敏華冰廳 (MOKO新世紀廣場)

營業中

休息中

呢幾年冰室開到成行成市，主打懷舊風，但其實唔少冰室質素都參差不齊，但今日呢間敏華冰廳就真正做到抵食又好食沙茶牛肉公仔麵配炒滑蛋及脆多士（$37）炒蛋細嫩幼滑，加上半溶牛油一同放在脆多士上，每啖都食到3重口感；沙茶牛肉比較特別，一般茶餐廳多數用沙嗲牛肉，但估唔到沙茶醬都幾好食公仔麵的湯底有少少似五香肉丁湯底，少少辣，朝早食零舍開胃～跟餐仲包埋熱飲，我就+$3叫左凍奶茶，呢到奶茶成杯都冇冰，有d似出面十幾蚊既樽仔奶茶，但加$3就飲到，絕對係抵食又好食

之前來敏華覺得食物ok.今天下午5:30來，人客幾抬，想order食物没人理會，叫了3次，一個籃色衫服務員反問為何要大聲叫人，我都唔想，待應又倾計，又设道歉，態度又差，唔怪生意差了很多，除了新冠，自己服務態度都那麼差。沒下次。😔😔

好耐無出旺角呢！襯今日出去整頭髮就梗係要行下喇！之後仲去左花墟行左轉，買左扎至愛既黃玫瑰呢！言歸正傳，行完花墟梗係要去醫肚喇！正想著食咩好既時候，叮！新世紀有敏華喎！於是........黯然銷魂飯~~我嚟喇~~~~~~即烤燶邊叉燒+流心荷包蛋+醬油，真係無得輸，由於個人比較重口味，所以濃濃既蛋黃加上濃濃既醬油.....響呢個moment又點小得一杯凍檸樂呢！靜雞雞話你地知，個飯嚟之前，我仲食左個新鮮出爐（阿姐話㗎！🤣）既酥皮蛋撻呢！

又來到敏華冰室，咁今日你係食下午茶唔係食午餐，敏華長期都keep住有幾多人喺度食，下午茶都唔例外，好彩唔使排隊，咁今日下午茶就唔食叉燒飯，咁我叫咗個荷蘭煉奶西多同凍咖啡，另一個就叫咗個常餐，叉燒湯意粉拼雙腸炒蛋牛油厚多士，咁見到佢蛋撻啱啱出爐，忍唔住叫多個酥皮蛋撻，個西多舊牛油超大夠超肥仔，正，我覺得西多一定要配咁大舊牛油，呢個仲要係鹹牛油，糖漿啱啱好，又夠熱，炸到金黃通透感，非常出色，個蛋撻就好一般，個酥皮太油又軟琳琳，又冇蛋香味，好扣分，個凍咖啡好夠香，又冇另加冰溝淡，值得讚賞，叉燒湯意粉個叉燒同暗然銷魂叉燒蛋飯好似有少少唔同，味道尚可，個太陽蛋煎得非常之好，加埋舊多士係一絕，腸仔就正常超市貨

係新世紀moko既角落，有一間港式冰廳經常行過都見距人山人海據聞依度既菠蘿油，同黯然銷魂飯非常出名，不過我今日係朝頭早黎食早餐，試唔到個黯然銷魂飯有幾銷魂我覺得敏華冰廳個招牌logo設計得幾靚門口係cashier, 行入去先係餐廳坐位餐廳長期都好多人，可能係冰廳開正酒店門口，見到有好多外國人去幫襯open kitchen 見到煮食過程，感覺好似衛生啲太早黎既關係，只係得早餐供應炒蛋炒得香滑，蛋漿無太多既調味，反而食到更加多既蛋香味厚多士唔算好厚，但烘得香脆鬆軟忌廉火腿通粉，湯底有好香既忌廉味配埋杯凍齋啡三十八大元，如果比起去排長龍去食光速餐，我更加偏向選擇依度

1）餐廳有位坐，叫你出面排隊等，排頭高過五星級酒店2）餐廳電子化，用tablet 落單，但程序比落手寫單更慢，要有耐性啟動tablet，逐樣慢慢落單，order一杯熱檸茶要等30秒才成功完成落單3）經理假裝很有禮貌，但其實態度極度惡劣囂張，從來沒有聽過「請等等」，「唔該」這些有禮貌的句子這麼難聽4) 食物質素雖然不差，但有這樣的團隊應該非常容易趕客!總括然而，旺角這麼多食肆，這樣的冰室應該很難生存下去吧！

