新之食 (牛頭角道)

營業中

休息中

觀塘平價之選，好抵食，經過觀塘諗唔到食乜每次都食佢，＄50一個人。南瓜麵好特別，係油麵既唔油版本mix上海麵(我覺得係)😂😂 我叫左豬大腸生菜同肥牛沙爹湯，肥牛一般般，下次可以不叫。豬大腸係肥既豬大腸，本人很喜歡，友人叫了雞扒，7蚊定8蚊叫既雞扒，沒有一點失望，很驚喜，下次會再叫過！我覺得沙嗲湯底係必叫的，本身個面有少少菜，如果唔係好似我咁鍾意食菜，可以唔使加菜都得。＄50食晚餐而家好難了，如果慳錢又想食好食，呢間都係一個選擇！

隨着觀塘市區重建，好多食肆都冇咗，而家唯一可以隨時去食嘅地方得返新之食。而新之食我最鍾意就係茄蛋牛手攪麵，雖然正常份量唔夠飽，但係加左底就啱啱好。麵條質素好，好彈牙，牛肉冇梳打粉味。

離開左舊公司就無再喺觀塘食飯，不過甘岩尋日要去觀塘，我由前晚已經諗住要食新之食呢間餐廳嘅酸辣湯麵堅係令我返工嗰年日日lunch都幫襯，嗰種香、麻、辣， 好過癮， 好令人回味。今日一於同大家介紹下。查實呢度叫麵食同譚仔差唔多， 揀麵底、湯底再揀餸。間餐廳仲有飯食、餃子等等。我叫左個炸豬排魚腐酸辣(中辣) 手攪麵。個湯堅係掂，成碗飲哂。 手攪麵同刀削麵係新之食嘅招牌麵， 一向都不過不失。(恕我直言，我唔太熟麵， 食落去彈彈地牙，我都ok) 炸豬排堅正， 脆卜卜， 仲有泰式辣醬貼，甜甜地。 雖然唔太厚，但我個人覺得已經夠。個魚腐都好正。 由腐皮包住鯪魚肉，面嗰層都仲脆脆地。 我仲加左新之食嘅自製辣味菜莆。我係好鐘意食辣同菜莆， 所以落左好多。 全個lunch食左$40。都ok啦。

因為係牛頭角返工，幾乎每日都黎食早餐，而且每日都係食同一個早餐，＄30已經可以有一碗粉、包、蛋腸等，仲有熱飲添，經濟實惠又飽肚。我幾乎每一日都會點鮑絲米粉、煎雙蛋/炒雙蛋（亦可以選擇腸仔蛋、餐肉蛋），加杯茶走少甜。我自己就幾鍾意食呢度嘅米粉，再加埋呢度獨有個的胡椒粉，好惹味，同其他茶餐有種說不出的五同。麵包入面的牛油份量就有d少，食果陣比較dry，亦可以加錢轉多士。奶茶好香滑，熱的比凍的好飲，有時下就都會外賣一杯返上公司飲。

新之食係好耐之前都有食過，耐到都唔記得左有幾耐⋯⋯十年？十二年，不過佢以前間鋪唔係呢度。雖然只係杯奶茶，但好多茶餐廳都沖得唔好飲！唔通要持續做件最簡單既事係咁困難的嗎？不過呢杯大家可以放心叫魚付貢丸刀削麵，湯底冇咩特別，菜係送既，魚付大塊抵食，貢丸口感都唔錯辣冬菜，加左之後係好好食，可惜我唔鐘意辣呢個就愛拿，建議加d入去面度價錢合理，味道茶記黎講算係咁上下。其實我係叫少冰，唔明點解去親茶記要佢地少冰，d人都實做唔到

放工食宵夜，係觀塘區行黎行去，最後揀左新之食。叫左碗茄蛋牛肉手攪麵，同碟豬頸肉齊齊分享。手攪麵賣相一般，但味道比想像中好味。蕃茄湯底唔係好濃郁果種，反而幾合我合味。牛肉偏少，手攪麵就不過不失，都算彈牙。豬頸肉少少偏咸，但唔會太油膩，份量都幾多下。

