撈喜 (已結業)

今日朋友帶我地食花膠撈麵，聽落都奢侈呀💰《黑松露汁花膠撈蕎麥面》$72一上菜嘅時候真係嚇親呀！首先冇諗過花膠真係咁大，第二就係我心目中嘅蕎麥面唔係咁，本身以為蕎麥面會係日本冷麵嗰種🤦🏻‍♀️呢隻蕎麥麵麵質偏硬，爽口～超級多黑松露醬絕對夠撈晒大大碗面，雖然略嫌黑松露醬唔夠香，不過都唔錯花膠真係超級大，如果可以再淋少少就更好喇仲有大大粒花菇嫁《花膠撈蝦籽麵》$68呢個餐係午餐黎，所以會跟一碟油菜嫁呢個面嘅花膠一樣都係咁大塊，面質亦同另一款面差不多～呢款就比較清少少，唔鍾意太濃味嘅朋友揀呢款就冇死喇油菜都好大碟架，夠兩個人食

又黎到東大街搵食, 聽朋友介紹附近有間花膠撈麵,最岩女士補充骨膠原， 今日過開黎特登試下！ 地方唔大，但時間尚早加上又落雨所以今日唔算多人！首先叫左個小食, 牛柳粒煎到7 成熟, 一D 都唔韌, 配上芥末蜜糖汁令人食唔停口！整返碟鮮嫩油菜添健康，啲菜勁清甜。必食ge 招牌花膠撈麵, 大大塊花膠, 爽口又唔會過份黏口, 唔中意食粗麵仲可以轉蕎麥麵或者烏冬。仲有西蘭花同花菇！只要叫正價撈麵加$28 就有一隻冰鎮鮑魚, 鮑魚彈牙, 鹵水又好入味, 好抵食！原來食花膠都幾飽肚下，食飽先發現原來仲有花膠甜品, 下次黎一定要試下

睇過Facebook推介，於是特登在端午節假期呢日跟老公來筲箕灣拍拖食好西。作為花膠控的我，一聽到有平價花膠餐食緊係十分興奮！叫咗招牌花膠麵同美人湯，雖然都是$58-68，不過花膠大大片，絕無欺場！個湯真是原盅燉，雞味濃郁，紅棗同枸杞落嘅timing好恰當，甜甜地，雞肉雞腳都食得。講返個麵，花膠唔使講啦好大件，就連陪襯嘅部分都十分驚喜，蝦籽麵好香，冬菇都好入味。正正正！

東大街美食多籮籮，媽媽早前話想食呢間餐廳，放假就做乖乖女帶她來午餐啦。13:30來到唔算太多人，食物出得好快，返枱都好快。招牌花膠撈蝦籽麵配油菜都只係$68花膠柔軟易咬開，撈麵爽口彈牙，多汁美味，還有冬菇同西蘭花做伴菜，午市套餐黎講都幾抵！加$10可以有杞子桂圓茶，冷熱皆可杞子明目抗衰老滋補，龍眼肉補血安神，我同媽媽當然叫返杯熱既飲下，飲完都好訓d！香煎鹿兒島牛柳粒$48牛柳粒大小適中，亦唔會太熟而韌，芥末醬豐富左牛既味道，好食！蜜椒雞中翼$28至鍾意食雞翼，黑椒有小小嗆鼻不過好香，加左蜜糖調和返嗆鼻既味道，雞翼大隻多肉亦好嫩滑，滋味小食必定要選這個！

見到呢間食評唔錯，所以尊登同老公試下，果然沒有失望！預早book 了位，大概7 pm 到餐廳，已經有幾枱客，看來平日晚上生意也不錯喔。看看餐牌，撈喜豪華餐$148/位，有招牌花膠撈麵，原盅燉湯，小食，菜，十份抵食！套餐我們選擇了招牌美人湯（花膠燉雞）同泰式豬頸肉。先講招牌花膠撈麵，有2 件大花膠，燜得好淋，伴以花膠汁，好味！撈麵足夠一個女生分量。招牌美人湯，好足料，有大大片花膠，湯味濃郁，沒有味精，好好飲！泰式豬頸肉，不過不失。另外加$28優惠價叫左一隻冰鎮鮑魚，抵！

I was looking for comfort solo dinner, and was attracted by the fish maw pudding, what an interesting combination!Signature Fish Maw Lo Mein 招牌花膠撈麵 $68Fried Pork Jowl in Thai Style 泰式豬頸肉 $38Smelled and tasted so good!! 木瓜花膠奶凍 $58What I was coming for. I originally love pudding and well enjoyed this match with papaya and fish maw冰鎮鮑魚 $28A good deal! The waitress also nicely offered to help me cut it into slices for my ease. Quite considerate and heartily!