今日去咗食我最鍾意嘅茶餐廳，茶餐廳嘅特色就係快靚正，而且我哋香港擁有世界獨有嘅港式奶茶 ， 但係大家知唔知道其實奶茶同茶走有乜嘢分別，咁其實奶茶就係落糖嘅，而茶走就係落煉奶嘅😂。咁最大嘅分別係一個係死甜一個唔係 所以好多識飲奶茶嘅人都會飲茶走🤣因為的而且確係好飲過普通奶茶好多🙋🏻‍♂️咁個飯大家應該知係乜嘢啦 就係叉燒煎蛋飯 亦都係好多茶餐廳成日都有嘅餸😂😂😂😂呢個蛋我覺得幾好 因為係窿邊蛋 所以食落口脆脆地幾正 而叉燒都係爽口嘅我覺得大家如果經過都可以去食下🤞🏻雖然味道唔係超級出色 不過價錢都對得住

最近用黯然宵魂飯做賣點既餐廳都不少，但如果只係普通叉燒煎蛋飯既又點配用嗰咁特別既名呢，所以一有機會就會試下不同既所謂黯然宵魂飯，睇下係唔係真係有料到。今次同朋友去開MOKO睇戲，順便就試下敏華既黯然宵魂飯。叉燒係典型既味道，但因為厚切，咬入口保留到肉汁，肉味亦香濃，做得不錯，雖然肉都算淋，但因為偏瘦，如果年紀大點可能會咬得有點吃力，如果一碗四塊改成五塊甚至六塊，薄一點應該更好咬口。另外煎蛋有點偏熟，如果可以選擇生熟程度會更好，豉油充滿蔥油香應該係自製，有誠意加分。另外見到隔離枱有蛋撻好靚仔，我地都叫左兩隻，買相非常高，味道都不錯值得一試

去得敏華冰室，有幾樣嘢通常啲人都會食，一係就係黯然銷魂飯，一係就係菠蘿包，我揀嘅就係黯然銷魂飯。暗然銷魂飯，如果譯做英文就係sorrowful rice 或者 tragedy rice。就咁樣講返我呢次食到嘅暗然銷魂飯。叉燒好鬼瘦，雖然用梅頭肉係燒得好香，但係好黯然，在於叉燒嘅肉質好硬，而且咬落乾爭爭 。 飯都好黯然，煮出來的白飯是一粒粒又硬又有骨，我比較偏向鍾意食軟飯，硬嘅飯唔啱我口味。好黯然。我提醒侍應，話明唔要落豉油，點知呢碗飯有好多豉油，我覺得好咸 我同侍應講，可唔可以換過一碗，佢話有難度。咁即係我要被迫去食，我果日唔食嘅豉油。真係黯然神傷。大失所望。

敏華冰廳近來愈開愈多間分店，下就見肚餓就一於入去食返個常餐～我就叫左依個餐，入面有五香肉丁公仔麵，配雙腸炒蛋、牛油厚多士（$52）。佢個炒蛋炒得好滑，唔會老，有口感，而且份量都多；多士就烘得好靚👍🏻👍🏻👍🏻而佢個五香肉丁公仔麵都好好食，公仔麵冇overcook到，幾彈牙，配埋五香肉丁，好香口惹味😋😋😋配埋一杯港式奶茶，奶茶既奶味出，略嫌茶底未夠濃，而且偏甜，下次都係叫返少甜🤣😋

話說尋晚放工自己一條友， 見咁啱有冇乜人陪我食飯， 咁就自己毒過兒試下呢一間敏華， 因為始終一條友食所以好快已經有位畀我， 咁自己就嗌咗一個黯然銷魂飯。 等咗唔係好耐，飯已經送到。 其實呢碗叉燒飯，叉燒半肥瘦， 係水準之作，同埋佢都擺咗隻好大嘅雞蛋。 所以係非常之好食 ，D蛋漿餸飯係非常好食，再加上佢啲豉油汁， 好快我已經扒曬成碗飯! 另外我建議食客可以試埋佢杯凍奶茶，因為佢杯凍奶茶都茶味香濃， 同埋茶同奶都balance到。 絕對要試下呢一度啲招牌菜咁多人等都唔係浪得虛名!

