敏華冰廳 (壹嘉)

營業中

休息中

到左下午茶時間，見同朋友經灣仔行街，就不如來敏華食好嘢兼休息下，今次都係食番招牌食物，始終味道真係無得輸：1. 黯然叉燒飯常餐大致上個個都應該食過，不過我覺得灣仔分店啲叉燒特別好食和夠厚肉，所以我都係鍾意來到灣仔店先食叉燒飯常餐。2. 馬來三叔公咖吔多士茶餐我啲朋友通常會走牛油食，個個都怕肥，但我還是堅持食埋塊牛油，因為佢個醬要連埋牛油一齊食先好味😋，而且個多士落左好多醬，好juice, 食完都會繼續食多塊。餐廳服務員好好，整體來講好滿意。

近排因為新冠肺炎，真係少咗好多人出街食平時晏晝係灣仔區搵嘢食真係唔容易，間間都排晒長龍，而家啲鋪頭都少咗好多人但係呢間民華餐廳晏晝嘅時段依然見到有人龍，就證明有返一定嘅捧場客大食妹一於唔執輸，跟住排下隊，排緊隊嘅時候見到個餐牌其實都唔算平，心諗究竟有咩咁特別會吸引到啲人排隊<黯然叉燒飯$68>見到餐廳推介黯然叉燒飯，難得食一次一於試吓個飯一上枱見到嗰幾舊叉燒燒到紅噹噹，嗰邊仲要係脆嘅，即刻心心眼加埋兩隻煎到啱啱好嘅太陽蛋，賣相真係無得輸食暗然叉燒飯，一開始要吉穿兩隻蛋，蛋汁流落去飯度到再加埋秘製豉油，真係好好食貴就係貴左少少，但係間唔中食真係好正

今日1300入黎食晏。一個人搭枱無問題。坐對面位先生㩒緊手機。看似坐左一段時間，仲以為佢食左hea緊。等左大約5至10分鐘，我叫嘅煎蛋免治牛肉飯到嘅時候，呢位先生突然對侍應講：「人哋遲過我黎都有，我乜都冇！」我仲以為我好彩。唔抵食就預左！碟飯細，我好快就食完，大約1330左右。但我杯熱檸茶未到。諗住食晏時間多人係耐少少。於是乎等多10分鐘。呢10分鐘內，對面位先生已經嘆緊熱熱奶茶，眼面侍應不停有凍奶茶、凍鮮奶、熱奶茶拎俾附近D枱。於是我又問一問話爭杯熱檸茶，如是問左三次都未有。最後一次，1340再不恥下問：「我爭杯熱檸茶，問左三次都未有，你哋係咪有乜野問題？」再等多兩分鐘，熱檸茶終於都出場！食茶餐廳有食法國菜享受。招呼一流！！

係銅鑼灣開店時已幫襯，由於我住灣仔，見到灣仔開真係好開心!又多一個選擇!行過去就食到灣仔一開張就去支持，過了lunch time時間都好多人!非常旺場最喜歡的當然是黯然銷魂飯，呢款必點今次試試新意思，點了蔥油豬扒雙蛋飯和馬來西亞咖央多士黯然銷魂飯不用多說叉燒和蛋汁撈埋飯吃真係無得頂!蔥油豬扒雙蛋飯豬扒好似拳頭咁大，一上到枱我地嘩嘩聲咖央多士都好美味當然不得不說呢到既奶茶咖啡都好飲，味道咁好，所以如此旺場囉

兩點二十五分入到去、一入去個下已經聽到打爛野。兩點二十八分落單一碗夠薑豬潤米同凍鴛鴦少甜。凍鴛鴦無耐到、又要學人唔用冰、杯野又唔夠凍、又甜到飛起、無啡無茶味、但眼見在場員工都係愛理不理態度、算數、都廢事要求更換。等左3個字碗野都未到、茶記水準真係不能接受、決定閃人埋單。行到埋收銀講碗野無黎取消、收銀哦一聲然後問個上級拎張卡拍一拍取消、無問任何原因一句唔好意思都無、我就俾杯凍鴛鴦錢走人。今時今日咁既時勢仲有啲咁既質素同服務、不了、無下次了！

事原放工等人見近向度坐一陣兼飲抔野，林住叫杯熱水洗野，嗌極四週冇人，終於自己出手，一倒就倒瀉滾水！成隻手即時變豬蹄！呢間野食過幾次，野食麻麻，服務劣質水平，冇乜野都吾使去

因為在灣仔是新開的，所以好奇去試一次，那個特餐👉黯然鎖魂飯很新奇，賣相不錯👉幾塊豬扒焦焦地，幾好味；蛋不錯，感覺豐富的呢！再加上一杯熱飲，夠飽肚喔！有機會再會去試。温馨提示：若餐牌上有更多種類食物更加理想的呢！

