文記車仔麵 (福榮街)

營業中

休息中

平時多人排隊 都唔緊要啦 我老婆就大肚婆黎既 平時都有過好年輕嘅肥仔 都好有愛心既 就算佢咁啱忙緊 送單去隔離舖頭比客人坐 出返嚟都會主動問一聲 唔好意思想問吓你堂食定外賣 就算係外賣 佢都會叫我老婆量體溫 之後坐係收銀後邊果張櫈 但係昨天唔見好年輕既肥仔 咁我就主動問我兩個女職員 可唔可以俾我老婆入去坐住先 去咗量體溫之後坐係張櫈到等住先 之後先嬲到爆 瘦啲嗰個就好冇禮貌回覆 肥啲嗰個就答唔得喎 這兩個職員嘅態度 你哋老闆都能接受 仲可以放兩個職員企一間舖 希望你哋老闆處理呢件事 或者可以的話 其實調番好年輕嘅肥仔係呢間舖頭 因為好誠實 一來佢有好有愛心態度好 成日都好似笑住咁 令到人見到感覺都開心啲。之後排隊到我買嘢食嘅時候 我聽到肥同瘦果兩個女職員講 咪就係呢兩個lo 岩岩問我又問過你吖 你哋咁樣講嘢都得既 唔俾都算 仲要咁樣講嘢 令到人排隊咁耐有得食 食都食得唔安落啦 咁樣講嘢 真係希望老闆處理呢件事 或者日後再來幫襯 希望可以見到年輕既肥仔在本店做送餐啦

文記 大家都知不嬲都多人排隊。作為經常光顧嘅客人都知道，等係好正常嘅事，都接受到。加上星期日繁忙，都預佐要等最少半個鐘。但今次著實令我失望。排隊等待已經見等外賣嘅人起門口塞到滿曬。疫情期間只坐一半，令叫外賣嘅人增加。但是在我等候一個鐘後入座，以為終於可以有得食嘅時候。結果落單後我又等佐大半個鐘頭。原因係廚房不停做外賣，完全忘記了堂食的客人。排隊等，我理解，因為真係好多人食。疫情位置減半要等，我都理解，畢竟處於防疫期間。但係入座後仲要等半個鐘以上，不做堂食單。因為安排不當，不斷接外賣單。不暫停外賣稍作緩和。只是不停同客人講對唔住，尼樣就真係理解唔到。今次體驗十分失望，日後再光顧可能要做好等兩個鐘嘅準備😡😡😡😡😡😡😡😡😡😡😡😡

明明落單有寫要勁辣 但返到屋企食辣 勁嬲 專登落單 專發現冇加到登搭車去深水埗拎文記車仔麵 比放完工超辛苦的自己食 點知單與食物品質不一 超失望 心情變到極差 完全唔想食 哂我時間 哂我車錢 破壞哂我心情

為了減少外出，最近都多了叫外賣。今次是第一次嘗試這一間車仔麵。我們分別叫了兩個自選粉麵加酸齋。以下是我們的外賣單：陳皮魚蛋 還好：偏細粒，口感一般，没有魚味豬紅(連湯) 不錯：滑，没有怪味魚皮餃 不錯：有一般魚皮餃的水準通菜 不錯：新鮮，是用腐乳煮的另外，可以自行決定加蔥花及辣蘿蔔。辣蘿蔔 不錯：醒胃，但可以再好味些整體車仔麵的的份量不會太少，每樣餸都吃得出有獨立的處理和調味。是用心制作的食物，但個人認為可以在咸度上調低點。最後，酸齋吃的是回憶。

文記呢個名聽過好耐喇 今日終於可以去試一試😋 我揀左沙嗲湯底 辣辣地但都勉強接受到既😆 唔係好食得辣既話就建議試下佢個瑞士汁湯底👍 嗌左韭菜餃同瑞士雞翼😍😍 韭菜餃都幾好味 但偏鹹 瑞士雞翼極力推薦😚雞翼炆得好入味啊! 雞肉好嫩滑 係我食過咁多間最好食既雞翼啊👍👍🍖🍖 下次經開深水埗一定會再去幫襯😋

排隊排得耐都算 入黎落單女收銀員幫我落單 就落錯左食物 之後叫職員都冇人應 禁岩見到有個好年輕肥既男職員 大約叉不多一點頭 應該係剛上班 在洗手間岀黎 立刻佢應我 幫我跟番 唔好意思 本人感覺禮貌就係依種 有禮貌既男職員 好有誠意 立刻唔洗5分鐘整番曬出來 成間女既職員真係一啲禮貌都冇 如果唔係有個男職員係到 我都己經大聲大氣話曬你依間女職員點做野 希望男職員之後都繼續系到 亦希望老闆教一教你地啲女職員咩叫有禮貌对住客人 禁樣享受不同的美食 謝謝

I have always liked the idea of cart noodles because I like to pick and choose what components I want to make up my meal. I like how Man Kee goes one step further in providing this flexibility, they let me choose the soup base as well! A bowl of noodles here is highly customizable since you get to choose EVERY flavor! From the toppings, the noodle type, spicy level, and the soup base! You can further customize it with the army of condiments available on the table! How can I not love it? It is pr