唔好睇佢碗粉顏色咁鮮豔就以為係味道豐富，酸酸辣辣，能夠令人食指大動嗰啲嚟嘅，實情其實佢同酸辣都仲有一大段距離，我都奇怪顏色咁鮮艷豐富，味道竟然可以爭咁遠。餸菜方面係四粒雞扒仔，味道確實係唔錯既，亦都煎得非常香口，但係得個四粒仔是咪驚啲客會太飽呢！？溫馨提示如果你真係中左伏，覺得唔夠味嘅話可以加佢每枱都有嘅菜圃，苦中作樂一下。

新之食愈開愈多，因為價錢實在吸引，佢既番茄蛋煮得好好味就係我成日幫襯既原因之一佢既餐牌都幾多選擇，大部分加8蚊可以包野飲。環境都算乾淨整齊，雖然無金碧輝煌既感覺，但反而有種屋企簡單既舒服感茄蛋牛肉手攪麵 hk27, 配凍奶茶 hk8用個大碗載住，大概3分鐘左右就上枱。紅卜卜咁好吸引，有好幾舊番茄，鍾意食既人一定喜歡，牛肉塊得幾舊唔太多，仲有好多既洋蔥。麵既份量就有啲失望，真係好少，完全唔夠飽...賣相就真係唔錯，味道方面都幾好，酸酸地不過就幾重味精，但因為番茄數目唔少，食兩啖麵就食到番茄，味道真係唔錯。不過可能番茄太開胃，麵好快就食完，完全唔夠喉。而且所謂手攪麵無咩特別，唔煙韌，唔彈牙，粗幼條條一樣，睇唔出手攪麵有咩特別之處凍奶茶就唔係太好，無茶味，太甜，而且奶味幾重。飲兩啖已經要停手唔再飲總括，價錢取勝，但以往平靚正既感覺已經唔覺好正。番茄仍然做得出色，份量可能價錢問題少左。但奶茶類希望只係個別師傅手勢影響啦。都會再食

在男友家附近吃午飯，想找間平民lunch。新之食是大家樂集團的餐廳，聽說麵不錯，所以點了雲吞麵及芝士石斑飯。雲吞麵其實都很吸引，一碗五隻大雲吞，而且每粒都比匙子大，刀削麵粗身彈牙。芝士石斑焗飯味道偏淡，芝士不足，而石斑魚炸得比較乾。l

新之食都算係我返工搵食既食堂之一。除左叫做平少少之外，味道又未算去到好差。今次就食腩肉炸魚柳米線。每次黎新之食都係食刀削麵，因為幾特別同幾有咬口，今次就試下食米線，又okay喎。佢d麵除左你揀既餸戈之外，都儲配幾條青菜，係我鐘意黎呢度食麵既原因之一。腩肉有少少油同肥，不過可以接受。呢度跟麵既炸野都係分開上，塊魚柳真係會唔會細大d，食得出係下價魚柳味，一咬就散，同埋炸過龍，麻麻地。

放工會合好友食晚餐，小巴在牛頭角灣位落黎左新之食坐底好友要了一個喇沙煙鴨胸削麵我要了喇沙肥牛手攪麵，不消五分鐘就送到我手攪麵佢就刀削麵，湯一様，係麵同餸不同喇沙既湯底唔辣，夠味夠濃郁有非常椰香味，味道雖不錯，但仍未算最好肥牛既份量多，唯肥牛如其名好肥仲好鞋另外佢個手攪麵爽口彈牙手攪麵盡吸香濃的喇沙湯底香濃惹味，令人好開胃！好友煙鴨胸削麵見到佢連湯都飲哂價錢方面經濟實惠，我三十三元好友煙鴨胸削麵三十四元無飲野因為我在公司囉咗兩支水服務態度很一般，環境亦一般這晚見到好少客人得兩檯坐卡位中央位全部吉哂，不過我地十點先到其實我收得夜應該話食宵夜

