新之食 (牛頭角道)

營業中

休息中

服務員的所謂(大家姐)態度超勁惡劣，有這樣的大家姐，也會給下屬很好的榜樣。老闆如見字請看一下老閉2024-4月2日凌晨01：15，我只是來食嘢，無啦啦先來食了一肚氣

咖哩牛腩飯 咖哩汁超鹹 唔知點解有個薑食到一半有條毛 個飯係唔熱個阿姐叫新嚟嗰個同事畀份外賣個女仔店員連男女都未識分畀咗個男仔仲要特登兜過我行到勁遠走去問個男仔你係唔係呢個number請問男女都未識分點解餐廳都仲要請呢啲咁嘅人呢 仲要我自己起身主動拎份外賣仲要搵我嚟鬧我 話我點解要帶耳機其實我帶耳機並沒有播放任何聲音我係完全聽到你們說什麼跟住店面仲要係咁鬧你要拎呢個你要畀呢個我 請問這是什麼服務態度 仲要六十幾蚊我食完還要再樓下麥當勞再買東西吃

入到去坐底，舉手向店員示意落單，隔成5-6張 檯叫我講食咩，環境又嘈，講你又聽唔清楚，行幾步路過黎落單都懶，落單講慢小小都比店員催快小小，又唔係多人又唔係忙都咁， 不解。夜晚果幾個店員經常係咁，唔係佢收得夜一定唔想再食佢

媽媽呢幾日都吾好胃口佢話想出去食車仔麵（飯堂）點知無開，甘為有轉場求其搵左間入去食豬骨清湯+ 削麵+豬大腸酸辣小鍋湯底(中辣）+ 米粉 + 豬潤湯底一點都吾酸就愈走愈辣豬潤比較少

今日下晏趕住出去拎野,無咩時間所以諗住求其食算!!之後入左呢間新之食,叫左個酸辣肥牛米線另加雞扒!!個餐加埋凍奶茶都好似要$55,講真味道真係好麻麻,肥牛碎濕濕, 得果幾片,都唔知要加錢叫黎仲乜!!個湯味道又係好奇怪, 無咩味...最谷氣係另加$10塊雞扒!!勁油, D肉唔知點解勁霉...而且服務又勁差,基本上無乜人理你,要杯水洗餐具, 直頭個餐黎晒!!杯水都未到, 人又唔係多...都唔知點解拎杯水都咁難...所以價錢係好反應到真相!!不過下次$50幾$60蚊都唔想再浪費喺度!!唔會再幫襯囉... 實在太劣!!

成班人食晚飯好多時會揾遷就到大家嘅地方，例如旺角、銅鑼灣等。今日孤令令一個，自己一個去覓食都係大個好選擇，因為吾駛遷就不同人嘅問題，例如喺邊度食，食D咩，邊日食，食幾點。。。今日没約人，於是可以出去自由覓食！走到去牛頭角，俾我搵到間正野食搞打麵。唔係講笑，堅係出色！佢嘅嗌法有d似「譚仔」。我叫咗兩個「酸辣小小辣」嘅韮菜餃雞扒刀削麵配凍檸茶。雞扒分開上，吾會浸到冧哂！雞扒好大件而且好香好脆口。韮菜餃大粒到吾信。麵同湯都屬高水平。最後，當然要嘆埋杯凍檸茶！值得一提，呢間食店開24小時，啱哂d夜鬼揾野食！

啱啱收工攰到爆，諗住快食碗麵先返屋企，嚟到呢間「新之食」叫咗個豬骨湯底豬大腸麵。由於本人十分之肚餓，於是再加底。呢碗麵嘅豬大腸數埋先得個4舊，仲要味道好一般，色澤賣相又差至於個豬骨湯底？根本只係味精湯，呢碗嘢要成$46，圖片又與現實不符，食到個人好躁底⋯對劣食有興趣的朋友，或者可以挑戰下

今晚收工就同男朋友過左泥食宵夜，因為都差吾多12點，大部分食肆都關左門啦。但估吾到呢邊仲有幾間，甘今次就試下新之食。餐廳都算仲有好多客人，我地隨意搵個位坐，都有好多選擇。蕃茄蛋牛碎手攪麵：呢個吾錯啵，湯底小小酸酸地，都濃蕃茄洋蔥味咖。牛肉碎就好少，蕃茄都有4件。手攪麵都好食，我覺得小小似上海麵，幾好食，又吾會太淋。肥牛小鍋米線🍜:幾片肥牛，湯底都算濃味。不過米線過淋一pat pat，麻麻地。。。不過味道都正常既。。平平地一個宵夜，還可以啦。。。

今日OT O到成十點，放工有少少餓，經過新之食見到有手攪麫同削麫，決定入去一戰～唔知大家有冇同感，一見到個名其他就已經諗起大家食，點知一睇menue，原來真係姐妹店黎，大家食好似不嬲岀名依兩款麵食，咁應該唔怕啦！見到menu有蕃茄牛肉蛋手攪麵，二話不說揀左佢，但睇相見麵比較幼身，所以揀左粗身啲嘅削麵。Menu嘅相本身就有五舊蕃茄嘅，黎到就縮左水得三舊😂手肉片數量都ok啦。蛋就得幾條蛋絲😂一試個湯底，甜甜地幾好飲，不過就飲唔到蕃茄嘅甜味，感覺上似平時蕃茄炒蛋嘅味但冇蕃茄味，用糖調岀黎嘅味😂😂明唔明愛麗絲講咩😂本人就唔抗拒依隻囉。牛肉薄薄地唔un，味道就冇乜味。。。因為始終都係就咁放落去煮姐。麵就冇我expect嘅煙un口感，有少少失望！雖然唔係特別好食，不過肚餓，食咩都會比平時高分嘅😂有機會都可能會再食，因為感覺好健康，唔怕肥🤪🤪

