文記車仔麵 (福榮街)

營業中

休息中

個個深水埗嘅街坊一講起車仔麵就一定係諗起文記車仔麵，一條街開咗四間舖頭，仲要長期爆滿。今次我嚟到嘅呢一間係用咗自助落單同俾錢嘅方式嘅分店。首先要透過QR code進行落單，再用八達通俾錢，一站式唔需要經過點完就可以嗌到車仔麵。餐廳嘅設計就似足元氣壽司同埋拉麵店，有一條長長嘅運輸帶，將碗車仔麵暈過去食客面前，打造成全香港最新潮嘅車仔麵因為啲餸嘅價錢都偏貴，所以我淨係帶咗兩款餸，牛腩同埋韭菜餃。牛腩醃得好入味，同埋份量好多。韭菜餃大概有四至五隻，都幾足料😋

黎得文記都應該俾米芝蓮必比登既名所吸引，之前行過成日比人龍嚇走。今日見擴張左新舖好似冇咩人又用左日式拉麵店咁出面點完俾埋錢，就試下。一去到店員就嚇我地就話碗麵要等半小時，嚇我唔到既。結果入到去坐一陣就黎。總結，名大於實，正常車仔麵水準。湯底係鮮甜，但我成個下晏飲水。豬腸，牛筋，豬紅都好入味。蘿蔔甜冇渣。油麵不過不失。不過可能天氣熱啦，一到食係一到流汗。另外，見唔少人入到先知要出面點，見到用手機點先知又要出去俾錢，發脾氣走人。有緣先會再試。

今日難得去咗深水埗梗係要朝聖下文記車仔麵呀依家去到門口三間店排哂長龍🥺可能因為排咗嗰間係電子付費店大概10分鐘以內就有位啦不過等嘢食真係有少少耐，車仔麵等成四個字真係好耐，可能因為太多分店啦😑飲品揀咗凍奶茶，奶茶底唔錯，幾香😸依舊大辣車仔麵😎味道都幾好食，整體來講都唔錯值得一題係車仔麵竟然可以用電子輪盤送餐，唔知仲以為去咗食壽司😂

車仔麵來講我諗文記就應該係最出名嘅幾間之一，而且亦都好出名要排隊，所以等位都等咗一段時間，所以其實本身都好期待嘅加上兵仔我本身就好鍾意食車仔麵而且去到邊我都一定會叫河粉！所以今日嚟到都係叫咗魚皮餃同埋牛腩，河粉底加腩汁，其實牛腩同魚皮餃都唔錯，份量亦都幾多，味道都唔錯，河粉唔會話好厚，食落都幾滑身，不過我就唔係太過鍾意佢腩汁嘅湯底，湯底係車仔麵嘅精華，不過文記嘅腩汁就有種偏甜嘅感覺？所以就唔係太啱我口味喇～

今天到深水埗人龍店文記車仔麵吃車仔麵，其中一間店舖要大排長龍點菜，反而令一間店有很多位，可以舒舒服服坐下來點菜，真不明白為什麼這些人要排隊？點了雞翼、菜心、牛肚、牛蒡和小花菇。最好吃的就是小花菇，蠔油味滲入花菇中，每吃一口都感到幸福滿滿，必叫之選。第二推介是雞翼，雞翼非常入味，滷水汁充滿了整隻雞翼，但是又不會令雞翼太乾，非常有肉汁而又夠味。牛膀則沒有太大驚喜，但是味道OK。最不好吃就是牛肚，沒有什麼味道，煮得比靭，不算好吃。

好耐冇食車仔麵🍜啦，以前住hall個陣經常半夜兩三點落深水埗食宵夜，必食文記👍🏿，大大碗食完飽到上心口😋，叫餸一定會叫雞翼，好大隻好juicy😍🍜腩汁米線 （配雞中翼 蘿蔔 豬紅）💰45米線面底好足，食完一定飽，淋淋地嘅米線吸收哂腩汁湯嘅味道；嚟到文記必叫瑞士汁雞中翼，大大隻好juicy👍🏿，豬紅足足有5大舊🥺，另外仲叫咗蘿蔔，都好入味好正😋🍜腩汁河粉 （配豬大腸 牛孖筋 生根）💰47河粉配腩汁真係好正，份量好足，豬大腸好爽口，牛孖筋好淋好入味，生根浸咗落湯到，冇咗油膩嘅感覺😚配菜脯食超正！〰️〰️〰️〰️〰️〰️〰️〰️〰️〰️〰️〰️〰️〰️味道👅：8/10（餸同麵底份量好足，配腩汁湯好入味）環境☺️：6/10（會坐得迫啲）服務🙇‍♂️：5/10（要自己寫單，等待時間都幾長）抵食💸：8/10

我是大餸王，四餸麵至少60元，唔平架，唔好叫嘢飲，食完出去7仔買水好了😂！文記係好食的，差不多樣樣餸都夠味。試過以下幾樣覺得唔錯：小花菇，爽口。豬大腸，夠腍冇異味，怕肥膏可以剔瘦腸，軟滑得來有口感。蘿蔔，任何季節都清甜無渣。雞翼，入味又大隻。酸齋，酸甜汁順喉。豬紅，入味嫩滑。牛筋腩，傳統柱侯醬好好食。唔好話我只係讚，以下兩種就麻麻：魚腐，無口感又無味；魷魚，硬。為了避開長龍，多選下午茶時段。以前坐得好逼唔舒服，疫情下坐得鬆反而幫襯多咗。

