1
0
2
以上資料只供參考, 請與餐廳確認詳情
星期日去飲早茶, 諗住可以好好地食小小野啦, 點知...落完單叫野食之後, 好快就有野到, (我地都係叫左點心~) 全部都係涷既, 同阿姐講話d野凍, 阿姐話: "哦, 咁同你"丁"番熱佢啦, 不過你有排等架!" 語氣又差, 態度又差; 算啦, 廢事一陣丁完d野仲唔食得, 又等左一陣, 另鯡叫左既食物到啦, 以為會好d啦, 都係凍既, 而且d味好似有d叔叔地, 三十分鐘之內埋單走人, 點知等人幫我地埋單都仲要一段好長既時間... 期間, 留意到一樣野, 有好多茶客同d侍應完來好熟, 一邊飲茶, 一邊同佢地傾計, 仲有d會一齊食野, 唔怪得冇人理我地, 而我地叫既野又咁有問題; 原來我地冇同佢地一齊食!!
繼續閱讀
前幾個星期同左屋企人去食晚飯.. 如果無記錯應該係星期一.. 大約晚上8點入座.. 人唔算多. 所以唔駛等就有得坐叫左幾個小菜同埋上湯龍蝦伊麵底落單時已經講左2次話係上湯. 唔係芝士落完單之後個阿姐突然行返轉頭"係唔係芝士呀?"於是我地又再重申一次係上湯結果依然係比左芝士龍蝦伊麵底我地就係因為怕芝士太肥膩所以先叫上湯於是唯有同返阿姐講: 點解係芝士?阿姐立即以一個頗差o既態度話: 你地唔係嗌芝士咩?!我地就再解釋返頭先前後總共講過3次係上湯. 而其中一次佢亦都曾經特登走返轉頭問我地於是阿姐就去同個部長講返部長行左過黎 (我以為部長會好聲好氣咁講:"唔好意思. 等我同你轉返"之類的說話)點知唔係, 佢一行過黎就好串咁話: 你地頭先明明嗌芝士咖ro!!!我心諗: 我地落單o既時候你都唔o係附近. 點可以因為阿姐o既片面之詞而一口咬定係我地錯?然後屋企人都忍唔住同返個部長講我地真係嗌左上湯.. 我地因為健康著想連其他小菜都嗌少油.. 所以我地又點會嗌芝士呢?最後佢地都有再換過比我地... 不過當然成碟殼多過肉.. 味道亦十分之一般啦阿姐仲要走黎加水o既時候好不忿咁話: 係! 聽左3次都錯係我唔o岩!其實我覺得阿姐一心就認定我地係叫芝士.. 就算我地講10次係上湯. 依然會錯本人對食物要求唔算高. 但係以今次o既服務態度黎講我以後一定唔會再去幫襯!!!
繼續閱讀
早前小弟行經北角渣華道,見到粵華酒店內的酒樓,由原來的鳳城酒家改為新光宴會廳。提到新光酒樓集團,自然令我想起多年前,位於柴灣新翠花園商場的新光酒樓,記得當時我只是一位小學生而矣。不經不覺,新光酒樓集團在香港飲食界,已經擁有超過十年的歷史。家中的爸爸及媽媽二人,常常喜歡將"飲茶"二字掛在口邊,而星期一正好是小弟的放假日。早上經過一番商議之後,決定中午前往新光宴會廳試試點心,然後再去百貨公司購物。到達酒樓還未到下午一點,我們唔需要等位。坐下來之後,花了幾分鐘去研究是日的午飯。其實午市有許多選擇,不過有一個午市自選套餐推介,內容包括一碟白灼生菜、一款至尊燒味、一款精選粉麵及三款精選點心,價值HKD$148。和爸媽二人商量過後,馬上落單。今次選擇了脆皮燒腩仔、銀芽肉絲炒麵、蜜味叉燒飽、上海小籠飽和蠔皇鮮竹卷。不消三分鐘之後,生菜及燒味等等的食物都陸續送到。此時大家都急不及待,拿起碗筷「開餐」。白灼生菜 - 雖然是一碟很普通的灼生菜,但是起碼在灼菜時,並沒有直接加入油份。望落碟菜雖然「好旱」,但是合乎健康原則。與此同時,點菜的豉油亦是分開送上。脆皮燒腩仔 - 就現場觀察所得,這裡的燒腩是分為五層,見到是肥瘦相間,層次亦分明。雖然外皮真是香脆,但是味道上略為鹹了一點。反而拌碟的麻油海蜇,更見得爽口彈牙,還加入了少量的指天椒位,非常惹味。銀芽肉絲炒麵 - 麵底煎得金黃而入口香脆,見到有許多銀芽和肉絲,茨汁本身又不會太濃太搶。蜜味叉燒飽 - 一籠有三件,將叉燒包撕開之後,見到裡面的叉燒餡夠晒色。上海小籠飽 - 一籠有四件,外皮本身比較薄,裡面的餡又充滿肉汁的鮮味。為避免令肉汁流走,每一個小籠飽都有一個迷你餅盤盛載,非常貼心的安排。不過在餡料的調味上,較為鹹了一點,希望下次可以輕手就更好。蠔皇鮮竹卷 - 同樣地一籠有三件,餡料包括甘荀絲等等。其實蠔皇鮮竹卷,餡料固然是重要,但是茨汁的調配上亦同樣重要。今次在新光所見的蠔皇鮮竹卷,茨汁的稀稠度是剛剛好。既不會太稀,也不會太稠。說起侍應的服務態度,所見的有好也有壞。有些服務員是主動幫食客的茶壺加滾水,而部長主任亦主動向我推介晚飯套餐。小弟一時興起去留意水池內的海鮮,這位部長主任亦介紹海鮮的品種。這些積極的做事態度,值得一讚。只不過在我用膳期間,亦見到有兩位服務員,因為工作調配上出現誤會而發生爭吵,需要部長主任去調解。其實作為服務性行業,特別是涉及飲食行業,人手雖然多但也少不免會有一些誤會。小弟認為在食客面前互相爭吵,不但失禮於人前,而且會令食客們對食肆留下一個壞印象。另外有一位服務員,在傳菜期間只顧和身邊的同事談話,似乎已忘記了傳菜這回事。雖然這只是一件小事,但也令食客懷疑有關服務員,對工作本身的專注力。在小弟的記憶中,新光宴會廳進駐粵華酒店只是一段短時間。未來的道路仍是漫長,他們所面對的客源也愈來愈多。希望酒樓方面的領導,能夠時刻和員工們檢討工作調配和提高工作時的專注力。而是日的午餐,連同三位茶芥(共HKD$15)及加一服務費,共銀HKD$179。雖然銀包內要付出金錢,但是能夠與家中的至親一同品茗,的確是一件難能可貴而又令大家暖在心頭的事情呢!!
繼續閱讀