今日因探朋友到筲箕灣，見到一間小餐廳撈喜，發現撈喜的南非鮑魚撈麵及招牌花膠撈麵.......等，十分吸引，於是與朋友一斉決定試嚇。餐廳枱及椅用純木做，室內裝飾簡潔得來令人感覺非常舒適。餐牌款式雖然不是很多，但好似都很難選擇呢，每樣都覺得不錯。最後終於還是選擇了南非鮑魚撈麵及招牌花膠撈麵。南非鮑魚撈麵$108鮑魚撈麵有十分厚肉的苳菇及爽口消滯的西蘭花拌碟。當然我覺得最搶眼的肯定是大大隻的鮑魚，鮑魚帶著少少𡁻口，少少爽，㸃上特製的鮑魚汁，更為南非鮑魚增添鮮甜味。撈麵與鮑魚汁拌勻，真是又爽口又好味招牌花膠撈麵$68。招牌花膠撈麵與南非鮑魚撈麵一樣有十分厚肉的苳菇及爽口消滯的西蘭花拌碟。我最喜歡花膠啦，花膠大大件，需然不是很厚，但都很大件。花膠軟軟滑滑，十分有口感，聽說花膠骨膠原很好，所以我特別喜歡呢。撈麵吸收了花膠汁，也很好味呢。香煎鹿兒島牛柳粒$48金金黃黃的牛柳粒見到已令人垂涎，廚師將火候拿捏得十分好，牛柳粒剛好七成熟。牛肉味十分重，沾少少芥辣蜜糖汁，令牛肉味既鮮又惹味。

平時想飲靚湯，一般都是去酒樓才有真真正正的靚湯，今日偶爾到筲箕灣一間小餐廳撈喜，居然發現撈喜的燉湯真材實料，十分不錯。餐廳不是很大間，室內裝飾簡潔優雅。可能是落雨又比較夜的關系，人不是很多。南非鮑魚撈麵$108鮑魚撈麵拌有大大隻厚厚肉的花菇及青翠欲滴的西蘭花。廚師都很細心，將一隻大大的鮑魚，切開厚薄適中的一件件，令食的時候十分方便又可以分享食物。食麵都可以食到大大隻的南非鮑魚其實真是覺得有點驚喜。南非鮑魚帶點淋滑，味道鮮甜，真是必食之選。招牌花膠撈麵$68。我最喜歡花膠有骨膠原，所以㸃了招牌花膠撈麵，也有大大隻厚厚肉的花菇及青翠欲滴的西蘭花。再搶眼的當然是花膠啦，花膠大大件，淋中帶滑，撈麵與花膠汁及蠔油拌勻斉食，味道不錯，真是不失為招牌花膠撈麵。花膠燉雞(招牌美人湯)$58。招牌美人湯幾個字吸引了我，於是㸃了個花膠燉雞(招牌美人湯)，湯是用常見的家用燉盅盛載，見到已有一種家裡燉湯的親切感，湯裡面花膠雞十分足料，湯底晶瑩通透，特有的燉湯特色。先試一口，感覺老火湯的味道，清.甜.微帶花膠膠質的口感，正正就是老火湯的味道，十分贊。

工作關係間中都會去筲箕灣, 每次都要去東大街潮聖搵下好野食 之前經過撈喜已經覺得好吸引, 趁呢排落雨冇咁熱就去試下先小店裝修簡簡單單, 睇見牆上面食物照片已經肚餓等食果陣仲可以睇下食花膠有咩好處, 原來真係男女強身ge 妙品我地呢d 成日周圍去做野冇得食住家飯ge 人梗係要叫個花膠燉雞湯潤下個湯真係好足料, 唔只2塊花膠, 仲有瘦肉, 雞肉, 紅棗, 杞子...飲飲下見到原來仲有燉湯劵賣, 住附近ge 朋友可以買多幾張飲慳番好多時間唔洗自己煲飲完個花膠湯就食個黑松露四頭南非鮑魚意大利飯, 黑松露香就一定架啦, 個飯仲煮得岩岩好, 唔會食到中間有未熟ge 感覺

剛好到太古城買嘢，順道落筲箕灣東大街逛逛。因爲是雨天又是閒日午市，街兩旁的各食肆都唔係太多顧客。正想吃那間時，記起某次在電視節目中介紹過東大街有間平價花膠撈麵，於是來到了不防一試。鋪仔細細，招牌搶眼，很易找。叫咗招牌花膠撈蝦籽麺，有碟油菜送，$68無加一，價錢算平。招牌花膠撈蝦籽麺，碟上花膠薄薄一大片，有成隻女士的手掌咁大塊，下面用西蘭花和一個厚肉冬菇托住，上枱時很有睇頭和畧驚喜，點都係花膠喎！花膠不太冧軟，反而有少許脆感，好似咬到豬耳軟骨的感覺。花膠本身無乜味，靠撈汁和灑在其上的蝦籽來吊味。老實講，我較喜歡吃軟冧滑的花膠質感多些。反而蝦籽粗麵是吃到淡淡蝦籽味，麵爽好吃。哇，送的生菜頗多，不過油分也多。

