撈喜 (已結業)

女人唔補好易老, 今日就去撈喜食花膠撈, 同魚翅撈, 而且價錢大眾化, 平民百姓絕對負擔得起!招牌花膠撈蝦子麵 $68嘩! 好大塊花膠呀! 估唔到68蚊都會咁足料! 花膠炆得軟滑入味, 加上蠔油芡汁, 非常美味!粗麵麵質夠爽彈, 粗麵上灑上好多蝦子, 同粗麵撈埋一齊食, 咸咸香香, 超讚!大花菇都好大隻, 炆得夠入味!  食完覺得好滋補養顏, 好正呀! 日式魚翅撈蕎麥麵 $48喺FACEBOOK影相同打卡, 就可以以$48優惠價, 嘆到魚翅撈啦!魚翅份量相當多！48蚊呢個價錢，絕對物超所值！蕎麥麵係冷盤, 麵身口感軟硬適中，配合日式芝麻醬同青瓜絲，的確好有日式感覺！而且帶有濃濃的芝麻醬味，好味道！生菜 (跟餐)生菜新鮮爽口, 而且份量都不少!紅棗柚子茶 (跟餐加$10)粒粒紅棗都好清甜, 配柚子茶唔會好甜, 感覺養生!可樂 $12

今日來到筲箕灣，見到撈喜的南非鮑魚撈麵十分吸引，於是決定試嚇。餐廳不是很大間，座位枱及椅用純木做，給人簡潔自然的感覺。南非鮑魚撈麵$108鮑魚有少少𡁻口，切開一片片，不用自己再切，有少少爽，㸃上特制的鮑魚汁，味道都不錯。鮑魚撈麵有十分厚肉的苳菇及爽口的西蘭花拌碟。不過撈麵就覺得腍了㸃，沒有了應有的口感及麥味，蠔油十分咸，感覺有少少失望。不過最失望的不是撈麵，而是女侍㒣的態度，一直好像給人一種不禮貌的感覺。

收工同朋友們去咗筲箕灣東大街個邊搵嘢食，本身想掃街，但係因為太熱，都係決定搵間舖頭坐低食嘢，行到街尾發現好少見有間餐廳係滿坐，大概估到應該都幾出名呢頭，就入咗去坐。睇返啲介紹原來呢度係出名食花膠撈麵，而且價錢係晚餐嚟講都算幾平。朋友都叫咗花膠撈麵，但因為想食下辣嘢既關係就叫咗個麻辣豚肉撈($58)，我地三個都揀咗蕎麥麵底，都幾特別，第一次食到有蕎麥麵既撈麵，麻辣醬偏小辣，都幾惹味，而豚肉好好食因為一啲都唔肥，份量都幾滿意。朋友叫咗既招牌花膠撈($68)，佢俾咗夠花膠我食，都好大塊下！另一個叫咗既黑松露汁花膠撈($72)，試咗小小，黑松露味食落去非常之香濃。另外再叫咗2個小食Share，第一個係麻辣雲耳($28)，份量好大，呢個價錢嚟講真係好抵，食落去酸辣適中，好味。另外再叫咗個香煎鹿兒島牛柳粒($48)，食落去都係一啲都唔肥，又完全唔會「銀」

間唔中返工lunch我都會同同事去東大街搵野食,東大街實在太多野食,次次都要簡好耐,今次簡左撈起,我地見佢係食花膠魚翅都唔洗100蚊,咁平真係要試下!!撈起係一間小店,坐位唔算多,不過勝在環境夠光猛乾淨,坐得唔算人迫人咁我決定第一次食就試招牌花膠撈蝦籽麵再加$10配梡杞子桂圓茶,同事就叫左胡椒海鮮花膠泡飯等左一陣我地叫既野食就到,我見到我個花膠真係嘩左一聲,好大好厚身,粗麵超爽超入味,有冬菇同西蘭花做配菜,全部既味道都好夾!!我同事個個就好重胡椒味,佢食到成身出哂汗,味道一樣好味,不過D湯唔多,D飯吸水又吸得快,好快個飯脹哂,可能因為咁,1個飯變到好似2個飯既份量,搞到我同事超飽,哈哈不過不能不提杞子挂圓茶真係好好飲,一D都唔甜,淡淡既甜味好OK,我地好滿意呢個lunch!!

