新光粥店 (已結業)

上次聽其他食客講「蘿蔔糕好正斗」😋今次我叫咗1碟試吓另加蛋黃咸肉糉⋯⋯肚餓得滯食晒碟糉先黎影相之後問老闆咩粥最多人點，原來係「艇仔粥」同「皮蛋魚片粥」個人喜好艇仔粥就試試果然唔錯！下次經過寶寧街，必定再來食皮蛋魚片粥！眼闊肚窄勿試晒三款 飽到「鱷魚朝天」

味道一個字，差！傳統美食如腸粉炒麵炸兩通通好難食，啲腸粉粉太少，軟林林一夾就散，油炸鬼唔係即炸，放好耐硬晒舦，炒麵麵質冇味道，好似食咗一啲劣質麵粉同埋化學物質入肚。衛生情況好麻麻，阿姐指甲會插到粥裡，炒麵亦夾到天一半地一半，放上抬啲麵就掂到檯面。最主要嘅係，粥用成擔火水煮成，非常懷疑內裡隱含好多毒素。街坊生意係就係做咗幾十年，但好多人同我一樣，都係冇錢嘅時候先至幫襯，如果你想食碗靚粥或者享受傳統小食，咁我就非常之唔推薦啦。

隱藏在排檔之後，小巷角落，有這間傳統粥店，叫了碗牛肉粥、咸肉糉及綠豆沙。牛肉粥的粥底幾香，雖然叫細碗，但其實都不細。咸肉糉有點驚喜，我用筷子將糉分開四份後，吃了一會兒粥之後才食糉，但那時糉仍然很熱及燙口。綠豆沙不算太起沙，但海帶幾多，感覺幾清熱。跟粥一樣，雖然叫細碗，但份量都不是太細。

對上一次嚟係好夜吓，食糖水，但印象中吾夠熱，呢間係一間好老字号嘅粥店嚟，今午嚟開佐敦，諗住食粥所以嚟呢度試吓……我只叫了艇仔粥，夠熱，都好足料，加上蔥花很香，更加好味，但就沒有花生，間間粥店做法不同，因為距離晚餐時間近，所以冇叫其他嘢食……食緊期間，我見到有個女人叫咗皮蛋瘦肉粥及腸粉，見佢面口，應該啲腸粉凍吾好食，咁我又吾知，下次試吓……呢間店冇裝修，擺設陳舊，同幾十年前啲舖面一樣，正是懷舊feel，服務就冇乜，不過比錢時，至少有人會同你講聲：多謝，這些說話，吾係間間舖嘅收銀會同你講架，可能呢間算出名，又位於油尖區，所以艇仔粥的價錢同出面呢啲格局嘅粥店差不多（18-20元）……當然比起羅富記，池記，新釗記就真係平好多了……

<舊式粥鋪要好好珍惜>喺佐敦 c出口 寶靈街俾好多露天既市集鋪阻撞住 但其實兩邊橫街都有唔少舊式野食 😄 呢間新光粥店 睇個陳設 樓底高 掛住舊風扇 陳舊既圓枱圓櫈 估起碼開左 幾十年 食既就係粥粉麵 炸兩等等 都幾傳統既感覺👍🏻 🍴蘿蔔糕 12 蚊😄其實可以逐件4 蚊買 🥕不過佢牆上面寫住 12 蚊3 件 甘就照叫 😂 佢既份量正常 糕切得厚身 冇肉既 口感比較糕 d同厚 d而佢個味道都幾蘿蔔既 . 充滿蘿蔔香 🥕帶 d juicy . 整體可以 但個人覺得如果煎香 d 更好 🔥 間中經過都會幫襯 多多支持傳統舊店 🍴炸兩 12 蚊🔥12 蚊炸兩有三行切成10 幾件 都幾多 份量加分 味道方面一般 因為佢入面既油炸鬼可能放耐左唔夠脆 但出面既腸粉皮夠爽滑 呢個就加番分 👍🏻 點番甜豉油 辣醬 🌶 都唔錯既#粥品 #炸兩 #油炸鬼 #豆漿 #蘿蔔糕 #甜醬 #辣醬 Score 平均分 <6.4/10>Taste 味道：👍🏻👍🏻👍🏻Present 外觀：👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻

