新仙清湯腩 (已結業)

行經188見到附近有個新仙清湯腩的廣告平時頗為大食的我剛好又不太餓在沒看過食評之下便走進了這間在集成中心的「咖喱專門店」雖然說是「咖哩專門店」，但店內都是蔡瀾誇讚店鋪的「清湯腩」的標語服務我的是一位男侍應態度算不錯爽快地便叫了常餐A 新仙清湯腩河 - 44元加一杯 凍杏霜 - 2 元五分鐘不用全部就上去齊牛腩河可以選擇牛腩的喜好 - 瘦啲、肥啲、半肥瘦、淋啲等等上來的擺陣算比較有心思蔥都是用湯匙分開盛載像我女友不吃蔥就能輕鬆解決問題牛腩來說不過不失上來的牛腩果然夠瘦配上一條牛根不算好吃但絕對不難吃最有驚喜的反而是那凍杏霜我是近這年才開始懂得欣賞這飲品在不少茶餐廳喝到不同的「品種」通通都是「有少許杏味的奶水」唯獨這裏我一喝，味道很陌生，杏仁味之濃完全caught me off guard！絕對推薦看了其他食評看到有一位服務很差的侍應回想用膳過程的確聽到一位戴眼鏡的阿姐正在呼喝另一位食客，內容大概是食客不懂某些牛腩的分別而問多了幾句，阿姐立刻就非常不耐煩地大聲解釋，確實是非常不友善，變相扣了分。埋單46，或許有緣會再來

如果想去依間餐廳或者買佢既團購, 可以睇完以下既經歷先再諗下值唔值得! 因為唔單止食物唔單止無質素可言, 你更加會嬲到一肚氣 , 仲有來自內地既健碩女待應會出手掌摑! 最後要報警處理!!前日我屋企人拎住團購換領卷, 一心去試下依間所謂"米芝蓮"既清湯腩面同馳名牛月利 . 點知黎到清湯腩面D清湯味淡如水不特止, 咬左一啖D牛腩, 竟然仲韌到咬都咬唔開. 之後碟牛尾仲嚴重, 就得4塊手指節咁大塊既牛尾, 其中2件仲要係骨黎既, 另外2件就薄到風都吹得起!雖然係團購姐, 都無理由擺住個蔡爤既生招牌加米芝蓮海報但比D野食咁既質素! 於是叫左個待應問可唔可以換過個只係咬過一啖既清湯腩面同完全無郁過既牛尾, 點知在旁另一個操內地口音既女待應好惡同態度惡劣咁大聲講話:"無得換架啦, 係得依D, 係食就食唔X食就吧就!" 聽完之後係人都火啦! 當人地乞兒咩! 問佢換野食又唔可以退錢又唔可以, 我屋企人一怒之下就擲左碟牛尾落地! 最恐怖既事就係: 之後個個來自內地既健碩女待應衝上前, 好大力咁扯住我屋企人把頭髮, 然後左右大巴大巴咁出手掌摑佢塊面!!! 我屋企人副眼鏡即時被摑到跌左去老

大街小巷皆可見的牛腩面是香港普通食物之一，但是往往普通的才難有突破。灣仔的這間清湯腩店在商場內較隱蔽的一角，如果不是商場外的廣告牌，根本很難發現它的存在。 店內環境比一般麵店稍為闊落精緻一點，當然這一點在食物價錢上亦有所反映。這裡的餐牌厚厚的一本，內容可謂應有盡有，口水雞、巴基斯坦咖喱、常餐、茶餐、至尊套餐......越睇越無頭緒，於是返璞歸真只單點一碗＂招牌清湯牛腩河＂。 先喝一口湯，湯頭清甜，隱約有牛骨湯的香味，不知是否有放牛骨進去熬煮。加上新鮮蔥末的香氣，讓人可以一口接一口地喝，總算沒有辱沒＂招牌＂二字。 河粉滑溜有彈性，蘿蔔入味，不過不失。 最後到牛腩......給人有一種天堂與地獄的感覺。天堂是牛肉的香味很濃，一咬下去已經充滿整個口腔。地獄是實在太韌了，費了九牛二虎之力都未能咬斷，最後只好成塊吞落去。可能是某魚對牛腩的認識不深，不懂得order，再有下次的話會先請教店員選擇柔軟一點的部位。 如果不是從廣告牌到餐牌的高調提醒，實在難以想像這是一家米芝蓮食店。說起餐牌，剛好我使用的餐牌上有濃濃的食物味道，明顯是曾經沾到了食物但是店員卻沒有清理乾淨。是日下午茶時間見到店內多位員工并

