文記車仔麵 (福榮街)

營業中

休息中

深水埗食野一直都比較平，但有時會諗唔到食咩。咁就係食車仔麵既好時候，黎到深水埗緊係食文記，其他米線類留番心急人士先食啦。😂😂雖然三間文記都好多人排隊，但係只要堅持，等15分鐘左右都排到了。最鍾意食瑞士雞翼入味，叫一碟$35，個汁好多好吸引，令人好想送飯！講番碗麵，叫左生麵腩汁中辣，辣度等於出面小小中辣咁！呢度既辣比較溫和。牛腩入味之餘炆得林，唔會粗製濫造。甜酸齊就唔係度度都有得叫。野飲方面咸檸七$11都值得叫，因為有原粒咸檸！

就算文記車仔麵係深水埗有兩間舖位，但平時lunchtime & dinnertime 都總會大排長龍，成日想試但望到條隊就會卻步...難得今次夜晚6點左右見到無咩人，即刻入去試下先！食客可以自由搭配不同的餸菜和麵底，多選擇到令我選擇困難症發作呀！最後我選擇左豬手、韮菜餃和牛柏葉，配腩汁油麵～食麵之前先飲一啖湯，腩汁湯底濃郁豐富，感覺應該熬左好耐，幾好味！南乳豬手醃得幾入味，不過可惜冇咩肉食...韭菜餃幾香口，味道唔錯！而牛柏葉和麵底的口感和味道都正常，同出面食嘅都係咁上下～總結，我比較中意佢嘅腩汁湯底，而餸菜方面就唔算特別，但都可以一試～～

週末要去深水埗買嘢，天氣又熱到不得了，嗰頭又少瓦遮頭，好彩朋友一早到達，我約3點到達時，門口還有少量市民在排隊，等了約15分鐘我們才能入去了。一入去第一樣吸引到目光嘢就係海量嘅調味品，魚露、麻油、豉油、玉浦、黑椒粒乜都有，價錢都合理（每人約$50）食物嚟到又大大碗 ，叫完面後可以以半價價錢（$10）叫嘢飲，分量相當大杯👌總括嚟講，抵食既！以香港車仔麵檔來說，文記都算中上水平！😁肥仔波指數：4/5分

去到深水埗搵野食，文記係必定選擇之一，一條街3間鋪，間間鋪門前緊有人排緊隊👬👬。最欣賞佢地落單係用畫板，寫完又可以擦番再比下一位食客填，十分環保，比讚👍🏻今日叫左碗玻璃辣魷魚，辣汁縲肉，麻辣筍絲配幼麵（秘製辣汁+腩汁湯底）加多杯咸檸7。玻璃魷魚每次食都唔會失望，難怪係10大推介之一，縲肉冇嘜特別，太細粒，筍絲咬落去爽爽咁，好正；記得落埋辣菜圃（每枱都會有一大樽）免費供應比食客，好貼心👏🏻不過對我黎講小辣都已經好勁，食到我汗流夾背😅好彩有杯咸檸7幫我舒緩下，雖然好辣，但食得好過引🤣

係深水埗返左工十幾年, 睇住文記車仔面係同一條街由1間開到4間, 睇住日日排長龍, 食飯時間起碼等半個鐘。 但經過門口見到要等咁耐, 見到入面個個位都係對住堵牆, 個個位唔知有無兩尺闊, 咁就一次都未食過。今日唔知食咩好, 就被同事慫恿試左一次, 仲要外賣, 不敢堂食, 點左個4餸試下, 8號韭菜餃, 12號柱侯牛腩, 13號秘制牛孖根, 35號韓國魚腐皮, 63號米粉, 80號蔥花, 湯底要清湯。韭菜餃—無特別, 合格, 牛腩--味道可以, 但份量太少, 得幾小粒, 牛孖根都炆得淋--贊, 韓國魚腐皮--無特別, 碗面60幾蚊, 加杯凍飲共70幾蚊, 整體同預期一樣, 味道無咩特別, 收費比預期高, 70幾蚊個午餐可以有好多選擇, 今次可能係比同事整蠱, 等我食完同事先話我知, 全公司同事都食過, 無理由我唔去試下, 但原來全公司都無人食過第二次….哈哈! 

