敏華冰廳 (MOKO新世紀廣場)

營業中

休息中

工作關係經常去MOKO, 餓餓地食咩好？無理由次次去上面D靚靚餐廳，做埋都唔夠食，又唔想咁熱行落去。MOKO地下有間敏華冰廳，都算商場抵食之選，佢週末好多遊客排隊試佢嘅＜黯然銷魂飯＞架。星期日下午茶時段又超多人排隊喇，你睇你睇...呢排做野有D傷神，所以我同個同事去試下佢嘅招牌飯。我地叫左個<常餐>同<黯然銷魂飯>一齊share食。常餐叉燒意粉＋炒蛋＋腸仔＋多士，包熱飲杯，HKD 58。野食係正嘅，叉燒半肥瘦好食，多士夠厚，炒蛋夠多；但價錢略貴。呢碗飯都好大碗，叉燒唔算好肥，蛋都煎得脆，加埋個鼓油確實，HKD 65個餐，雖然份量幾多，但係覺得食叉蛋有d貴，不過主供遊客食品價錢就係略高架喇。🙄感覺係食物質素好，但係價錢略貴，因為份量相對比其他冰廳大少少，咁佢自然又可以收貴點把件事合理化，咁大家都可以同朋友share 食更化算之如，以免做大晒鬼。

午膳時間，小編同同事就落咗去moko度食lunch。提早咗少少去呢間冰室，因為次次想食但係都大排長龍。今次都唔例外，等左15分鐘左右先入到去。同行三個人，但職員安排左個二人枱俾我哋，之後喺張二人枱度加多左一張圓凳，小編坐咗係走廊中間又逼又唔舒服。叫咗一個常餐，但係真係好失望。🥩夠姜豬膶牛肉米粉 - $59睇個賣相已經唔開胃，薑係一大塊，連切碎小小嘅誠意都冇。但係偏偏係餐廳推薦。牛肉又韌又”鞋”，豬膶就普普通通。但係個湯真係好唔吸引，有啲唔知咩嘢嘅嘢浮面。清湯仲好食過佢，食完個常餐一啲都唔覺得飽，仲要$59咁貴，下次真係唔會再食。

相隔一個月後 再次到敏華冰廳食飯今次到訪旺角店 睇吓員工嘅服務質素如何當日下午兩點去到依然要排隊，不過店員服務態度仍然友善同銅鑼灣相比之下 呢一間嘅用餐感覺舒服啲😌暗然銷魂飯兩隻荷包蛋+4至5舊肥瘦適中嘅炭燒叉燒👍🏻飯嘅份量十分之多，女士應該食唔晒如果會有蔥油就更加好啦😆😆常餐: 叉燒通粉配炒蛋腸仔多士通粉好似快熟通心粉嘅味道，本人十分鍾意不過湯底就偏油🙈另外炒蛋炒得十分滑配上厚多士絕對係誠意之作🥰蛋撻專登等到新鮮出爐！不過味道就未如理想🤢酥皮唔夠酥皮，蛋撻質地食落似未焗得熟，中間仲有少少水汪汪，同埋冇蛋味係一個唔合格嘅蛋撻🥴

最早佢一開既時候係叫文華冰室，但大約一至兩星期後佢轉左叫敏華，早期次冰經過都勁多人排隊，終於揾到日下午茶時間冇乜人就走入黎。個場有幾張吉枱又冇人排隊咁緊係直接行入去啦，點知有個侍應行埋黎問我有冇排隊，但係佢隔離有另一個客直行直過坐低埋，另一個侍應就問佢食乜，都幾好笑嫁喎。我都唔知應該俾乜反應佢好。平時啲茶記應該係唔會有伽央多食，所以見到都即時叫黎食。其實都幾好食，牛油成舊上反而食到佢既甘香味，而且佢哄到個包好脆好香口，好正！而佢既奶茶就好香好滑，茶底味重啲，所以飲到微微既澀味，係港式奶茶獨有既甘香味。呢個就犀利啦。唔知係未之後越來越多人，我入左黎足足半個鐘未仲未見到佢，人地隔離枱換埋人食緊我都未有得食，咁未問佢有未囉，點知個呀姐睇都唔睇就話得嫁啦，落左單嫁啦，多人呀，等下啦！入黎呢到真係一個EQ訓練場，我隔一陣見唔對路，隔離枱都食到一半，叫另一個呀姐黎，佢去催單先知原來廚房根本冇睇到我張單，第一個呀姐而家先黎問長問短話整緊。然後等左五分鐘到已經上到枱啦，呢啲先係應有既速度囉，係未要讚下佢地好叻叻呢。講返呢個意粉味道就不過不失，係平時食開既味道，係嫌蕃茄味唔夠濃。佢地食物質素係幾好既，咁