作為茶餐廳，快真係基本需求，一去到明明入面有好幾個單丁位可以搭枱，個帶位知客都仲係話要排隊等，佢黑口黑面嘅態度已經令人非常討厭，入到去叫嘢食，出品少少慢啦，大約5分鐘出到，算勉強可以接受啦，最扯火係個火腿通，得個十條八條，加埋得半塊火腿。大佬，啲火腿好貴咩？駛唔駛慳到咁既地步呀？ 我地俾緊成36蚊一個早餐得半塊肉? 炒蛋多士不過不失啦，最後食晒所有野連杯飲品都未到，趕時間等唔切走左。講真，呢個價錢呢個質素真心唔值

到店見到有個自助外賣機第一次幫襯我7:12叫左一個外賣餐前面有兩個人都係叫左一個餐最終我個外賣要去到7:39先拎到出黎27分鐘等一個早餐 灣仔其實仲有好多選擇期間我聽到第一個叫外賣既打返黎話少左塊多士歐式軟多士（多烘）好似求其烘完就算咁仲衰過大家樂沙茶牛肉公仔麵正常 牛肉同麵有分湯 湯偏少如喜歡濃味既係唔錯 但都幾咸炒滑蛋滑係滑 只係放左係d沙茶牛肉上面我主要都只係食到沙茶醬味蛋味食唔到太出熱好立克（少甜）甜到唔知講咩 仲送多兩包白糖另上———————————————————我相信唔係做唔到多烘或者少甜只係無睇到要求或者覺得自己好忙不過一個早餐等廿七分鐘仲要係咁既質素不如唔好賣呢樣野我唔知邊個部分出現問題者係等咁耐係人手問題定operation問題不過俾個外賣我都無聲sorry黎講可能係佢地眼中等大約半個鐘先有個早餐好閒休閑去hea坐堂食可能係一個好選擇

新開 ～試下 。灣仔區搵食午市之選。午市時間等10分鐘閒日都好多人等位但都排得好快侍應好多，落單都好快手，野食好快到！趕時間食就非常推薦！常餐 $54 ，特餐係飯就6字頭，同區物價 黎講就差不多 。唔算好貴但會有其他選擇！總體就非常普通 ，炒蛋-唔老仲有點滑，腸-普通雞肉腸，多士-烘過但唔好味，沙茶牛米粉，鐘意沙茶會覺好食但我就麻麻奶茶奶同茶比例唔錯 ，飲得過，但好快凍！翻食指數 1星（5星最高）可以試下飯睇落都大大份

I went there for dinner with my boyfriend and I ordered toast while he ordered the special - bbq pork and egg on rice. I got my toast, but we waited 30 minutes before we asked a waitress when the rice was coming. She then told us the dish was out of stock. She offered to change our order which also did not come for the next 15 minutes we waited. We eventually left, my boyfriend still not having had dinner. We wasted 45 minutes at the restaurant because staff members did not have the decency to i

灣仔終於開左敏華冰室，今日有時間終於可以同同事過去食食試下。12點3去到，可能因為我地有6個人，所以都要等左10分鐘先有位。餐廳入面未必適合一大班人食，因為佢全部卡位都係得4人位咋，所以其實最後我地全部人都係分開坐嫁！😭我今次就order 左佢個常餐。。。沙茶牛肉麵 + 火腿蛋奄列+2條腸仔 +多士份量好多，一個女仔其實都食唔哂面唔會好淋，牛肉幾入味不過腸仔就有d油。。。。。。。如果可以少d油會好d嘅！

灣仔敏華餐廳新開業， 今朝早去試下個早餐， 一入門口已經聞到好香嘅鷄湯味， 我一向食早餐有個習慣都係食吉列魚柳或者煎豬扒， 但係畀呢個湯味吸引到，我叫咗一個最平嘅早餐， 榨菜肉絲米加咖啡， 同一個火腿煎雙蛋加奶茶， 果然令我喜出望外， 榨菜肉絲米到嘅時候湯嘅熱度好夠， 榨菜爽肉絲好有肉味唔會一陣雪氣味，米粉又滑又弹牙， 好耐未食過一碗咁有水準嘅早餐米粉， 因為太好食食完之後意猶未盡仲叫多咗一個酥皮蛋撻， 酥皮唔多油鬆化香， 咖啡奶茶亦都好有水準， 值得一讚嘅就係招呼員工都好有友善有禮貌， 大力推薦大家去試下!

環境4分：冰室全部卡位，夠大夠舒服，可以畀四分。衛生4分：新開地方好光鮮，Ｄ包個個用獨立紙袋包，一樣畀四分。服務3分： 人地買上黎，冇感受過服務，所以冇得評，中間位三分。味道3分：1)      車打腸仔包一個八蚊，買兩個就十五蚊可以慳一蚊。個包都好鬆好軟熟，條腸仔正正常常爽爽地，入面加左車打芝士都好香。2)      菠蘿包七蚊個，但就大隻得多，個樣又肥又厚，但係食落去呢就出面好鬆好脆，入面就好似唔係好夠菠蘿味，唔夠甜。抵食3分：七蚊八蚊個包係正常價，三分。

新開張，早餐時間唔算太多人，可能套餐選擇比較少吧！路過見到門口睇既人多，見到菠蘿🍍包新鮮出爐，$13 有兩個，相比附近比較出名的茶記，算係幾平！個play 非常脆口，質素算係中上至於包就平平無奇，大個夾抵死咁啦！