敏華冰廳 (壹嘉)

營業中

休息中

今日係灣仔做野，路過敏華冰廳人山人海咁又想食港式茶餐廳，入到去就QR code 落單，今次叫左個港式咖哩豬扒飯，份量充足，豬扒煎完仲有係juices ，冇煎干晒👍🏻咖哩聞起泥好香（個人口味想辣少少），配白飯好開胃，不過價錢貴左dd 。

今日，我和老豆老母老姐一齐去食冻野。坐低后跟住点咗两三杯冻嘢嚟饮，跟住佢送来两杯冻嘢只送咗一个吸管俾我哋，叫佢罗多罗吸管叫咗好耐都唔认。叫咗一半天终于攞过嚟啦连一生对不起都冇。谂住算了唔同佢计较啦。我姐姐睇到菜牌上面有个菠萝包睇起身几好食跟住叫住服务员问咗几句但系未知服务员自作主张把以个菠萝包加咗上去的。真的是无嘢讲，，呃钱都唔系咁啱嘅后边叫服务员取消订单的时中畀我哋面色睇。真是666。真的是顶级服务，，难得有共差嘅。大家快点都来吃，延年益寿！另叫服务员基本不应，我在吃的过程中睇到一个老爷爷叫咗几次服务员都冇人应 。叻叻叻！

叫咗豬膶通粉常餐，豬潤有少少酒味，唔錯！但係呢間嘅員工可能唔夠，服務同服務態度都認真麻麻地！同對面枱不約而同，發現QR code scan落單後，啲嘢唔同咗，唔知係咪有bugs呢？🤔🤔🤔

大家都知西餐出名係慢慢歎，但我估唔到，一個中午放飯時間食到甘唔開心。叫左一個堂食，一個外賣。堂食好快手都上到臺，甘我見飲品未到之前都已經拉拉聲落埋個外賣啦。甘我都預甘上下時間。食完個飯，都心念，雞排飯，正常都要耐d時間。甘又等多左陣，但我冇念過要等30分鐘囉。甘念住埋埋單再追追個外賣，同事答我雞扒飯了嗎。包緊既拉，等多陣啦。甘好啦，睇你地人手唔多，雖然我認為一d都唔忙，同埋見到一個同事用龜速甘出緊飲飲，再望望水吧前邊，邊有同事包外賣，咪行過去囉。就見到個外賣就甘擺左一邊，唔知擺左幾耐。竟然冇包就唔好答人包緊啦。真係差d講粗口。而且d餸仲要攤凍，d凍飲要攤熱，而且要行到埋去佢地外賣位，先有個食飯同事幫手包個外賣囉。除左呢個同事。其他真係睇唔出有做野。真係唔夠人手扭唔該請反d人。之前都有食過，服務態度都唔係話好。但自從今次之後，都唔會有下次囉。今時今日甘既服務態度真係好差。服務如果唔係有個人幫我包外賣，我連個一星都唔想卑。差到極點。

The service is mega slow, full house but only have two or three staffs on floor, should be at least 5-6 staffs during peak hours. All mandarin speaking staff like robot, the service is really bad, as they are not hiring enough staff, so the customers have to wait so long for order their food. Looks like a Hong Kong style restaurant but it’s some Shenzhen quality/ service food. Not recommend to try, and many nice restaurants around the area with better service, environment.

食物無問題，問題係員工質素和態度。場很已經不是一次、兩次經驗了，而是次次。這裏的職員態度好差，一係當睇你唔到，一係眼神接觸後不理你，無奈被截獲及答應了，也不了了知。今日情況，我的餐一直很久很久也不上齊，期間多次請他們跟進，她們只一直說在整作中。大概30分鐘後，有一女士入座與我同枱，期間她下單了，大概2/3分鐘後，她的餐也上了。我非常不高興，我再問該送餐職員，她剛到下單，咁快就有食物，我的呢？是否不打算幫我跟呢？她們見無可能再推辭，才死死氣去真的幫我跟。她們的服務態度一直很差，我今次不忍了，要呻一呻。

返工日子喺灣仔食Lunch 好多人，邊度都要等位，等咗一陣終於有位。我叫咗煎蛋豬扒飯,朋友叫咗特大雞扒飯，已經唔係第一次叫，平時食開水準都ok，但係今次唔知點解啲豬扒好硬好乾，咬到牙較都軟埋，真係失準。叫咗杯熱檸樂煲姜，好彩冇失手，呢杯嘢好有姜味，飲得好舒服。朋友嘅雞扒飯就一貫準，性價比好好，只係飯少咗啲。至於環境,，灣仔食午飯時間周圍都咁多人，敏華算係咁，不過搭枱就少不免，整體嚟講，都係一個禮拜可以去一次嘅餐廳。