因為每星期六都會去佐敦上堂，新慶粥店比較近，我都去食過幾次，味道正常，沒有什麼特別，有幾次我見過大蟑螂，所以吾夠膽坐得耐。事緣我今次去食，叫左個艇仔粥，服務員送上粥時，我見個碗大左，我同個服務員講，我要細碗喎，她說:係細碗黎既。我見個碗粥吾係滿的，心諗可能d細碗用哂啦。咁我食哂之後，付款時另一個長髮的服務人員向我收大碗價錢，我話，吾係喎，我問左你同事，佢話係細碗我先食(因為我平只會叫細碗)，跟住個服務人員話佢按碗收費，我話我知，但係我已經再reconfirm我要細碗，個服務員話係我先食。她同我講左好耐，跟住送碗粥俾我個服務員係廚房出黎，收我錢個人大聲問個服務員我係食大定細，佢話大。我真係唔高興，我話你地欺騙客戶，之後佢不情願收我細碗價錢，我出門口，她一路臭罵我食完吾俾錢，我立即返轉頭俾返3蚊，吾想欠人。服務態度如此惡劣，衛生環境又差，永不光顧。

我平時一般吃艇仔粥，喜歡足料豐富，味道多樣。在此店看到皮蛋魚片粥的健康配搭，心想皮蛋和魚片一般粥店都有，但兩者配搭一起真的未嚐過，便試一試。皮蛋軟而有彈性，味濃；與較清淡而沒有腥味的鮮魚片配搭得宜，吃下挺舒暢。

今日午餐想食清淡D.記得遊走佐敦時, 好似有間粥店,一於過去找一下吧!搵到了, 裡面都好多人喎, 唯有搭枱.抬頭見大大塊MENU, 价格OK喎, 每款不超過20元最終點了艇仔粥及炸腸艇仔粥 細碗HKD 16配料: 蔥花, 肉肉米粉, 魷魚, 豬皮不是綿綿粥底, 仲見到完整的米粒入口鹹度適中, 不用再下胡椒粉.細碗份量, 對女生已經很足夠同店內其他男客都是點細碗呢.炸腸 HKD 10很久未嚐過這個了.一碟的份量OK,炸腸是預先做好, 放在近門口處, 叠起幾層.豉油是上菜前才淋上,內裡的油炸鬼是軟的, 這個可接受.自行淋上花生醬, 甜醬,再配上艇仔粥, 好味.回頭再看看廚房, 原來腸粉, 炸腸, 油炸鬼都是自家制作.難怪質感與"海皇"大品牌有出入.大品牌通常是大量訂購原材料, 大量生產,多多少少都設法增加保存期限 而這家自己廚房, 每日不斷制作,增加了我對這店的信心. 再者, 香港旺區的粥店已經賣少見少了,如今公司附近有此一家, 而且价格相宜, 質素亦OK.相信我會常常來光顧.

病加上寒冷的天氣，不同國家的人會吃什麼？日本人可能來一碗熱的拉麵，韓國人可能來一碗鮮牛肉或海帶湯，上海人來清湯䓤麵，香港人就多數一位綿綿的白粥。。。 天氣清涼，很少主動吃粥的我，近日可能太奔波病了，也為自己身子着想去吃一些熱東西。 單一粥的專門店在尖沙咀佐敦不多，病時要找碗粥也幾吃力。走開佐敦突然想一間從小到大也經過但沒有進過的粥店-新光粥店。 怎樣是一碗好味的粥？首先不要有味精！期次水與綿的米要合比例，太多水似湯太少水似湯飯或糊仔，好像上海粥，個人不喜。要有蔥花及薑絲令平淡的粥加點鮮味。最後，料要平均。 這裡的，剛合格。但是不會特別回想，反而友人在旺角買的好像比這裡好，什麼又做到剛好。但不知店名。 價錢是佐尖區價。15 小18大。有分大小價對女仕是個好選擇，加分！ 店裏的掛鐘，碗，格局，和枱也很懷舊。店面大很老了，我估它是私人擁有的。珍惜老店!店員親切主動，但衛生一般。