呢兩日香港嘅天氣真係熱到爆，行出去一陣已經開始標汗💦 不過話哂假期，點都要出去廵視吓👀 今日就跟埋朋友仔嚟到 #深水埗 #黃金廣場 進行大搜查，扮哂 #格價專家 嘅我哋喺商場 #四圍look，其實就只係想配個 #電腦火牛 + #SD卡 咁大把😅 大拿拿慳咗「廿蚊」，梗係要慶祝吓🤣 一於喺附近搵啲 #地度美食🥢 #福榮街 兩旁都開滿大大小小嘅食店，我哋見 文記車仔麵 門口條人龍最長，就鎖定目標去排隊。一條街入面已經有三間分店嘅 #文記，人氣極高，喺三十幾度嘅天氣底下排咗二十分鐘，#小秘書 個妝都已經溶哂😅 不過要食好嘢都係要付出小小代價嘅👉🏻👈🏻 牆上貼上「十大必食推介」，#小秘書 見排咗咁耐，真係有諗過一次叫哂返嚟，不過當然只係「諗吓」🤣 我哋每人叫咗 #四餸一麵，大概等咗15分鐘左右，#文記車仔麵 終於出現，朋友叫嘅 #花膠 真係勁大塊，佢話味道同咬口都唔錯👍🏻 而我就最欣賞 #文記 嘅 #瑞士雞翼 同 #滷水豬大腸，#雞翼 大大隻又好入味，而啲 #豬大豬 又厚又爽口，一啲肥膩感都無，仲有佢嘅 #酸齋、#辣魷魚... 我覺樣樣都做得好好👍🏻👍🏻不過如果你趕時間嘅話就最好搵過另一日再嚟

真係好鍾意食粉麵，無論係麻辣米線、潮洲粉麵定係意粉🍝，都係我喜愛。當然少得香港特色車仔麵啦！！！🍜記得麻辣米線未興起之前，車仔麵係主流，細個已經好鍾意食。後來米線興起，無可否認真係少左食車仔麵。但係文記車仔麵，只要我難得有機會係附近食晏，都會爭取機會食佢！文記好受歡迎，日日都排長龍，真係有佢優勝之處架。湯底好香好夠味，餸款選擇多，而且係煮得好入味。本人鍾意食水餃，所以今次都有叫。水餃有三隻，夠晒大隻👍🏼。就連雞蛋都煮得好入味。😋河粉亦都好滑。另外枱上面都有好多調味料俾你按自己喜好添加。好有誠意！值得欣賞！

每次黎食文記都要排長龍，但明知有排等都係會黎食😋文記就係有呢種吸引力！一入到文記就見到牆上寫住十大必食推介既餸，包括係我試過都好鐘意既牛孖根、雞翼、辣魷魚、小花菇、韭菜餃等。今次就叫左個三餸米線加腩汁同秘製辣醬，要左牛腩、魷魚同牛柏葉。牛腩入味夠淋👍🏼；辣魷魚好脆夠野味；但牛柏葉就略嫌有啲老，韌到咬唔到。鐘意食辣既我除左欣賞文記既秘製辣醬外，仲有佢放係枱面任人加既辣菜甫，加落啲湯度連埋啲面一齊食，好有咬口！最後，又點少得必食既瑞士雞翼呢！🤤因爲當餸加落湯到啲瑞士汁會無左，所以我更鐘意單點一碟雞翼，一碟就連埋啲瑞士汁一齊上，更加正🤤🤤最後加埋一杯咸檸七，大滿足！

文記長年累月都係好多人排隊等位，但偏偏就係等幾耐都想食佢每次我都必叫瑞士雞翼尖 超級入味陳皮魚蛋 冇乜邊到仲有懷舊嘅陳皮魚蛋食玻璃辣尤魚 辣得好過癮 一碗車仔麵雖然價錢唔平，但份量好多，絕對食得滋味之餘又飽到上心口

最近經常食車仔麵，食來食去最心思思都係文記，雖然好多朋友話冇以前咁好食，但我覺得質素算係咁，尤其我最鐘意嘅雞翼同魷魚都出色是日端午節，以為個個要做節，哈，諗多左，文記都依然咁多人，喺新鋪排，大約等左十分鐘。可惜要坐門口位，難免會有少少熱。鐘意佢地嘅餐牌，用白板筆寫，唔洗咁浪費紙張。另外方便冇乜頭緒嘅人，餐牌列出10大推介，例如雞翼、豬手、大腸等，配料定價$8-13，麵底$9-10，比上年輕輕加左一蚊。湯底分腩汁、瑞士汁、清湯；可配辣汁、咖喱、沙嗲、麻辣。每位最低消費$25，不接受單點一款食物；醬汁、菜莆任加。雞翼、蘿蔔+幼麵、清湯辣汁 $31豬手、麵根+幼麵、腩汁辣汁 $31我啲口味好死咕咕，萬年之選，雞翼配蘿蔔，可惜豬紅賣哂。雞翼入味唔過鹹，肉唔乾柴又唔會爛蓉蓉，雞翼控一定點豬手軟腍、蘿蔔清甜冇渣。點小辣剛好，唔想食到身水身汗，湯底飲落正常唔會特別口渴，已經好加分了玻璃辣魷魚 $42/碟單點魷魚比上次黎食都加左4蚊，辣汁配爽滑魷魚，幼身入味，真係好食，仲令我諗起阿伯魷魚，黎文記唔好錯過事隔一年依然喜愛；尤其是最近食左唔少更普通嘅車仔麵。

