漲卜卜雞蛋仔，即時被她飽滿的外型吸引。眾多口味選擇，選了跟朋友一同喜愛的口味，積及橙朱古力，差不多等了半小時...幸好味道沒有令我們失望，外脆內軟，香濃的橙味朱古力，一點也不乾！第二次再去就試了斑蘭味，賣相沒有前者那樣吸引，只有外脆，內裡沒有餡所以較乾，有點失望。

朋友帶我黎食佢話食過積及橙雞蛋仔好好味，但今次廢是佢重複食 試左斑蘭雞蛋仔加紅西柚綠茶。雞蛋仔即叫即製 唔係整定擺出黎賣。所以都要等返5分鐘左右。新鮮製 熱辣辣 脆卜卜外皮 。內裡夠多蛋漿 軟綿綿。微香既班蘭味同雞蛋仔呢個組合幾匹配至於杯飲品 紅西柚綠茶。本來純粹因為口渴而買。估唔到有驚喜唔似街飲品店成杯都好甜，叫左小甜都好似飲緊好甜既糖水。呢杯唔會有果種虛甜感。

早前我有時間，再一次到香港旺角尋找美食，發現了一間名叫「摩豆 Modos」的雞蛋仔店舖，我還看見店舖門外掛上了這個「選擇雞蛋仔口味輪盤」，給一些跟我一樣有「選擇困難症」的人「轉」出明確選擇。如果你也患上「選擇困難症」的不妨一試。結果，得出了2個答案，我選擇的雞蛋仔如下；香濃羅宋湯口味雞蛋仔；每一顆雞蛋仔都擁有很香濃的羅宋湯的味道，顆顆都外脆內軟。只是有少少鹹，沒有太大影響。流心蜂蜜口味雞蛋仔；這個「流心蜂蜜口味雞蛋仔」最讓我感到失望，因為我是蜂蜜的腹好者，可惜，拿上手之後，原來並不是我想像中做到「Win Win雙贏」。雖然每一顆雞蛋仔的內裡都包裹著蜂蜜爆珠，但是，並不代表好吃，更算不上是流心蜂蜜口味。因為每一顆雞蛋仔內裡的蜂蜜爆珠都已經破壞了每一顆雞蛋仔本身要做到外脆內軟的口感。現在只是做到每一顆雞蛋仔在口裡爆出蜂蜜糖漿，但是就不能做到外脆內軟的口感，完全做不到每一顆雞蛋仔既能外脆內軟，又可以每一顆雞蛋仔在口裡爆出蜂蜜糖漿的口感。當我拿一顆雞蛋仔上手都不夠3秒，還未放進口裡，已經感覺到外面都變軟了，這個真的有待改進。希望下一次我再來光顧的時候，可以吃到「Win Win雙贏」的「流心蜂蜜

我是流心蜂蜜愛好者~ 基本上有產品標榜流心蜂蜜我都會去試平時睇食評多過寫食評~ 今次寫低想你地有改善。首先, 我無諗過“流心蜂蜜”係用台式飲品用既爆珠。 第2, 如果係用爆珠, 一係整雞蛋仔既同時溶控制到溶左出面層“膠”。 而唔係一粒一粒甘分佈嚮雞蛋仔, 然後你一口咬落去雞蛋仔到會比爆珠既熱醬“辣”親。第3, 麻煩訂購有質素既爆珠, 因呢隻爆珠加熱後有膠味。最後, 我食左2粒就丟左。