上次試過這裏的蛋撻念念不忘， 今次帶埋朋友一齊來吃。 我們點了酥皮蛋撻兩個$13， 鹹牛肉蛋三文治$20， 凍奶茶$19，熱奶茶$16。 酥皮蛋撻依然很好味， 但今次沒有熱辣辣的，只有微溫， 蛋漿做得很厚又香又滑， 不枉我專程來吃。 原來這裏的鹹牛肉蛋三文治也很有驚喜， 鹹牛肉份量很多， 蛋炒得很滑。奶茶茶香奶滑， 凍奶茶是沒有加冰的， 原汁原味很好飲。不過店員們的服務就沒有上次的好， 寫漏單， 送錯菜的情況也有， 我這個美味的蛋撻也是一追再追才送來的。

一個人入到間餐廳唔使點等就有位, 但係其實有好多位就夾硬逼我要搭枱 咁都唔緊要態度差到不得了好似一個人去食嘢就 好似乞兒咁, 我只不過唔知道佢要我搭枱啫佢就話"要搭枱㗎", 另外有兩個人就可以坐四個位, 好似一個人食嘢唔使畀錢咁! 其實嗰陣時都五點幾啦佢啲枱都唔滿. 跟住落單嘅時候 同我搭張二人枱嗰位先生 秒速叫咗一個餐, 跟住個侍應 好 鄙視 咁問係咁多啦，叫一個餐?. 由於我仲睇緊食緊咩我冇答佢. 又係你塞我哋兩個搭枱跟住又以為我哋係一齊, 好唔好老皮咁以為我哋兩個 人叫 一個餐. 叫咗個雞翼榨菜肉絲公仔麵係好食嘅, 雞翼醃得好入味同埋係新鮮炸嘅, 炸菜爽脆唔太鹹 , 奶茶就澀 左少少 但係都係好味嘅, 而且旺角嚟講38蚊唔算貴. 但係服務就真係麻麻啦!

由花墟行上去MOKO，經過見到近近地一間港式茶餐廳，就諗住試下，鋪面裝修都算唔錯，一入到門口位置，有位收銀係門面，出面就排隊區，個排隊位奇奇怪怪，完全冇頭緒想人地向邊個方向排，跟住想入黎食既人正常都無視左呢個區域，直闖入去拎位。入到去個個服務員黑口黑面，除左啲廚房仲有些少笑容，好似入黎食野既人都得罪左佢地。睇其他劣評都有一位有提及短髮女服務員，雖然未確定是否所講乃是同一人，但形容得已十分近似，野食都未到已令到客人氣飽。我就係唔中意呢度既服務態度，的確可以永久唔入去呢間分店，一間態度惡劣既餐廳捉以令食客留下永不磨滅既印象，食物質素就算再好都唔夠分比佢扣。

黯然銷魂飯 BBQ Pork With Eggs and Rice (HK$65 with a drink )Ranking: 4/5 ⭐@manwahcafe_如果有睇食神你就明白呢碟野缺少左樣好重要嘅材料，係洋蔥😢呢碟只係一碟叉蛋飯，但以叉蛋飯嚟講個叉燒厚身而軟熟，個邊烤得脆口，有蛋汁加埋甜鼓油撈飯都係一個幾正嘅午餐😋If you have watched "the god of cookery" by Stephen chow, you would know this bowl of rice is more than just bbq pork & egg rice, hence it is missing one v important ingredient - onions, from it. In spite of all those gimmicky stuffs, it is not a bad lunch with tender and freshly grilled bbq pork, with slightly crispy edges, tender meat

「敏華冰室」在港有多間分店，裝潢走港式懷舊路線，當然定價不會停留在往時，絕對跟得上時代喇！ 餐廳的招牌食品是「黯然銷魂飯」... 即係乜？！其實只是叉蛋飯。 餐廳標榜用上自家製厚切叉燒、秘製醬油及泰國金鳳米製作。吃前先將太陽蛋黃破開，以蛋汁拌勻頭抽飯品一起品味，淺嚐味道甜香，多吃則略帶膩意。叉燒約有四至五件，近叉燒頭的位置調味明顯過重，口感略實。中間部份口感鬆軟見層次，效果好多了。計及蜜味肉香，評分不俗，但是否值 $65 (連餐飲) 就見人見智喇！

純粹經驗分享，一晚行完街上open rice見到敏華，咁就一行兩人去食，去到門口5，6人排隊叫野，我就想搵餐牌睇下有咩食，收銀有張痴係枱面有人睇緊，我就入去睇下環境，收銀見狀就喝止我進入，我心諗想睇下都唔得，佢就叫我睇人地食緊野張枱既餐牌，我望左眼，算，走人