是日有點事要落佐敦，但因為之前太多野攪，就連午飯都錯過，結果係餓住個肚。行到門口，實在忍唔住，加上此類粥店，一向都係好快有得食，而自已又係食得快之人，未坐低已經叫左碗艇仔粥，另外再加一碟牛肉腸粉，粥是廣式開花米粥，當然用豬皮頂魚肚，不過都好爽脆。牛肉腸粉好厚皮，牛肉是用免治牛肉料，醃味重，甜豉油調教得不錯，但水準都係麻麻！如果想好少少都唔會黎。

第一次光顧這間舊式粥品店。點了艇仔粥及炸兩。艇仔粥(大)18，小$15，加$3 有大碗幾抵食. 碎牛好味道及豬皮都幾足料，尤魚得幾條及細細條。粥底好好味道。鏈鎖粥品既豆粉水打芡無米粥邊有得比！臨走時見員工在粥底內摷了兩大o舊肉出來，估計是瘦肉，亦可令粥有味之餘，又可煲熟瘦肉，一舉兩得！讚！炸兩，order 了15秒內即到，凍既，炸鬼已經全腍了！完全不好味。不提也罷~

晨早在體驗前來到這間已有一段歷史的舊粥店吃東西。一踏進店內便發現十個人裡面有八個以上都是來自強國的，若神志不清醒一點的話差點便以為自己是身處內地呢....本想只吃一碗白粥清清腸胃，但一坐下來胃液便開始在體內翻騰，饞嘴之心又起，卒之最後要了艇仔粥加碟炸両....炸両的份量不是很大件頭，而且看上去油淋淋的，豉油量又少得可憐，已覺不太對路；夾了一件放入口....那油條完全是隔夜feel的，淰得十分離譜，尤如是將一串濕水炮仗放入口一般，濕濕淰淰的極其難受；粉皮的質地有點嚡口，對喜歡滑溜溜腸粉的我就更是不爽....艇仔的粥底竟是一絲味道也沒有，就像在吃加了材料的白粥一般。唯一能安慰一下自己的是，起碼食完這粥之後應不會喉頭發痕啩.....牛肉米粉碎份量很少，豬皮條又是剪至碎濕濕的....究竟這是怎麼攪的 ?....以這般水平的粥品油器，用來騙騙強國人還可以，但對我這種從小就吃港式粥品吃大的人來講，就只是一樁笑話而已....

剛剛去，叫了一碟炒麵，一碟腸粉。東西上桌後，阿姐問一句：「還有沒有其他？」我回答：「沒有了。」阿姐回過身，隨即遞上一碗茶。很意外，愕然中向阿姐道謝一句。細心得像媽媽一樣。

是日下午要找到地方等朋友, 路經此地, 想起兒時到過的這店仍然存在, 便立意進去懷緬一下四周環境變化不大, 只是加裝了很少現代化東西如空調, 但天花依然保留著大風扇, 枱櫈依然是舊有的木面脚, 移動時發現不好聽的聲音, 很難得一切仍在! 牆上的紅色餐牌亦很懷舊, 只是價錢一改再改不知多少次了...內裡的炸油鬼微暖, 不是最脆及熱, 外層的粉皮很薄, 上面還有豉油我自行加了枱上任用的芝麻,辣醬及甜醬, 但怎也不夠美味, 怎也蓋不過原有很咸的豉油呢......... 這不會令我以後不再光顧這裡, 我有機會路經必會再一試其他粥品或油器呢!

7元一碗紅豆沙, 算是低價, 不過一看賣相, 這碗糖水的色水, 都知道是唔妥,那些紅豆是碎晒, 連紅豆皮都散晒, 沒有任何豆味的. 味道淡, 幸好無有其他異味混入, 記得有一次來這店食這款紅豆沙時, 是有陣燒焦了的燶味.若然下次來這店, 都是食番 能保持水準 的白粥 及 糉.這兒的環境都幾雜亂, 處處都有貨物及雜物擺放, 冷氣不算很勁, 因這店是沒有門關上, 開放式的設計會走掉冷氣的. 盛夏時會食到流汗.