幾年前在佢未有米芝蓮時去過油麻地店，水準高，但最近在這間試了幾次，好唔得，湯底全油，肉鞋口，昨天吃的那個牛肚更有牛騷味，好唔得，侍應姐姐好悔氣。。。幾年前的米芝蓮去了那裡？令人嘆息

如果你想受氣 , 請馬上去呢間食店, 一定另你滿意....之前在網上買了這間茶餐廳團購，昨天二大一細. 放假,經開灣仔, 諗住試下啦. 我之前都無去過呢間食店.就這樣, 出事了.見到有位, 坐下. 叫人落單, 唔該前, 唔該後, 無人理. 見有位女樓面 , 一路收枱, 一路大大聲鬧,剛剛埋單走既一對老人家 , 話兩老, 埋單唔攞張單出櫃台等等.......終於有位女樓面 , 放低張白紙及原子筆, 叫我自己寫低食野 + 飲野,我都重可以算了 ..... 如事者, 再唔該前, 唔該後. 都係唔理我, 都開始有D氣 終於見有位女伙計行緊過黎, 兩手空空 , 就伸手叫她.... 唔該 , 就係我前面走過,唔理我. 重講, 你搵另外伙計啦, 我好忙.我令轉頭同佢講, 嘩...... 重有無可以再差D , 米之蓮 ?? 佢馬上回應我, 我好忙架, 老闆唔請人就係架啦.一連串, 大大聲聲的罵聲, 罵老闆 + 罵客人好, 不能盡錄..... 極差 x 10000 !!! 最後, 見我女兒,開始眼濕濕 , 我要走了 !!!出櫃檯 , 拿回已付款之團購 COPY . 掉在垃圾桶. 一肚氣

行過見到好多人，原來有團購，以為好好味，冇諗一碗咁普通嘅牛腩面可以整到咁超級難食，叫左蕃茄牛腩面，好細碗，湯底無味，牛腩咬唔開，成為$42, 好失望仲話牛腩最出名，下次吾好貪方便

《新仙清湯腩》，早幾年前我已經聽過此名字，當時我吃過剛開業的佐敦店，覺得平平無奇，感覺不值得我去加推。人要進步的，食店也同樣，要大展拳腳，要長做長有，就一定要進步。而《新仙清湯腩》就在這幾年間，《新仙清湯腩》不斷開分店擴充業務，隨後，更收錄了在米芝蓮指南內，可以說是名成利就。近日，我發現《新仙清湯腩》在灣仔的集成中心開了分店，久未一試的我決定來一嚐。牛肉的分類非常之多，單是牛腩，已經可以分出好多個不同名字，不同口感的類型，而且是各有各精彩的。是日我要的牛腩，叫做沙腩，這一邊的腩，以腩我瘦肉為主，夾層帶有一片軟組織，而就是這一個軟組織，帶來無比的牛肉香，再者，雖然是清湯底，但不會令牛肉變得沒味道，香濃的牛肉味完全地保留在牛腩肉內，而且入口香腍，一絲絲的牛肉，咬開更有爽的一聲脆，這一碗牛腩麵，我可以說是絕對的好。多年沒來，以現在的味道同剛開業的味道相比，的確令我另眼相看。

之前食過一兩次都OK, 諗住再去食, 今次徹底失望, 以後都唔会再去晚飯时段但冇乜人, 都心知不妙 我哋叫左个二人餐, 呢个餐之前食過份量都OK，加价都預咗, 見加＄10-20 都接受, 點知碟雞份量少咗, 而且係冇乜肉,仲要係雞翼,係二人餐但份量少到不得了, 問下个四眼姐姐佢話係咁多喎,話唔要雞翼佢又話冇得換, 轉身就走開, 完全唔理你感受, 我之前食過份量都可以接受,  但加咗价仲要少成咁, 條氣就好唔順, 火都嚟埋 牛腩又冇問我要肥定瘦, 來咗碟半肥瘦, 但肥膏多過肉, 成碟嘢都唔熱, 只可以話係暖暖哋,  又冇乜肉, 又肥又凍, 根本就好似冇滾熱過咁, 試想下一碟唔熱又硬嘅半肥瘦牛腩係幾咁難食 唯一保持住係个雲吞熱騰騰, 同兩杯凍飲啫。千祈唔好相信佢個米芝蓮BANNER, 一啲都唔信唔過, 水準同初初開時差得多, 而且啲服務態度差都不得了, 成日掛住傾偈, 一間茶餐廳格局, 但个餐都要成$128-138 (好似係, 太嬲忘記了), 感覺好似俾人欺騙咁,總之以後請我都唔會再去, Never try it again