與友人在東大街覓食，見這間門口貼了很多報導，就慕名而進。雖是一間小店但選擇眾多，小食及主食都很吸引。豪華餐很有氣派，下次來想試這個。麻辣雲耳 - 分量很多，酸酸辣辣，作為開胃菜很適合。不算很麻辣，連不嗜辣的友人亦能入口。加入芝麻令味道及香氣更出色。香煎鹿兒島牛柳粒 - 肉質很彈牙，沾沾蜜糖芥末醬很好吃。以這個價錢吃到高質牛柳是少之又少，大喜。到主角登場！招牌花膠撈蕎麥麵 - 花膠有兩大塊，又有冬菇，足料。蕎麥麵配上鮮味的醬汁很惹味，讚。黑松露汁花膠撈蕎麥麵 - 黑松露汁香氣撲鼻，與花膠及蕎麥麵又配，連友人都連聲稱讚味道出色。麻辣豚肉撈蕎麥麵 - 豚肉很大塊且肉質彈牙，好吃。不過麻辣醬汁有點普通。每張餐紙都印有花膠的好處，貼心。

東區之友又出動覓食了，筲箕灣東大街的餐廳真的食不完，今次咁啱過來筲箕灣工作，就試吓這間撈喜啦，說真的，這裏的花膠實在太吸引了餐廳位於東大街街頭，裏面的裝修以木質簡約為主，感覺很清新舒服😌菜式非常新穎，價錢平民化，午餐套餐都是$48至＄68原來花膠除左可以撈麵之外，仲有招牌燉雞湯$58。「招牌美人湯」(花膠燉雞)，用料十足，有原隻花膠、雞腳、赤肉、紅棗等材料湯味鮮甜，花膠彈牙膠質重，滋補養顏，啱哂我啊平時阿媽煲先會甘足料。蒜香牛油龍蝦黑椒帶子闊條麵$98食好啲，叫了一個龍蝦闊條麵，龍蝦用蒜蓉牛油煎香，非常野味，還有兩邊煎到金黃的帶子，大大粒，闊條麵煙韌彈牙，有黑椒汁的味道也有卡邦尼的醬汁，再配香蒜末，口感好正香煎鹿兒島牛柳粒$48牛柳粒以鹽和黑椒調味，把六邊煎香，食落有咬勁，偏肥油香十足，搭配青芥末醬的微辣，不會太油膩。食到優質食材，人均都只是＄100，下次有機會要再試吓其他菜式，良心小店，順帶提一提店員的服務態度非常之好👍

今日同同事在筲箕灣東大街食飯，咁多餐廳選擇，最終被呢間撈喜嘅花膠撈麵吸引左。大家揀左三個午餐，一個蒜香牛油龍蝦黑椒帶子寬條麵$98, 可以加28蚊推廣價，換購冰鎮鮑魚，當然要試下啦。 一個招牌花膠撈蝦子麵$68, 一個日式花膠撈蕎麥麵$68。招牌花膠撈蝦子麵， 上桌見到好多蠔油芡汁，估佢應該都好味。食落不得了，花膠好大塊，大過隻碗仔，仲有蠔油芡汁，咸淡適中，非常夾味。蝦子麵真的有好多蝦子灑在上面，黏著粗麵食，香味超濃，麵質也爽口。花膠底部遮住咗一嚿大花菇，也是炆到好入味好淋，$68交足功課，覺得好好味！蒜香牛油龍蝦黑椒帶子寬條麵， 估唔到龍蝦有半隻咁多，仲諗住係拆肉俾幾舊你，有驚喜。寬條麵是西式的，有芝士汁，好fusion感覺。 寬條麵食落好煙韌彈牙，芝士汁好香濃，好味！龍蝦走過油，但不覺油膩，肉質爽口，蒜蓉好多，交足功課！ 日式花膠撈蕎麥麵， 點解唔見咗花膠嘅？原來白色切絲的就是花膠。凍食的花膠又有唔同口感，食落比較煙韌冇咁淋的。因為拌了日式芝麻醬，有點像沙律的感覺。日式芝麻醬非常香，另外再多灑了芝麻，所以芝麻味非常香濃。蕎麥麵口感煙韌，有麥香，所以伴著芝麻醬食，的確很有日式感覺。