身邊好友對我上次食嘅花膠撈都好感興趣，所以今日特意揸車過黎食lunch。非常好運喺附近泊好車，撈喜咁岩又有位...yeah✌🏼朋友首次到來，緊係食花膠撈。而我就揀左試新野 - 香蒜龍蝦帶子闊條麵，但都要加盅湯，因為呢度嘅中湯實在太正，鐘意食湯嘅人，無論大熱天時都係會想飲啖熱湯。今日就來個中西合璧！先來魚翅雞湯，燉盅就像百寶袋一樣，放有多件豬肉、雞肉雞腳，還有不止一梳魚翅，湯頭清甜，感覺好滋養然後就眼望住朋友慢慢把花膠撈食完，我的闊條麵終於來了，沒辦法西餐是要等一等雖然不是第一次接觸西餐，但店員遞上之際，還是覺得好驚喜，半隻用蒜蓉芝士焗過的龍蝦 (不過是螯蝦啊)，闊條麵上放有輕煎過的帶子。帶子煎得剛好，心還幼嫩 ; 龍蝦起到一大件肉，入味又爽口彈牙。唯獨碟底較油了一點，就差這一點點就💯

呢日去左筲箕灣呢邊探親戚，之後就同媽咪尼左東大街天后廟附近既撈喜食啦。店面唔係好大不過坐得幾舒服見到D Poster既野食都幾特別。聽講呢度最出名係花膠撈麵，仲有鮑魚撈麵tim，不過因為lunch 費事食得太heavy所以我地就冇點到啦。我地叫左安格斯牛肉撈麵，撈麵非常爽口，牛肉份量好足夠，加上薑葱好好味雞翼好入味，肉好嫩滑泰式豬頸肉，燒得好juicy, 跟埋沙嗲醬，辣辣地既味道好正，份量仲要勁多

雖然東大街同我距離唔係好遠 又有人成日介紹d野好好食但我都淨係去過意兩次今日趁住weekend未知去邊好 就過黎食lunch行左條街一轉 最後就決定食呢間menu幾特別既餐廳Lunch set價格$48-68送油菜 價錢合理另外仲可以散叫其他主餐牌入面既食物叫左一個黑松露四頭南非鮑魚義大利飯個飯一嚟到已經有陣陣既黑松露香味食落真係好正 每一啖都有好重既黑松露味義大利飯偏硬 係我喜歡既軟硬度鮑魚肉質厚實 食落好重味道另外叫左個招牌花膠撈蝦籽麵花膠大大片既 好重本下面仲有冬菇同埋西蘭花花膠煮得好淋 咬起上嚟膠質豐富 冬菇好香 口感都一流蝦籽麵撈埋d汁食唔會鹹 味道調得剛剛好而且麵既軟硬度適中 跟餐既油菜感覺好新鮮上檯既時候就覺得顏色好靚食落爽脆鮮甜我地仲加左個蜜椒雞中翼雞翼炸得好香脆 上檯既時候熱辣辣裡面好有肉汁 雞肉好嫩滑面頭甜甜地 帶微微辣味 味道配合得好好我覺得呢間餐廳食物幾特別食物質素高 價錢都唔貴有機會會再去

今日過筲箕灣分公司做替工,搵餐好嘢食獎勵自己,約埋朋友去到一間「撈喜」的餐廳,看見有鮑魚撈麵等高檔食物便入去試,位置不多但係整潔舒服,餐廳應該是自己一家人經營,廚師是一個30歲到的年青人,見到他好有心機及心思,將食物烹調之後再由他媽媽送到客人枱上,希望他們繼續維持將高質素的食物送到每一位客人。南非鮑魚撈麵$108鮑魚撈麵，賣相美觀 ， 鮑魚爽口兼彈牙再配個蠔油汁撈麵， 再加多個材料十足的原盅燉湯，簡直超級享受。香煎鹿兒島牛柳粒$48 ，肉質夠juicy份量又夠多十分抵食。唐生菜夠鮮綠，份量適中。餐牌仲有好多不同的小食提供。因食物質素優質 ，午餐價錢都算合理。

筲箕灣不是太多著名的食店,如不是朋友帶我去「撈喜」食嘢 ，我就不會食到一塊和我的手掌一樣大的花膠撈麵, 叫咗一個撈喜豪華套餐，食後真是很有驚喜。大家都知道花膠是最滋補的，配埋個蠔油汁撈麵，超底爽口彈牙， 滋味無窮套餐包括有這花膠,杞子,雞腳,原盅燉湯,十分足料，又一再滋補。再配新鮮翠綠的生菜。炭燒豬頸肉， 肉質好彈牙又不韌，好味!豪華套餐148有花膠撈麵、花膠燉湯、 炭燒豬頸肉同田園青菜, 相當抵食。仲有其他不同款式的小食,撈麵及燉湯都好抵食。