車仔麵的靈魂在其湯底，文記的腩汁湯㡳真的是米芝蓮級，層次特別豐富，美味得令人喝光光（見圖：友人把整個車仔麵連湯吃光光了）。我們二人各點了4、5 個車仔麵餸，麵的賣相不錯，令人垂涎欲滴。我和友人交換了些餸 — 瑞士雞中翼、蘿蔔、豬大腸、魚皮餃、牛肚、酸齋、通菜、魚蛋，加上免費供應的惹味辣菜浦，很豐富吧！在此推薦做得非常入味和不會韌的瑞士雞中翼（之前晩上來吃過，感覺晚上更加入味）、甜到入心的蘿蔔和口感十足的豬大腸，必點，必點，必點！文記車仔麵已經在福榮街共開了三間店，仍然座無虛席，人龍在門口要等10-15分鐘，坐也坐得較擠迫，但也非常值得一嚐啊！

食左咁多次好難吾為呢間我覺得係香港數一數二既車仔面！佢比較特別既係佢既落單方法係係一塊類似白板咁既野上面畫野食！野食方面必定要試食既一定係佢地既魷魚！同埋瑞士汁雞翼！我今次去食忍吾住加底！佢地加底真係勁多 食到我勁飽！仲有佢地特制既韭菜餃！

深水埗區的居民相信對【文記車仔麵】不會陌生，文記在深水埗福榮街有3家分店，大部份時間店外都有等侯的長龍。2018年更首次打入《米芝蓮指南香港澳門》的街頭小吃推介，吸引大批遊客前來光顧。三家分店的裝潢與格局不一，連點餐方法與餐具亦有所不同。有人喜歡中間分店的懷舊，我則獨愛街頭分店的亮麗。中午時份到來，等候了20分鐘方可入座。街頭分店的裝修尤像日式拉麵店，每個位子有獨立編號，方便客人點餐。調味料及餐具擺放整齊清潔，椅下更有藤籃供顧客擺放物品，雖然座位比較狹窄，仍不失細緻。餐牌清晰詳細，除了配料選擇，連各款醬汁、辣度，供素食者點的清湯，要不要蔥花也一一列明，省卻了不少點餐遺漏的誤時。點了通菜、生菜、蘿蔔及酸齋的四餸米粉，選了走湯及勁辣醬汁，自制撈麵。每款餸菜份量不少，滿滿的一碗。秘制辣醬以匙羹盛著，不怕一下子下得過多，太辣或太鹹，非常貼心。通菜與生菜煮得剛好，保持爽口脆綠又不會過硬。酸齋味道酸酸甜甜的很開胃。蘿蔔是店內名物，滷得入味，軟淋無渣，不太愛吃白蘿蔔的筆者每次也會點上。米粉不算上乘，夾起來有些鬆散，不過吃車仔麵大部份人都點油麵、粗麵或幼麵，也不能要求太多。辣醬香口惹味，不會辣得嗆喉，

文記車仔麵自從拎左米之蓮之後，就一直都好想試，終於就滴去心肝去試一試，睇下係咪真係咁正！文記車仔麵係深水埗有三間分店，每間分店都有勁多人等位，真係好誇張！好在都唔洗等好耐就有位坐。嗌左瑞士雞翼、蘿蔔同豬手，雞翼好好食！好入味，而豬手就冇咩太大驚喜！而女友嗌左豬大腸、韭菜餃同牛腩！我覺得豬大腸同韭菜餃都好出色，好好味！而坊間一般都係得腩汁，而呢度仲有瑞士汁湯底！仲有十幾樣調味料俾你任用！菜甫又辣又爽口！難怪拎左米之蓮，希望水準keep住唔好退步啦！

成日都經過深水埗嘅文記車仔麵，每一次都被人龍嚇怕左，所以完全冇食過既咁啱今日嚟到深水埗見到門口唔係好多人咋喎，朋友又話想食車仔麵，講到好食好食好好食人少少就陪你排一陣啦我哋排嘅係比較新裝修嘅文記，一早拎定個餐牌望吓有咩食好似嘜都想食咁喎，最後嗌咗個河粉，通菜，糖心蛋，瑞士雞翼，蘿蔔，腩汁小辣朋友嗌左河粉，柚子皮，瑞士雞翼，蠔皇小花菇😋😋😋😋😋好快兩碗車仔麵就上枱喇，其實呢度流量都算快嘅，因為你都唔好意思食完坐咁耐呀嘛我碗河粉最欣賞嘅係糖心蛋呀，雖然要成$10一粒，但真係幾好食瑞士雞翼果然係一定要食，係我食過算好食嘅瑞士雞翼呀！！朋友話佢每次嚟到都一定會食柚子皮，所以我就食咗一舊啦，又真係幾好味，入味呀！同埋呢啲菜式唔係間間車仔麵都可以食到架