成間店樓面得2個，仲要賣埋麵包，食咗個下午茶餐，杯奶茶成十五分鐘都未到，客人個個嘈，有d未食都起身走。人手未夠時，幫趁盞谷氣。因為食咗嘢所以唔走得·，再係咁洛去，招牌不保。

位置好方便，座位都闊落好坐，叫咗五香肉丁通，配兩隻烚蛋同一件厚多士，飲凍奶茶份量好大，五香肉丁好多，通粉好大碗，多士烘得夠脆，烚蛋僅僅熟，好易剝爛，烚多陣熟啲會好啲，杯奶茶好正，又香又濃又醇，冇冰仲唔洗怕溶冰會整到杯奶茶淡咗，整體都ok，出餐快啲會好啲

下午茶時間我哋想搵返間有啲香港特色嘅茶餐廳，就入左去敏華餐廳，裏面裝修好光猛，食咗個雞扒公仔麵加個雜菜湯同檸檬水，個公仔麵炒得都好有鑊氣，雞扒食落都好新鮮，加上啲薑蔥喺面，配搭得唔錯。下午茶時間唔係太餓份量啱啱好雜菜湯有幾種蔬菜，加上味道都幾ok。

灣仔頂更返工唔知食咩好，當眼見到茶記就入去諗住求其食個常餐。呢個常餐$59，深感而家啲茶記真係愈來愈貴🙈沙嗲牛公仔麵麵底質地幾好，爽滑，浸耐左都唔會爛撻撻。湯底夠濃啱我重口味，牛肉都多不過𢲡得耐左少少，焾得滯。火腿双蛋多士火腿都有兩塊👍🏻蛋又可以揀炒蛋，太陽蛋，荷包蛋等👍🏻 多士擺耐左都脆👍🏻其實食完嗰麵都幾飽，女士的話一個餐份量可能有點大，不過，收呢個價錢都應該有番啲份量先抵。熱鴛鴦來到已經凍左啲…奶又重手左…呢個有啲失望

放工時間， 見有位入去食個晚飯。環境都不錯，餐廳好多都是卡位，枱與枱的距離都好舒服。點餐都好方便 ，枱上有QR CODE可以掃描自行點餐，如果你有特別要求，可以備注👍1. 煉奶配西多士份量比一般來話細一點，外表也好似燶左一點。將煉奶搽好上西多士後，味道會更加入味。係燶左小小 ，但又唔太影響，有d 脆口🙈🤭2. 黯然燒魂飯其實姐係叉燒飯，來到個時見到 ，叉燒又係好燶，但d 肉好韌 好乾 份量又好小 。炒蛋都算正常 生熟度適中，還有叉燒飯淋上既汁唔濃唔咸唔油膩，味道尚可用來餸飯 ，值得一讚👍3. （飯跟的餐茶）凍咖啡呢個凍咖啡好濃郁 ，奶味好重，好有南洋既味道（本人比較中意）❤️

人手不足，見好多枱都冇人收拾。侍應幫手落單後等左20分鐘，催左2次單先話我知冇咖哩汁，咁我轉豆豉鯪魚炒油麥，同時再催我男友碟菜莆炒蛋，佢當時已經有點勞氣，明明廚房已經出左菜，d侍應扮睇唔到，由得個餐hea 係度，就算個菜係熱出既，來到我枱已經凍晒啦！公平d講，碟豆豉鯪魚係味道ok既，佢menu寫係用金鳳米，但…個飯一d都唔香，恐怕佢比錯我啦。最後我食完個菜，佢個菜莆炒蛋都未出，算，我直接去收銀 cancel 個餐，催你都費事。收銀時姐姐講：廚房做唔切呀！但我遲過我地下單既人都已經食完，乜真係廚房做唔切咩？

黯然銷魂飯-敏華嘅建議食法係要將流心蛋捅穿撈飯，我好鍾意咁食！我經常幫襯為左食呢個飯，但好可惜每次送餐嚟都要同樓面講，我唔食熟蛋，成日都煎穿晒d蛋⋯⋯73蚊碗飯連蛋都煎得唔好，仲勉強出比個客人！無要求？無水準要跟？高層要跟進下灣仔敏華啦，又成日唔執枱

非常有驚喜的茶餐廳～入邊嘅裝修都幾懷舊好特別！人流都算多～所以就入去試吓啦！黯然銷魂飯實在令我有太多回憶！叉燒10分厚身，味道的確好味！再撈埋半熟雞蛋！完全係絕配！雖然服務態度一般！但味道確實唔錯！