💡性價比最高嘅車仔麵🍽牛腩牛栢葉油麵牛肉嫩滑，牛肉味濃郁，有咬口，又唔會起渣，份量多。牛栢葉就稍微有啲韌，咬左好耐都咬唔爛。油麵亦都夠彈牙，配合秘制辣汁同沙爹醬，非常惹味！🍽牛腩菜心米粉菜心鮮嫩，今次配上秘制辣汁同腩汁，加上青蔥，湯底新鮮得黎又夠曬濃郁，唔會過淡，正！🍽 香辣菜脯菜脯十分脆，恰到好處嘅辣度令車仔麵嘅味道進一步提升，令人食唔停口。而且係自助形式，自己鍾意食幾多就加幾多，好似多咗一款送緊嗎，超抵！🍽 凍奶茶茶同奶嘅比例剛剛好，凍飲都飲到茶香味，推介！推介度：⭐️⭐️⭐️⭐️⭐️

真係諗唔到，我竟然用18蚊買左一罐係街度賣4蚊嘅嘢飲！！！而我仲懷疑有咩特別先諗住試下，賣18蚊係乜嘢。點知係咁，想知呢D咁唔合理價錢買賣係唔犯法嘅，仲要係自取！！係條街買嘅都平過你地，你地雖然生意好，但係都冇必要咁樣來賺錢lol！咁不合理嘅價錢，竟然沒有人反應投訴！！！令我非常震驚！此外，外賣自取設定時間係50分鐘後先有得攞？我落完單20分鐘去攞外賣，竟然話因為未到規定時間，所以未落單。明明係你地嘅設定時間一定要50分鐘之後，真係好浪費時間，相信係深水埗唯一一間要等50分鐘先可以攞嘅餐廳，黑人問號，白人問號都出曬來喇，做到4間分店，可唔可以再改善下d質素啊！！！已經唔想再係度攞單。

第一碗野上既時候係微溫！呢個已經好奇怪，仲要碗湯係得四分一碗。問心，食左文記幾年，估唔到質素低到咁！唔會再去食！冇下次！服務態度仲要勁差，完全唔知想點......

说到车仔面，文记是其中一家名店，更获得芝莲奖。同一条街连开几家店，可以看到他们受欢迎的程度。由于109号分店不用等候，就选了这家吃东西。桌上放了不同的调味料，最精彩是透明罐内的辣萝卜，拌着面一起吃会更开胃。墙上有标示他们10种必食推介，但不大合胃口，就从餐牌挑选了其他的配菜。餐单有几十种不同的配菜，在卡上划上需求的东西就可以交服务员下单。要了粗面加腩汁，再配猪腩肉、贡丸和腐皮虾卷，都很有水准，其中的贡丸都是每次必选，可惜量太少，只有两粒，有点不够喉。另外，加了腩汁的汤也香甜，最后也喝清光。

唔知係咪壓力太大還是唔憂做，部分姐姐對待客人嘅態度甚是無禮。肆意大聲呼喝也罷，某些待客之道真係不能接受。例如，其中一個片段係某位姐姐發現客人的座椅可能佔用了小小走廊位置，然後姐姐在對客人呼喝指責嘅同時又手腳並用企圖將客人連人帶椅「推正」。但其實一個善意嘅提醒已經足夠。食物水平方面，以車仔面黎講的確稱得上高質，但用餐體驗不止於食物，服務亦是其中重要的一環。雖然比得個幾十蚊，就當然唔係要享受五星級服務水平啦，但至少互相尊重呢家嘢應該係基本？#當時冇咩人排隊，亦並非繁忙時段

今日過嚟深水埗買玩具。自己一個唔知食咩好，見文記唔使排隊就入嚟試吓喇。首先想講，為咗慳d錢我剩係點左兩個餸，但如圖碗麵好似好陰公咁🤣下次都係叫返三餸好d得兩款餸可以講... 首先花膠有兩大舊，厚薄大細算ok既，都幾好食唔會似豬皮，對得住13蚊🤣；豬大腸份量算多，但係好肥，所以食到最後幾舊覺得好漏（但我又冇其他餸食🤦🏻‍♀️）；我本身唔食得辣，有點左個微辣沙嗲醬，幾惹味辣味剛剛好岩我食。另外要讚下加10蚊果杯奶茶勁抵飲。同埋飲管筷子堂食都有獨立包裝，疫症期間深水埗食店人流咁高嘅地方，有呢d咁貼心嘅準備👍🏻

好耐都無出街食飯 ,行過SSP咪過去睇下文記多唔多人, 雖然一條街有咁多間文記, 但我都係比較鐘意去呢一間文記, 因為覺得入面光猛D, 環境睇落好似D,去到都要等一陣先可以入座, 唔太耐都可以接受, 可能係TEA TIME, 照舊ORDER 4樣野食加油麵, 仲要食好多菜譜真係好食!!蘿蔔魚肉自製餃魷魚呢幾樣野都係招牌, 湯底我就會選擇牛腩汁, 再加小小辣蘿蔔就幾爽口下, 魚肉每次食都覺得佢俾左好多魷魚太太條,又唔會淥到好硬, 容易咬得斷!由於車仔麵太多選擇!所以都可以同朋友仔一齊去 SHARE下D野食就可以試得多D啦!!

成日幫襯的文記車仔麵流心蛋、豬紅、豬大腸、魷魚、通菜配河粉5 餸車仔面。流心蛋，一口咬開係半熟嘅，蛋黃晶凝通透，流心蛋又唔會太鹹，入味。豬紅新鮮彈牙，非常新鮮。豬大腸可以自己揀肥腸或者瘦腸。魷魚入味彈牙。最鍾意食瑞士汁雞翼，雞翼脹卜卜，新鮮入味，又唔會煲到林晒。配埋凍檸茶真係爽，茶餐廳嘅凍檸茶真係冇得輸，有時仲會特登經過買杯凍檸茶外賣，涼透心。至於服務員嘅態度都友善，大概係因為服務員真係太忙，又多單，面無表情都正常嘅，可諒解。