呢間店絕對係我食過最極品的一間 我和友人一齊食晚飯，甘就各自點佐個麵啦，友人的麵要加生菜。等左一陣，友人面上佐，佢就發現無生菜啦，甘就好禮貌甘同個啊姐講話無啦。啊姐背住我地，仲要好無禮貌甘講野喇，仲要唔信查單。甘都算啦，後來查到係真係有菜。佢就話等陣補。到我個面上喇，我無叫生菜但係有生菜。跟住啊姐就好有道理甘話，拿，你夾翻啲生菜比佢米得lo.我個F就話，唔得lo，明明係我要菜底。跟住啊姐就發爛渣，攞只碗，叫我夾翻起曬D菜，啊姐，得個兩片葉，俾翻你係喇。啊姐轉手掟落垃圾桶，真係一氣呵成。總之呢間野無下次喇。最最極品事係有個觀塘的仁兄是日叫佐外賣，結果啊姐漏包佐野飲（真係剛好聽到）。正常，係咪應該送翻俾人啊，又唔係好遠。啊姐就唔係甘霖，佢話除非佢打電話要喇，否則當無左件事！！真係唔知道講乜好。呢位仁兄，真係可憐。甘做生意，真係趕客。 至於食物質素，當日食的兩個面係正常水平。咁講，如果佢服務質素係OK友善噶，我覺得可以去食下gar。不過ok好食gar食店咁多,點解唔食間開心D？食到一肚氣，咁又何苦？！

　　我發現下午茶餐與早餐部分配搭是一樣的，我很久沒吃到蛋牛治了。下午茶時間想吃，看到雙拼三文治$22，還好，於是便進去一試。　　但很可惜，我想喝熱杏霜，店家竟然不提供，我便勉強要了熱好立克。　　過了一段時間，我聽到廚房中服務員在大喊，沒有麵包呀，怎麼弄三文治呀，於是著人去張羅。包到用時方恨無。　　點的熱好立克，我幾乎只喝到淡奶加水的味道，都喝不到是好立克，是好立克粉放得不夠了。感覺像是喝奶水。　　當蛋牛治端來的時候，我感到很開心，雪白的麵包，很整齊的放在面前，我把麵包揭開，發現蛋不夠厚，而鹹牛肉只有很少，所以不怎麼吃得出，只有一點兒的鹹味而已，就當是吃蛋治。　　感覺一般，因為是街坊價，所以不能要求太多了。

晚晚收工肚餓都同qqbb一齊黎呢度依茄蛋牛肉手挍面，點解呢？因為係呢頭午夜最抵食同好味囉！我地次次都叫茄蛋牛肉手挍面，只係25蚊咋！呢個面meun係無既。meun上面一個面既湯底＋面都要26蚊呀！呢個茄蛋牛肉手挍面又夠味又多送好足料！今晚唔太餓，同qqbb叫左一個面share食。平時叫兩個好正常，但係我地今次叫一個，作地無白我地眼之餘，上面果時仲自動俾多個碗仔我地。食食下見到隔離台d春卷好靚咁，又叫左個，不過個皮唔太夠脆，但食落都幾正。食左個春卷又唔多夠喉，我地叫多左炸雲吞，呢個又係meun無既，qqbb好鐘意。呢度晚晚好多人，但係前面觀塘果間成日影都無個，唔知點解評分高咁多。

星期日當然要嘆返個早餐啦~~ 茶餐廳係一個唔錯的選擇, 港式早餐都唔錯丫~ 火腿+炒蛋+牛油方包 火腿有煎過, 雖然煎得一面 炒蛋雖然唔係滑蛋, 咁樣老老地, 唔係太生, 反而我喜歡 牛油方包只有少少牛油, 香得嚟又唔會覺得好肥 芝士腸米粉估唔到竟然有3條咁多, 開頭仲估佢得2條tim~~米粉係粗身d, 攣攣地果隻, 大部份茶餐廳多數用幼身直d果隻, 但我都係覺得呢隻正好多, 因為爽d彈牙d同埋有口感d~ 熱朱古力雖然亞姐拎到嚟浪瀉咗, 但杯朱古力好濃, 好夠味, 正~