新仙清湯腩 (已結業)

難得今日大老細出trip，正常來說，應該去酒店飲番杯，但聽同事講原來灣仔有間米芝蓮推介既牛腩，同人迫吓，試吓啦。講番正題，我响港島出沒都十五年，試過名過其實既大利、九記等，一係啲牛唔夠香唔夠滑、一係湯底超咸，呢間好好多。基於我係非典型港女，唔興影相，文字表達吓啦。1: 我地一行六人，叫了崩沙、坑腩同埋爽腩，本人推介坑腩，甘香嫩滑。2: 同事叫了一碟咖哩，我自己今日生啡吱，只係試左少少，顏色較墨綠，味道該是灣仔最佳，比國際咖喱館及克街印度店好。3: 小食我們點了淨蘿蔔、金錢肚、上湯西洋菜。淨蘿蔔十分清詌，西洋菜比較少見到，有特色。價錢平均每人$60，以灣仔消費算好抵。(酒樓飲茶都$70位啦)牛的質量老實說，如果$4X有呢個質素，仲食咩和牛呢? 諗起都真係嘥錢，崇日之過。BTW，終於明白，大利點解越來越少人。

     今日下午收工行過集成中心見到這間清湯腩， 望入去都幾亁整，客人也不多，剛好有D肚餓，就行入去找個小卡位坐，打開餐牌都有好多選擇， 價錢都幾貴。 我點了一碗清湯腩河粉，36塊錢沒有包飲料，侍應問我要肥D還是瘦D，我天生愛美當然要瘦D啦，可是端上來的清湯腩河粉卻有一大舊肥肉，我心裏想五片肉只有一舊肥可以接受。 牛腩咬下去好淋，口感不錯， 河粉算不上爽滑，但不差， 湯底幾清甜，起碼沒有很濃味精味，吃完不用喝幾杯水！                順便說一下這裏的服務水準真差勁！那天剛好是跑馬日，有個女侍應在餐廳內看著大電視直播大叫，整間餐廳都都聽到她高聲地大談馬經，我奇怪這裏沒有店長管理還是什麼的！今時今日這裏的服務態度真是世間少見！

蜜汁雞扒，又無蜜汁味只得太量豉油。麻辣豬潤牛肉面，散叫和套餐一樣份量，但侍應又話散叫大碗啲！還逼人加錢叫餐！牛肉又硬。年青帶眼鏡女侍應只顧賭馬態度非常差！想和她理論又不顧而去！不提供適當資料！

 　　這家新仙已開業好一段日子了，早前經過集成中心，視察過環境，但覺店內環境清潔，間格不錯，地方也寬敞，便拿取了餐牌來看，覺得價錢相宜，可以一試，便與家人到這裏用餐。　　剛過六點的晚飯時間，只有兩桌人，可是侍應都沒為我們端來茶水。　　由於我們老早看過餐牌，也是專門為清湯腩河而來的，因此點了招牌清湯腩，店家十分細心，食客可按個人喜好選擇肥腩、瘦腩或半肥瘦腩，我因怕胖而點了瘦腩，配熱奶茶。　　另外還點了巴基斯坦咖喱牛腩飯配熱奶茶。　　點的都是套餐，比單點經濟。　　招牌清湯腩果然不錯，湯底夠清甜，牛腩很稔，入口即溶，而且份量得宜，白蘿蔔也煮得夠久，很清甜，但很可惜清腸腩河，就即是清湯＋牛腩＋河粉，沒有蔥花呀菜呀等等，顯得有點吝嗇。河粉夠滑，份量也挺多的。　　至於巴基斯坦咖喱牛腩飯，賣相就比較難看，比較深色的，而且沒有紅蘿蔔蕃茄等有點顏色的配菜潤飾一下，賣相不是太討好，不夠辣，也不夠香，整體感覺一般。　　奶茶方面，實在夠熱，而且很大杯，並且非常多奶，喝了之後整晚都無法入睡呢。　　後話，侍應生其實不忙的，我們點了菜卻又漏了單，明明看著一桌子東西吃光了都不來收，站著呆呆地看，他們端來飲品時都沒位放

新仙清湯腩，在我心目中是一間很有水準的店，我想說的是砵蘭街的那家店，排名至少會在大利前面。某天經過灣仔，得知其在集成開了分店，於是有兩次在附近開完會，獨自前來偷歡。新店子，光猛企理，東西齊齊整整，環境當然比砵蘭街店好得多。隨便找個卡位坐底，柯打好嘢食，繼續塞著耳仔自得其樂。清湯腩河，可選肥啲、半肥瘦或瘦啲，我條件反射地說要肥的。阿姐話好肥架喎！唉，唔緊要喇，俾我放縱下喇，唔該。牛腩果然是幾肥，而肥的部份自然甘香，瘦的位置也不韌，是好東西。蘿蔔亦做得好，清甜、腍身又無渣，我喜歡。好記得總店的奶油豬係十萬個好食，基本上可以為佢而來，因此又來一份。可惜，這次卻有點令人失望，雖然煉奶成份唔少，加起牛油香甜美，但最大問題係唔夠脆，沒有以前的好。想不到呢度生意都幾好，晚上人客漸多，我都唔好阻住地球轉，快趣飲埋杯檸茶便離開。

新仙清湯腩又開分店，趁經過附近，入去試試。新店子，環境服務都要比油麻地的總店好得多，至少是光猛企理。由於試完菜的關係，肚子根本不餓，是晚亦不太想吃腩，只改要了牛脷牛肉公仔麵，都幾反傳統。麵淥得都爽口，牛肉是滑牛，那重點就落在牛脷之上。幸而，仍保持爽脆彈牙的口感，彌補了一些分數。下次要吃回真正的主角，牛腩！仲有，奶油豬！

今日路經灣仔集成中心，見到地下新開一間麵店，內已坐滿好多人，相信資素唔差，故特意一試，打開餐牌，一個套餐包一碗麵和一杯飲品，$40.00，不算平宜，單一碗腩河則$35.00，主打為牛腩，可叫肥D，瘦D，和半肥瘦的牛腩，當然有坑腩，崩砂腩...等牛腩叫。我保險D，叫咗牛腩撈麵，要$41.00，清湯來時，先試一口，尚算清甜，撈麵到來時，牛腩非常對辦，一半筋，一半肉，食落有牛味，還有咬口，跟着食麵，麵質麻麻，沒有口感，梘水味强，要落醋才可以食完碟撈麵。總體來說，可以一試，當然，如果他們的河粉掂的話，評分就會高。