牛頭角道短短一條街。有不少小店食肆，而且價廉物美今天早上同妹妹又來新之食坐下來看餐牌，價格便宜。點了兩份自選粉麵早餐...早餐炸菜火腿米粉，湯底清。米粉淥得爽身帶少許彈牙且湯底滾熱，炸菜好惹味。另外枱面有少少似菜脯可以加入湯調味。可以比客人任加，試左少少，都幾好味火腿沒有煎過就放上去有少許遺憾。火腿煎蛋多士，火腿（同上火腿米粉）吃下沒有甚麼分別啊。煎蛋多油，邊位帶少許焦脆，蛋白滑溜個人喜好用义將中間的蛋黃刺穿後再用塗多士，很不錯阿姐雖長期冇咩表情，唔太熱情招呼客人。但是價錢合理，所以每日總有大量食客。

早上,來到新之城門口,突然想吃豬油渣 手攪麵,但因是早上,便叫了個早餐轉手攪麵加豬油渣,早餐一送到枱,是一碗清湯手攪麵和加了一些入口即溶化的豬油渣 ,好像是昨晚賣淨的,留早上早餐用那樣,完全沒有吃豬油渣麵的油渣感覺…真的有點失望,清湯真的太清了,好在店內有免費的辣椒菜脯,加了菜脯後的豬油渣麵,比較易入口,但豬油渣仍然是不需咀嚼 因煮得差不多溶了, 還有早餐跟餐的餐蛋,是一早煮定等客人叫的那樣,因為炒蛋實在太硬太凍不能入口,你看我的照片

油渣麵，喺香港絕對要喺舊區，例如係深水埗油麻地或者觀塘呢d 地方先會食到。之前我成日同女朋友講我食開大家食嘅豬油渣麵，好想搵次帶佢去食一食。🤓點知今次佢有介紹翻我轉頭觀塘一間佢細細個成日食嘅快餐店 - 新之食😎 哈哈，原來佢哋係同一個集團。。。🤡上海麵嘅份量都唔少，豬油渣亦都好多！咬落去你feel到佢嘅脂肪係會慘出嚟（健康人士請按上一頁離開）！以前食開嘅都一碗仔，可能得幾舊豬油渣，食完到喉唔到肺！呢一碗麵絕對可以食到你飽肚🤭🤭 而且佢亦都有辣菜莆俾你自取（唉，依家好多都要另外收錢㗎😖）但係我覺得辣味唔夠不過只係$29一碗🤭係而家香港這一種高企既物價消費水平來講是非常之抵！ ——————————食物質素：9/10 環境衛生：6.5/10 舒適度：6.5/10服務：7.5/10 性價比：8/10 總評分：7.5/10 —————————— #foodblogger #foodlover #foodie #hkfoodie #相機食先 #觀塘

平時寫食評多數介紹好食物比你地分享一下！今次就介紹唔好食嘅（個人認為）星期六下午在牛頭角道諗住巴士搭返屋企！行行下點知覺得有D肚餓！沿途都有唔同既餐廳！眼見大家食的門口有大量食物相片！參考片刻見到佢一個卅蚊既餐: 多士雞蛋, 通粉, 飲料足料全部齊！由於過度飢餓的關係！還是決定到裡面看一看！兩點多入到去，客唔多！點了個全日供應的早餐！先講火腿腸仔通粉！啲通粉似滾兩滾就上檯咁！唔知係牌子問題定煮得唔夠！咬落都比較硬身！兩片火煺唔得！入口凍而不香，唔合格！如果能夠煎吓就好啲！果兩片腸仔就一般通粉的湯底則滾水加鹽！除咗咸，真係食唔到乜野味道！份煎蛋火腿多士煎蛋煎到全熟乾爭爭！仲要得一隻，食得溫暖我話隻蛋咋....火腿就煎都冇煎就咁放響度！牛油多就一般啦，咬落去好多油！見鄰桌都吃剩一半唔食！都算，我也放棄件油多！凍鴛鴦還可以，回甘的茶香混合那啡香在化學中。變得更好喝！飲下十分醒晨。也算安慰！這個特餐的價錢是$32因為凍飲加$2整體算是物非所值！不過最終食評我都係會俾OK！事關味道是很主觀！

Lunch 諗唔到去邊度食 經過新之食就入左去😆😆中午時段都唔算太多人 唔洗等位 上菜速度好快 幾分鐘就有得食👍🏻價格大約三十到四十 係官塘黎講真係平價午餐 野食既質素亦都唔差 值得一試

想當年中學果陣😱諗一諗都有十年！我係觀塘讀書，學校係山上面，一係食學校嘅供應商，一係就9秒9衝落長命梯落牛頭角食飯，再9秒9行返樓梯上返山返學。 🙈為左食可以去到幾盡，哈哈。新之食，中學時必食。有時會係學校叫外賣，d外賣呀姨會坐的士上山搵我地，好正。新之食裝修過，但野食同以前差唔幾，唔同嘅係，當年係同同學仔食，家下係同同事食。餐牌都幾多款式可以簡，有麵食，有飯，焗飯等等。叫左手攪麵、魚湯、魚腐、冬菇同韭菜餃（$46）。魚湯幾鮮美，冬菇入味，而韭菜餃非常充料入味。 魚腐就有d腥。味道唔錯，但原來餸加加下都貴貴地下😂。