撈喜 (已結業)

如果想補下食下花膠就可以嚟試吓撈喜好得意架佢張餐紙仲會寫住花膠有乜嘢好睇嚟對任何人都有好處😂黑松露汁花膠撈麵其實我比較鍾意食多汁嘅嘢食所以見到呢個撈麵有咁多黑松露汁真係好開心佢仲有幾大塊花膠有成手掌咁大食落口好滿足個黑松露汁夠晒香味未食落去已經聞到黑松露汁嘅味加上個汁同個面好配用呢個方式去烹調係聰明嘅選擇冰鎮鮑魚咬落去好實正夠晒彈牙又來喇又來啦南非四頭鮑黑松露汁意大利飯個汁同頭先撈麵嘅汁係一樣啦咁所以都係有好香嘅黑松露味今次唔配花膠配鮑魚其實我覺得就冇咁夾嘅不過個黑松露汁真係做得好好撈落去個意大利飯都真係好好味你知道意大利飯其實係濕濕地先好食個汁淋上去就正正可以做到呢個質地正👍🏻👍🏻👍🏻👍🏻👍🏻我哋仲嗌左兩個小食香煎鹿兒島牛柳粒佢個牛柳粒略嫌煎得太熟 所以咬落去有少少韌同埋乾不過同沙律醬呢一個配搭就做得幾好做得幾好另一個小食係泰式豬頸肉豬頸肉反而冇煎得咁燶加埋呢個泰式嘅醬汁鹹鹹地又酸酸地充滿泰式風味好開胃呀😛😛

喇沙龍蝦湯烏冬🍜🍜平民價錢就可以食到細細隻嘅波士頓龍蝦！感覺成碗烏冬都好鮮甜～溫泉蛋亦都好好食，食落有少少流心，正呀～～整體而言成碗面都幾好食!花膠燉雞🥣🥣花膠燉雞湯味道比想像中濃同埋帶有少少甜味，個人覺得幾好飲~燉湯配料方面有花膠、雞、瘦肉、杞子等，都算幾足料。雖然花膠得幾片，但以呢個價錢來講真係好唔錯！🤗朋友就叫咗南非鮑魚撈麵同埋海參燉雞，感覺賣相幾好睇,同埋試左啲覺得味道都唔錯😋😋主菜🍲🍲喇沙龍蝦湯烏冬HKD68南非鮑魚撈麵HKD108燉湯🥣🥣花膠燉雞HKD58海參燉雞HKD58

山長水遠搵到依間眼大啲都睇唔到招牌嘅食店。叫咗個花膠撈麵。好大舊花膠。質素就唔好預好好。中式芡汁嗰啲味。不過好少汁。有隻大花菇。都爽口嘅。算係咁。龍蝦喇沙。個粉幾滑。個湯係有龍蝦味㗎。辣辣哋。好飲。仲有炸到好似油條咁嘅豆卜。幾特別。講返主角龍蝦。都ok嘅但個身好少肉。個拑都係無乜肉。有兩份菜。勁大碟。夠晒健康。龍眼杞子。有圖有真相。勁足料。正。紅棗柚子。本身有四粒大紅棗。同樣足料。好飲。咁嘅價食倒依啲嘢。又咁養生feel。仲想點。

前日放飯時間，去左呢度試下，點左個蔥油豬扒撈麵，見到d豬扒超肥，根本瘦既肉係好少，個撈面又好少蔥油，根本係唔合格，可一不可再.....但眼見人地叫左個上湯龍蝦飯幾正，所以決定下次放飯比多次機會佢睇下咩情況先😎

最近搵到一間平民價錢既海鮮餐廳🍴入面餐牌有餐廳菜式介紹同功效！店內裝潢設計簡單而又有個開放式廚房但係完全鋪頭係無味！👍🏻天氣岩岩開始凍，就叫左花膠燉雞同海參燉雞湯！兩款養生湯真真真係好足料！🤤推薦係花膠燉雞湯！另外我仲叫左個喇沙波士頓龍蝦🦞龍蝦湯烏冬同南非鮑魚撈麵，成隻龍蝦同鮑魚兩款配答完全食得出廚師精心既製作😚估唔到一間細舖頭都可以做到呢個水準！價錢cp 值🆙大家經過值得要去試下!