是日工作經過附近，聞說東大街美食如云，就找尋一下有咩美食。男人唔補好易老，今日就食花膠撈！太晏黎既關係，得番我一枱，還好可以包場靜靜品嘗美食。細看餐牌上既介紹，花膠原來仲可以養血補腎，寫住中年男士尤其適合。雖然我正值壯年，但好腰好腎就是好男人。身為大胃王，二話不說黎個撈喜豪華餐，感覺比較豐富。原蛊燉湯選左招牌美人湯，雖無美人相伴，但有呢個花膠燉雞湯心感安慰。味道實在清甜，用料充足，花膠滑一滑，瘦肉，雞肉都比我掃光。最尾啜埋隻雞腳指，大滿足。泰式豬頸肉亦十分出色，肉質爽口 ,唔會燒到乾爭爭，配上沙嗲醬更加惹味。花膠撈麵麵量還好，花膠好大塊，炆得入味同軟滑。醬汁不知是蠔油還是鮑汁，撈麵非常美味，麵質也夠爽彈！無得彈！食埋隻大大東菇同d 西蘭花，其實都夠飽。最後食埋個白灼生菜，感覺健康左，唔知係咪心理作用，訓醒皮膚好左，個人都靚仔左

筲箕灣大東街好多食肆，今次試下一間小店「撈喜」，主打食撈麵～ 但係材料名貴，例如花膠、冬菇、鮑魚等👍🏻 餐廳唔算好大，座位唔算好多，不過整齊乾淨，食物選擇都係以撈麵為主，午餐大約有五款可以選擇～日式花膠撈蕎麥麵 $68花膠係切成絲，亦有青瓜絲，配合芝麻醬汁，撈蕎麥麵食味道清新，啱晒夏天食👍🏻招牌花膠撈蝦子麵 $68花膠有一大片😍 味道好好，配埋蝦子麵食好好味😋 亦見到有好多蝦子，花膠下面有西蘭花同大花菇，整體好好味👍🏻午餐都幾抵食，因為送油菜，更加健康，如果要加飲品都只係加＄8至＄10～ 我試咗紅棗柚子茶，好好味😋 原來紅棗同柚子都可以好夾，而且感覺健康，推介👍🏻

今日阿媽唔煮飯，帶佢出東大街食好野。今次係第二次黎撈喜，上次食過兩老都大讚，其實我好少同一間餐廳會番食第二次，證明佢起我心入面有番咁上下位置。✨撈喜豪華餐一定要叫，因為最抵食。燉雞湯更加係超水準，散叫都成$58 嫁。 ✨今次黎有新menu ，居然多左d 西式野咁過癮，一場黎到點都叫番個試下。✨魚翅燉雞：呢個湯真係超正超正超正❤️好鮮甜既雞湯，絕無味精感。湯料非常足，魚翅好爽口，仲有雞腳，豬肉，雞肉，咬一咬連粒紅棗都好清甜。收工得番半條人命，飲到呢個湯個人當堂醒神晒💪🏻，好飲程度值5星星。 ✨招牌花膠撈麵： 今次黎我覺得好食左，上次個花膠我嫌佢太爽口，但係今次好夠腍好入味😋。 粗麵好爽好有咬口，撈埋個汁超正。✨東菇都好大隻炆得夠入味，西蘭花唔會太生，拎黎掃埋d汁一流。✨白灼生菜爽口翠綠，沒有半點苦澀味👍🏻✨香煎鹿兒島牛柳粒（$48)： 一客十粒，個牛軟硬適中，唔會太韌，不過略嫌牛味唔係太濃，但係個芥末蜜糖汁我就勁鍾意。✨黑松露四頭南非鮑魚意大利飯（$88): 呢個新菜式都幾有驚喜，估唔到隻鮑魚都幾大隻唔孤寒😍仲好厚肉好彈牙添。個飯粒粒好飽滿，帶點黏性，鎖住醬汁。食落好香既黑松露味，入面仲

今日喺筲箕灣見完客，就同同事去咗東大街食個lunch。 估唔到就咁好彩遇到呢間小店 真心值得推介。我哋喺度諗緊揀邊間食嘅時候， 咁啱見到撈喜入面有枱客啱啱走咗，仲見到門口有人大熱天時都企係店外等外賣，心諗應該唔錯，於是即刻入咗去坐。小店 一眼望曬唔多於十張枱， 但就好整潔企理。樓面得一人負責，廚房都係得一位廚師， 另外有個姐姐應該係負責洗碗嘅。樓面個員工好有禮貌，我哋一坐低即刻斟茶畀我哋。 因為隔離枱要買單，所以佢遲咗畀餐牌我哋都即刻講咗好幾次唔好意思。 呢個時候我哋就發現點入面貼滿好多賣燉湯券嘅Packages，所以就諗住叫個午餐加個湯黎飲下。點知落單嘅時候發現唔單止啲湯已經售罄，午餐入面嗰啲特飲都賣曬，淨得汽水。 本來因為咁心情都有少少唔好，但後來食物上枱一開始食之後，咩嘢怒氣怨氣都冇曬，仲好慶幸之前冇嬲到走人。最先上檯嘅係蒜香牛油龍蝦黑椒闊條麵($98)。 估唔到有成半隻龍蝦，而雖然帶子唔係好大粒，但睇落煎得唔錯。 嗰外籍同事一路食，一路讚好，搞到我忍唔住問佢可唔可以試少少。 果然真係超級al dente，仲有濃濃嘅蒜香味，每條麵都可以睇到上面有好多蒜蓉。 真係好多西餐廳都煮唔