每次經過深水埗文記車仔麵門口一定排長龍， 一條街已經有幾間分店， 心諗一定出名又好吃， 近期香港少了好多人出街食飯， 當晚我又要到深水埗買東西， 今次文記門口只有兩個人排隊， 等位三分鐘內一於入去試下。 以車仔麵餐廳格局來計， 文記都算是乾淨衛生又光猛，座位似吃日式拉麵的感覺，檯上放滿很多醬油可供客人食用，價位相比同區當然是貴一點， 幸好食物質素有番咁上下水準， 當晚點了兩碗車仔麵，粗麵＋韮菜餃＋魚肉＋豬紅配腩汁微辣 $45 ＆ 熱蜂蜜雪梨茶 $11和油麵＋豬大腸＋牛孖筋＋西洋菜餃＋魚片頭配腩汁微辣$60 ＆ 咸檸七$11， 腐乳通菜$16。首先講下車仔麵的湯底味甜帶有點辣， 再加上每一碗都會提供匙羹份量的辣椒醬， 粗麵和油麵份量多， 多款車仔麵餸中我最喜歡牛孖筋， 軟腍好味。西洋菜餃都正， 之前有喺其他餐廳食過， 如果鍾意吃西洋菜的就會覺得特別好味。 豬大腸肥美又洗得很乾淨， 每次吃車仔麵必點的。 今次終於有機會試到文記車仔麵， 食物質素中上， 雖然座位比較迫夾， 但勝在環境乾淨，食落安心。

排隊排咗一個鐘，地方狹窄坐得又唔舒服，快快脆食完就走，食物方面普通都極點，今次點咗3個餸，豬紅鮮蝦腐皮卷同流心蛋，流心蛋個蛋黃完全唔流，腐皮卷同炸魚旦一樣口感，麵低又硬，下次都係唔會再去

去完深水埗買聖誕裝飾，經過文記車仔麵就帶媽咪同仔仔黎試下😋佢真係幾勁，一條街3，4間鋪仲要排哂隊，兩年前我食過一次，當然印象真係一般般，唔值呢個價錢，今日試下呢間，我唔知佢係咪本店呢，但係佢好似舊式車仔麵咁樣前邊有晒啲餸喺度俾你揀，叫完俾咗錢有姐姐會幫你拎埋位㗎啦。座位都唔會太迫，地方乾淨。一人一碗，我要腩汁加中辣，幾惹味！河粉，米粉都好滑，粗麵夠爽小花菇細細粒好入味，牛筋炆得好淋，但豬腸呢就肥左d，下次唔會叫。我地7點左右離開，門外已經排長龍了。

呢一間餐廳係深水埗好出名，每次日頭經過都係排長龍，今日同朋友夜晚10點左右黎食，唔洗等就入得。 美味酸齋：酸齋可以係車仔面配料，因爲我地太中意食，所以另外單點一碟。酸齋酸甜比例剛好，十分開胃，加落車仔面，麵根吸曬湯ge精華，必點！牛孖筋、豬腩肉、魚角米粉（腩汁小辣）：牛孖筋十分稔，食得到D骨膠原；豬腩肉見到一層厚肥肉，夠曬肥，豬肉厚度剛好，唔會好膩；魚角正正常常。 牛肚、通菜河粉（清湯沙爹汁）：牛肚分量超多，起碼有7、8件，牛肚最怕好難趙，呢到完全無呢個問題；通菜分量都好多，不過有D鞋口。 黎呢到食車仔面，識食一定會加辣蘿蔔，味蕾大刺激，食完身水身汗，嗜辣ge朋友必定要試。

嚟到深水埗, 突然想食車仔麵, 經過一條街, 見到 一間車仔麵滿座, 老公話前邊仲有, 點解咁多文記車仔麵？ 原來一條街開了三四間， 心存疑惑有冇咁好食？ 就入去試下， 原來掛了米芝蓮標記， 難怪咁多人慕名而來， 我們點了都是大路野， 豬腸，紅腸，雞翼尖，蘿蔔，魚蛋，墨魚滑，酸齋， 最特別是有柚皮， 因柚皮是手工菜， 工序繁複， 整得沒有苦澀味也是一種技巧， 另外雞翼尖也做得超級出色， 鹵水汁一流， 車仔麵湯底也好吃, 味道絕對 對得起價錢, 不過食物環境 衛生有保留, 雖然不知道和他有沒有關係, 但我們吃完之後都攪肚子

特意來到深水埗吃這一間地道車仔麵店舖，看到餐牌上推薦魷魚和雞翼我當然一試，雞翼十分入味很有兒時的味道， 魷魚方面夠辣夠爽正正是我愛吃的味道。不過魷魚有一點兒昂貴。很喜歡吃魷魚的你都可以一試。

深水埗出名嘅車仔麵店相信大家都會諗起文記，咁啱經過深水埗就決定去試下。而今次見到較新開嘅呢個舖有位，所以就決定去呢間。入面嘅格局其實同另一間舊舖都係大致上差不多，所以兩間邊間有位就邊間喇。今次叫左油麵沙嗲汁(微辣)配魚腐，魚片頭同辣魷魚。本人唔係太食得辣但呢個微辣既湯底都覺得好辣，我估計應該係個辣魷魚無辣度調較所以放左落個湯到會令到個湯辣左，所以唔食得辣嘅人要注意。成個麵嘅份量都算多，唔會話得好少餸或麵。雖然今次對於我唔係咁食得辣嘅人黎講係有啲辣，但味道係唔錯。

依一間車仔麵線喺深水埗區一直都好出名，每一個星期六日都有好多旅客特登過嚟食。而且佢哋嘅設計，一邊就係老店，令一邊就係新開嘅創新小店，邊邊有位就可以去邊邊食。叫咗佢哋好出名嘅滷水雞翼，顏色好深，食落去絕對會令人驚喜。好耐冇試過咁好食嘅滷水雞翼，真係煮得好入味，而且多咗嘅瑞士汁仲可以用嚟撈河粉。車仔麵方面叫咗魷魚同埋豬手。魷魚辣辣地好彈牙，豬手大大隻，增加番啲骨膠原！而且湯底亦都好好飲，絕對係本地人都會推薦嘅餐廳！