記得新開店時~很多人在排隊~很難等位~第一次去食o既時侯清湯腩河的湯真的很清~飲落去好清甜~半肥瘦的牛腩好腍~牛腩新鮮冇肉"騷"味~好耐冇去食新仙了~今日食晏跟同事一起去新仙~今日唔係好多人~一入去就有位了~太耐冇食都係保守D點招牌清湯腩河套餐配凍檸茶~當清湯腩河送到黎的時侯~已經嗅到.....個湯唔同左~湯的色很濁~湯也不像以前的清甜湯喝了一口~有種難以形容的感覺~不想再喝下去~也不想用鼻子去嗅~湯混雜著一種肉"騷"味~半肥瘦的牛腩~很腍~但肉是凍的~同有"騷"味~唔知係咪老闆娘冇坐鎮定係換左師傅所以水準大降~這新仙很陌生~不是我以往認識的新仙~兩個月前去食的時侯水準還在.......現在應該會好一段時間唔會再去食新仙了~

行經軒尼詩道集成中心，被一個以名人食評家標榜美味的易拉架所吸引。食店以食清湯腩為主，這亦是我其中的一種最喜愛美食，所以完全不用考慮就行進店內。 店內人不多，下午接近一時大約坐了八成食客左右。點了招牌清湯牛腩飯。那位侍應姐姐還主動地問要肥一點還是瘦一點，我便要求了瘦一點，但端上來時就覺得是多此一舉，因為整碗牛腩裡起碼有兩、三件還是很肥（有成半是肥肉）。可能廚房有廚房做、點菜的有點菜寫，或是如果唔指定的話就成碗都是肥的。吃清湯牛腩我第一件事會做的就是先試湯，這裡的湯很膻。對我這個牛癡而言，如果我亦覺得膻的話，相信很多人會接受不了。湯除了膻之外，味道亦比較淡，相信吃開其他清湯腩專門店的顧客可能未必會習慣。蘿蔔很明顯煮得未夠透，而牛腩亦稍嫌炆得未夠林。在整體味道上來說，如果以一般茶餐廳作標準，勉強還可以接受。但如果以清湯腩專門店來作比較，那就不合格了。下次會試試佢地另一個標榜的咖哩，看看會否好一點。

友好之前推介過這間米芝蓮食店，今天剛巧在附近，便來試試。食店位於一商廈的地鋪，裝飾光亮，門口貼滿宣傳廣告，名食家嚴選食店，連續3年獲取米芝蓮食府的榮譽等等。分別點了一個清湯牛腩河（下午茶餐）及一個蝦子牛腩撈麵（單點），原本想點坑腩的，但店員説已賣清。先來的清湯牛腩河，呷一口湯，沒有任何味道，真的是清湯呢！牛腩算是半肥瘦的，但吃不到牛腩獨有的香郁味，更吃不出到底是用新鮮牛腩還是冰鮮牛腩制成，炆得亦不算太腍，份量只有幾件，河粉還算幼滑， 蘿蔔的味道亦很清淡。蝦子牛腩撈麵，附送的上湯比牛腩河的湯味道要濃一些，但牛腩份量仍然是只有幾件，當中還有2件幾乎全是肥肉不能吃，蝦子還好仍有蝦香味，但份量只覆蓋了部分幼麵上，幼麵份量較多，但煮得太腍之餘，亦有厚厚的鹼水味。同行的友人説這店是分店，總店位於土瓜灣，年多前開業時曾經來吃過，味道是不錯的，但今天再來則覺得質量差了很多呢！到底是分店的水準參差，還是質量下降呢? 只能說如果是慕名而來的, 多半會失望而回了!店方除了著名的牛腩外, 還提供很多其他食物的套餐。