😍😍平民價錢食波士頓龍蝦同南非鮑魚#南非鮑魚撈麵 $108平民價錢食原隻炆鮑魚撈麵，配菜方面有大大隻既花菇和西蘭花🥦，誠意十足。鮑魚和花菇以醬汁炆到入味，西蘭花都煮得很淋。.#海參燉雞 $58超正的燉湯👍🏻👍🏻一定要試！呢個湯飲落鮮味十足，絕對唔係味精湯。🤤見到碗入面既湯渣有大量鮮雞，海參粒，紅棗，杞子等，難怪飲落咁鮮甜啦。好足料，有家的味道啊😭😭.#喇沙龍蝦湯烏冬 $68#花膠燉雞 $58朋友就叫咗呢兩款啦🤣賣相都好吸引。試飲左少少花膠燉湯，都係超級足料和鮮甜😍仲有大大塊花膠架

今日中午就去左筲箕灣「撈喜」食lunch ，4個人不用等位，叫左1個A餐3個F餐，每位68元，送青菜。其中鴨腿就比較硬，但魚翅湯幾好味，花膠都有少少厚度好滑好正，撈麵有蝦子，麵煮得剛剛好軟硬適中，個汁吾錯，份量亦適中，賣相整體都很滿意，值得推介。

約咗朋友喺嗰度食飯一入到去見到佢餐牌主打為海參、花膠、鮑魚食到一半先記得影相招牌花膠撈好味，果汁好得，可以揀蕎麥麵或烏冬，朋友同亞女都鍾意食烏冬所以揀咗一個花膠撈，一個鮑魚撈面兩個撈麵都係要烏冬花膠好林好入味，好食，鮑魚都好大件👍🏻一嚟先上左兩個燉湯，我哋要咗一個花膠一個海參先講個花膠個盅好明顯見到有好大塊花膠另外個海蔘真係麻麻，海參碎上，切到呢一粒粒，好細粒，唔小心都真係搵唔到，不過佢都有成10粒下次都係會要返佢個花膠燉湯另外小食揀咗牛柳粒同埋豬頸肉豬頸肉好食，牛柳粒冇驚喜，但好味仲有個海蔘沙律,都係同牛柳粒同一種芥末汁，海蔘都係碎上，都係切到好細粒如果想得閒黎補下食下花膠都OK嘅

某日同男友去左筲箕灣既撈喜食晚餐，因為網上見到d人話呢間好抵食，佢係食海味撈麵，價錢都好平民化，所以突登來試下，當晚我地叫左2個撈喜豪華餐，$148一位，套餐包括一個撈麵，一忠燉湯，一個小食同一碟菜~我地揀左花膠撈麵，薑蔥安格斯撈麵小食揀左雞翼，泰式豬頸肉原忠燉湯2盅生菜2碟花膠撈麵d花膠都幾大塊，但撈麵落左好多蠔油，撈埋之後覺得好咸 食唔到花膠個隻好食，可能我已被蠔油既咸味蓋過左花膠既味道薑蔥安格斯撈麵d牛肉都ok, 麵質都好爽， 但佢d蠔油真係多左d,破壞晒d味道，其實佢地好足料，價錢都相對便宜，如果蠔油出手唔太重就十分好嗱原盅燉湯都好足料，有雞肉，杞子，大大塊花膠。。燉湯好飲，好清甜豬頸肉都可以，不會太油又不會太un雞翼同菜都冇咩特別總結： 價錢都便宜，店員都好有禮貌，燉湯好飲，撈麵好咸🙊~ 希望下次光顧唔會咁咸啦