近近地去左新世紀食晏，一上到去第一間就見到敏華，之前飲過佢地既奶茶都不錯看，雖然要排下隊，但都好想食哩間😘😘😘座底都一點半啦，食午餐好下午茶好呢🤩🤩最後同男朋友嗌左「沙茶醬牛肉公仔麵」「炒蛋雙腸多士」「凍奶茶」同埋黯然燒魂飯🥰🥰 熱茶走😋😋😋黯然燒魂飯啲叉燒聲稱係用炭火燒，果然無令我失望，咬落去啖啖炭燒味道，外脆，啲肉汁銷住，配埋叉燒既油脂，真心好食，不過食食下我就諗，啲叉燒咁似豬頸肉既？其實有無人知係唔係呢？「沙茶醬牛肉公仔麵」既牛肉真心無得頂啵，沙茶醬牛肉好入味，係好食過平時既沙爹牛肉麵呀😋😋炒蛋keep到水準🤗不過兩條腸仔就hea左啲，齋烚完，如果煎幾煎就好啦🙏🏻🙏🏻🙏🏻「凍奶茶」我嗌左少甜，不過都係好甜，所以要求換過杯，侍應態度好衰，令我有bad feeling😫😫換完之後成杯水既味道，無茶味，係一啲茶味都無喎，唔換唔得😫😫😫所以要求再換過，點知都係咁難飲🤫🤫最後嗌多嗰茶餐，煎雞翼配熱咖啡，煎雞翼有啲南乳既味道，我覺得唔錯！哩度既野食係好食，但奶茶同侍應態度好唔得，希望下次會有進步🙏🏻

行過旺角新世紀廣場，想停下來食個茶餐，不過最後食個正餐，想試下敏華冰廳的招牌《黯然銷魂飯》，其實是叉燒煎蛋飯，一開始食先把個流心蛋捅穿個蛋黃，澎湃的蛋汁流落米飯及叉燒上面，飯中加入了自家制的頭抽，特別美味鹹香，叉燒都燒得香焦，厚切叉燒可保留肉汁，而且咬下有嚼頭，叉燒是半肥瘦，油香鬆化，再吃啖金鳳香米，米飯香軟夠幹身，夠曬煙韌，再歎杯土木熱辣辣的奶茶都只是$65，奶味足，茶香甘醇，奶茶的水準都不錯。

前幾日同朋友行街行到又攰又餓，經過呢間茶餐廳一於入去食個茶餐先！星期一晏晝居然都咁多人，要等位喎！好彩人流快，等左一陣就有位喇！喺門口見到啲蛋撻幾靚，一於試下！果然有驚喜皮脆蛋香滑，雖然唔係剛剛出爐，但都熱熱地，好好味啊另外叫左個五香肉丁麵加滑蛋厚士多茶餐（肚餓得濟無影相）滑蛋炒得好滑，有蛋香！五香肉丁唔太肥，丁麵唔太淋，唔錯！食物質素好好，唔怪得星期一都咁多人啦！今日發現朗豪坊都開左間分店，正呀！可以做飯堂！一定會再來

自從朗豪坊開咗呢間茶餐廳之後， 我都成日去。我唔係特別鍾意食茶餐廳嘅人，不過呢間茶餐廳嘅食物質素真係算好高，而且最難得嘅係服務態度好好！ 蛋撻同菠蘿包就真係唔算特別好食，但係其他嘅食物質素都非常好，值得推薦！蔥油豬扒煎蛋飯做得好出色！豬扒口感好，又有好香嘅蔥味配搭得好好！叉燒飯都係唔錯嘅選擇！我個人最鍾意食嘅係榨菜肉絲雞翼公仔麵！公仔麵好香麻油味！蛋撻同菠蘿包感覺一般蛋撻冇乜蛋香味整體嚟講係呢度食茶餐食物質素好 員工服務態度好，價錢同出面嘅又差唔多 性價比好高😍