朋友見到有米芝蓮推介成日都想試，我就覺得有蔡X推薦反而要特別留神。因為好多時呢啲嘜推介嘜推介都係屬蟮稿居多。叫了一個百多元嘅招牌清湯腩二人套餐，另加一個西洋菜，整體味道都唔錯，價錢還可以。但最乞人憎嘅就係班女侍應嘅態度，當時電視正在播放，睇到一半嘅時候忽然電視轉了台到亞視嘅國際台，初初以為來了個高文化嘅老外要求睇英文台，環顧周圍食客個個都自顧自睇手機或者食緊嘢，唔似係有食客要求轉台。後來發覺原來國際台當時係播賽馬，女侍應落咗馬攬，所以急於轉台，廚房大佬都響廚房伸個頭出嚟睇，仲問邊個咁醒目，個女侍應仲好自鳴得意咁話醒添!我叫個杯熱冰糖薑汁薏米水終於到嘞!一飲落去應該叫薏米滾水，有啲啲薑汁味但係就完全冇甜味!我同個阿姐講，佢居然睇都唔睇，試都唔試就話每個人接受嘅甜味都唔同，你覺得唔夠甜嘅話可以放沙糖!嘩!呢啲咩態度!?埋單嘅時候我問個收銀:個收銀答我話:。同我講唔好意思嘅時候仲望都冇望我一眼。總言之樓面班伙計都係咁差!所以我好質疑佢個米芝蓮係點攞番嚟嘅，皆因米芝蓮係比較著重服務多過味道!呢啲咁嘅食肆咪使旨意我再幫襯，再好食都係假，有錢驚我冇地方食?

如標題，不知所謂，下午三點幾同女朋友經過就諗住入去醫肚，坐左響卡位，嗌個四眼侍應阿姐落單，佢好勁咁隔左成張枱咁落單，可能我地有傳染病掛 ，跟手叫左個咖哩牛脷飯，清湯腩河，個牛脷飯無咩野（或者我睇唔到），但個招牌腩河就極品了，成個碗好似唔係用洗潔精洗，用左油去洗咁 ，算了，點知個腩河上面D油真係多到呢，從未食過清湯腩係咁嘅，仲有，女朋友食左兩淡之後，發現左D野 ，之後成碗再無食過喇，噁心到呢！急急埋單，我同個阿姐講你碗野咁喎，佢就話：哦。我無語...你厲害，之後去左另一間再食過，以後真係請都唔再去，米芝連喎 ！（因為憤怒得濟唔記得影相）

I wasn't intending to dine here but the noodles in tomato broth looked good so came here.This place has been recommended on the Michelin guide but not many foodies recommend this place.According to the note, it says tissues and cutlery can be found in the drawers.When you look in the drawers, there are no tissues.★☆★☆★☆★☆★☆★☆★☆★☆★☆★Noodles with tomato, liver and wontons:Looked like shxt and tasted like shxt and not in a millions years could it be compared to SingHeungYuen.The broth was too sweet

早幾日前，本人行經灣仔，偶爾見到街邊易拉架廣告，先知集成中心商場裡面有間米滋蓮推介新開張嘅“清湯腩”麵館，於是就尊誠入去試試，不過接住落嚟就開始受氣喇；我一坐低就有個高高瘦瘦帶眼鏡嘅侍應阿姐聲大大過嚟問我：(阿姐)食咩呀？(我)一碗崩沙腩河，一碗坑腩河，(阿姐)（面向厨房嗰邊大大聲唉）喂……有冇沙腩呀？（厨房)有。一陣啲嘢先後嚟到，不過崩沙腩同坑腩都唔够淋，仲有好大陣蘇味，但湯底又太咸，食物同態度需要大大改善。講返轉頭個阿姐直情當間店舖好似街市喺度賣菜咁，簡直不知所謂，極之冇禮貌，落單嗰時又呼呼渴渴，最離譜嘅就係當佢幫我落完單之後，亦係我啱啱去完洗手間返嚟嗰時，竟然見到張單連埋個單夾排咗落喺地下度，真係唔明佢點解要咁樣嚟整古我？之後有個矮啲嘅亞姐啱啱經過先順手幫我執返張單上嚟。 總而言之一句，啲服務態度真係差到冇朋友，啲侍應阿姐完全一啲專業水準，一啲禮貌，以及一啲素質都冇！食物又唔掂…………總之就係：“差差差”。仲話係“米芝蓮”推介哦！失禮死人，以後想我再幫襯都幾難。