閒日,十一點想去食早餐,難得moko開咗茶餐廳,即刻想入去食。見餐廳得幾檯客,大把位。推住bb車入去,有位侍應話入面好細,推車入唔到,完全理解,明白有架bb車好多餐廳都唔係咁方便,始終地方有限,所以都諗住走。想走之際,見門口有張檯, 有一位女士已食完,見佢執緊嘢準備埋單,我就同果位侍應講可唔可以等門口嗰張檯 ,她態度極差,只係好悔氣咁講咗一句"人哋都未食完!"。我只係問可唔可以等,又唔係問可唔可以坐,態度唔駛咁差嘛。好冇癮,即刻唔想食。第二位唔知情嘅侍應好好,見到我哋走都話,咦,呢張檯就走,你可以坐呢張喎。但太冇癮喇,想開開心心食個早餐,唔係想受氣。最後想講,moko係好family friendly商場,所以經常嚟,但咁嘅餐廳就真係冇下次!

今次特登來買蛋撻外賣．門口收銀附近會有個TV倒數緊蛋撻出爐時間．今次我地等出爐仲有三分鐘．本想比左💲先，但收銀話個時間未必準，分分鐘等20分鐘．．．吓！！到倒數到「0」了．夠鐘！叫收銀去問下得未啦，点知佢話吾問，因為廚房D人惡，佢會比人鬧．當然哩D吾關客人事啦！！服務：極差蛋撻：$13 兩件蘇皮夠多層．蛋香差少少．size吾會太細．------------------------------

拍低架車然後就搵地方食午餐，補補腳骨力之後到花墟買花過年。 見到敏華冰廳排長龍， 因為之前都想試這間冰廳，所以我們都排隊， 大約等20分鐘終於有位喇。當排隊的時候見到一個奇景， 蛋撻一出爐全部人出來搶， 我心諗一定好好食啦不過我唔會去搶！ 點知我哋坐低食緊嘢嘅時候， 店員行過嚟問我們要唔要蛋撻，唔使搶我當然要啦！$13兩件蛋撻，我們還點了一個豬潤牛肉意粉配炒蛋厚多士$60，五香肉丁公仔麵配炒蛋厚多士$38，黯然銷魂飯$65。豬潤牛肉意粉 ～ 豬潤湯味龍郁， 豬潤大塊 又唔硬， 牛肉鮮嫩好味，厚多士烘得剛剛好， 炒蛋夠滑！五香肉丁公仔麵 ～ 五香肉丁份量多，這個餐只是$38，抵吃！黯然銷魂飯 ～ 其實是叉燒蛋飯，叉燒肥瘦適中， 份量都幾多一個人食唔曬。蛋撻 ～ 熱辣辣新鮮出爐果然好味，不過酥皮可以再鬆脆d，蛋好厚又香又滑，都值90分嘅！這間冰廳長期都有很多人排隊，坐低之後可以自己用平板電腦落單很方便，食物中上， 店員服務唔錯，下次有機會會再來！

今日買完野拎住一堆野，星期二下午5點、諗住快食個下午茶然後走人，完全無人排隊，亦都坐唔滿人，然後門口位姐姐好得閒傾計都唔畀我入座。明明係有位，佢都繼續同其他伙記傾計，好離譜。搭檯唔緊要你都可以畀張櫈我放野，目測有有至少一兩張直檯，但佢都堅持要我住張無位放野嘅二人檯，又唔係繁忙時間又唔係多人，我都唔係想麻煩佢，但佢態度真係好差，愛理不理，不屑賺你幾十蚊。成日都有人排隊係唔休做，既然係咁都唔駛我地呢啲小市民幫襯，何苦要畀錢浪費時間加受氣。奉勸一兩位嘅食客或者行完街拎住好多野都唔駛再去，唔會有位你坐！

見到MOKO敏華冰廳開左一段時間 keep 住有幾多人排隊，今次特登去試試。敏華餐廳主打黯然銷魂飯（叉燒蛋飯），但去到見到最多人食嘅係超大雞扒/豬扒飯。我試過兩款後就明點解。黯然銷魂飯的確好食，叉燒好香，味道唔太甜或者鹹，咬落嘅質感唔太硬，反而有啲似淋少少嘅豬頸肉。而且佢嘅芙蓉蛋蛋汁同秘製豉油撈埋啲飯簡直一流。但係佢得五片叉燒倒，又唔算大塊，叉燒偏瘦，所以扒飯對比起嚟更抵食。雞扒鬆軟，重點係好大塊，配埋蔥油好香口。我亦都試左牛肉豬潤米粉。豬潤唔太薄，無腥臭味，比一般茶餐廳好食。下次想試埋佢新鮮出爐嘅蛋撻！