香港區代表同我講筲箕灣有好多好野食😁😁我話我去都未去過筲箕灣，根本都唔知有咩好食😆😆佢話佢讀書時期在筲箕灣打滾，今日就跟佢遊一下筲箕灣🤣🤣先去食了傳說中勁好食的雞蛋仔後，又帶我去食花膠同鮑魚😍😍初初餐以為很昂貴，原來價錢都好親民。我哋叫了#日式花膠撈蕎麥麵 及 #黑松露四頭南非鮑魚意大利飯 ，價錢方面前者是＄68連油茶一碟，後者是＄88，是即叫即制的，製作時間約10分鐘。我哋2人share花膠很爽配上蕎麥麵極之健康，想keep fit食佢幫到你😊😊四頭南非飽，很淋仲彈牙架而且好入味，極美味😋😋意大利飯不得了，好sticky黑松露味很濃，總之好好食。餐廳座位不多只有18個，今日星期六下午lunch time都好full, 不過等待時間不耐。今個午餐好美容同養顏，性價比又高，味道又好，我一定會再來的。👍🏻👍🏻👍🏻😏😏

星期五的晚上走到東大街的小店加班了一星期 要輕鬆一下 食豪啲 食好啲選了兩個套餐 湯：海參燉雞、古法海中寶兩款都清甜 足料 湯頭完全不同 飲完已覺得滿足麵：招牌花膠撈（花膠都幾厚，仲有隻大菇，撈麵個汁都好好味 😜）麻辣海參撈（少少麻 唔算辣 適合想食香口人士）小食：泰式豬頸肉（少少辣，幾香口）鹿兒島牛柳粒（一口牛 生熟適中 唔錯）仲有冰鎮鮑魚都唔細隻架！

今日同朋友一齊食晚餐，佢話有間在筲箕灣的餐廳有雜誌過介紹食花膠好正，所以今日黎品嚐一下這間小店光亮又簡單設計，牆上有好多推薦的菜式，好吸引！我們叫了招牌花膠撈麵同一個時令推薦的龍蝦帶子寬條麵招牌果然無錯，麵好爽口彈牙。花膠好肥美香滑，仲有一隻厚厚入味香菇。加埋西蘭花，一流！龍蝦好大隻又爽口的蝦肉，帶子好香黑椒味又香脆。寬條麵好專業，有意大利餐廳的水準！我們還叫了招牌花膠燉雞湯雞湯好清甜唔咸，湯是透明的，材料好足，雞肉好滑及花膠好厚身好腍，飲完一點也不口渴，無味精之選！靚女必要飲這個介紹花膠對不同人士的好處，總知就是男女老少都適合木瓜好多又甜，燉奶好滑好香，花膠又有口感有滑，配搭得好好，又唔會好甜，材料真係好正！

今日放工後相約好姊妹黎到這條出名的東大街食晚餐。我們黎到這間餐廳。這間不是很大的店；木椅木枱、簡潔乾淨；我們叫了2個主食、一個湯及一個甜品。1. 招牌花膠燉雞湯一上枱就聞到好香的雞味，好清甜好足料又豐富湯料，有：雞腳、雞肉、瘦肉、紅棗、杞子、當然唔少得花膠啦！好大塊又軟腍有口感，好正又無味噌的燉湯2. 蒜香牛油龍蝦黑椒帶子寬條麵好香又熱辣辣，將帶子切開來煎、讓帶子燒得外脆內軟，黑椒味好香濃好野味；半隻龍蝦好滿足喔！好彈牙的肉、香香脆脆的外殻有濃濃牛油香；寬條麵有好多甜甜又爽脆的洋蔥，配搭得剛好，寬條麵軟硬度剛好，汁不會太多3. 招牌花膠撈麵花膠好大塊又有口感，食完真係會靚靚冬菇好厚身又入味、西蘭花爽脆健康、麵好彈牙又份量多、汁剛好不會過濃又不咸4. 花膠木瓜燉奶甜品好好味呀，不會太甜；奶好香，我最喜歡奶的滑又濃；木瓜好多塊好腍又清甜；花膠增加口感，好完美的句點