男朋友帶我去筲箕灣食好西，他同事介紹話好味，一於趁放假去試試！花膠燉雞湯用料十充，有花膠、雞肉、瘦肉、杞子等，雖然係雞湯但一點也不油膩，啖湯好甜好好味，飲得出冇加味精！這裡還有湯卷賣，好吸引！可惜我住上水，太遠啦，如果唔係一定會買。花膠撈麵好大件花膠！炆得剛剛好，唔太淋亦唔韌，有口感，每啖都吸收緊骨膠原咁！麵質也爽口，不過個人覺得醬汁偏咸左一點。蔥油炸脾撈麵雞脾大大隻，炸到雞皮脆卜卜，雞脾肉質依然嫩滑。比起花膠撈麵，我們更喜歡蔥油撈麵！真係好香的蔥油，撈麵食落亦唔會太油膩。香煎鹿兒島牛柳粒一擺上枱已經聞到好香好香！煎到外脆內軟，每啖都充滿牛肉汁！配醬應該是蛋黃芥末醬？點唔點醬都好味！建議襯熱食，凍左會有點韌。

This is a very unique noodle shop, it has all those high class Chinese food mixing with noodles and it is a very special experience! The price is also reasonable.

近日有朋友同我講筲箕灣有間餐廳食花膠撈麵，覺得好新奇既情況下就去左試喇！去到發覺原來除左花膠撈麵外，仲有花膠鮑魚撈麵，見到就覺得好補身，哈哈。但對我黎講太補了，所以最後我係叫左個花膠撈蝦籽麵，個麵其實都幾大份，仲有幾舊手掌咁大既花膠係旁邊，上面灑滿蝦籽。撈麵都乾身爽口既，加左d蝦籽就啖啖都有蝦既鮮味，花膠口感滑溜，加埋一齊又幾特別幾夾。另外，仲附送一大碟油菜，好味得黎又健康，講真出街食飯好難得會食菜。食完係覺得好飽好滿足，可想而知個份量係幾咁足。講真你去澳門食個普通既蝦子麵都係呢個價啦，宜家仲要有蝦膠，性價比黎講其實都幾高。

經過東大街一定要試吓呢一間撈麵為主打嘅鋪頭，用咗好多唔同名貴食材但係價錢就便宜適合街坊嘅鋪頭，好多人都特登走入黎食所以當日我哋食嘅時候都好多人，見到好多人都一定會叫佢撈麵同埋飲佢嘅燉湯。呢間舖頭嘅招牌勁吸引，除咗用撈麵為主打，仲有唔同嘅燉湯，同埋抵食嘅小食。而且價錢非常親民。花膠撈麵粉麵則可選粗麵、幼麵。花膠口感好軟腍，膠質都幾重，補充晒骨膠原。而湯品香濃，用咗唔同材料熬湯，湯味濃郁。入面有一大塊花膠好足料，同撈麵食嘅花膠口感唔同，質地較挺身，爽口，不過都好有骨膠原。另外仲叫咗牛柳粒小食都係好抵食呀！

特別嘅花膠撈麵，筲箕灣成條街都好多嘢食所以今次就去咗一間試吓比較特別嘅嘢食。見到筲箕灣都好多烏冬或者面店，不過花膠撈麵就好似比較珍貴。雖然重點我哋想食撈麵但係，我哋都叫咗牛柳粒因為呢度嘅小食都幾平。我同朋友都叫咗撈麵一個，幾鍾意佢嘅花膠撈麵，質地唔錯而且啲汁好夠，真係好開胃。咁嘅價錢食到呢種質素真係唔錯。除咗撈麵之外呢度仲有好多唔同嘅湯品我哋就叫咗花膠湯，湯底好甜而且都好足料，食到我哋舔舔脷。如果去筲箕灣必定要去呢度試吓！

好養的花膠撈麵女生唔補真係好易老，久唔久真係要食啲海味養生補品補一下先得，這間位終筲箕灣的麵店係主打連養生花膠海味配以麵食去做的今日自己一個去食咗個撈喜花膠豪華套餐，價錢唔貴啊，$148 就食到了，先來小食泰式豬頸肉，入口好惹味又夠啖啖肉，仲調得好入味添啊原盅燉湯有幾款揀啊，我緊係要花膠燉雞啦，花膠好厚身，湯好清甜濃郁，食完感覺好養生又夠滋補本身想食花膠撈麵，見要了花膠湯就加錢轉了鮑魚撈麵，麵好爽口彈牙份量都多，鮑魚炆到入哂味啊，整體好夾好好味會跟埋一款油菜，菜好新鮮喔，點少少蠔油已經好好食